| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. পঞ্হপুচ্ছাসুত্তং
5. Pañhapucchāsuttaṃ
১৬৫. তত্র খো আযস্মা সারিপুত্তো ভিক্খূ আমন্তেসি…পে॰… ‘‘যো হি কোচি, আৰুসো, পরং পঞ্হং পুচ্ছতি, সব্বো সো পঞ্চহি ঠানেহি, এতেসং ৰা অঞ্ঞতরেন। কতমেহি পঞ্চহি? মন্দত্তা মোমূহত্তা 1 পরং পঞ্হং পুচ্ছতি, পাপিচ্ছো ইচ্ছাপকতো পরং পঞ্হং পুচ্ছতি, পরিভৰং পরং পঞ্হং পুচ্ছতি, অঞ্ঞাতুকামো পরং পঞ্হং পুচ্ছতি, অথ ৰা পনেৰংচিত্তো 2 পরং পঞ্হং পুচ্ছতি – ‘সচে মে পঞ্হং পুট্ঠো সম্মদেৰ ব্যাকরিস্সতি ইচ্চেতং কুসলং, নো চে 3 মে পঞ্হং পুট্ঠো সম্মদেৰ ব্যাকরিস্সতি অহমস্স সম্মদেৰ ব্যাকরিস্সামী’তি। যো হি কোচি, আৰুসো, পরং পঞ্হং পুচ্ছতি, সব্বো সো ইমেহি পঞ্চহি ঠানেহি, এতেসং ৰা অঞ্ঞতরেন। অহং খো পনাৰুসো, এৰংচিত্তো পরং পঞ্হং পুচ্ছামি – ‘সচে মে পঞ্হং পুট্ঠো সম্মদেৰ ব্যাকরিস্সতি ইচ্চেতং কুসলং, নো চে মে পঞ্হং পুট্ঠো সম্মদেৰ ব্যাকরিস্সতি, অহমস্স সম্মদেৰ ব্যাকরিস্সামী’’তি। পঞ্চমং।
165. Tatra kho āyasmā sāriputto bhikkhū āmantesi…pe… ‘‘yo hi koci, āvuso, paraṃ pañhaṃ pucchati, sabbo so pañcahi ṭhānehi, etesaṃ vā aññatarena. Katamehi pañcahi? Mandattā momūhattā 4 paraṃ pañhaṃ pucchati, pāpiccho icchāpakato paraṃ pañhaṃ pucchati, paribhavaṃ paraṃ pañhaṃ pucchati, aññātukāmo paraṃ pañhaṃ pucchati, atha vā panevaṃcitto 5 paraṃ pañhaṃ pucchati – ‘sace me pañhaṃ puṭṭho sammadeva byākarissati iccetaṃ kusalaṃ, no ce 6 me pañhaṃ puṭṭho sammadeva byākarissati ahamassa sammadeva byākarissāmī’ti. Yo hi koci, āvuso, paraṃ pañhaṃ pucchati, sabbo so imehi pañcahi ṭhānehi, etesaṃ vā aññatarena. Ahaṃ kho panāvuso, evaṃcitto paraṃ pañhaṃ pucchāmi – ‘sace me pañhaṃ puṭṭho sammadeva byākarissati iccetaṃ kusalaṃ, no ce me pañhaṃ puṭṭho sammadeva byākarissati, ahamassa sammadeva byākarissāmī’’ti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫. পঞ্হপুচ্ছাসুত্তৰণ্ণনা • 5. Pañhapucchāsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫. পঠমআঘাতপটিৰিনযসুত্তাদিৰণ্ণনা • 1-5. Paṭhamaāghātapaṭivinayasuttādivaṇṇanā
