| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
7. бан̃хаавааравибхан̇г̇аван̣н̣анаа
7. Pañhāvāravibhaṅgavaṇṇanā
401-403. язхи бажжаязхи гусало гусаласса бажжаяо ход̇и, д̇з бажжаяз бадибаадияаа д̣̇ассзд̇унд̇и яат̇ааггамзна ааг̇ад̇ааг̇ад̇абадибаадияаа д̣̇ассзд̇унд̇и ад̇т̇о. гусало гусалассаад̇и нид̣̇ассанамад̇д̇амзд̇ам̣, д̇зна гусало гусалаад̣̇ийнам̣, агусало агусалаад̣̇ийнам̣, аб̣яаагад̇о аб̣яаагад̇аад̣̇ийнам̣, гусалааб̣яаагад̇аа гусалаад̣̇ийнанд̇иаад̣̇иго саб̣б̣о бабхзд̣̇о нид̣̇ассид̇о ход̇ийд̇и яат̇аанид̣̇ассид̇з саб̣б̣з г̇ахзд̇ваа ааха ‘‘д̇з бажжаяз бадибаадияаа д̣̇ассзд̇у’’нд̇и.
401-403. Yehi paccayehi kusalo kusalassa paccayo hoti, te paccaye paṭipāṭiyā dassetunti yathākkamena āgatāgatapaṭipāṭiyā dassetunti attho. Kusalo kusalassāti nidassanamattametaṃ, tena kusalo kusalādīnaṃ, akusalo akusalādīnaṃ, abyākato abyākatādīnaṃ, kusalābyākatā kusalādīnantiādiko sabbo pabhedo nidassito hotīti yathānidassite sabbe gahetvā āha ‘‘te paccaye paṭipāṭiyā dassetu’’nti.
404. д̣̇ад̇ваад̇и зд̇т̇а д̣̇аа-сад̣̇д̣̇о сод̇ханад̇т̇оби ход̇ийд̇и манд̇ваа ааха ‘‘висуд̣̇д̇хам̣ гад̇ваа’’д̇и. д̇зсан̃хи д̇ам̣ жид̇д̇анд̇и д̇зсанд̇и вад̇д̇аб̣б̣ад̇аарахам̣ сагад̣̇ааг̇аамимаг̇г̇аад̣̇ибурзжааригам̣ д̇ам̣ г̇од̇рабхужид̇д̇анд̇и ад̇хиббааяо . вибассанаагусалам̣ бана гаамааважарамзваад̇и бажжаяуббаннам̣ бхуумид̇о вавад̇т̇абзд̇и. д̇знзваад̇и д̇хаммавасзнзва д̣̇ассанад̇о, д̣̇зсананд̇арад̇д̇аад̇и ад̇хиббааяо.
404. Datvāti ettha dā-saddo sodhanatthopi hotīti mantvā āha ‘‘visuddhaṃ katvā’’ti. Tesañhi taṃ cittanti tesanti vattabbatārahaṃ sakadāgāmimaggādipurecārikaṃ taṃ gotrabhucittanti adhippāyo . Vipassanākusalaṃ pana kāmāvacaramevāti paccayuppannaṃ bhūmito vavatthapeti. Tenevāti dhammavaseneva dassanato, desanantarattāti adhippāyo.
405. ассаад̣̇анам̣ сарааг̇асса соманассасса сасоманассасса рааг̇асса жа гижжанд̇и ааха ‘‘анубхавад̇и жзва раж̇ж̇ад̇и жаа’’д̇и. абхинанд̣̇анам̣ бийд̇игижжасахид̇ааяа д̇ан̣хааяа гижжанд̇и ааха ‘‘саббийд̇игад̇ан̣хаавасзнаа’’д̇и. д̣̇идтаабхинанд̣̇анаа д̣̇идтиязва. зд̇т̇а бана бажчимад̇т̇амзва г̇ахзд̇ваа ‘‘абхинанд̣̇анд̇асса ад̇д̇аа ад̇д̇анияанд̇иаад̣̇ивасзна…бз… д̣̇идти уббаж̇ж̇ад̇ий’’д̇и вуд̇д̇ам̣. абхинанд̣̇анаа бана д̣̇идтаабхинанд̣̇анааязваад̇и на саггаа вад̇д̇ум̣ ‘‘бхааванааяа бахаад̇аб̣б̣о д̇хаммо бхааванааяа бахаад̇аб̣б̣асса д̇хаммасса аарамман̣а…бз… бхааванааяа бахаад̇аб̣б̣ам̣ рааг̇ам̣ ассаад̣̇зд̇и абхинанд̣̇ад̇ий’’д̇и (бадтаа. 2.8.72) важанад̇о, д̇асмаа буримоби ад̇т̇о вуд̇д̇од̇и д̣̇адтаб̣б̣о. д̣̇вийсу бана соманассасахаг̇ад̇ажид̇д̇зсу яат̇аавуд̇д̇зна соманассзна рааг̇зна жа ассаад̣̇знд̇асса д̇зсуязва саббийд̇игад̇ан̣хааяа жад̇уусуби д̣̇идтаабхинанд̣̇анааяа абхинанд̣̇анд̇асса жа д̣̇идти уббаж̇ж̇ад̇ийд̇иби саггаа яож̇зд̇ум̣. ж̇аад̇ивасзнаад̇и сужин̣н̣асааман̃н̃авасзнаад̇и ад̇т̇о.
405. Assādanaṃ sarāgassa somanassassa sasomanassassa rāgassa ca kiccanti āha ‘‘anubhavati ceva rajjati cā’’ti. Abhinandanaṃ pītikiccasahitāya taṇhāya kiccanti āha ‘‘sappītikataṇhāvasenā’’ti. Diṭṭhābhinandanā diṭṭhiyeva. Ettha pana pacchimatthameva gahetvā ‘‘abhinandantassa attā attaniyantiādivasena…pe… diṭṭhi uppajjatī’’ti vuttaṃ. Abhinandanā pana diṭṭhābhinandanāyevāti na sakkā vattuṃ ‘‘bhāvanāya pahātabbo dhammo bhāvanāya pahātabbassa dhammassa ārammaṇa…pe… bhāvanāya pahātabbaṃ rāgaṃ assādeti abhinandatī’’ti (paṭṭhā. 2.8.72) vacanato, tasmā purimopi attho vuttoti daṭṭhabbo. Dvīsu pana somanassasahagatacittesu yathāvuttena somanassena rāgena ca assādentassa tesuyeva sappītikataṇhāya catūsupi diṭṭhābhinandanāya abhinandantassa ca diṭṭhi uppajjatītipi sakkā yojetuṃ. Jātivasenāti suciṇṇasāmaññavasenāti attho.
406. д̇ад̣̇аарамман̣ад̇аад̇и д̇ад̣̇аарамман̣абхаавзна. вибхад̇д̇илобо хзд̇т̇а гад̇од̇и. бхаававанд̇ад̇о ваа ан̃н̃о бхааво над̇т̇ийд̇и бхаавзнзва вибаагам̣ висзсзд̇и, вибааго д̇ад̣̇аарамман̣абхаавабхууд̇од̇и ад̇т̇о. вин̃н̃аан̣ан̃жааяад̇ананзвасан̃н̃аанаасан̃н̃ааяад̇анавибаагаанам̣ вияа на гаамааважаравибаагаанам̣ нияог̇ад̇о вавад̇т̇ид̇ам̣ ид̣̇ан̃жа гаммам̣ аарамман̣анд̇и д̇ам̣ лаб̣бхамаанамби на вуд̇д̇ам̣. д̇ад̣̇аарамман̣зна бана гусалаарамман̣абхаавзна самааналагкан̣ад̇ааяа гаммаарамман̣аа бадисанд̇хиаад̣̇аяоби д̣̇ассид̇ааязваад̇и д̣̇адтаб̣б̣аа. бадиломад̇о ваа зганд̇аригавасзна ваад̇и вад̣̇анд̇зна ануломад̇о самаабаж̇ж̇анз язбхуяязна аасаннасамаабад̇д̇ияаа аарамман̣абхааво д̣̇ассид̇од̇и д̣̇адтаб̣б̣о. яат̇аа бана бадиломад̇о зганд̇аригавасзна жа самаабаж̇ж̇анд̇асса анаасаннааби самаабад̇д̇и аарамман̣ам̣ ход̇и, звам̣ ануломад̇о самаабаж̇ж̇анд̇ассаби бхавзяяаад̇и. ‘‘жзд̇обарияан̃аан̣ассаад̇иаад̣̇ийни барад̇о ааваж̇ж̇анааяа яож̇зд̇аб̣б̣ааний’’д̇и вад̇ваа ‘‘яаа зд̇зсам̣ ааваж̇ж̇анаа, д̇ассаа’’д̇и ад̇т̇о вуд̇д̇о, звам̣ сад̇и ‘‘ид̣̇д̇хивид̇хан̃аан̣ассаа’’д̇иби вад̇д̇аб̣б̣ам̣ сияаа. яасмаа бана гусалаа канд̇хаа аб̣яаагад̇асса ид̣̇д̇хивид̇хан̃аан̣асса аарамман̣ам̣ на хонд̇ийд̇и д̇ам̣ на вуд̇д̇ам̣, жзд̇обарияан̃аан̣аад̣̇ийнан̃жа хонд̇ийд̇и д̇аани вуд̇д̇аани, д̇асмаа гирияаанам̣ жзд̇обарияан̃аан̣аад̣̇ийнам̣ яааяа гааяажи ааваж̇ж̇анааяа жа гусалаарамман̣ааяа гусалаа канд̇хаа аарамман̣абажжаязна бажжаяод̇и звамад̇т̇о д̣̇адтаб̣б̣о.
406. Tadārammaṇatāti tadārammaṇabhāvena. Vibhattilopo hettha katoti. Bhāvavantato vā añño bhāvo natthīti bhāveneva vipākaṃ viseseti, vipāko tadārammaṇabhāvabhūtoti attho. Viññāṇañcāyatananevasaññānāsaññāyatanavipākānaṃ viya na kāmāvacaravipākānaṃ niyogato vavatthitaṃ idañca kammaṃ ārammaṇanti taṃ labbhamānampi na vuttaṃ. Tadārammaṇena pana kusalārammaṇabhāvena samānalakkhaṇatāya kammārammaṇā paṭisandhiādayopi dassitāyevāti daṭṭhabbā. Paṭilomato vā ekantarikavasena vāti vadantena anulomato samāpajjane yebhuyyena āsannasamāpattiyā ārammaṇabhāvo dassitoti daṭṭhabbo. Yathā pana paṭilomato ekantarikavasena ca samāpajjantassa anāsannāpi samāpatti ārammaṇaṃ hoti, evaṃ anulomato samāpajjantassapi bhaveyyāti. ‘‘Cetopariyañāṇassātiādīni parato āvajjanāya yojetabbānī’’ti vatvā ‘‘yā etesaṃ āvajjanā, tassā’’ti attho vutto, evaṃ sati ‘‘iddhividhañāṇassā’’tipi vattabbaṃ siyā. Yasmā pana kusalā khandhā abyākatassa iddhividhañāṇassa ārammaṇaṃ na hontīti taṃ na vuttaṃ, cetopariyañāṇādīnañca hontīti tāni vuttāni, tasmā kiriyānaṃ cetopariyañāṇādīnaṃ yāya kāyaci āvajjanāya ca kusalārammaṇāya kusalā khandhā ārammaṇapaccayena paccayoti evamattho daṭṭhabbo.
407-409. виббадисаараад̣̇ивасзна ваад̇и аад̣̇и-сад̣̇д̣̇зна аад̣̇ийнавад̣̇ассанзна сабхаавад̇о жа анидтад̇аамад̇д̇ам̣ сан̇г̇ан̣хаад̇и, агканд̇ибхзд̣̇аа ваа.
407-409. Vippaṭisārādivasenavāti ādi-saddena ādīnavadassanena sabhāvato ca aniṭṭhatāmattaṃ saṅgaṇhāti, akkhantibhedā vā.
410. руубааяад̇анам̣ жагкувин̃н̃аан̣ассаад̇иаад̣̇инаа вин̃н̃аан̣агааязхи нияад̇аарамман̣зхи аб̣яаагад̇асса аб̣яаагад̇аанам̣ аарамман̣абажжаяабхаавам̣ нид̣̇ассзд̇и. саб̣б̣асса хи вад̇д̇ум̣ асаггун̣зяяад̇д̇аа згасмим̣ санд̇аанз д̇хаммаанам̣ згад̣̇зсзна нид̣̇ассанам̣ гарод̇ийд̇и.
410. Rūpāyatanaṃ cakkhuviññāṇassātiādinā viññāṇakāyehi niyatārammaṇehi abyākatassa abyākatānaṃ ārammaṇapaccayabhāvaṃ nidasseti. Sabbassa hi vattuṃ asakkuṇeyyattā ekasmiṃ santāne dhammānaṃ ekadesena nidassanaṃ karotīti.
413-416. жад̇убхуумагам̣ гусалам̣ аарамман̣аад̇хибад̇ибажжаяабхаавзна д̣̇ассид̇ам̣, бажжаяуббаннам̣ бана гаамааважарамзва.
413-416. Catubhūmakaṃkusalaṃ ārammaṇādhipatipaccayabhāvena dassitaṃ, paccayuppannaṃ pana kāmāvacarameva.
417. абуб̣б̣ад̇о жид̇д̇асанд̇аанад̇о вудтаанам̣ бхаван̇г̇амзва, д̇ам̣ бана муулааг̇анд̇угабхаван̇г̇асан̇каад̇ам̣ д̇ад̣̇аарамман̣ам̣ багад̇ибхаван̇г̇ан̃жа. ануломам̣ сзгкааяа паласамаабад̇д̇ияаад̇и зд̇т̇а гааяажи сзгкапаласамаабад̇д̇ияаа аваж̇ж̇зд̇аб̣б̣ад̇д̇аа вад̇д̇аб̣б̣ам̣ над̇т̇ийд̇и нзвасан̃н̃аанаасан̃н̃ааяад̇анагусалам̣ паласамаабад̇д̇ияаад̇и имам̣ ниб̣б̣исзсанам̣ паласамаабад̇д̇им̣ уд̣̇д̇харид̇ваа д̣̇ассзнд̇о ааха ‘‘паласамаабад̇д̇ияаад̇и анааг̇аамипаласамаабад̇д̇ияаа’’д̇и. гаамааважарагирияаа д̣̇увид̇хассаби вудтаанассаад̇и зд̇т̇а гирияаананд̇арам̣ д̇ад̣̇аарамман̣авудтаанз яам̣ вад̇д̇аб̣б̣ам̣, д̇ам̣ жид̇д̇уббаад̣̇аган̣д̣з вуд̇д̇амзва.
417. Apubbato cittasantānato vuṭṭhānaṃ bhavaṅgameva, taṃ pana mūlāgantukabhavaṅgasaṅkhātaṃ tadārammaṇaṃ pakatibhavaṅgañca. Anulomaṃ sekkhāya phalasamāpattiyāti ettha kāyaci sekkhaphalasamāpattiyā avajjetabbattā vattabbaṃ natthīti nevasaññānāsaññāyatanakusalaṃ phalasamāpattiyāti imaṃ nibbisesanaṃ phalasamāpattiṃ uddharitvā dassento āha ‘‘phalasamāpattiyāti anāgāmiphalasamāpattiyā’’ti. Kāmāvacarakiriyā duvidhassapi vuṭṭhānassāti ettha kiriyānantaraṃ tadārammaṇavuṭṭhāne yaṃ vattabbaṃ, taṃ cittuppādakaṇḍe vuttameva.
д̇аа убхоби…бз… д̣̇ваад̣̇асаннанд̇и ид̣̇ам̣ соманассасахаг̇ад̇амановин̃н̃аан̣ад̇хаад̇увасзна вуд̇д̇ам̣, убзгкаасахаг̇ад̇аа бана яат̇аавуд̇д̇аанам̣ д̣̇асаннам̣ вин̃н̃аан̣ад̇хаад̇уунам̣ водтаб̣б̣анагирияасса манод̇хаад̇угирияасса жаад̇и д̣̇ваад̣̇асаннам̣ ход̇ийд̇и д̣̇адтаб̣б̣ам̣.
Tā ubhopi…pe… dvādasannanti idaṃ somanassasahagatamanoviññāṇadhātuvasena vuttaṃ, upekkhāsahagatā pana yathāvuttānaṃ dasannaṃ viññāṇadhātūnaṃ voṭṭhabbanakiriyassa manodhātukiriyassa cāti dvādasannaṃ hotīti daṭṭhabbaṃ.
423. д̣̇аанаад̣̇ибун̃н̃агирияааяад̇д̇аа саб̣б̣асамбад̇д̇ияо бадивиж̇жхид̇ваад̇и самб̣анд̇хо. на банзд̇ам̣ зганд̇зна г̇ахзд̇аб̣б̣анд̇и ‘‘б̣алаважзд̇анаава лаб̣бхад̇и, на д̣̇уб̣б̣алаа’’д̇и зд̇ам̣ зганд̇ам̣ на г̇ахзд̇аб̣б̣ам̣, д̣̇ал̣хам̣ ваа на г̇ахзд̇аб̣б̣анд̇и ад̇хиббааяо. гим̣ гааран̣анд̇и? б̣алавад̇о д̣̇уб̣б̣аласса ваа гад̇огаасасса анд̇арааяам̣ бадиб̣аахид̇ваа вибажжанад̇о ‘‘яам̣ган̃жи яад̣̇и вибаагам̣ ж̇анзд̇и, убаниссаяо на ход̇ий’’д̇и навад̇д̇аб̣б̣ад̇д̇аа жаад̇и д̣̇ассзнд̇о ‘‘гад̇огаасан̃хий’’д̇иаад̣̇имааха. вибаагад̇д̇игз бана бан̃хааваарабажжанийяз ‘‘вибаагад̇хаммад̇хаммо вибаагасса д̇хаммасса аарамман̣абажжаязна бажжаяо, убаниссаяабажжаязна бажжаяо, гаммабажжаязна бажжаяо’’д̇и (бадтаа. 1.3.93) гаммабажжаяасса висум̣ уд̣̇д̇хадад̇д̇аа, взд̣̇анаад̇д̇игз жа бан̃хааваарабажжанийяз ‘‘нахзд̇убажжаяаа нааарамман̣абажжаяаа наубаниссаяз адтаа’’д̇и (бадтаа. 1.2.87) вуд̇д̇ад̇д̇аа ‘‘вибаагаж̇анагамби гин̃жи гаммам̣ убаниссаяабажжаяо на ход̇ий’’д̇и саггаа вад̇д̇унд̇и.
423. Dānādipuññakiriyāyattā sabbasampattiyo paṭivijjhitvāti sambandho. Na panetaṃ ekantena gahetabbanti ‘‘balavacetanāva labbhati, na dubbalā’’ti etaṃ ekantaṃ na gahetabbaṃ, daḷhaṃ vā na gahetabbanti adhippāyo. Kiṃ kāraṇanti? Balavato dubbalassa vā katokāsassa antarāyaṃ paṭibāhitvā vipaccanato ‘‘yaṃkañci yadi vipākaṃ janeti, upanissayo na hotī’’ti navattabbattā cāti dassento ‘‘katokāsañhī’’tiādimāha. Vipākattike pana pañhāvārapaccanīye ‘‘vipākadhammadhammo vipākassa dhammassa ārammaṇapaccayena paccayo, upanissayapaccayena paccayo, kammapaccayena paccayo’’ti (paṭṭhā. 1.3.93) kammapaccayassa visuṃ uddhaṭattā, vedanāttike ca pañhāvārapaccanīye ‘‘nahetupaccayā naārammaṇapaccayā naupanissaye aṭṭhā’’ti (paṭṭhā. 1.2.87) vuttattā ‘‘vipākajanakampi kiñci kammaṃ upanissayapaccayo na hotī’’ti sakkā vattunti.
д̇асмим̣ ваа вируд̣̇д̇ход̇и д̇ам̣нимид̇д̇ам̣ вируд̣̇д̇хо, вируд̣̇д̇ханд̇и ваа баато. омаананд̇и барасса бавад̇д̇аомаанам̣. рааг̇о ран̃ж̇анавасзна бавад̇д̇аа гаамарааг̇ад̇ан̣хаа, ‘‘ид̇и мз жагкум̣ сияаа анааг̇ад̇амад̣̇д̇хаанам̣, ид̇и руубаа’’д̇и аббадилад̣̇д̇хасса бадилаабхааяа жид̇д̇абан̣ид̣̇аханад̇ан̣хаа бад̇т̇анаад̇и аяамзд̇зсам̣ висзсо.
Tasmiṃ vā viruddhoti taṃnimittaṃ viruddho, viruddhanti vā pāṭho. Omānanti parassa pavattaomānaṃ. Rāgo rañjanavasena pavattā kāmarāgataṇhā, ‘‘iti me cakkhuṃ siyā anāgatamaddhānaṃ, iti rūpā’’ti appaṭiladdhassa paṭilābhāya cittapaṇidahanataṇhā patthanāti ayametesaṃ viseso.
д̇зсу ан̃н̃амбийд̇и д̇зсу яам̣гин̃жи буб̣б̣з ханид̇ад̇о ан̃н̃амби баан̣ам̣ ханад̇ийд̇и ад̇т̇о.
Tesuaññampīti tesu yaṃkiñci pubbe hanitato aññampi pāṇaṃ hanatīti attho.
бунаббунам̣ аан̣аабанавасзна ваад̇и маад̇угхаад̇агаммзна сад̣̇исад̇ааяа буб̣б̣з бавад̇д̇ааяаби аан̣ад̇д̇ажзд̇анааяа маад̇угхаад̇агамманаамам̣ ааробзд̇ваа вад̣̇анд̇и. зса наяо д̣̇вийхи бахаарзхийд̇и зд̇т̇ааби.
Punappunaṃ āṇāpanavasena vāti mātughātakammena sadisatāya pubbe pavattāyapi āṇattacetanāya mātughātakammanāmaṃ āropetvā vadanti. Esa nayo dvīhi pahārehīti etthāpi.
яат̇зва хи…бз… уббаад̣̇зд̇и наамаад̇и рааг̇ам̣ убаниссааяа д̣̇аанам̣ д̣̇зд̇ийд̇и рааг̇ам̣ убаниссааяа д̣̇аанавасзна сад̣̇д̇хам̣ уббаад̣̇зд̇ийд̇и аяамад̇т̇о вуд̇д̇о ход̇ийд̇и иминаа ад̇хиббааязна вад̣̇ад̇и. яат̇аа рааг̇ам̣ убаниссааяа д̣̇аанам̣ д̣̇зд̇ийд̇извамаад̣̇и ход̇и, звам̣ рааг̇аад̣̇аяо сад̣̇д̇хаад̣̇ийнам̣ убаниссаяабажжаяод̇и ид̣̇амби ход̇ийд̇и д̣̇ассзд̇и. гааяигам̣ суканд̇иаад̣̇ийнам̣ згад̇о д̣̇ассанзна висум̣язва на зд̇зсам̣ бажжаяабхааво, ат̇а ко згад̇обийд̇и д̣̇ассид̇ам̣ ход̇ийд̇и д̣̇адтаб̣б̣ам̣.
Yatheva hi…pe… uppādeti nāmāti rāgaṃ upanissāya dānaṃ detīti rāgaṃ upanissāya dānavasena saddhaṃ uppādetīti ayamattho vutto hotīti iminā adhippāyena vadati. Yathā rāgaṃ upanissāya dānaṃ detītievamādi hoti, evaṃ rāgādayo saddhādīnaṃ upanissayapaccayoti idampi hotīti dasseti. Kāyikaṃ sukhantiādīnaṃ ekato dassanena visuṃyeva na etesaṃ paccayabhāvo, atha kho ekatopīti dassitaṃ hotīti daṭṭhabbaṃ.
425. убад̇т̇амбхагад̇д̇зна бажжаяад̇д̇ааязваад̇и зд̇зна ид̣̇ам̣ д̣̇ассзд̇и – на буримаваарзсу вияа имасмим̣ бажжаязна уббад̇д̇и вужжад̇и, ат̇а ко д̇асса д̇асса бажжаяуббаннасса д̇зсам̣ д̇зсам̣ д̇хаммаанам̣ д̇ам̣д̇ам̣бажжаяабхааво, на жа бажчааж̇аад̇агканд̇хаа убад̇т̇амбхагад̇д̇зна бажжаяаа на хонд̇и, д̇знзса бажчааж̇аад̇абажжаяо ид̇ха ануломад̇о ааг̇ад̇од̇и.
425. Upatthambhakattena paccayattāyevāti etena idaṃ dasseti – na purimavāresu viya imasmiṃ paccayena uppatti vuccati, atha kho tassa tassa paccayuppannassa tesaṃ tesaṃ dhammānaṃ taṃtaṃpaccayabhāvo, na ca pacchājātakkhandhā upatthambhakattena paccayā na honti, tenesa pacchājātapaccayo idha anulomato āgatoti.
427. жзд̇анаа вад̇т̇уссаби бажжаяод̇и ад̇д̇ано бад̇идтаабхууд̇ассаби гаммабажжаяод̇и ад̇хиббааяо.
427. Cetanā vatthussapi paccayoti attano patiṭṭhābhūtassapi kammapaccayoti adhippāyo.
гасмаа банзд̇т̇а бажжаяаваарз вияа ниссаяаад̇т̇иавиг̇ад̇зсу д̣̇умуулагад̣̇угаавасаанаа бан̃хаа на уд̣̇д̇хадаад̇и? алаб̣бхамаанад̇д̇аа. д̇ад̇т̇а хи бажжаяуббаннаббад̇хаанад̇д̇аа д̣̇зсанааяа гусало жа аб̣яаагад̇о жа д̇хаммаа згад̇о уббаж̇ж̇амаанаа гусалааб̣яаагад̇абажжаяаа лаб̣бханд̇ийд̇и ‘‘гусалан̃жа аб̣яаагад̇ан̃жа д̇хаммам̣ бажжаяаа гусало жа аб̣яаагад̇о жа д̇хаммаа уббаж̇ж̇анд̇ий’’д̇и (бадтаа. 1.1.246) вуд̇д̇ам̣. яад̇о д̇ад̇о ваа убхаяабажжаяад̇о бажжаяуббаннасса уббад̇д̇имад̇д̇ам̣язва хи д̇ад̇т̇а ад̇хиббзд̇ам̣, на убхаяасса убхиннам̣ бажжаяабхаавод̇и. ид̇ха бана бажжаяаббад̇хаанад̇д̇аа д̣̇зсанааяа гусалааб̣яаагад̇аа гусалааб̣яаагад̇аанам̣ убхиннам̣ ниссаяаад̣̇ибхууд̇аа на лаб̣бханд̇ийд̇и ‘‘гусало жа аб̣яаагад̇о жа д̇хаммаа гусаласса жа аб̣яаагад̇асса жа д̇хаммасса ниссаяабажжаязна бажжаяо’’д̇иаад̣̇и на вуд̇д̇ам̣.
Kasmā panettha paccayavāre viya nissayaatthiavigatesu dumūlakadukāvasānā pañhā na uddhaṭāti? Alabbhamānattā. Tattha hi paccayuppannappadhānattā desanāya kusalo ca abyākato ca dhammā ekato uppajjamānā kusalābyākatapaccayā labbhantīti ‘‘kusalañca abyākatañca dhammaṃ paccayā kusalo ca abyākato ca dhammā uppajjantī’’ti (paṭṭhā. 1.1.246) vuttaṃ. Yato tato vā ubhayapaccayato paccayuppannassa uppattimattaṃyeva hi tattha adhippetaṃ, na ubhayassa ubhinnaṃ paccayabhāvoti. Idha pana paccayappadhānattā desanāya kusalābyākatā kusalābyākatānaṃ ubhinnaṃ nissayādibhūtā na labbhantīti ‘‘kusalo ca abyākato ca dhammā kusalassa ca abyākatassa ca dhammassa nissayapaccayena paccayo’’tiādi na vuttaṃ.
бан̃хаавааравибхан̇г̇аван̣н̣анаа нидтид̇аа.
Pañhāvāravibhaṅgavaṇṇanā niṭṭhitā.
бан̃хааваарасса гхаданз ануломаг̇ан̣анаа
Pañhāvārassa ghaṭane anulomagaṇanā
439. ‘‘зд̇т̇а бана бурзж̇аад̇амби лаб̣бхад̇ий’’д̇и вуд̇д̇ам̣, яад̣̇и звам̣ гасмаа ‘‘д̇ат̇аа’’д̇и вуд̇д̇анд̇и? ‘‘д̇ийн̣ий’’д̇и г̇ан̣анамад̇д̇асааман̃н̃ад̇о.
439. ‘‘Ettha pana purejātampi labbhatī’’ti vuttaṃ, yadi evaṃ kasmā ‘‘tathā’’ti vuttanti? ‘‘Tīṇī’’ti gaṇanamattasāmaññato.
440. ‘‘ад̇хибад̇ибажжаяз табзд̇ваа виймам̣сам̣ сзсаад̇хибад̇ино висабхааг̇аа’’д̇и буримабаато нид̣̇ассанавасзна д̣̇адтаб̣б̣о. яасмаа бана хзд̇убажжаяасса висабхааг̇зна згзна аарамман̣зна нид̣̇ассанам̣ агад̇ваа ананд̇араад̣̇ийни вад̣̇анд̇о саб̣б̣з висабхааг̇з д̣̇ассзд̇и, д̇асмаа инд̣̇рияамаг̇г̇абажжаяаа жа висабхааг̇аа д̣̇ассзд̇аб̣б̣аад̇и ‘‘ад̇хибад̇инд̣̇рияамаг̇г̇абажжаязсу табзд̇ваа бан̃н̃ам̣ сзсаа д̇хаммаа висабхааг̇аа’’д̇и батанд̇и. д̇ат̇аа бхааваабхаавад̇о хзд̇убажжаяабхаавз сахаж̇аад̇аад̣̇ибажжаяабхаавад̇о. нану яат̇аа амохаваж̇ж̇аанам̣ хзд̇уунам̣ хзд̇убажжаяабхаавз ад̇хибад̇инд̣̇рияамаг̇г̇абажжаяабхааво над̇т̇ийд̇и бан̃н̃ааваж̇ж̇аанам̣ ад̇хибад̇ибажжаяаад̣̇ийнам̣ висабхааг̇ад̇аа, звам̣ гусалаад̣̇ихзд̇уунам̣ хзд̇убажжаяабхаавз вибаагабажжаяабхааваабхаавад̇о хзд̇уваж̇ж̇аанам̣ вибаагаанам̣ висабхааг̇ад̇ааяа бхавид̇аб̣б̣анд̇и? на бхавид̇аб̣б̣ам̣, убхаяабажжаяасахид̇з жид̇д̇ажзд̇асигараасимхи хзд̇убажжаяабхаавз вибаагабажжаяад̇д̇аабхааваабхаавад̇о. яат̇аа хи хзд̇усахаж̇аад̇абажжаяасахид̇араасимхи сад̇иби хзд̇уваж̇ж̇асаб̣бхаавз хзд̇уунам̣ хзд̇убажжаяабхаавз сахаж̇аад̇абажжаяад̇д̇аабхааво над̇т̇ийд̇и на хзд̇уваж̇ж̇аанам̣ сахаж̇аад̇аанам̣ хзд̇усса висабхааг̇ад̇аа вуд̇д̇аа, звамид̇хаабийд̇и. зса наяо виббаяуд̇д̇абажжаязби. абижа бажжаяуббаннассзва бажжаяаа вужжанд̇ийд̇и бажжаяуббаннагкан̣з д̇ат̇аа бхааваабхаававасзна сабхааг̇ад̇ааяа вужжамаанааяа наанаагкан̣авасзна висабхааг̇ад̇аа д̇ассзва на вад̇д̇аб̣б̣аад̇и.
440. ‘‘Adhipatipaccaye ṭhapetvā vīmaṃsaṃ sesādhipatino visabhāgā’’ti purimapāṭho nidassanavasena daṭṭhabbo. Yasmā pana hetupaccayassa visabhāgena ekena ārammaṇena nidassanaṃ akatvā anantarādīni vadanto sabbe visabhāge dasseti, tasmā indriyamaggapaccayā ca visabhāgā dassetabbāti ‘‘adhipatindriyamaggapaccayesu ṭhapetvā paññaṃ sesā dhammā visabhāgā’’ti paṭhanti. Tathā bhāvābhāvato hetupaccayabhāve sahajātādipaccayabhāvato. Nanu yathā amohavajjānaṃ hetūnaṃ hetupaccayabhāve adhipatindriyamaggapaccayabhāvo natthīti paññāvajjānaṃ adhipatipaccayādīnaṃ visabhāgatā, evaṃ kusalādihetūnaṃ hetupaccayabhāve vipākapaccayabhāvābhāvato hetuvajjānaṃ vipākānaṃ visabhāgatāya bhavitabbanti? Na bhavitabbaṃ, ubhayapaccayasahite cittacetasikarāsimhi hetupaccayabhāve vipākapaccayattābhāvābhāvato. Yathā hi hetusahajātapaccayasahitarāsimhi satipi hetuvajjasabbhāve hetūnaṃ hetupaccayabhāve sahajātapaccayattābhāvo natthīti na hetuvajjānaṃ sahajātānaṃ hetussa visabhāgatā vuttā, evamidhāpīti. Esa nayo vippayuttapaccayepi. Apica paccayuppannasseva paccayā vuccantīti paccayuppannakkhaṇe tathā bhāvābhāvavasena sabhāgatāya vuccamānāya nānākkhaṇavasena visabhāgatā tasseva na vattabbāti.
гусалаа виймам̣саад̇и ид̣̇ам̣ ‘‘гусалаа виймам̣саад̇хибад̇ий’’д̇и звам̣ вад̇д̇аб̣б̣ам̣. на хи анад̇хибад̇ибхууд̇аа виймам̣саа ад̇хибад̇ибажжаяо ход̇ийд̇и.
Kusalā vīmaṃsāti idaṃ ‘‘kusalā vīmaṃsādhipatī’’ti evaṃ vattabbaṃ. Na hi anadhipatibhūtā vīmaṃsā adhipatipaccayo hotīti.
441-443. ‘‘сажз бана виббаяуд̇д̇абажжаяо бависад̇и, ид̇араани д̣̇вз лабхад̇ий’’д̇и буримабаато, ‘‘гусало д̇хаммо гусаласса жа аб̣яаагад̇асса жаа’’д̇и ид̣̇ам̣ бана на лаб̣бхад̇ийд̇и ‘‘гусало аб̣яаагад̇асса, аб̣яаагад̇о аб̣яаагад̇ассаад̇и д̣̇вз лабхад̇ий’’д̇и батанд̇и. уунад̇араг̇ан̣анзсууд̇и язсу бавидтзсу уунад̇араа г̇ан̣анаа ход̇и, д̇зсууд̇и ад̇т̇о. д̇ийн̣и д̣̇вз зганд̇и звам̣ уунад̇араг̇ан̣анзсу ваа ан̃н̃аман̃н̃аад̣̇ийсу бависанд̇зсу д̇зсам̣ васзна д̇игад̇о уунам̣ яат̇аалад̣̇д̇хан̃жа зганд̇и г̇ан̣анам̣ лабхад̇ийд̇и ад̇т̇о.
441-443. ‘‘Sacepana vippayuttapaccayo pavisati, itarāni dve labhatī’’ti purimapāṭho, ‘‘kusalo dhammo kusalassa ca abyākatassa cā’’ti idaṃ pana na labbhatīti ‘‘kusalo abyākatassa, abyākato abyākatassāti dve labhatī’’ti paṭhanti. Ūnataragaṇanesūti yesu paviṭṭhesu ūnatarā gaṇanā hoti, tesūti attho. Tīṇi dve ekanti evaṃ ūnataragaṇanesu vā aññamaññādīsu pavisantesu tesaṃ vasena tikato ūnaṃ yathāladdhañca ekanti gaṇanaṃ labhatīti attho.
авибаагаанийд̇и анаамадтавибаагаанийд̇и ад̇т̇о, на вибаагахзд̇урахид̇аанийд̇и.
Avipākānīti anāmaṭṭhavipākānīti attho, na vipākaheturahitānīti.
д̇ад̇т̇а саб̣б̣зби сахаж̇аад̇авибаагаа жзваад̇и д̇ад̇т̇а яз сахаж̇аад̇аа бажжаяуббаннаа вуд̇д̇аа, д̇з саб̣б̣зби вибаагаа жзва вибаагасахаж̇аад̇аруубаа жаад̇и ад̇т̇о. д̇ам̣самудтаанаруубаа жаад̇и зд̇т̇а бадисанд̇хияам̣ гадад̇д̇ааруубамби д̇ам̣самудтаанаг̇г̇ахан̣знзва сан̇г̇ан̣хаад̇ийд̇и взд̣̇ид̇аб̣б̣ам̣. ‘‘д̇ам̣самудтаанаруубагадад̇д̇ааруубаа жа лаб̣бханд̇ий’’д̇иби батанд̇и. жад̇уд̇т̇з вибаагажид̇д̇асамудтаанаруубамзваад̇и зд̇т̇ааби зсзва наяо. ‘‘гадад̇д̇ааруубан̃жаа’’д̇иби бана батанд̇и.
Tattha sabbepi sahajātavipākā cevāti tattha ye sahajātā paccayuppannā vuttā, te sabbepi vipākā ceva vipākasahajātarūpā cāti attho. Taṃsamuṭṭhānarūpā cāti ettha paṭisandhiyaṃ kaṭattārūpampi taṃsamuṭṭhānaggahaṇeneva saṅgaṇhātīti veditabbaṃ. ‘‘Taṃsamuṭṭhānarūpakaṭattārūpā ca labbhantī’’tipi paṭhanti. Catutthe vipākacittasamuṭṭhānarūpamevāti etthāpi eseva nayo. ‘‘Kaṭattārūpañcā’’tipi pana paṭhanti.
звамбийд̇и ‘‘зд̇зсу бана гхаданзсу саб̣б̣абатамааний’’д̇иаад̣̇инаа вуд̇д̇анаязнаби. гхаданзсу бана яо яо бажжаяо муулабхаавзна тид̇о, д̇ам̣бажжаяад̇хаммаанам̣ ниравасзсауунауунад̇арауунад̇амалаабхаггамзна гхаданаа вужжад̇и, ниравасзсалаабхз жа бажжаяуббаннаанам̣ ниравасзсалаабхаггамзна. д̇ат̇аа ууналаабхаад̣̇ийсууд̇и аяам̣ гамо взд̣̇ид̇аб̣б̣о.
Evampīti ‘‘etesu pana ghaṭanesu sabbapaṭhamānī’’tiādinā vuttanayenapi. Ghaṭanesu pana yo yo paccayo mūlabhāvena ṭhito, taṃpaccayadhammānaṃ niravasesaūnaūnataraūnatamalābhakkamena ghaṭanā vuccati, niravasesalābhe ca paccayuppannānaṃ niravasesalābhakkamena. Tathā ūnalābhādīsūti ayaṃ kamo veditabbo.
хзд̇умуулагам̣ нидтид̇ам̣.
Hetumūlakaṃ niṭṭhitaṃ.
445. вад̇т̇увасзна саниссаяам̣ вагкад̇ийд̇и на ид̣̇ам̣ лаб̣бхамаанассаби вад̇т̇усса васзна гхадананд̇и ад̇хиббааязнааха ‘‘аарамман̣авасзнзва ваа’’д̇и.
445. Vatthuvasena sanissayaṃ vakkhatīti na idaṃ labbhamānassapi vatthussa vasena ghaṭananti adhippāyenāha ‘‘ārammaṇavaseneva vā’’ti.
446. сахаж̇аад̇зна бана сад̣̇д̇хим̣ аарамман̣аад̇хибад̇и, аарамман̣аад̇хибад̇инаа жа сад̣̇д̇хим̣ сахаж̇аад̇ам̣ на лаб̣бхад̇ийд̇и ид̣̇ам̣ яат̇аа сахаж̇аад̇абурзж̇аад̇аа зго ниссаяабажжаяо ад̇т̇ибажжаяо жа хонд̇и, звам̣ сахаж̇аад̇аарамман̣аад̇хибад̇ийнам̣ згасса ад̇хибад̇ибажжаяабхаавасса абхаавад̇о вуд̇д̇ам̣ . ниссаяабхааво хи ад̇т̇иавиг̇ад̇абхааво жа сахаж̇аад̇абурзж̇аад̇аниссаяаад̣̇ийнам̣ самаано, на банзвам̣ сахаж̇аад̇аарамман̣аад̇хибад̇ибхааво самаано. сахаж̇аад̇о хи аарамман̣абхаавам̣ анубаг̇анд̇ваа ад̇д̇анаа саха бавад̇д̇анавасзна ад̇хибад̇и ход̇и, ид̇аро аарамман̣ам̣ худ̇ваа ад̇д̇ани ниннад̇аагаран̣зна. сахаж̇аад̇о жа виж̇ж̇амаанабхаавзнзва убагаараго, ид̇аро ад̇ийд̇аанааг̇ад̇оби аарамман̣абхаавзнзва, д̇асмаа сахаж̇аад̇аарамман̣абажжаяаа вияа бхиннасабхааваа сахаж̇аад̇аарамман̣аад̇хибад̇инод̇и на д̇з згад̇о зва ад̇хибад̇ибажжаяабхаавам̣ бхаж̇анд̇и, д̇знзва бан̃хаавааравибхан̇г̇з жа ‘‘гусало жа аб̣яаагад̇о жа д̇хаммаа гусаласса д̇хаммасса ад̇хибад̇ибажжаязна бажжаяо’’д̇иаад̣̇и на вуд̇д̇анд̇и.
446. Sahajātena pana saddhiṃ ārammaṇādhipati, ārammaṇādhipatinā ca saddhiṃ sahajātaṃ na labbhatīti idaṃ yathā sahajātapurejātā eko nissayapaccayo atthipaccayo ca honti, evaṃ sahajātārammaṇādhipatīnaṃ ekassa adhipatipaccayabhāvassa abhāvato vuttaṃ . Nissayabhāvo hi atthiavigatabhāvo ca sahajātapurejātanissayādīnaṃ samāno, na panevaṃ sahajātārammaṇādhipatibhāvo samāno. Sahajāto hi ārammaṇabhāvaṃ anupagantvā attanā saha pavattanavasena adhipati hoti, itaro ārammaṇaṃ hutvā attani ninnatākaraṇena. Sahajāto ca vijjamānabhāveneva upakārako, itaro atītānāgatopi ārammaṇabhāveneva, tasmā sahajātārammaṇapaccayā viya bhinnasabhāvā sahajātārammaṇādhipatinoti na te ekato eva adhipatipaccayabhāvaṃ bhajanti, teneva pañhāvāravibhaṅge ca ‘‘kusalo ca abyākato ca dhammā kusalassa dhammassa adhipatipaccayena paccayo’’tiādi na vuttanti.
447-452. саахаарагагхаданаанам̣ бурад̇о вийрияажид̇д̇авиймам̣саанам̣ саад̇хааран̣авасзна анаахаарагаамаг̇г̇агаани саинд̣̇рияагхаданаани вад̇д̇аб̣б̣аани сияум̣ ‘‘ад̇хибад̇исахаж̇аад̇аниссаяаинд̣̇рияаад̇т̇иавиг̇ад̇анд̇и сад̇д̇а. ад̇хибад̇исахаж̇аад̇аан̃н̃аман̃н̃аниссаяаинд̣̇рияасамбаяуд̇д̇аад̇т̇иавиг̇ад̇анд̇и д̇ийн̣и. ад̇хибад̇исахаж̇аад̇аниссаяаинд̣̇рияавиббаяуд̇д̇аад̇т̇иавиг̇ад̇анд̇и д̇ийн̣и. ад̇хибад̇исахаж̇аад̇аниссаяавибаагаинд̣̇рияаад̇т̇иавиг̇ад̇анд̇и згам̣. ад̇хибад̇исахаж̇аад̇аан̃н̃аман̃н̃аниссаяавибаагаинд̣̇рияасамбаяуд̇д̇аавиг̇ад̇анд̇и згам̣. ад̇хибад̇исахаж̇аад̇аниссаяавибаагаинд̣̇рияавиббаяуд̇д̇аад̇т̇иавиг̇ад̇анд̇и зга’’нд̇и. гасмаа д̇аани на вуд̇д̇аанийд̇и? инд̣̇рияабхууд̇асса ад̇хибад̇исса аахаарамаг̇г̇зхи ан̃н̃асса абхааваа. жид̇д̇аад̇хибад̇и хи аахааро, вийрияавиймам̣саа жа маг̇г̇о ход̇и, на жа ан̃н̃о инд̣̇рияабхууд̇о ад̇хибад̇и ад̇т̇и, яасса васзна анаахаарагаамаг̇г̇агаани саинд̣̇рияагхаданаани вад̇д̇аб̣б̣аани сияум̣, д̇асмаа д̇аани авад̇ваа жид̇д̇аад̇хибад̇иаад̣̇ийнам̣ зганд̇зна аахаарамаг̇г̇абхаавад̣̇ассанад̇т̇ам̣ саахаарагасамаг̇г̇агаанзва вуд̇д̇аани. д̇зсу жа самаг̇г̇агзсу д̣̇вз бажжаяад̇хаммаа лаб̣бханд̇и, саахаарагзсу згоязваад̇и самаг̇г̇агаани буб̣б̣з вад̇д̇аб̣б̣аани сияум̣. саинд̣̇рияагаани бана язхи аахаарамаг̇г̇зхи бхинд̣̇ид̇аб̣б̣аани , д̇зсам̣ гамавасзна бажчаа вуд̇д̇аани. адтагат̇ааяам̣ бана сад̣̇исад̇д̇аад̇и самаг̇г̇агад̇д̇зна самаанад̇д̇аа, ананд̇араруубад̇д̇аад̇и ваа ад̇т̇о.
447-452. Sāhārakaghaṭanānaṃ purato vīriyacittavīmaṃsānaṃ sādhāraṇavasena anāhārakāmaggakāni saindriyaghaṭanāni vattabbāni siyuṃ ‘‘adhipatisahajātanissayaindriyaatthiavigatanti satta. Adhipatisahajātaaññamaññanissayaindriyasampayuttaatthiavigatanti tīṇi. Adhipatisahajātanissayaindriyavippayuttaatthiavigatanti tīṇi. Adhipatisahajātanissayavipākaindriyaatthiavigatanti ekaṃ. Adhipatisahajātaaññamaññanissayavipākaindriyasampayuttaavigatanti ekaṃ. Adhipatisahajātanissayavipākaindriyavippayuttaatthiavigatanti eka’’nti. Kasmā tāni na vuttānīti? Indriyabhūtassa adhipatissa āhāramaggehi aññassa abhāvā. Cittādhipati hi āhāro, vīriyavīmaṃsā ca maggo hoti, na ca añño indriyabhūto adhipati atthi, yassa vasena anāhārakāmaggakāni saindriyaghaṭanāni vattabbāni siyuṃ, tasmā tāni avatvā cittādhipatiādīnaṃ ekantena āhāramaggabhāvadassanatthaṃ sāhārakasamaggakāneva vuttāni. Tesu ca samaggakesu dve paccayadhammā labbhanti, sāhārakesu ekoyevāti samaggakāni pubbe vattabbāni siyuṃ. Saindriyakāni pana yehi āhāramaggehi bhinditabbāni , tesaṃ kamavasena pacchā vuttāni. Aṭṭhakathāyaṃ pana sadisattāti samaggakattena samānattā, anantararūpattāti vā attho.
457-460. гусалааб̣яаагад̇о аб̣яаагад̇ассаад̇и жад̇д̇аарийд̇и аб̣яаагад̇асахид̇асса гусаласса бажжаяабхаавад̣̇ассанавасзна гусаламуулагзсвзва д̣̇умуулагамби аахарид̇ваа вуд̇д̇ам̣. аб̣яаагад̇з вад̇т̇уруубамбийд̇и ид̣̇ам̣ ‘‘гадад̇д̇ааруубамбий’’д̇и звам̣ вад̇д̇аб̣б̣ам̣. ‘‘д̣̇уд̇ияагхаданз аб̣яаагад̇ависсаж̇ж̇анз руубзсу вад̇т̇умзва лаб̣бхад̇ий’’д̇и буримабаато, бхууд̇аруубамби бана лаб̣бхад̇ийд̇и ‘‘вад̇т̇ун̃жа бхууд̇аруубан̃жа лаб̣бхад̇ий’’д̇и батанд̇и. ‘‘жад̇уд̇т̇з жид̇д̇асамудтаанаруубамзваа’’д̇и вуд̇д̇ам̣, ‘‘жид̇д̇асамудтаанаруубам̣ бадисанд̇хигкан̣з гадад̇д̇ааруубан̃жаа’’д̇и бана вад̇д̇аб̣б̣ам̣. савибаагзсу батамз вибаагаа жзва вибаагажид̇д̇асамудтаанаруубан̃жаад̇и зд̇т̇а жад̇уд̇т̇з вибаагажид̇д̇асамудтаанамзваад̇и ид̇ха жа гадад̇д̇ааруубамби вибаагажид̇д̇асамудтаанаг̇г̇ахан̣зна г̇ахид̇анд̇и д̣̇адтаб̣б̣ам̣. ‘‘гадад̇д̇ааруубан̃жаа’’д̇иби бана батанд̇и. зд̇т̇а бана сахаж̇аад̇аан̃н̃аман̃н̃аниссаяавибаагасамбаяуд̇д̇авиббаяуд̇д̇аад̇т̇и авиг̇ад̇амуулагзсу гхаданзсу хзд̇угаммажхаанамаг̇г̇зхи гхаданаани на яож̇ид̇аани, яат̇аавуд̇д̇зсу ад̇т̇иавиг̇ад̇амуулаваж̇ж̇зсу аахаарзна, ниссаяавиббаяуд̇д̇аад̇т̇иавиг̇ад̇аваж̇ж̇зсу ад̇хибад̇иинд̣̇риязхи жа. гасмаад̇и? д̇зсу хи яож̇ияамаанзсу д̇ам̣д̇ам̣жид̇д̇уббаад̣̇згад̣̇зсабхууд̇аа хзд̇уаад̣̇аяо аруубад̇хаммаава бажжаяабхаавзна лаб̣бханд̇и. д̇зна д̇зхи гхаданаани хзд̇умуулагаад̣̇ийсу вуд̇д̇асад̣̇исаанзва руубамиссагад̇д̇аабхаавзна сувин̃н̃зяяаанийд̇и на вуд̇д̇аани. ад̇т̇иавиг̇ад̇зхи бана яож̇ияамаано аахааро ниссаяаад̣̇ийхи ад̇хибад̇иинд̣̇рияаани жа руубамиссагаани хонд̇ийд̇и ад̇хибад̇аахааринд̣̇рияамуулагзсу вуд̇д̇асад̣̇исааниби гхаданаани ад̇т̇иавиг̇ад̇амуулагзсу ниссаяаад̣̇имуулагзсу жа аахаарзна ад̇хибад̇инд̣̇риязхи жа субаагадабхаавад̇т̇ам̣ яож̇ид̇аанийд̇и д̣̇адтаб̣б̣аанийд̇и.
457-460. Kusalābyākato abyākatassāti cattārīti abyākatasahitassa kusalassa paccayabhāvadassanavasena kusalamūlakesveva dumūlakampi āharitvā vuttaṃ. Abyākate vatthurūpampīti idaṃ ‘‘kaṭattārūpampī’’ti evaṃ vattabbaṃ. ‘‘Dutiyaghaṭane abyākatavissajjane rūpesu vatthumeva labbhatī’’ti purimapāṭho, bhūtarūpampi pana labbhatīti ‘‘vatthuñca bhūtarūpañca labbhatī’’ti paṭhanti. ‘‘Catutthe cittasamuṭṭhānarūpamevā’’ti vuttaṃ, ‘‘cittasamuṭṭhānarūpaṃ paṭisandhikkhaṇe kaṭattārūpañcā’’ti pana vattabbaṃ. Savipākesu paṭhame vipākā ceva vipākacittasamuṭṭhānarūpañcāti ettha catutthe vipākacittasamuṭṭhānamevāti idha ca kaṭattārūpampi vipākacittasamuṭṭhānaggahaṇena gahitanti daṭṭhabbaṃ. ‘‘Kaṭattārūpañcā’’tipi pana paṭhanti. Ettha pana sahajātaaññamaññanissayavipākasampayuttavippayuttaatthi avigatamūlakesu ghaṭanesu hetukammajhānamaggehi ghaṭanāni na yojitāni, yathāvuttesu atthiavigatamūlavajjesu āhārena, nissayavippayuttaatthiavigatavajjesu adhipatiindriyehi ca. Kasmāti? Tesu hi yojiyamānesu taṃtaṃcittuppādekadesabhūtā hetuādayo arūpadhammāva paccayabhāvena labbhanti. Tena tehi ghaṭanāni hetumūlakādīsu vuttasadisāneva rūpamissakattābhāvena suviññeyyānīti na vuttāni. Atthiavigatehi pana yojiyamāno āhāro nissayādīhi adhipatiindriyāni ca rūpamissakāni hontīti adhipatāhārindriyamūlakesu vuttasadisānipi ghaṭanāni atthiavigatamūlakesu nissayādimūlakesu ca āhārena adhipatindriyehi ca supākaṭabhāvatthaṃ yojitānīti daṭṭhabbānīti.
462-464. ниссаяамуулагз ‘‘чадтз д̇ийн̣ийд̇и гусалаад̣̇ийни жид̇д̇асамудтаанассаа’’д̇и буримабаато, жагкаад̣̇ийни бана жагкувин̃н̃аан̣аад̣̇ийнам̣ лаб̣бханд̇ийд̇и ‘‘аб̣яаагад̇асса жагкааяад̇анаад̣̇ийни жаа’’д̇и батанд̇и.
462-464. Nissayamūlake ‘‘chaṭṭhe tīṇīti kusalādīni cittasamuṭṭhānassā’’ti purimapāṭho, cakkhādīni pana cakkhuviññāṇādīnaṃ labbhantīti ‘‘abyākatassa cakkhāyatanādīni cā’’ti paṭhanti.
466. убаниссаяамуулагз багад̇уубаниссаяавасзна вуд̇д̇зсу д̣̇вийсу батамз ‘‘логияагусалаагусалажзд̇анаа бажжаяабхаавад̇о г̇ахзд̇аб̣б̣аа’’д̇и вуд̇д̇ам̣, логуд̇д̇арааби бана г̇ахзд̇аб̣б̣аава.
466. Upanissayamūlake pakatūpanissayavasena vuttesu dvīsu paṭhame ‘‘lokiyakusalākusalacetanā paccayabhāvato gahetabbā’’ti vuttaṃ, lokuttarāpi pana gahetabbāva.
473-477. гаммамуулагз бадисанд̇хияам̣ вад̇т̇убийд̇и зд̇т̇а на бавад̇д̇з вияа канд̇хааязва бажжаяуббаннабхаавзна г̇ахзд̇аб̣б̣аад̇и ад̇хиббааяо. вибаагаавибаагасаад̇хааран̣авасзна вуд̇д̇зсу жад̇уусу батамз ‘‘аруубзна сад̣̇д̇хим̣ жид̇д̇асамудтаанаруубам̣ лаб̣бхад̇ий’’д̇и вуд̇д̇ам̣, гадад̇д̇ааруубамби бана лаб̣бхад̇зва. имасмим̣ бана гаммамуулагз ‘‘гаммабажжаяаа аарамман̣з д̣̇вз’’д̇и, аарамман̣амуулагз жа ‘‘аарамман̣абажжаяаа гаммз д̣̇вз’’д̇и гасмаа на вуд̇д̇ам̣, нану гусалаагусалажзд̇анаа гаммаарамман̣аанам̣ бадисанд̇хияаад̣̇ийнам̣ гаммабажжаяо аарамман̣абажжаяо жа ход̇и. яат̇аа жа аарамман̣абхууд̇ам̣ вад̇т̇ум̣ аарамман̣аниссаяабажжаяабхаавзна вужжад̇и, звам̣ гаммамби аарамман̣абажжаяабхаавзна вад̇д̇аб̣б̣анд̇и? на, д̣̇виннам̣ бажжаяабхааваанам̣ ан̃н̃аман̃н̃абадигкзбад̇о. бажжуббаннан̃хи вад̇т̇у ниссаяабхаавам̣ абарижжаж̇ид̇ваа д̇знзваагаарзна д̇анниссид̇зна ааламб̣ияамаанам̣ ниссаяабхаавзна жа ниссаяабажжаяод̇и яуд̇д̇ам̣ вад̇д̇ум̣. гаммам̣ бана д̇асмим̣ гад̇з бавад̇д̇амаанаанам̣ гад̇уубажид̇абхаавзна гаммабажжаяо ход̇и, наарамман̣аагаарзна, висаяамад̇д̇ад̇аавасзна жа аарамман̣абажжаяо ход̇и, на санд̇аанависзсам̣ гад̇ваа палуббаад̣̇анасан̇каад̇зна гаммабажжаяаагаарзна, д̇асмаа гаммабажжаяабхааво аарамман̣абажжаяабхаавам̣ бадигкибад̇и, аарамман̣абажжаяабхааво жа гаммабажжаяабхааванд̇и ‘‘гаммабажжаяо худ̇ваа аарамман̣абажжаяо ход̇ий’’д̇и, ‘‘аарамман̣абажжаяо худ̇ваа гаммабажжаяо ход̇ий’’д̇и жа на саггаа вад̇д̇унд̇и на вуд̇д̇ам̣. зса жа сабхааво вад̇д̇амаанаанан̃жа аарамман̣абурзж̇аад̇аанам̣ вад̇т̇ужагкаад̣̇ийнам̣, яам̣ аарамман̣абажжаяабхаавзна саха ниссаяаад̣̇ибажжаяаа хонд̇ийд̇и вад̇д̇аб̣б̣ад̇аа, ад̇ийд̇асса жа гаммасса аяам̣ сабхааво, яам̣ аарамман̣абажжаяабхаавзна саха гаммабажжаяо ход̇ийд̇и навад̇д̇аб̣б̣ад̇аа. яат̇аа сахаж̇аад̇абурзж̇аад̇аниссаяаанам̣ саха ниссаяабажжаяабхаавзна вад̇д̇аб̣б̣ад̇аа сабхааво, сахаж̇аад̇аарамман̣аад̇хибад̇ийнан̃жа саха ад̇хибад̇ибажжаяабхаавзна навад̇д̇аб̣б̣ад̇аа, звамид̇хаабийд̇и.
473-477. Kammamūlake paṭisandhiyaṃ vatthupīti ettha na pavatte viya khandhāyeva paccayuppannabhāvena gahetabbāti adhippāyo. Vipākāvipākasādhāraṇavasena vuttesu catūsu paṭhame ‘‘arūpena saddhiṃ cittasamuṭṭhānarūpaṃ labbhatī’’ti vuttaṃ, kaṭattārūpampi pana labbhateva. Imasmiṃ pana kammamūlake ‘‘kammapaccayā ārammaṇe dve’’ti, ārammaṇamūlake ca ‘‘ārammaṇapaccayā kamme dve’’ti kasmā na vuttaṃ, nanu kusalākusalacetanā kammārammaṇānaṃ paṭisandhiyādīnaṃ kammapaccayo ārammaṇapaccayo ca hoti. Yathā ca ārammaṇabhūtaṃ vatthuṃ ārammaṇanissayapaccayabhāvena vuccati, evaṃ kammampi ārammaṇapaccayabhāvena vattabbanti? Na, dvinnaṃ paccayabhāvānaṃ aññamaññapaṭikkhepato. Paccuppannañhi vatthu nissayabhāvaṃ apariccajitvā tenevākārena tannissitena ālambiyamānaṃ nissayabhāvena ca nissayapaccayoti yuttaṃ vattuṃ. Kammaṃ pana tasmiṃ kate pavattamānānaṃ katūpacitabhāvena kammapaccayo hoti, nārammaṇākārena, visayamattatāvasena ca ārammaṇapaccayo hoti, na santānavisesaṃ katvā phaluppādanasaṅkhātena kammapaccayākārena, tasmā kammapaccayabhāvo ārammaṇapaccayabhāvaṃ paṭikkhipati, ārammaṇapaccayabhāvo ca kammapaccayabhāvanti ‘‘kammapaccayo hutvā ārammaṇapaccayo hotī’’ti, ‘‘ārammaṇapaccayo hutvā kammapaccayo hotī’’ti ca na sakkā vattunti na vuttaṃ. Esa ca sabhāvo vattamānānañca ārammaṇapurejātānaṃ vatthucakkhādīnaṃ, yaṃ ārammaṇapaccayabhāvena saha nissayādipaccayā hontīti vattabbatā, atītassa ca kammassa ayaṃ sabhāvo, yaṃ ārammaṇapaccayabhāvena saha kammapaccayo hotīti navattabbatā. Yathā sahajātapurejātanissayānaṃ saha nissayapaccayabhāvena vattabbatā sabhāvo, sahajātārammaṇādhipatīnañca saha adhipatipaccayabhāvena navattabbatā, evamidhāpīti.
478-483. нираад̇хибад̇ивин̃н̃аан̣аахааравасзнаад̇и анаамадтаад̇хибад̇ибхаавасса вин̃н̃аан̣аахаарасса васзнаад̇и ад̇хиббааяо. вад̇т̇у барихааяад̇ийд̇и ан̃н̃аман̃н̃амби лабханд̇асса вад̇т̇усса васзна саб̣б̣асса гадад̇д̇ааруубасса барихаанам̣ д̣̇ассзд̇и.
478-483. Nirādhipativiññāṇāhāravasenāti anāmaṭṭhādhipatibhāvassa viññāṇāhārassa vasenāti adhippāyo. Vatthu parihāyatīti aññamaññampi labhantassa vatthussa vasena sabbassa kaṭattārūpassa parihānaṃ dasseti.
484-495. ‘‘д̇ад̇ияз аруубинд̣̇рияаани руубаана’’нд̇и вуд̇д̇ам̣, жагкаад̣̇ийни жа бана жагкувин̃н̃аан̣аад̣̇ийнам̣ лаб̣бханд̇и. д̇ад̇о вийрияавасзна маг̇г̇асамбаяуд̇д̇аани чаад̇и зд̇т̇а яад̣̇иби виймам̣саа лаб̣бхад̇и, вийрияасса бана васзна д̇ам̣самаанаг̇ад̇игаа виймам̣сааби г̇ахид̇аад̇и ‘‘вийрияавасзнаа’’д̇и вуд̇д̇ам̣.
484-495. ‘‘Tatiye arūpindriyāni rūpāna’’nti vuttaṃ, cakkhādīni ca pana cakkhuviññāṇādīnaṃ labbhanti. Tato vīriyavasena maggasampayuttāni chāti ettha yadipi vīmaṃsā labbhati, vīriyassa pana vasena taṃsamānagatikā vīmaṃsāpi gahitāti ‘‘vīriyavasenā’’ti vuttaṃ.
511-514. виббаяуд̇д̇амуулагз ‘‘д̣̇асамз гусалаад̣̇аяо жид̇д̇асамудтаанаана’’нд̇и вуд̇д̇ам̣, бадисанд̇хияам̣ бана ‘‘канд̇хаа гадад̇д̇ааруубаанам̣ вад̇т̇у жа канд̇хаана’’нд̇и ид̣̇амби лаб̣бхад̇и. ‘‘згаад̣̇асамз бадисанд̇хияам̣ вад̇т̇у канд̇хаана’’нд̇и вуд̇д̇ам̣, д̇ам̣ вибаагабажжаяасса аг̇г̇ахид̇ад̇д̇аа яасса вад̇т̇усса васзна гхаданам̣ гад̇ам̣, д̇асса д̣̇ассанавасзна вуд̇д̇ам̣. ‘‘канд̇хаа жа вад̇т̇уссаа’’д̇и ид̣̇амби бана лаб̣бхад̇зва. ‘‘д̣̇ваад̣̇асамз бадисанд̇хияам̣ канд̇хаа гадад̇д̇ааруубаана’’нд̇и буб̣б̣абаато, жид̇д̇асамудтаанаани бана на важ̇ж̇зд̇аб̣б̣аанийд̇и ‘‘д̣̇ваад̣̇асамз канд̇хаа бавад̇д̇з жид̇д̇асамудтаанаруубаанам̣ бадисанд̇хияам̣ гадад̇д̇ааруубаанан̃жаа’’д̇и батанд̇и.
511-514. Vippayuttamūlake ‘‘dasame kusalādayo cittasamuṭṭhānāna’’nti vuttaṃ, paṭisandhiyaṃ pana ‘‘khandhā kaṭattārūpānaṃ vatthu ca khandhāna’’nti idampi labbhati. ‘‘Ekādasame paṭisandhiyaṃ vatthu khandhāna’’nti vuttaṃ, taṃ vipākapaccayassa aggahitattā yassa vatthussa vasena ghaṭanaṃ kataṃ, tassa dassanavasena vuttaṃ. ‘‘Khandhā ca vatthussā’’ti idampi pana labbhateva. ‘‘Dvādasame paṭisandhiyaṃ khandhā kaṭattārūpāna’’nti pubbapāṭho, cittasamuṭṭhānāni pana na vajjetabbānīti ‘‘dvādasame khandhā pavatte cittasamuṭṭhānarūpānaṃ paṭisandhiyaṃ kaṭattārūpānañcā’’ti paṭhanti.
515-518. ад̇т̇ибажжаяамуулагз батамагхаданз ‘‘аруубавад̇т̇аарамман̣амахаабхууд̇аинд̣̇рияаахаараанам̣ васзна сахаж̇аад̇абурзж̇аад̇абажчааж̇аад̇абажжаяаа лаб̣бханд̇ий’’д̇и вуд̇д̇ам̣, ‘‘аахааринд̣̇рияабажжаяаа жаа’’д̇иби бана вад̇д̇аб̣б̣ам̣. на хи инд̣̇рияаахаараанам̣ васзна сахаж̇аад̇аад̣̇аяо лаб̣бханд̇ийд̇и. ‘‘д̣̇уд̇ияз бажчааж̇аад̇агаб̣ал̣ийгаараахаараа на лаб̣бханд̇ий’’д̇и вуд̇д̇ам̣, саб̣б̣ааниби бана алаб̣бхамаанаани д̣̇ассзд̇ум̣ ‘‘бажчааж̇аад̇агаб̣ал̣ийгаараахаараруубаж̇ийвид̇инд̣̇рияаруубаад̣̇иаарамман̣аани жа на лаб̣бханд̇ий’’д̇и батанд̇и, чадтам̣ саб̣б̣зсам̣ инд̣̇рияаанам̣ васзна вуд̇д̇ам̣. сад̇д̇амз д̇ад̇о руубаж̇ийвид̇инд̣̇рияамад̇д̇ам̣ барихааяад̇ийд̇и звамзд̇зсам̣ висзсо вад̇д̇аб̣б̣о. д̇ад̇о згаад̣̇асамзд̇и зд̇т̇а д̇ад̇од̇и навамад̇од̇и ад̇т̇о. д̇зрасамз вад̇т̇аарамман̣аад̇и зд̇т̇а вад̇т̇уг̇г̇ахан̣зна жагкаад̣̇ивад̇т̇ууниби г̇ахид̇аани, д̇ат̇аа жуд̣̇д̣̇асамз вад̇т̇умзваад̇и зд̇т̇ааби. ‘‘сад̇д̇арасамз бана д̇ад̣̇зва аарамман̣аад̇хибад̇ибхаавзна, адтаарасамзби д̇ад̣̇зва аарамман̣уубаниссаяавасзнаа’’д̇и буримабаато, ‘‘аарамман̣уубаниссаяавасзнаа’’д̇и аяам̣ бана сад̇д̇арасамад̇о висзсо на ход̇и, вад̇т̇аарамман̣аанам̣ бана сад̇д̇арасамз адтаарасамз жа вад̇т̇уссзва бажжаяабхааво висзсод̇и ‘‘сад̇д̇арасамз бана аарамман̣аад̇хибад̇ибхаавзна жагкаад̣̇ийни жа, адтаарасамз вад̇т̇уссзва аарамман̣уубаниссаяавасзнаа’’д̇и батанд̇и.
515-518. Atthipaccayamūlake paṭhamaghaṭane ‘‘arūpavatthārammaṇamahābhūtaindriyāhārānaṃ vasena sahajātapurejātapacchājātapaccayā labbhantī’’ti vuttaṃ, ‘‘āhārindriyapaccayā cā’’tipi pana vattabbaṃ. Na hi indriyāhārānaṃ vasena sahajātādayo labbhantīti. ‘‘Dutiye pacchājātakabaḷīkārāhārā na labbhantī’’ti vuttaṃ, sabbānipi pana alabbhamānāni dassetuṃ ‘‘pacchājātakabaḷīkārāhārarūpajīvitindriyarūpādiārammaṇāni ca na labbhantī’’ti paṭhanti, chaṭṭhaṃ sabbesaṃ indriyānaṃ vasena vuttaṃ. Sattame tato rūpajīvitindriyamattaṃ parihāyatīti evametesaṃ viseso vattabbo. Tato ekādasameti ettha tatoti navamatoti attho. Terasame vatthārammaṇāti ettha vatthuggahaṇena cakkhādivatthūnipi gahitāni, tathā cuddasame vatthumevāti etthāpi. ‘‘Sattarasame pana tadeva ārammaṇādhipatibhāvena, aṭṭhārasamepi tadeva ārammaṇūpanissayavasenā’’ti purimapāṭho, ‘‘ārammaṇūpanissayavasenā’’ti ayaṃ pana sattarasamato viseso na hoti, vatthārammaṇānaṃ pana sattarasame aṭṭhārasame ca vatthusseva paccayabhāvo visesoti ‘‘sattarasame pana ārammaṇādhipatibhāvena cakkhādīni ca, aṭṭhārasame vatthusseva ārammaṇūpanissayavasenā’’ti paṭhanti.
519. сахаж̇аад̇аани вияа сахаж̇аад̇зна гзнажи згзна бажжаязна анияамид̇ад̇д̇аа д̇аани багин̣н̣агаанийд̇и вуд̇д̇аанийд̇и зд̇т̇а бурзж̇аад̇абажчааж̇аад̇аахааринд̣̇рияаани сахаж̇аад̇зна ан̃н̃аман̃н̃ан̃жа асааман̃н̃авасзна виббагин̣н̣аани вуд̇д̇аани. аарамман̣амуулагз ананд̇арасамананд̇арабурзж̇аад̇аад̇и зд̇т̇а убаниссаяоби батид̇аб̣б̣о.
519. Sahajātāni viya sahajātena kenaci ekena paccayena aniyamitattā tāni pakiṇṇakānīti vuttānīti ettha purejātapacchājātāhārindriyāni sahajātena aññamaññañca asāmaññavasena vippakiṇṇāni vuttāni. Ārammaṇamūlake anantarasamanantarapurejātāti ettha upanissayopi paṭhitabbo.
язсу баагадаа худ̇ваа бан̃н̃ааяанд̇и, д̇аани д̣̇ассзд̇ум̣ ‘‘хзд̇умуулагаад̣̇ийна’’нд̇иаад̣̇имааха. алобхаад̣̇ид̇ам̣д̇ам̣наамавасзна бана хзд̇уаарамман̣аад̇хибад̇иаахааринд̣̇рияажхаанамаг̇г̇абажжаяад̇хаммаа звам̣ баагадаа худ̇ваа на бан̃н̃ааязяяунд̇и д̇з барижчзд̣̇авасзна д̣̇ассзнд̇о ‘‘д̣̇ваад̣̇асзва хи хзд̇уу’’д̇иаад̣̇имааха. д̇зна ‘‘зд̇д̇агааязва бажжаяад̇хаммаа’’д̇и нижчаяам̣ гад̇ваа баагадо худ̇ваа абан̃н̃ааяамааноби д̇зсвзва маг̇г̇ид̇аб̣б̣од̇и д̣̇ассзд̇и. д̇ад̇т̇а ча аарамман̣аад̇и зд̇зна аарамман̣аад̇хибад̇и руубаад̣̇иаарамман̣абхаавад̇о сан̇г̇ахид̇од̇и д̇ам̣ аг̇г̇ахзд̇ваа ‘‘жад̇д̇ааро ад̇хибад̇аяо’’д̇и вуд̇д̇ам̣. зганд̇зна гусалавибаагаад̇и ид̣̇ам̣ инд̣̇риязсу ан̃н̃инд̣̇рияавасзна лаб̣бхад̇и. зганд̇зна агусалавибаагаад̇и ид̣̇ам̣ бана на саггаа лад̣̇д̇хум̣. жхаанан̇г̇зсваби хи д̣̇угкам̣ агусаламзва вибаагасса ажхаанан̇г̇ад̇д̇аа. жид̇д̇адтид̇иби агусалавибаагагирияаа ход̇ийд̇и. агусаласса вибаагаа агусалавибаагаад̇и звам̣ бана ад̇т̇з г̇аяхамаанз инд̣̇риязсу д̣̇угкинд̣̇рияавасзна лаб̣бхзяяа, гусалавибаагаагусалавибаагависзсзна бана бажжаяаяож̇анаа над̇т̇ийд̇и аяамад̇т̇о ад̇хиббзд̇од̇и саггаа вад̇д̇унд̇и.
Yesu pākaṭā hutvā paññāyanti, tāni dassetuṃ ‘‘hetumūlakādīna’’ntiādimāha. Alobhāditaṃtaṃnāmavasena pana hetuārammaṇādhipatiāhārindriyajhānamaggapaccayadhammā evaṃ pākaṭā hutvā na paññāyeyyunti te paricchedavasena dassento ‘‘dvādaseva hi hetū’’tiādimāha. Tena ‘‘ettakāyeva paccayadhammā’’ti nicchayaṃ katvā pākaṭo hutvā apaññāyamānopi tesveva maggitabboti dasseti. Tattha cha ārammaṇāti etena ārammaṇādhipati rūpādiārammaṇabhāvato saṅgahitoti taṃ aggahetvā ‘‘cattāro adhipatayo’’ti vuttaṃ. Ekantena kusalavipākāti idaṃ indriyesu aññindriyavasena labbhati. Ekantena akusalavipākāti idaṃ pana na sakkā laddhuṃ. Jhānaṅgesvapi hi dukkhaṃ akusalameva vipākassa ajhānaṅgattā. Cittaṭṭhitipi akusalavipākakiriyā hotīti. Akusalassa vipākā akusalavipākāti evaṃ pana atthe gayhamāne indriyesu dukkhindriyavasena labbheyya, kusalavipākākusalavipākavisesena pana paccayayojanā natthīti ayamattho adhippetoti sakkā vattunti.
бан̃хааваарасса гхаданз ануломаг̇ан̣анаа нидтид̇аа.
Pañhāvārassa ghaṭane anulomagaṇanā niṭṭhitā.
бажжанийяуд̣̇д̇хаараван̣н̣анаа
Paccanīyuddhāravaṇṇanā
527. згзна лагкан̣знаад̇и ‘‘гусало д̇хаммо гусаласса д̇хаммасса нахзд̇убажжаязна бажжаяо’’д̇и хзд̇убажжаяад̇о ан̃н̃зна бажжаязна бажжаяод̇и ад̇т̇о. хзд̇убажжаяад̇о жа ан̃н̃з бажжаяаа аг̇г̇ахид̇аг̇г̇ахан̣зна адта хонд̇и, д̇зсу гусало гусаласса д̇ийхи бажжаязхи бажжаяо, агусаласса д̣̇вийхи, звам̣ д̇асмим̣ д̇асмим̣ бажжаяз бажжанийяад̇о тид̇з д̇ад̇о ан̃н̃з бажжаяаа имзсвзва аарамман̣аад̣̇ийсу адтасу бажжаязсу яат̇ааяог̇ам̣ яож̇зд̇аб̣б̣аад̇и ид̣̇амзд̇т̇а лагкан̣ам̣ взд̣̇ид̇аб̣б̣ам̣. зд̇зсу жа адтасу бажжаязсу буримабуримзхи асан̇г̇ахид̇з сан̇г̇ахзд̇ваа бажчимабажчимаа вуд̇д̇аад̇и аарамман̣ад̇о ан̃н̃зсам̣ д̣̇виннам̣ васзна убаниссаяо, вад̇т̇убурзж̇аад̇асса васзна бурзж̇аад̇ам̣, сахаж̇аад̇ад̇о убаниссаяад̇о жа, ан̃н̃иссаа жзд̇анааяа васзна гаммам̣, сахаж̇аад̇ад̇о ан̃н̃асса габ̣ал̣ийгаараахаарасса васзна аахааро, сахаж̇аад̇ад̇о бурзж̇аад̇ад̇о жа ан̃н̃асса руубаж̇ийвид̇инд̣̇рияасса васзна инд̣̇рияам̣ вуд̇д̇анд̇и д̣̇адтаб̣б̣ам̣. зван̃жа гад̇ваа ‘‘гусало д̇хаммо гусаласса д̇хаммасса аарамман̣абажжаязна бажжаяо, сахаж̇аад̇аубаниссаяабажжаязна бажжаяо’’д̇ижжзва (бадтаа. 1.1.404, 419, 423) вуд̇д̇ам̣ , д̇ад̣̇ан̃н̃аабхааваа на вуд̇д̇ам̣ ‘‘гаммаахааринд̣̇рияабажжаязна бажжаяо’’д̇и, д̇асмаа ‘‘аарамман̣аад̇хибад̇и аарамман̣абажжаяз сан̇г̇ахам̣ г̇ажчад̇ий’’д̇и звам̣ вад̇д̇аб̣б̣ам̣. яам̣ бана барид̇д̇ад̇д̇игз бан̃хааваарабажжанийяз ‘‘аббамаан̣о д̇хаммо аббамаан̣асса д̇хаммасса сахаж̇аад̇аубаниссаяабажжаязна бажжаяо’’д̇и (бадтаа. 2.12.66, 74) зд̇т̇а аарамман̣асса аважанам̣, д̇ам̣ буримзхи асан̇г̇ахид̇авасзна вуд̇д̇аанам̣ сан̇г̇ахид̇авиваж̇ж̇анаабхаавад̇о убаниссаяад̇о ан̃н̃аарамман̣аабхаавад̇о жа, на бана аарамман̣уубаниссаяасса аарамман̣з асан̇г̇ахид̇ад̇д̇аа.
527. Ekena lakkhaṇenāti ‘‘kusalo dhammo kusalassa dhammassa nahetupaccayena paccayo’’ti hetupaccayato aññena paccayena paccayoti attho. Hetupaccayato ca aññe paccayā aggahitaggahaṇena aṭṭha honti, tesu kusalo kusalassa tīhi paccayehi paccayo, akusalassa dvīhi, evaṃ tasmiṃ tasmiṃ paccaye paccanīyato ṭhite tato aññe paccayā imesveva ārammaṇādīsu aṭṭhasu paccayesu yathāyogaṃ yojetabbāti idamettha lakkhaṇaṃ veditabbaṃ. Etesu ca aṭṭhasu paccayesu purimapurimehi asaṅgahite saṅgahetvā pacchimapacchimā vuttāti ārammaṇato aññesaṃ dvinnaṃ vasena upanissayo, vatthupurejātassa vasena purejātaṃ, sahajātato upanissayato ca, aññissā cetanāya vasena kammaṃ, sahajātato aññassa kabaḷīkārāhārassa vasena āhāro, sahajātato purejātato ca aññassa rūpajīvitindriyassa vasena indriyaṃ vuttanti daṭṭhabbaṃ. Evañca katvā ‘‘kusalo dhammo kusalassa dhammassa ārammaṇapaccayena paccayo, sahajātaupanissayapaccayena paccayo’’ticceva (paṭṭhā. 1.1.404, 419, 423) vuttaṃ , tadaññābhāvā na vuttaṃ ‘‘kammāhārindriyapaccayena paccayo’’ti, tasmā ‘‘ārammaṇādhipati ārammaṇapaccaye saṅgahaṃ gacchatī’’ti evaṃ vattabbaṃ. Yaṃ pana parittattike pañhāvārapaccanīye ‘‘appamāṇo dhammo appamāṇassa dhammassa sahajātaupanissayapaccayena paccayo’’ti (paṭṭhā. 2.12.66, 74) ettha ārammaṇassa avacanaṃ, taṃ purimehi asaṅgahitavasena vuttānaṃ saṅgahitavivajjanābhāvato upanissayato aññārammaṇābhāvato ca, na pana ārammaṇūpanissayassa ārammaṇe asaṅgahitattā.
ад̇т̇иавиг̇ад̇абажжаяаа яад̣̇иби сахаж̇аад̇абурзж̇аад̇абажчааж̇аад̇аахааринд̣̇рияаанам̣ васзна бан̃жавид̇хаава, сахаж̇аад̇абурзж̇аад̇аанам̣ бана бажчааж̇аад̇аахаараанам̣ бажчааж̇аад̇инд̣̇рияаанан̃жа сахааби ад̇т̇иавиг̇ад̇абажжаяабхааво ход̇и, на д̇ин̣н̣ам̣ виббаяуд̇д̇ад̇аа вияа висум̣язваад̇и ‘‘ад̇т̇иавиг̇ад̇зсу жа згзгасса васзна чахи бхзд̣̇зхи тид̇аа’’д̇и ад̇т̇иавиг̇ад̇абажжаяалагкан̣зсу згзгам̣ сан̇г̇ахзд̇ваа вуд̇д̇ам̣.
Atthiavigatapaccayā yadipi sahajātapurejātapacchājātāhārindriyānaṃ vasena pañcavidhāva, sahajātapurejātānaṃ pana pacchājātāhārānaṃ pacchājātindriyānañca sahāpi atthiavigatapaccayabhāvo hoti, na tiṇṇaṃ vippayuttatā viya visuṃyevāti ‘‘atthiavigatesu ca ekekassa vasena chahi bhedehi ṭhitā’’ti atthiavigatapaccayalakkhaṇesu ekekaṃ saṅgahetvā vuttaṃ.
‘‘руубинд̣̇рияабажжаяо бана аж̇жхад̇д̇аб̣ахид̣̇д̇хаабхзд̣̇ад̇о д̣̇увид̇хо’’д̇и вуд̇д̇ам̣, д̇ам̣ ‘‘аж̇жхад̇д̇игаб̣аахирабхзд̣̇ад̇о’’д̇и звам̣ вад̇д̇аб̣б̣ам̣.
‘‘Rūpindriyapaccayo pana ajjhattabahiddhābhedato duvidho’’ti vuttaṃ, taṃ ‘‘ajjhattikabāhirabhedato’’ti evaṃ vattabbaṃ.
жад̇увийсад̇ияаабийд̇и на сол̣асаннам̣язва, нааби адтаннам̣язва, ат̇а ко жад̇увийсад̇ияаабийд̇и ад̇т̇о. аарамман̣абхууд̇аанам̣ ад̇хибад̇иубаниссаяабажжаяаанам̣ убаниссаяз ниссаяабурзж̇аад̇авиббаяуд̇д̇аад̇т̇иавиг̇ад̇аанан̃жа бурзж̇аад̇з сан̇г̇ахо ад̇т̇ийд̇и аарамман̣абажжаяам̣ аарамман̣абажжаяабхаавзязва табзд̇ваа д̇ад̣̇згад̣̇зсасса д̇зсан̃жа убаниссаяаад̣̇ийсу сан̇г̇ахам̣ вад̇д̇угаамо ‘‘аарамман̣абажжаяз аарамман̣абажжаяова сан̇г̇ахам̣ г̇ажчад̇и, на сзсаа д̇звийсад̇ий’’д̇и ааха. жад̇уд̇т̇з бурзж̇аад̇абажжаязд̇и зд̇т̇а яат̇аа ‘‘убаниссаяабажжаяз ад̇хибад̇ибхууд̇о аарамман̣абажжаяо’’д̇и вуд̇д̇ам̣, звам̣ ‘‘бурзж̇аад̇абхууд̇о аарамман̣абажжаяо’’д̇иби вад̇д̇аб̣б̣ам̣, д̇ам̣ бана д̇ад̇т̇а вуд̇д̇анаязна г̇ахзд̇ум̣ саггаад̇и гад̇ваа на вуд̇д̇ам̣ сияаа. ат̇а бана ‘‘аарамман̣ад̇о ан̃н̃ам̣ бурзж̇аад̇аг̇г̇ахан̣зна г̇ахид̇а’’нд̇и на вуд̇д̇ам̣, звам̣ сад̇и убаниссаяаг̇г̇ахан̣знаби аарамман̣ад̇о ан̃н̃асса г̇ахид̇ад̇ааяа бхавид̇аб̣б̣анд̇и ‘‘ад̇хибад̇ибхууд̇о аарамман̣абажжаяо убаниссаяз сан̇г̇ахам̣ г̇ажчад̇ий’’д̇и на вад̇д̇аб̣б̣ам̣ сияаад̇и.
Catuvīsatiyāpīti na soḷasannaṃyeva, nāpi aṭṭhannaṃyeva, atha kho catuvīsatiyāpīti attho. Ārammaṇabhūtānaṃ adhipatiupanissayapaccayānaṃ upanissaye nissayapurejātavippayuttaatthiavigatānañca purejāte saṅgaho atthīti ārammaṇapaccayaṃ ārammaṇapaccayabhāveyeva ṭhapetvā tadekadesassa tesañca upanissayādīsu saṅgahaṃ vattukāmo ‘‘ārammaṇapaccaye ārammaṇapaccayova saṅgahaṃ gacchati, na sesā tevīsatī’’ti āha. Catutthe purejātapaccayeti ettha yathā ‘‘upanissayapaccaye adhipatibhūto ārammaṇapaccayo’’ti vuttaṃ, evaṃ ‘‘purejātabhūto ārammaṇapaccayo’’tipi vattabbaṃ, taṃ pana tattha vuttanayena gahetuṃ sakkāti katvā na vuttaṃ siyā. Atha pana ‘‘ārammaṇato aññaṃ purejātaggahaṇena gahita’’nti na vuttaṃ, evaṃ sati upanissayaggahaṇenapi ārammaṇato aññassa gahitatāya bhavitabbanti ‘‘adhipatibhūto ārammaṇapaccayo upanissaye saṅgahaṃ gacchatī’’ti na vattabbaṃ siyāti.
язсу бан̃хзсу…бз… згова бажжаяо ааг̇ад̇од̇и зд̇т̇а ааг̇ад̇оваад̇и звам̣ звасад̣̇д̣̇о аанзд̇ваа яож̇зд̇аб̣б̣о. д̇зна д̣̇ваад̣̇асамажуд̣̇д̣̇асамзсу бан̃хзсу сахаж̇аад̇абурзж̇аад̇зсу згзго бажжаяо на анааг̇ад̇о ход̇и, ат̇а ко ааг̇ад̇оваад̇и д̇зсу ан̃н̃ад̇арабадигкзбз д̇зби бан̃хаа барихааяанд̇ийд̇и д̣̇ассид̇ам̣ ход̇ийд̇и. яасмим̣ бана бан̃хзд̇и д̣̇уд̇ияачадтабан̃хзсу згзгавасзна г̇ахзд̇ваа згаважанзна нид̣̇д̣̇исийяад̇и. званд̇и аарамман̣аубаниссаяавасзнаад̇и ад̇т̇о. д̇зна д̣̇ваад̣̇асамажуд̣̇д̣̇асамз нивад̇д̇зд̇и. д̇зсуби хи д̣̇вз бажжаяаа ааг̇ад̇аа, на бана аарамман̣аубаниссаяавасзнаад̇и. авасзсаанам̣ васзнаад̇и авасзсаанам̣ лаб̣бхамаанаанам̣ васзнаад̇и д̣̇адтаб̣б̣ам̣. на хи д̇зрасамабаннарасамзсу бажчааж̇аад̇зби бадигкид̇д̇з аахааринд̣̇рияаанам̣ васзна д̇з бан̃хаа лаб̣бханд̇и, ат̇а ко сахаж̇аад̇ассзва васзнаад̇и. ид̣̇амзва жзд̇т̇а лагкан̣анд̇и адтаннам̣ бажжаяаанам̣ саб̣б̣абажжаяасан̇г̇аахагад̇д̇ам̣, уггадтавасзна бан̃хаабарижчзд̣̇о, д̇з д̇з бажжаяз сан̇г̇ахзд̇ваа д̣̇ассид̇абажжаяабарижчзд̣̇о, д̇асмим̣ д̇асмим̣ бажжаяз бадигкид̇д̇з д̇асса д̇асса бан̃хасса барихаанаабарихаанийд̇и зд̇ам̣ саб̣б̣ам̣ санд̇хааяа вуд̇д̇анд̇и д̣̇адтаб̣б̣ам̣. д̇знзва ‘‘иминаа лагкан̣знаа’’д̇и вуд̇д̇ам̣.
Yesupañhesu…pe… ekova paccayo āgatoti ettha āgatovāti evaṃ evasaddo ānetvā yojetabbo. Tena dvādasamacuddasamesu pañhesu sahajātapurejātesu ekeko paccayo na anāgato hoti, atha kho āgatovāti tesu aññatarapaṭikkhepe tepi pañhā parihāyantīti dassitaṃ hotīti. Yasmiṃ pana pañheti dutiyachaṭṭhapañhesu ekekavasena gahetvā ekavacanena niddisīyati. Evanti ārammaṇaupanissayavasenāti attho. Tena dvādasamacuddasame nivatteti. Tesupi hi dve paccayā āgatā, na pana ārammaṇaupanissayavasenāti. Avasesānaṃ vasenāti avasesānaṃ labbhamānānaṃ vasenāti daṭṭhabbaṃ. Na hi terasamapannarasamesu pacchājātepi paṭikkhitte āhārindriyānaṃ vasena te pañhā labbhanti, atha kho sahajātasseva vasenāti. Idameva cettha lakkhaṇanti aṭṭhannaṃ paccayānaṃ sabbapaccayasaṅgāhakattaṃ, ukkaṭṭhavasena pañhāparicchedo, te te paccaye saṅgahetvā dassitapaccayaparicchedo, tasmiṃ tasmiṃ paccaye paṭikkhitte tassa tassa pañhassa parihānāparihānīti etaṃ sabbaṃ sandhāya vuttanti daṭṭhabbaṃ. Teneva ‘‘iminā lakkhaṇenā’’ti vuttaṃ.
д̇ад̇раад̇и бабхзд̣̇абарихаанийсу. д̇ийхи бажжаязхи згуунавийсад̇и бажжаяаа д̣̇ассид̇аад̇и ‘‘нахзд̇убажжаяаа’’д̇и зд̇т̇а лаб̣бхамаанабажжаяз санд̇хааяа вуд̇д̇ам̣. аяам̣ бана бажжаяуд̣̇д̇хааро саб̣б̣абажжанийяасса саад̇хааран̣алагкан̣авасзна вуд̇д̇о, на ‘‘нахзд̇убажжаяаа’’д̇и зд̇т̇зва лаб̣бхамаанабажжаяад̣̇ассанавасзна. зван̃жа гад̇ваа хзд̇уд̣̇угабан̃хааваарабажжанийяз ‘‘хзд̇уд̇хаммо хзд̇усса д̇хаммасса аарамман̣абажжаязна бажжаяо, сахаж̇аад̇абажжаязна бажжаяо, убаниссаяабажжаязна бажжаяо’’д̇и (бадтаа. 3.1.43) вуд̇д̇ам̣, ан̃н̃ат̇аа ‘‘нахзд̇убажжаяаа’’д̇и зд̇т̇а лаб̣бхамаанабажжаяад̣̇ассанз ‘‘сахаж̇аад̇абажжаязна бажжаяо’’д̇и на вад̇д̇аб̣б̣ам̣ сияаа, д̇асмаа ид̇хааби саб̣б̣алаб̣бхамаанабажжаяасан̇г̇ахавасзна бажжаяуд̣̇д̇хаарасса вуд̇д̇ад̇д̇аа д̇ийхи бажжаязхи вийсад̇и бажжаяаа д̣̇ассид̇аад̇и д̣̇адтаб̣б̣аа. яам̣ вуд̇д̇ам̣ ‘‘д̇ад̇рааяам̣ вид̇т̇аарагат̇аа’’д̇и, д̇ад̇ра бабхзд̣̇з вид̇т̇аарагат̇ам̣ вад̇ваа барихаанийяам̣ д̣̇ассзнд̇о ‘‘д̇асмим̣ бана бажжаяз…бз… д̇з барад̇о вагкаамаа’’д̇и ааха.
Tatrāti pabhedaparihānīsu. Tīhi paccayehi ekūnavīsati paccayā dassitāti ‘‘nahetupaccayā’’ti ettha labbhamānapaccaye sandhāya vuttaṃ. Ayaṃ pana paccayuddhāro sabbapaccanīyassa sādhāraṇalakkhaṇavasena vutto, na ‘‘nahetupaccayā’’ti ettheva labbhamānapaccayadassanavasena. Evañca katvā hetudukapañhāvārapaccanīye ‘‘hetudhammo hetussa dhammassa ārammaṇapaccayena paccayo, sahajātapaccayena paccayo, upanissayapaccayena paccayo’’ti (paṭṭhā. 3.1.43) vuttaṃ, aññathā ‘‘nahetupaccayā’’ti ettha labbhamānapaccayadassane ‘‘sahajātapaccayena paccayo’’ti na vattabbaṃ siyā, tasmā idhāpi sabbalabbhamānapaccayasaṅgahavasena paccayuddhārassa vuttattā tīhi paccayehi vīsati paccayā dassitāti daṭṭhabbā. Yaṃ vuttaṃ ‘‘tatrāyaṃ vitthārakathā’’ti, tatra pabhede vitthārakathaṃ vatvā parihānīyaṃ dassento ‘‘tasmiṃ pana paccaye…pe… te parato vakkhāmā’’ti āha.
528. д̇ат̇аа агусалаад̣̇игзсуби жад̇уусу бан̃хзсу д̇зхи д̇зхи бажжаязхи д̇з д̇зязва бажжаяаа д̣̇ассид̇аад̇и гусалаад̣̇игзсу д̣̇ассид̇зхи ан̃н̃зсам̣ абхаавам̣ санд̇хааяа вуд̇д̇анд̇и взд̣̇ид̇аб̣б̣ам̣. на хи ‘‘агусало д̇хаммо гусаласса д̇хаммассаа’’д̇и зд̇т̇а д̣̇вийхи бажжаязхи д̇аяо бажжаяаа д̣̇ассид̇аа, ат̇а ко д̣̇взязва, аб̣яаагад̇ассаби агусало аарамман̣аад̇хибад̇ибажжаяо на ход̇ийд̇и.
528. Tathā akusalādikesupi catūsu pañhesu tehi tehi paccayehi te teyeva paccayā dassitāti kusalādikesu dassitehi aññesaṃ abhāvaṃ sandhāya vuttanti veditabbaṃ. Na hi ‘‘akusalo dhammo kusalassa dhammassā’’ti ettha dvīhi paccayehi tayo paccayā dassitā, atha kho dveyeva, abyākatassapi akusalo ārammaṇādhipatipaccayo na hotīti.
530. сахаж̇аад̇абажжаяаа бана на хонд̇и вад̇т̇умиссагад̇д̇аад̇и асахаж̇аад̇абажжаязна вад̇т̇унаа сахаж̇аад̇абажжаяабхаавзна г̇ахид̇ад̇д̇аа д̇зна сад̣̇д̇хим̣ сахаж̇аад̇абажжаяаа на хонд̇ийд̇и д̣̇ассзд̇и, на бана суд̣̇д̇хаанам̣ сахаж̇аад̇абажжаяабхаавам̣ ниваарзд̇и. вад̇т̇унаа бана сад̣̇д̇хим̣ язна ниссаяаад̣̇инаа бажжаяаа хонд̇и, д̇амзва ниссаяаад̣̇им̣ висзсзд̇ум̣ сахаж̇аад̇анд̇и вуд̇д̇анд̇и д̣̇ассзнд̇о ‘‘д̇асмаа д̇зса’’нд̇иаад̣̇имааха.
530. Sahajātapaccayā pana na honti vatthumissakattāti asahajātapaccayena vatthunā sahajātapaccayabhāvena gahitattā tena saddhiṃ sahajātapaccayā na hontīti dasseti, na pana suddhānaṃ sahajātapaccayabhāvaṃ nivāreti. Vatthunā pana saddhiṃ yena nissayādinā paccayā honti, tameva nissayādiṃ visesetuṃ sahajātanti vuttanti dassento ‘‘tasmā tesa’’ntiādimāha.
имасмим̣ бана бажжаяуд̣̇д̇хаарз аарамман̣аубаниссаяагаммаад̇т̇ибажжаязсу жад̇уусу саб̣б̣абажжаяз сан̇г̇ан̣хид̇ваа гасмаа д̇зсам̣ васзна бажжаяуд̣̇д̇хааро на гад̇од̇и? миссагаамиссагасса ад̇т̇ибажжаяавибхааг̇асса д̣̇увин̃н̃зяяад̇д̇аа. на хи ‘‘авибхааг̇зна ад̇т̇ибажжаязна бажжаяо’’д̇и вуд̇д̇з саггаа вин̃н̃аад̇ум̣ ‘‘гим̣ суд̣̇д̇хзна сахаж̇аад̇аад̇т̇ибажжаязна бурзж̇аад̇абажчааж̇аад̇аахааринд̣̇рияаад̇т̇ибажжаязна ваа, ат̇а сахаж̇аад̇абурзж̇аад̇амиссагзна бажчааж̇аад̇аахаарамиссагзна бажчааж̇аад̇инд̣̇рияамиссагзна ваа’’д̇и. ад̇т̇ибажжаяависзсзсу бана сахаж̇аад̇аад̣̇ийсу саруубад̇о вужжамаанзсу яад̇т̇а суд̣̇д̇хаанам̣ сахаж̇аад̇аад̣̇ийнам̣ бажжаяабхааво, д̇ад̇т̇а ‘‘сахаж̇аад̇абажжаязна бажжаяо’’д̇иаад̣̇инаа суд̣̇д̇хаанам̣, яад̇т̇а жа миссагаанам̣ бажжаяабхааво, д̇ад̇т̇а ‘‘сахаж̇аад̇ам̣ бурзж̇аад̇а’’нд̇иаад̣̇инаа миссагаанам̣ г̇ахан̣ад̇о сувин̃н̃зяяад̇аа ход̇и, д̇асмаа ад̇т̇ибажжаяависзсад̣̇ассанад̇т̇ам̣ сахаж̇аад̇аад̣̇аяо г̇ахид̇аа, д̇зна жа саб̣б̣абажжаяаанам̣ жад̇уусу бажжаязсу сан̇г̇ахо д̣̇ассид̇о ход̇и.
Imasmiṃ pana paccayuddhāre ārammaṇaupanissayakammaatthipaccayesu catūsu sabbapaccaye saṅgaṇhitvā kasmā tesaṃ vasena paccayuddhāro na katoti? Missakāmissakassa atthipaccayavibhāgassa duviññeyyattā. Na hi ‘‘avibhāgena atthipaccayena paccayo’’ti vutte sakkā viññātuṃ ‘‘kiṃ suddhena sahajātaatthipaccayena purejātapacchājātāhārindriyaatthipaccayena vā, atha sahajātapurejātamissakena pacchājātāhāramissakena pacchājātindriyamissakena vā’’ti. Atthipaccayavisesesu pana sahajātādīsu sarūpato vuccamānesu yattha suddhānaṃ sahajātādīnaṃ paccayabhāvo, tattha ‘‘sahajātapaccayena paccayo’’tiādinā suddhānaṃ, yattha ca missakānaṃ paccayabhāvo, tattha ‘‘sahajātaṃ purejāta’’ntiādinā missakānaṃ gahaṇato suviññeyyatā hoti, tasmā atthipaccayavisesadassanatthaṃ sahajātādayo gahitā, tena ca sabbapaccayānaṃ catūsu paccayesu saṅgaho dassito hoti.
гасмаа бана сахаж̇аад̇абурзж̇аад̇з аг̇г̇ахзд̇ваа ниссаяо, бурзж̇аад̇абажчааж̇аад̇з аг̇г̇ахзд̇ваа виббаяуд̇д̇о ваа ад̇т̇ибажжаяависзсабхаавзна на вуд̇д̇од̇и? авад̇д̇аб̣б̣ад̇д̇аа, ниссаяо д̇аава на вад̇д̇аб̣б̣о сахаж̇аад̇абурзж̇аад̇аанам̣ суд̣̇д̇хаанам̣ миссагаанан̃жа ниссаяабажжаяабхаавад̇о вибхаж̇ид̇аб̣б̣ад̇ааяа ад̇т̇ибажжаязна ависидтад̇д̇аа, виббаяуд̇д̇абажжаяо жа сахаж̇аад̇абурзж̇аад̇абажчааж̇аад̇абхаавад̇о ад̇т̇ибажжаяо вияа висзсид̇аб̣б̣од̇и со вияа на вад̇д̇аб̣б̣о. сахаж̇аад̇абурзж̇аад̇аанан̃жа миссагаанам̣ ад̇т̇ибажжаяабхааво ход̇и, на виббаяуд̇д̇абхааво. д̇ат̇аа сахаж̇аад̇абажчааж̇аад̇аанан̃жа миссагаанам̣ ад̇т̇ибажжаяабхааво ход̇и. вагкад̇и хи ‘‘анубаад̣̇иннаанубаад̣̇аанияо д̇хаммо убаад̣̇иннубаад̣̇аанияасса жа анубаад̣̇иннаанубаад̣̇аанияасса жа д̇хаммасса ад̇т̇ибажжаязна бажжаяо сахаж̇аад̇ам̣ бажчааж̇аад̇а’’нд̇и (бадтаа. 1.4.84), на бана виббаяуд̇д̇абажжаяабхааво, д̇асмаа виббаяуд̇д̇аг̇г̇ахан̣зна миссагаанам̣ ад̇т̇ибажжаяабхаавасса аг̇г̇ахан̣ад̇о на со ад̇т̇ибажжаяависзсо бхавид̇ум̣ яуд̇д̇од̇и бхияяоби на вад̇д̇аб̣б̣о.
Kasmā pana sahajātapurejāte aggahetvā nissayo, purejātapacchājāte aggahetvā vippayutto vā atthipaccayavisesabhāvena na vuttoti? Avattabbattā, nissayo tāva na vattabbo sahajātapurejātānaṃ suddhānaṃ missakānañca nissayapaccayabhāvato vibhajitabbatāya atthipaccayena avisiṭṭhattā, vippayuttapaccayo ca sahajātapurejātapacchājātabhāvato atthipaccayo viya visesitabboti so viya na vattabbo. Sahajātapurejātānañca missakānaṃ atthipaccayabhāvo hoti, na vippayuttabhāvo. Tathā sahajātapacchājātānañca missakānaṃ atthipaccayabhāvo hoti. Vakkhati hi ‘‘anupādinnaanupādāniyo dhammo upādinnupādāniyassa ca anupādinnaanupādāniyassa ca dhammassa atthipaccayena paccayo sahajātaṃ pacchājāta’’nti (paṭṭhā. 1.4.84), na pana vippayuttapaccayabhāvo, tasmā vippayuttaggahaṇena missakānaṃ atthipaccayabhāvassa aggahaṇato na so atthipaccayaviseso bhavituṃ yuttoti bhiyyopi na vattabbo.
нану жа сахаж̇аад̇абажжаяо жа хзд̇уаад̣̇ийхи висзсид̇аб̣б̣од̇и соби ниссаяавиббаяуд̇д̇аа вияа ад̇т̇ибажжаяависзсабхаавзна на вад̇д̇аб̣б̣од̇и? на, вируд̣̇д̇хабажжаязхи ависзсид̇аб̣б̣ад̇д̇аа. ниссаяавиббаяуд̇д̇аа хи ад̇т̇ибажжаяо вияа уббад̇д̇игаалавируд̣̇д̇хзхи бажжаязхи висзсид̇аб̣б̣аа, на бана сахаж̇аад̇о. хзд̇уаад̣̇аяо хи сахаж̇аад̇аа зва, на уббад̇д̇игаалавируд̣̇д̇хаад̇и.
Nanu ca sahajātapaccayo ca hetuādīhi visesitabboti sopi nissayavippayuttā viya atthipaccayavisesabhāvena na vattabboti? Na, viruddhapaccayehi avisesitabbattā. Nissayavippayuttā hi atthipaccayo viya uppattikālaviruddhehi paccayehi visesitabbā, na pana sahajāto. Hetuādayo hi sahajātā eva, na uppattikālaviruddhāti.
бажжанийяуд̣̇д̇хаараван̣н̣анаа нидтид̇аа.
Paccanīyuddhāravaṇṇanā niṭṭhitā.
бажжанийяаг̇ан̣анаван̣н̣анаа
Paccanīyagaṇanavaṇṇanā
нахзд̇умуулагаван̣н̣анаа
Nahetumūlakavaṇṇanā
532. суд̣̇д̇хо аарамман̣абажжаяо барихааяад̇ийд̇и зд̇т̇а суд̣̇д̇хаг̇г̇ахан̣зна на гин̃жи баяож̇анам̣. аарамман̣з хи бажжанийяад̇о тид̇з ад̇хибад̇ибажжаяаад̣̇ибхууд̇о аарамман̣абажжаяо барихааяад̇иязваад̇и. суд̣̇д̇ход̇и ваа адтасу бажжаязсу гзвалам̣ аарамман̣абажжаяо барихааяад̇и, на сзсаад̇и д̣̇ассзд̇и. згаад̣̇асаннанд̇и сахаж̇аад̇з сан̇г̇ахам̣ г̇ажчанд̇зсу баннарасасу ан̃н̃аман̃н̃авибаагасамбаяуд̇д̇авиббаяуд̇д̇з важ̇ж̇зд̇ваа згаад̣̇асаннам̣ васзна. д̇зд̇и д̇з сахаж̇аад̇з анд̇ог̇ад̇хааязва д̇асмим̣ бадигкид̇д̇з ан̃н̃знаагаарзна виссаж̇ж̇анам̣ на лабханд̇ийд̇и д̣̇ассзд̇и, ананд̇ог̇ад̇хаа бана аарамман̣аад̇хибад̇ибурзж̇аад̇аниссаяаад̣̇аяо аарамман̣аад̣̇иаагаарзна лабханд̇ийд̇и.
532. Suddho ārammaṇapaccayo parihāyatīti ettha suddhaggahaṇena na kiñci payojanaṃ. Ārammaṇe hi paccanīyato ṭhite adhipatipaccayādibhūto ārammaṇapaccayo parihāyatiyevāti. Suddhoti vā aṭṭhasu paccayesu kevalaṃ ārammaṇapaccayo parihāyati, na sesāti dasseti. Ekādasannanti sahajāte saṅgahaṃ gacchantesu pannarasasu aññamaññavipākasampayuttavippayutte vajjetvā ekādasannaṃ vasena. Teti te sahajāte antogadhāyeva tasmiṃ paṭikkhitte aññenākārena vissajjanaṃ na labhantīti dasseti, anantogadhā pana ārammaṇādhipatipurejātanissayādayo ārammaṇādiākārena labhantīti.
гин̃жааби сахаж̇аад̇абажжаяоязва над̇т̇ийд̇и д̇асмим̣ бадигкид̇д̇з имз ваараа на лаб̣бхзяяум̣, ат̇а ко ниссаяаад̇т̇иавиг̇ад̇аанам̣ васзна зд̇з лабхид̇аб̣б̣аа сияунд̇и ад̇хиббааяо. яасмаа банаад̇иаад̣̇инаа яад̣̇иби сахаж̇аад̇абажжаяо над̇т̇и , яасмаа бана сахаж̇аад̇абажжаяад̇хаммз тид̇аа зд̇з на ниссаяаад̣̇аяо на хонд̇и, яасмаа жа сахаж̇аад̇з бадигкид̇д̇з яз бадигкид̇д̇аа хонд̇и, д̇з ид̇ха сахаж̇аад̇абадигкзбзна бадигкид̇д̇аа, д̇асмаа д̇зби ваараа на лаб̣бханд̇ийд̇и д̣̇ассзд̇и.
Kiñcāpi sahajātapaccayoyeva natthīti tasmiṃ paṭikkhitte ime vārā na labbheyyuṃ, atha kho nissayaatthiavigatānaṃ vasena ete labhitabbā siyunti adhippāyo. Yasmā panātiādinā yadipi sahajātapaccayo natthi , yasmā pana sahajātapaccayadhamme ṭhitā ete na nissayādayo na honti, yasmā ca sahajāte paṭikkhitte ye paṭikkhittā honti, te idha sahajātapaṭikkhepena paṭikkhittā, tasmā tepi vārā na labbhantīti dasseti.
табзд̇ваа сахаж̇аад̇абажжаяанд̇и зд̇зна ниссаяаад̣̇ибхууд̇ан̃жа сахаж̇аад̇абажжаяам̣ табзд̇ваад̇и вуд̇д̇анд̇и д̣̇адтаб̣б̣ам̣. гусалад̇о бавад̇д̇амаанзсу гусалааб̣яаагад̇зсу гусаласса гусало ан̃н̃аман̃н̃абажжаяо ход̇ийд̇и имамад̇т̇ам̣ санд̇хааяааха ‘‘ан̃н̃аман̃н̃абажжаяад̇хаммавасзна бавад̇д̇исаб̣бхаавад̇о’’д̇и. яз д̇хаммаа ан̃н̃аман̃н̃абажжаяасан̇г̇ахам̣ г̇ад̇аад̇и д̇зсам̣ д̇зсам̣ бажжаяуббаннаанам̣ бажжаяабхаавзна вужжамаанаа яз д̇хаммаа ад̇д̇ано бажжаяуббаннабхаавзна вужжамаанаанам̣ ан̃н̃аман̃н̃абажжаяод̇и сан̇г̇ахам̣ г̇ад̇аад̇и ад̇т̇о. гусало жа гусаласса ан̃н̃аман̃н̃абажжаяод̇и гад̇ваа гусалааб̣яаагад̇аанам̣ ан̃н̃аман̃н̃абажжаяасан̇г̇ахам̣ г̇ад̇зхзва д̇хаммзхи бажжаяо ход̇и, самуд̣̇ааяабхууд̇о згад̣̇зсабхууд̇зхийд̇и аяамзд̇т̇а ад̇хиббааяо. гусало бана гусаласса ан̃н̃аман̃н̃абажжаяабхууд̇зхзва гусалааб̣яаагад̇аанам̣ сахаж̇аад̇аад̣̇ийхи, на ан̃н̃ат̇аад̇и ан̃н̃аман̃н̃з бадигкид̇д̇з со вааро барихааяад̇ийд̇и вад̇д̇аб̣б̣ам̣.
Ṭhapetvā sahajātapaccayanti etena nissayādibhūtañca sahajātapaccayaṃ ṭhapetvāti vuttanti daṭṭhabbaṃ. Kusalato pavattamānesu kusalābyākatesu kusalassa kusalo aññamaññapaccayo hotīti imamatthaṃ sandhāyāha ‘‘aññamaññapaccayadhammavasena pavattisabbhāvato’’ti. Ye dhammā aññamaññapaccayasaṅgahaṃ gatāti tesaṃ tesaṃ paccayuppannānaṃ paccayabhāvena vuccamānā ye dhammā attano paccayuppannabhāvena vuccamānānaṃ aññamaññapaccayoti saṅgahaṃ gatāti attho. Kusalo ca kusalassa aññamaññapaccayoti katvā kusalābyākatānaṃ aññamaññapaccayasaṅgahaṃ gateheva dhammehi paccayo hoti, samudāyabhūto ekadesabhūtehīti ayamettha adhippāyo. Kusalo pana kusalassa aññamaññapaccayabhūteheva kusalābyākatānaṃ sahajātādīhi, na aññathāti aññamaññe paṭikkhitte so vāro parihāyatīti vattabbaṃ.
жад̇уннам̣ канд̇хаанам̣ згад̣̇зсоваад̇и сахаж̇аад̇з санд̇хааяа вуд̇д̇ам̣. асахаж̇аад̇аа хи аахааринд̣̇рияаа руубагканд̇хзгад̣̇зсова хонд̇и. д̇зд̇и д̇з виббаяуд̇д̇абажжаяад̇хаммаа.
Catunnaṃ khandhānaṃ ekadesovāti sahajāte sandhāya vuttaṃ. Asahajātā hi āhārindriyā rūpakkhandhekadesova honti. Teti te vippayuttapaccayadhammā.
533. ‘‘д̣̇умуулагаад̣̇ивасзна бажжаяаг̇ан̣анам̣ д̣̇ассзд̇у’’нд̇и ликид̇ам̣, ‘‘бажжанийяаг̇ан̣анам̣ д̣̇ассзд̇у’’нд̇и бана вад̇д̇аб̣б̣ам̣. бажжанийяаваараг̇ан̣анаа хи д̣̇ассид̇аад̇и.
533. ‘‘Dumūlakādivasena paccayagaṇanaṃ dassetu’’nti likhitaṃ, ‘‘paccanīyagaṇanaṃ dassetu’’nti pana vattabbaṃ. Paccanīyavāragaṇanā hi dassitāti.
‘‘вибаагам̣ банзд̇т̇а наубаниссаяабажжаязна сад̣̇д̇хим̣ гхадид̇ад̇д̇аа на лаб̣бхад̇ий’’д̇и вуд̇д̇ам̣, вибаагассаби бана гаммам̣ убаниссаяо ахуд̇вааби гаммабажжаяо ход̇ийд̇и вибаагад̇д̇игз д̣̇ассид̇амзд̇анд̇и.
‘‘Vipākaṃ panettha naupanissayapaccayena saddhiṃ ghaṭitattā na labbhatī’’ti vuttaṃ, vipākassapi pana kammaṃ upanissayo ahutvāpi kammapaccayo hotīti vipākattike dassitametanti.
нахзд̇умуулагаван̣н̣анаа нидтид̇аа.
Nahetumūlakavaṇṇanā niṭṭhitā.
534. сад̇д̇а бан̃жа д̇ийн̣и д̣̇вз зганд̇и барижчиннаг̇ан̣анаанийд̇и сад̇д̇аад̣̇ибарижчзд̣̇зхи барижчиннаг̇ан̣анаани виссаж̇ж̇анаани хзд̇умуулагз д̣̇ассид̇аанийд̇и ааха.
534. Satta pañca tīṇi dve ekanti paricchinnagaṇanānīti sattādiparicchedehi paricchinnagaṇanāni vissajjanāni hetumūlake dassitānīti āha.
538. наниссаяабажжаяаа наубаниссаяабажжаяаа набажчааж̇аад̇з д̇ийн̣ийд̇и муулагам̣ сан̇кибид̇ваа д̣̇асамуулагз ‘‘набажчааж̇аад̇з д̇ийн̣ий’’д̇и вуд̇д̇ам̣ г̇ан̣анам̣ уд̣̇д̇харад̇и. ‘‘д̇зсу гадад̇д̇ааруубан̃жа аахаарасамудтаанан̃жа бажжаяуббанна’’нд̇и вуд̇д̇ам̣, д̣̇вийсу бана вибааго д̇ад̇ияз д̇зсамудтаанигагааяо жа бажжаяуббанно ход̇иязва.
538. Nanissayapaccayānaupanissayapaccayā napacchājāte tīṇīti mūlakaṃ saṅkhipitvā dasamūlake ‘‘napacchājāte tīṇī’’ti vuttaṃ gaṇanaṃ uddharati. ‘‘Tesu kaṭattārūpañca āhārasamuṭṭhānañca paccayuppanna’’nti vuttaṃ, dvīsu pana vipāko tatiye tesamuṭṭhānikakāyo ca paccayuppanno hotiyeva.
545. аб̣яаагад̇о жа сахаж̇аад̇ааб̣яаагад̇ассаад̇и ‘‘аруубааб̣яаагад̇о аруубааб̣яаагад̇асса, руубааб̣яаагад̇о жа руубааб̣яаагад̇ассаа’’д̇и зд̇ам̣ д̣̇ваяам̣ санд̇хааяа вуд̇д̇ам̣. руубааб̣яаагад̇о бана аруубааб̣яаагад̇асса, аруубааб̣яаагад̇о жа руубааб̣яаагад̇асса сахаж̇аад̇абажжаяо хонд̇о виббаяуд̇д̇абажжаяо ход̇иязва. ‘‘аб̣яаагад̇о сахаж̇аад̇аахааринд̣̇рияавасзна аб̣яаагад̇ассаад̇и звам̣ бан̃жаа’’д̇и бана вад̇д̇аб̣б̣ам̣.
545. Abyākato ca sahajātaabyākatassāti ‘‘arūpābyākato arūpābyākatassa, rūpābyākato ca rūpābyākatassā’’ti etaṃ dvayaṃ sandhāya vuttaṃ. Rūpābyākato pana arūpābyākatassa, arūpābyākato ca rūpābyākatassa sahajātapaccayo honto vippayuttapaccayo hotiyeva. ‘‘Abyākato sahajātāhārindriyavasena abyākatassāti evaṃ pañcā’’ti pana vattabbaṃ.
546. ноад̇т̇ибажжаяаа нахзд̇уяаа наваад̇и зд̇т̇а ‘‘згамуулагзгаавасаанаа ананд̇арабагад̇уубаниссаяавасзна лаб̣бханд̇ий’’д̇и вуд̇д̇ам̣, ад̇т̇ибажжаяз бана бадигкид̇д̇з адтасу бажжаязсу сахаж̇аад̇абурзж̇аад̇абажчааж̇аад̇аахааринд̣̇рияаани бадигкид̇д̇аани, аарамман̣аубаниссаяагаммаани тид̇аанийд̇и д̇зсам̣ д̇ин̣н̣ам̣ тид̇аанам̣ васзна лаб̣бханд̇ийд̇и вад̇д̇аб̣б̣ам̣. саб̣б̣ад̇т̇а хи адтасу бажжаязсу яз яз бадигкид̇д̇аа, д̇з д̇з абанзд̇ваа яз яз тид̇аа, д̇зсам̣ васзна д̇з д̇з ваараа лаб̣бханд̇ийд̇и ид̣̇амзд̇т̇а лагкан̣анд̇и. яаава ниссаяамбийд̇и на гзвалам̣ наарамман̣зязва тад̇ваа, ат̇а ко яаава ниссаяам̣, д̇аава тад̇вааби наубаниссаяз д̣̇вз гаад̇аб̣б̣аад̇и ад̇т̇о. наубаниссаяад̇о хи буримзсу жа наваби лаб̣бханд̇и, наубаниссаяз бана бавад̇д̇з ад̇т̇иаарамман̣аубаниссаяабадигкзбзна сад̇д̇а бажжаяаа бадигкид̇д̇аад̇и авасидтасса гаммасса васзна д̣̇взязваад̇и.
546. Noatthipaccayā nahetuyā navāti ettha ‘‘ekamūlakekāvasānā anantarapakatūpanissayavasena labbhantī’’ti vuttaṃ, atthipaccaye pana paṭikkhitte aṭṭhasu paccayesu sahajātapurejātapacchājātāhārindriyāni paṭikkhittāni, ārammaṇaupanissayakammāni ṭhitānīti tesaṃ tiṇṇaṃ ṭhitānaṃ vasena labbhantīti vattabbaṃ. Sabbattha hi aṭṭhasu paccayesu ye ye paṭikkhittā, te te apanetvā ye ye ṭhitā, tesaṃ vasena te te vārā labbhantīti idamettha lakkhaṇanti. Yāva nissayampīti na kevalaṃ nārammaṇeyeva ṭhatvā, atha kho yāva nissayaṃ, tāva ṭhatvāpi naupanissaye dve kātabbāti attho. Naupanissayato hi purimesu ca navapi labbhanti, naupanissaye pana pavatte atthiārammaṇaupanissayapaṭikkhepena satta paccayā paṭikkhittāti avasiṭṭhassa kammassa vasena dveyevāti.
бажжанийяаг̇ан̣анаван̣н̣анаа нидтид̇аа.
Paccanīyagaṇanavaṇṇanā niṭṭhitā.
ануломабажжанийяаван̣н̣анаа
Anulomapaccanīyavaṇṇanā
550. сад̣̇исаваараад̇и ануруубаваараад̇и ад̇т̇о. наан̃н̃аман̃н̃з лад̣̇д̇хзсу хи згаад̣̇асасу ‘‘гусало гусаласса агусало агусалассаа’’д̇и имз хзд̇уяаа лад̣̇д̇хзсу сад̇д̇асу имзхзва д̣̇вийхи самаанаа хонд̇и, ад̇т̇аабхаавад̇о бана на ануруубаад̇и. ат̇а ваа важанад̇о ад̇т̇ад̇о жа уд̣̇д̣̇зсад̇о яат̇ааяог̇ам̣ нид̣̇д̣̇зсад̇о жаад̇и саб̣б̣ат̇аа самаанад̇ам̣ санд̇хааяа ‘‘сад̣̇исаваараа’’д̇и ааха.
550. Sadisavārāti anurūpavārāti attho. Naaññamaññe laddhesu hi ekādasasu ‘‘kusalo kusalassa akusalo akusalassā’’ti ime hetuyā laddhesu sattasu imeheva dvīhi samānā honti, atthābhāvato pana na anurūpāti. Atha vā vacanato atthato ca uddesato yathāyogaṃ niddesato cāti sabbathā samānataṃ sandhāya ‘‘sadisavārā’’ti āha.
551. бадисанд̇хинаамаруубам̣ санд̇хааяаад̇и бадисанд̇хияам̣ хзд̇унаамабажжаяам̣ вад̇т̇уруубан̃жа бажжаяуббаннам̣ санд̇хааяа . д̇ийн̣и гусалаад̣̇ийни жид̇д̇асамудтаанаруубассаад̇и зд̇т̇а ‘‘аб̣яаагад̇о гадад̇д̇ааруубасса жаа’’д̇и ид̣̇амби вад̇д̇аб̣б̣ам̣.
551. Paṭisandhināmarūpaṃ sandhāyāti paṭisandhiyaṃ hetunāmapaccayaṃ vatthurūpañca paccayuppannaṃ sandhāya . Tīṇi kusalādīni cittasamuṭṭhānarūpassāti ettha ‘‘abyākato kaṭattārūpassa cā’’ti idampi vattabbaṃ.
556. ад̇хибад̇имуулагз нахзд̇уяаа д̣̇асаад̇и д̣̇виннамби ад̇хибад̇ийнам̣ васзна вуд̇д̇ам̣, наарамман̣з сад̇д̇аад̇и сахаж̇аад̇аад̇хибад̇исса, насахаж̇аад̇з сад̇д̇аад̇и аарамман̣аад̇хибад̇иссаад̇и звам̣ саб̣б̣ад̇т̇а д̇асмим̣ д̇асмим̣ бажжаяз бадигкид̇д̇з гхаданзсу жа д̇асмим̣ д̇асмим̣ бажжаяз гхадид̇з муулабхаавзна тид̇з бажжаяз яз д̇хаммаа барихааяанд̇и, яз жа д̇идтанд̇и, д̇з саад̇хугам̣ саллагкзд̇ваа яз д̇хаммаа тид̇аа язсам̣ бажжаяаа хонд̇и, д̇зсам̣ васзна г̇ан̣анаа уд̣̇д̇харид̇аб̣б̣аа. ануломз вуд̇д̇агхадид̇з хи муулабхаавзна табзд̇ваа гхадид̇аавасзсаа бажжаяаа бажжанийяад̇о яож̇ид̇аад̇и д̇ад̇т̇а лад̣̇д̇хааязва бажжанийяад̇о тид̇абажжаяаанам̣ васзна самаанаа уунаа жа саггаа вин̃н̃аад̇унд̇и.
556. Adhipatimūlake nahetuyā dasāti dvinnampi adhipatīnaṃ vasena vuttaṃ, nārammaṇe sattāti sahajātādhipatissa, nasahajāte sattāti ārammaṇādhipatissāti evaṃ sabbattha tasmiṃ tasmiṃ paccaye paṭikkhitte ghaṭanesu ca tasmiṃ tasmiṃ paccaye ghaṭite mūlabhāvena ṭhite paccaye ye dhammā parihāyanti, ye ca tiṭṭhanti, te sādhukaṃ sallakkhetvā ye dhammā ṭhitā yesaṃ paccayā honti, tesaṃ vasena gaṇanā uddharitabbā. Anulome vuttaghaṭite hi mūlabhāvena ṭhapetvā ghaṭitāvasesā paccayā paccanīyato yojitāti tattha laddhāyeva paccanīyato ṭhitapaccayānaṃ vasena samānā ūnā ca sakkā viññātunti.
ануломабажжанийяаван̣н̣анаа нидтид̇аа.
Anulomapaccanīyavaṇṇanā niṭṭhitā.
бажжанийяаануломаван̣н̣анаа
Paccanīyānulomavaṇṇanā
631. уунад̇араг̇ан̣анзна сад̣̇д̇хим̣ ад̇ирзгаг̇ан̣анассаби г̇ан̣анам̣ барихаабзд̇ваад̇и зд̇т̇а ануломад̇о яож̇ияамаанзна бажжаязна сад̣̇д̇хим̣ бажжанийяад̇о тид̇асса ад̇ирзгаг̇ан̣анассаби г̇ан̣анам̣ барихаабзд̇ваад̇и ад̇хиббааяо. барихаабанаг̇ан̣анааяа уунад̇араг̇ан̣анзна сад̣̇д̇хим̣ самаанад̇д̇ан̃жа на зганд̇игам̣. нахзд̇унаарамман̣ад̣̇угасса хи г̇ан̣анаа ад̇хибад̇ибажжаязна яож̇ияамаанзна уунад̇араг̇ан̣анзна сад̣̇д̇хим̣ барихийнааби ад̇хибад̇ибажжаяз лад̣̇д̇хаг̇ан̣анааяа на самаанаа, ат̇а ко д̇ад̇оби уунад̇араа ход̇ийд̇и ааха ‘‘на банзд̇ам̣ саб̣б̣асам̣санд̣̇анзсу г̇ажчад̇ий’’д̇и.
631. Ūnataragaṇanena saddhiṃ atirekagaṇanassapi gaṇanaṃ parihāpetvāti ettha anulomato yojiyamānena paccayena saddhiṃ paccanīyato ṭhitassa atirekagaṇanassapi gaṇanaṃ parihāpetvāti adhippāyo. Parihāpanagaṇanāya ūnataragaṇanena saddhiṃ samānattañca na ekantikaṃ. Nahetunārammaṇadukassa hi gaṇanā adhipatipaccayena yojiyamānena ūnataragaṇanena saddhiṃ parihīnāpi adhipatipaccaye laddhagaṇanāya na samānā, atha kho tatopi ūnatarā hotīti āha ‘‘na panetaṃ sabbasaṃsandanesu gacchatī’’ti.
ниссаяз бажжанийяад̇о тид̇з сахаж̇аад̇з жа ануломад̇о ад̇идтамаанаанам̣ хзд̇уаад̣̇ийнам̣ сахаж̇аад̇асса жа адтаанам̣ баагаданд̇и абаагадамзва д̣̇ассзнд̇о ‘‘вад̇т̇убурзж̇аад̇о ануломад̇о на д̇идтад̇ий’’д̇и ааха. аахаарз ваад̇иаад̣̇инаа ид̣̇ам̣ д̣̇ассзд̇и – сахаж̇аад̇з бажжанийяад̇о тид̇з ануломад̇о ад̇идтамаанаа жхаанамаг̇г̇асамбаяуд̇д̇аа аахаарз ваа инд̣̇рияз ваа бажжанийяад̇о тид̇з д̇идтанд̇ийд̇и хзд̇уаад̣̇аяоби д̇идтанд̇и. саб̣б̣ажхаанамаг̇г̇зхи бана жад̇угканд̇хзгад̣̇зсабхууд̇аанам̣ самбаяуд̇д̇зна жа жад̇угканд̇хабхууд̇аанам̣ саб̣б̣зсам̣ д̇зсам̣ ануломад̇о таанам̣ д̣̇ассзд̇ийд̇и д̣̇адтаб̣б̣ам̣, ид̇арзсу вад̇д̇аб̣б̣амзва над̇т̇и. ад̇хибад̇иубаниссаяаад̇и аарамман̣амиссаанамби ануломад̇о таанам̣ д̣̇ассзд̇и.
Nissaye paccanīyato ṭhite sahajāte ca anulomato atiṭṭhamānānaṃ hetuādīnaṃ sahajātassa ca aṭṭhānaṃ pākaṭanti apākaṭameva dassento ‘‘vatthupurejāto anulomato na tiṭṭhatī’’ti āha. Āhāre vātiādinā idaṃ dasseti – sahajāte paccanīyato ṭhite anulomato atiṭṭhamānā jhānamaggasampayuttā āhāre vā indriye vā paccanīyato ṭhite tiṭṭhantīti hetuādayopi tiṭṭhanti. Sabbajhānamaggehi pana catukkhandhekadesabhūtānaṃ sampayuttena ca catukkhandhabhūtānaṃ sabbesaṃ tesaṃ anulomato ṭhānaṃ dassetīti daṭṭhabbaṃ, itaresu vattabbameva natthi. Adhipatiupanissayāti ārammaṇamissānampi anulomato ṭhānaṃ dasseti.
‘‘инд̣̇рияз зганд̇и руубаж̇ийвид̇инд̣̇рияавасзнаа’’д̇и вуд̇д̇ам̣, ‘‘жагкунд̣̇рияаад̣̇ийнам̣ руубаж̇ийвид̇инд̣̇рияасса жа васзнаа’’д̇и бана вад̇д̇аб̣б̣ам̣. гамзна г̇анд̇ваа виббаяуд̇д̇з д̇ийн̣ийд̇и ид̣̇ам̣ баагадабхаавад̇т̇ам̣ ‘‘навамуулагаад̣̇ийсу виббаяуд̇д̇з д̇ийн̣ий’’д̇и звам̣ гзсужи бод̇т̇агзсу уд̣̇д̇хадам̣. имаани жа д̣̇вз бажчааж̇аад̇инд̣̇рияавасзнаад̇и ид̣̇ам̣ ‘‘имаани жа д̣̇вз бажчааж̇аад̇аахааринд̣̇рияавасзнаа’’д̇и жа вад̇д̇аб̣б̣ам̣.
‘‘Indriye ekanti rūpajīvitindriyavasenā’’ti vuttaṃ, ‘‘cakkhundriyādīnaṃ rūpajīvitindriyassa ca vasenā’’ti pana vattabbaṃ. Kamena gantvā vippayutte tīṇīti idaṃ pākaṭabhāvatthaṃ ‘‘navamūlakādīsu vippayutte tīṇī’’ti evaṃ kesuci potthakesu uddhaṭaṃ. Imāni ca dve pacchājātindriyavasenāti idaṃ ‘‘imāni ca dve pacchājātāhārindriyavasenā’’ti ca vattabbaṃ.
нахзд̇умуулагаван̣н̣анаа нидтид̇аа.
Nahetumūlakavaṇṇanā niṭṭhitā.
636. наан̃н̃аман̃н̃абажжаяаа хзд̇уяаа д̇ийн̣ийд̇и гусалаад̣̇ийни жид̇д̇асамудтаанаананд̇и зд̇т̇а ‘‘бадисанд̇хияам̣ гадад̇д̇ааруубаанан̃жаа’’д̇иби вад̇д̇аб̣б̣ам̣. хзд̇уяаа вуд̇д̇зхи д̇ийхийд̇и ваарасааман̃н̃амзва санд̇хааяа вад̣̇ад̇и, д̇ат̇аа гаммз д̇ийн̣ийд̇и хзд̇уяаа вуд̇д̇аанзваад̇и жа. бажжаязсу бана саб̣б̣ад̇т̇а висзсо саллагкзд̇аб̣б̣о. ад̇хибад̇ияаа д̇ийн̣ийд̇и наан̃н̃аман̃н̃анахзд̇унааарамман̣абажжаяаа ад̇хибад̇ияаа д̇ийн̣ийд̇и зд̇аани хздтаа хзд̇уяаа вуд̇д̇аанзваад̇и.
636. Naaññamaññapaccayā hetuyā tīṇīti kusalādīni cittasamuṭṭhānānanti ettha ‘‘paṭisandhiyaṃ kaṭattārūpānañcā’’tipi vattabbaṃ. Hetuyā vuttehi tīhīti vārasāmaññameva sandhāya vadati, tathā kamme tīṇīti hetuyā vuttānevāti ca. Paccayesu pana sabbattha viseso sallakkhetabbo. Adhipatiyā tīṇīti naaññamaññanahetunaārammaṇapaccayā adhipatiyā tīṇīti etāni heṭṭhā hetuyā vuttānevāti.
644. яат̇аа жа хздтаад̇и яат̇аа нахзд̇умуулагз яаава навибаагаа, д̇аава г̇анд̇ваа наахааринд̣̇риязсу згзгамзва г̇ахид̇ам̣, д̇ат̇аа ид̇хааби наарамман̣амуулагаад̣̇ийсу згзгамзва г̇ахид̇анд̇и ад̇хиббааяо.
644. Yathā ca heṭṭhāti yathā nahetumūlake yāva navipākā, tāva gantvā nāhārindriyesu ekekameva gahitaṃ, tathā idhāpi nārammaṇamūlakādīsu ekekameva gahitanti adhippāyo.
648. наанаагкан̣игаа гусалаагусалажзд̇анаа гаммасамудтаанаруубассаад̇и зд̇т̇а ‘‘вибаагаана’’нд̇иби вад̇д̇аб̣б̣ам̣. аахааринд̣̇риязсу д̇ийн̣и сахаж̇аад̇асад̣̇исаани руубассаби бажжаяабхаавад̇о, жхаанамаг̇г̇аад̣̇ийсу д̇ийн̣и хзд̇усад̣̇исаани аруубаанам̣язва бажжаяабхаавад̇од̇и ад̇хиббааяо д̣̇адтаб̣б̣о. аад̣̇и-сад̣̇д̣̇зна жа ‘‘навиббаяуд̇д̇анахзд̇унаарамман̣абажжаяаа ад̇хибад̇ияаа д̇ийн̣ий’’д̇иаад̣̇ийни (бадтаа. 1.1.649) сан̇г̇ан̣хаад̇и.
648. Nānākkhaṇikā kusalākusalacetanā kammasamuṭṭhānarūpassāti ettha ‘‘vipākāna’’ntipi vattabbaṃ. Āhārindriyesu tīṇi sahajātasadisāni rūpassapi paccayabhāvato, jhānamaggādīsu tīṇi hetusadisāni arūpānaṃyeva paccayabhāvatoti adhippāyo daṭṭhabbo. Ādi-saddena ca ‘‘navippayuttanahetunārammaṇapaccayā adhipatiyā tīṇī’’tiādīni (paṭṭhā. 1.1.649) saṅgaṇhāti.
650. яам̣ банаад̇и яам̣ бажжаяам̣ сагадтаанз ануломад̇о лабханд̇амби аг̇г̇ахзд̇ваа д̇ад̇о барзд̇араа бажжанийяад̇о г̇аяханд̇и, со бажжаяо бажчаа ануломад̇ова яож̇анам̣ лабхад̇ийд̇и ад̇т̇о. яат̇аа бана нахзд̇умуулагаад̣̇ийсу наахаарз гхадид̇з инд̣̇рияавасзна, нинд̣̇рияз жа гхадид̇з аахааравасзна бан̃халаабхо ход̇ийд̇и д̇зсу ан̃н̃ад̇арам̣ бажжанийяад̇о аяож̇зд̇ваа ануломад̇о яож̇ид̇ам̣, звам̣ ноад̇т̇иноавиг̇ад̇амуулагзсу убаниссаяз гхадид̇з гаммавасзна, гаммз жа гхадид̇з убаниссаяавасзна бан̃халаабхо ход̇ийд̇и д̇зсу ан̃н̃ад̇арам̣ бажжанийяад̇о аяож̇зд̇ваа ануломад̇о яож̇ид̇анд̇и взд̣̇ид̇аб̣б̣ам̣. звамзд̇асмим̣ бажжанийяаануломз саб̣б̣аани муулаани д̣̇взд̇хаа бхиннаани наахааранинд̣̇рияаани наубаниссаяанагаммаани жа бад̇ваад̇и.
650. Yaṃpanāti yaṃ paccayaṃ sakaṭṭhāne anulomato labhantampi aggahetvā tato paretarā paccanīyato gayhanti, so paccayo pacchā anulomatova yojanaṃ labhatīti attho. Yathā pana nahetumūlakādīsu nāhāre ghaṭite indriyavasena, nindriye ca ghaṭite āhāravasena pañhalābho hotīti tesu aññataraṃ paccanīyato ayojetvā anulomato yojitaṃ, evaṃ noatthinoavigatamūlakesu upanissaye ghaṭite kammavasena, kamme ca ghaṭite upanissayavasena pañhalābho hotīti tesu aññataraṃ paccanīyato ayojetvā anulomato yojitanti veditabbaṃ. Evametasmiṃ paccanīyānulome sabbāni mūlāni dvedhā bhinnāni nāhāranindriyāni naupanissayanakammāni ca patvāti.
бажжанийяаануломаван̣н̣анаа нидтид̇аа.
Paccanīyānulomavaṇṇanā niṭṭhitā.
гусалад̇д̇игаван̣н̣анаа нидтид̇аа.
Kusalattikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. бан̃хаавааравибхан̇г̇аван̣н̣анаа • 7. Pañhāvāravibhaṅgavaṇṇanā
