Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā

    7. бан̃хаавааравибхан̇г̇аван̣н̣анаа

    7. Pañhāvāravibhaṅgavaṇṇanā

    401-403. д̇з бажжаязд̇и д̇з хзд̇уаад̣̇игз бажжаяз. бадибаадияаад̇и зд̇т̇а бажжаяабадибаадияаа гусалаад̣̇ибад̣̇абадибаадияаа ваад̇и аасан̇гааяам̣ убхаяавасзнаби ад̇т̇о яуж̇ж̇ад̇ийд̇и д̣̇ассзнд̇о батамам̣ д̇аава санд̇хааяааха ‘‘яат̇ааггамзнаа’’д̇иаад̣̇и. д̇ассад̇т̇о – ‘‘хзд̇убажжаяо аарамман̣абажжаяо’’д̇иаад̣̇инаа наязна д̣̇зсанааггамзна яааяа бадибаадияаа бадижжаваарз бажжаяаа ааг̇ад̇аа, д̇ад̣̇ануруубам̣ д̇з д̣̇ассзд̇унд̇и. д̣̇уд̇ияам̣ бана д̣̇ассзд̇ум̣ ‘‘гусало гусалассаа’’д̇иаад̣̇и вуд̇д̇ам̣. саа банааяам̣ бад̣̇абадибаади яасмаа на гусалабад̣̇ад̣̇ассанамад̇д̇зна д̣̇ассид̇аа ход̇и, д̇асмаа д̇ам̣ згад̣̇зсзна сагалам̣ наяад̇о д̣̇ассзнд̇о ааха ‘‘гусало гусалассаад̇и…бз… ход̇ий’’д̇и. д̇знаад̇и нид̣̇ассанамад̇д̇зна ‘‘гусало гусалассаа’’д̇и бад̣̇зна. саб̣б̣о бабхзд̣̇од̇и яам̣ д̇ад̇т̇а д̇ад̇т̇а бажжаяз ‘‘гусало гусалассаа’’д̇иаад̣̇иго яад̇д̇аго бабхзд̣̇о виссаж̇ж̇анам̣ лабхад̇и, со саб̣б̣о бабхзд̣̇од̇и ад̇т̇о. д̇з бажжаяз бадибаадияаа д̣̇ассзд̇унд̇и д̇з хзд̇уаад̣̇ибажжаяз гусалаад̣̇ибад̣̇абадибаадияаа д̣̇ассзд̇ум̣.

    401-403. Tepaccayeti te hetuādike paccaye. Paṭipāṭiyāti ettha paccayapaṭipāṭiyā kusalādipadapaṭipāṭiyā vāti āsaṅkāyaṃ ubhayavasenapi attho yujjatīti dassento paṭhamaṃ tāva sandhāyāha ‘‘yathākkamenā’’tiādi. Tassattho – ‘‘hetupaccayo ārammaṇapaccayo’’tiādinā nayena desanākkamena yāya paṭipāṭiyā paṭiccavāre paccayā āgatā, tadanurūpaṃ te dassetunti. Dutiyaṃ pana dassetuṃ ‘‘kusalo kusalassā’’tiādi vuttaṃ. Sā panāyaṃ padapaṭipāṭi yasmā na kusalapadadassanamattena dassitā hoti, tasmā taṃ ekadesena sakalaṃ nayato dassento āha ‘‘kusalo kusalassāti…pe… hotī’’ti. Tenāti nidassanamattena ‘‘kusalo kusalassā’’ti padena. Sabbo pabhedoti yaṃ tattha tattha paccaye ‘‘kusalo kusalassā’’tiādiko yattako pabhedo vissajjanaṃ labhati, so sabbo pabhedoti attho. Te paccaye paṭipāṭiyā dassetunti te hetuādipaccaye kusalādipadapaṭipāṭiyā dassetuṃ.

    404. палависзсам̣ ааган̇канд̇аа бадиг̇г̇аахагад̇о вияа д̣̇ааяагад̇оби яат̇аа д̣̇агкин̣аа висуж̇жхад̇и, звам̣ д̣̇аанам̣ д̣̇знд̇ийд̇и ааха ‘‘висуд̣̇д̇хам̣ гад̇ваа’’д̇и. д̇зсанд̇и вад̇д̇аб̣б̣ад̇аараханд̇и иминаа вод̣̇аанасса сагад̣̇ааг̇аамиаад̣̇ийнам̣ аавзн̣игад̇ам̣ д̣̇ассзд̇и. гаамам̣ аг̇г̇амаг̇г̇абурзжааригамби вод̣̇аанамзва, асзгко бана худ̇ваа д̇ам̣ бажжавзгкад̇ийд̇и на д̇ам̣ ид̇ха г̇ахид̇ам̣. д̇анд̇и вод̣̇аанам̣. г̇од̇рабхужид̇д̇анд̇и адтамагасса уббаж̇ж̇анагаалз ‘‘г̇од̇рабхуу’’д̇и вад̇д̇аб̣б̣ад̇аарахам̣ жид̇д̇ам̣. г̇од̇рабхусад̣̇исанд̇и ваа сод̇аабаннаад̣̇иг̇од̇раабхибхаавийд̇и ваа г̇од̇рабхужид̇д̇анд̇и звамзд̇т̇а ад̇т̇о взд̣̇ид̇аб̣б̣о. бажжаяуббаннам̣ бхуумид̇о вавад̇т̇абзд̇и, ‘‘д̇збхуумагагусаламзваа’’д̇и зд̇т̇а вияа на бажжаяад̇хамманд̇и ад̇т̇о. д̣̇зсананд̇арад̇д̇аад̇и ‘‘гусалажид̇д̇асаман̇г̇иссаа’’д̇иаад̣̇инаа буг̇г̇алаамасанад̣̇зсанад̇о ан̃н̃ад̇д̇аа, ан̃н̃ат̇аа г̇ахид̇ам̣ буна на г̇ан̣хзяяаад̇и ад̇хиббааяо.

    404. Phalavisesaṃ ākaṅkhantā paṭiggāhakato viya dāyakatopi yathā dakkhiṇā visujjhati, evaṃ dānaṃ dentīti āha ‘‘visuddhaṃ katvā’’ti. Tesanti vattabbatārahanti iminā vodānassa sakadāgāmiādīnaṃ āveṇikataṃ dasseti. Kāmaṃ aggamaggapurecārikampi vodānameva, asekkho pana hutvā taṃ paccavekkhatīti na taṃ idha gahitaṃ. Tanti vodānaṃ. Gotrabhucittanti aṭṭhamakassa uppajjanakāle ‘‘gotrabhū’’ti vattabbatārahaṃ cittaṃ. Gotrabhusadisanti vā sotāpannādigotrābhibhāvīti vā gotrabhucittanti evamettha attho veditabbo. Paccayuppannaṃ bhūmito vavatthapeti, ‘‘tebhūmakakusalamevā’’ti ettha viya na paccayadhammanti attho. Desanantarattāti ‘‘kusalacittasamaṅgissā’’tiādinā puggalāmasanadesanato aññattā, aññathā gahitaṃ puna na gaṇheyyāti adhippāyo.

    405. рааг̇арахид̇асса вияа соманассарахид̇асса жа рааг̇асса на аарамман̣з ассаад̣̇анавасзна бавад̇д̇и аж̇жхубзгканад̇од̇и вуд̇д̇ам̣ ‘‘ассаад̣̇анам̣…бз… гижжа’’нд̇и. сахасаагаараббавад̇д̇ааяа уббилаавид̇асабхаавааяа бийд̇ияаа аахид̇ависзсааяа д̇ан̣хааяа д̇ам̣ д̇ан̣хаабхинанд̣̇ананд̇и вужжад̇ийд̇и д̇ам̣ санд̇хааяааха ‘‘бийд̇игижжасахид̇ааяа д̇ан̣хааяа гижжа’’нд̇и. яат̇аа жа яат̇аавуд̇д̇агижжависзсааяа бийд̇ияаа аахид̇ависзсаа д̇ан̣хаа д̇ан̣хаабхинанд̣̇анаа, звам̣ д̣̇идтаабхинанд̣̇анаа взд̣̇ид̇аб̣б̣аа. яасмаа бана саа ад̇т̇ад̇о бажжаяависзсависидтаа д̣̇идтиязва, д̇асмаа вуд̇д̇ам̣ ‘‘д̣̇идтаабхинанд̣̇анаа д̣̇идтиязваа’’д̇и. зд̇т̇а банаад̇и ‘‘абхинанд̣̇ад̇ий’’д̇и бад̣̇асса д̇ан̣хаад̣̇идтивасзна вуд̇д̇зсу зд̇зсу бана д̣̇вийсу ад̇т̇зсу. абхинанд̣̇анд̇ассаад̇и ид̣̇ам̣ д̣̇идтаабхинанд̣̇анам̣язва санд̇хааяа вуд̇д̇анд̇и ад̇хиббааязна ‘‘бажчимад̇т̇амзва г̇ахзд̇ваа’’д̇и вуд̇д̇ам̣. абхинанд̣̇анд̇ассаад̇и бана ависзсад̇о вуд̇д̇ад̇д̇аа д̇ан̣хаавасзна д̣̇идтивасзна абхинанд̣̇анд̇ассаад̇и аяамзд̇т̇а ад̇т̇о ад̇хиббзд̇о, д̇асмаа ‘‘абхинанд̣̇анаа…бз… на саггаа вад̇д̇у’’нд̇и ид̣̇амид̇ха важанаманогаасам̣. гасмаа? д̣̇идтирахид̇зби санд̇аанз абхинанд̣̇анасса вуд̇д̇ад̇д̇аа. д̇ан̣хаавасзна нанд̣̇ад̇ийд̇и д̇ан̣хаабхинанд̣̇анавасзнзва вуд̇д̇о ад̇т̇о буримо ад̇т̇о. д̣̇вийсу бана соманассасахаг̇ад̇ажид̇д̇уббаад̣̇зсууд̇и д̣̇идтирахид̇аани соманассасахаг̇ад̇ажид̇д̇аани санд̇хааяааха. яат̇аавуд̇д̇знаад̇и ‘‘сарааг̇асса соманассассаа’’д̇иаад̣̇инаа вуд̇д̇зна соманассзна ассаад̣̇знд̇асса, рааг̇зна жа д̇зсуязва яат̇аавуд̇д̇зсу д̣̇вийсу жид̇д̇зсу ассаад̣̇знд̇асса, жад̇уусуби соманассасахаг̇ад̇ажид̇д̇зсу саббийд̇игад̇ан̣хааяа абхинанд̣̇анд̇асса, жад̇уусуби д̣̇идтисамбаяуд̇д̇зсу д̣̇идтаабхинанд̣̇анааяа абхинанд̣̇анд̇асса д̣̇идти уббаж̇ж̇ад̇ийд̇и звамзд̇т̇а яож̇анаа взд̣̇ид̇аб̣б̣аа. д̇зна вуд̇д̇ам̣ ‘‘ид̇иби саггаа яож̇зд̇у’’нд̇и. яат̇аа д̣̇идтуубаниссаяад̇о д̣̇идтаабхинанд̣̇анаа самбхавад̇и, звам̣ д̇ан̣хуубаниссаяад̇о д̇ан̣хаабхинанд̣̇анааби самбхавад̇ийд̇и д̣̇адтаб̣б̣ам̣. ‘‘абхинанд̣̇ад̇и рааг̇о уббаж̇ж̇ад̇ий’’д̇и важанад̇о саббийд̇игад̇ан̣хааяа абхинанд̣̇анд̇асса рааг̇уббад̇д̇иби вад̇д̇аб̣б̣аа, на ваа вад̇д̇аб̣б̣аа д̇ан̣хаабхинанд̣̇анааяа зва рааг̇уббад̇д̇ияаа вуд̇д̇ад̇д̇аа.

    405. Rāgarahitassa viya somanassarahitassa ca rāgassa na ārammaṇe assādanavasena pavatti ajjhupekkhanatoti vuttaṃ ‘‘assādanaṃ…pe… kicca’’nti. Sahasākārappavattāya uppilāvitasabhāvāya pītiyā āhitavisesāya taṇhāya taṃ taṇhābhinandananti vuccatīti taṃ sandhāyāha ‘‘pītikiccasahitāya taṇhāya kicca’’nti. Yathā ca yathāvuttakiccavisesāya pītiyā āhitavisesā taṇhā taṇhābhinandanā, evaṃ diṭṭhābhinandanā veditabbā. Yasmā pana sā atthato paccayavisesavisiṭṭhā diṭṭhiyeva, tasmā vuttaṃ ‘‘diṭṭhābhinandanā diṭṭhiyevā’’ti. Ettha panāti ‘‘abhinandatī’’ti padassa taṇhādiṭṭhivasena vuttesu etesu pana dvīsu atthesu. Abhinandantassāti idaṃ diṭṭhābhinandanaṃyeva sandhāya vuttanti adhippāyena ‘‘pacchimatthameva gahetvā’’ti vuttaṃ. Abhinandantassāti pana avisesato vuttattā taṇhāvasena diṭṭhivasena abhinandantassāti ayamettha attho adhippeto, tasmā ‘‘abhinandanā…pe… na sakkā vattu’’nti idamidha vacanamanokāsaṃ. Kasmā? Diṭṭhirahitepi santāne abhinandanassa vuttattā. Taṇhāvasena nandatīti taṇhābhinandanavaseneva vutto attho purimo attho. Dvīsu pana somanassasahagatacittuppādesūti diṭṭhirahitāni somanassasahagatacittāni sandhāyāha. Yathāvuttenāti ‘‘sarāgassa somanassassā’’tiādinā vuttena somanassena assādentassa, rāgena ca tesuyeva yathāvuttesu dvīsu cittesu assādentassa, catūsupi somanassasahagatacittesu sappītikataṇhāya abhinandantassa, catūsupi diṭṭhisampayuttesu diṭṭhābhinandanāya abhinandantassa diṭṭhi uppajjatīti evamettha yojanā veditabbā. Tena vuttaṃ ‘‘itipi sakkā yojetu’’nti. Yathā diṭṭhūpanissayato diṭṭhābhinandanā sambhavati, evaṃ taṇhūpanissayato taṇhābhinandanāpi sambhavatīti daṭṭhabbaṃ. ‘‘Abhinandati rāgo uppajjatī’’ti vacanato sappītikataṇhāya abhinandantassa rāguppattipi vattabbā, na vā vattabbā taṇhābhinandanāya eva rāguppattiyā vuttattā.

    406. ‘‘д̇ад̣̇аарамман̣ад̇ааяаа’’д̇и вад̇д̇аб̣б̣з ‘‘д̇ад̣̇аарамман̣ад̇аа’’д̇и вуд̇д̇анд̇и ааха ‘‘вибхад̇д̇илобо хзд̇т̇а гад̇о’’д̇и. д̇ад̣̇аарамман̣ад̇аад̇и зд̇т̇а д̇аа-сад̣̇д̣̇аабхид̇хзяяо ад̇т̇о бхааво наама, со бана д̇ад̣̇аарамман̣асад̣̇д̣̇аабхид̇хзяяад̇о ан̃н̃о над̇т̇ийд̇и д̣̇ассзнд̇о ааха ‘‘бхаававанд̇ад̇о ваа ан̃н̃о бхааво наама над̇т̇ий’’д̇и. зд̇зна сагад̇т̇з аяам̣ д̇аа-сад̣̇д̣̇од̇и д̣̇ассзд̇и. д̇знааха ‘‘вибааго д̇ад̣̇аарамман̣абхаавабхууд̇од̇и ад̇т̇о’’д̇и. зд̇асмин̃жад̇т̇з ‘‘д̇ад̣̇аарамман̣ад̇аа’’д̇и бажжад̇д̇згаважанам̣ д̣̇адтаб̣б̣ам̣. вин̃н̃аан̣ан̃жааяад̇ана…бз… на вуд̇д̇анд̇и яад̣̇иби гаамааважаравибаагаанамби гаммам̣ аарамман̣ам̣ лаб̣бхад̇и, д̇ам̣ бана вин̃н̃аан̣ан̃жааяад̇ананзвасан̃н̃аанаасан̃н̃ааяад̇анавибаагаанам̣ вияа на зганд̇зна имасса вибаагажид̇д̇асса ид̣̇ам̣ гаммам̣ аарамман̣анд̇и вавад̇т̇ид̇ам̣ гаамааважаравибаагажид̇д̇аанам̣ б̣ахубхзд̣̇ад̇д̇аа, д̇асмаа д̇ам̣ лаб̣бхамаанамби на вуд̇д̇анд̇и ад̇т̇о. яад̣̇и звам̣ гим̣ д̇ам̣ лаб̣бхамаанамби на д̣̇ассид̇амзваад̇и аасан̇гааяам̣ ааха ‘‘д̇ад̣̇аарамман̣зна банаа’’д̇иаад̣̇и. ануломад̇о самаабаж̇ж̇анз язбхуяязна аасаннасамаабад̇д̇ияаа аарамман̣абхааво д̣̇ассид̇о, ан̃н̃ат̇аа ‘‘бадиломад̇о ваа зганд̇аригавасзна ваа’’д̇и важанам̣ нирад̇т̇агам̣ сияаад̇и ад̇хиббааяо. бхавзяяаад̇и анаасаннааби самаабад̇д̇и аарамман̣ам̣ бхавзяяа, на саггаа бадигкибид̇унд̇и ад̇т̇о. д̇знзва хи ‘‘язбхуяязнаа’’д̇и вуд̇д̇ам̣. звам̣ сад̇ийд̇и яад̣̇и ааваж̇ж̇анааяа зва аарамман̣абхаавзна гусалаанам̣ канд̇хаанам̣ аб̣яаагад̇аарамман̣ад̇аа ад̇хиббзд̇аа, звам̣ санд̇з. вад̇д̇аб̣б̣ам̣ сияаад̇и ‘‘ид̣̇д̇хивид̇хан̃аан̣ассаа’’д̇и жа баал̣ияам̣ вад̇д̇аб̣б̣ам̣ сияаа д̇ассааби ааваж̇ж̇анааяа аарамман̣абхаавад̇о. д̇ам̣ на вуд̇д̇анд̇и д̇ам̣ аб̣яаагад̇ам̣ ид̣̇д̇хивид̇хан̃аан̣ам̣ ‘‘гусалаа канд̇хаа ид̣̇д̇хивид̇хан̃аан̣ассаа’’д̇и на вуд̇д̇ам̣. хонд̇ийд̇и аарамман̣ам̣ хонд̇и. д̇аанийд̇и жзд̇обарияан̃аан̣аад̣̇ийни. яааяа гааяажийд̇и жзд̇обарияан̃аан̣аад̣̇ийнам̣ ан̃н̃зсан̃жа гусалаанам̣ аарамман̣агаран̣авасзна ааваж̇ж̇анд̇ияаа.

    406. ‘‘Tadārammaṇatāyā’’ti vattabbe ‘‘tadārammaṇatā’’ti vuttanti āha ‘‘vibhattilopo hettha kato’’ti. Tadārammaṇatāti ettha tā-saddābhidheyyo attho bhāvo nāma, so pana tadārammaṇasaddābhidheyyato añño natthīti dassento āha ‘‘bhāvavantato vā añño bhāvo nāma natthī’’ti. Etena sakatthe ayaṃ tā-saddoti dasseti. Tenāha ‘‘vipāko tadārammaṇabhāvabhūtoti attho’’ti. Etasmiñcatthe ‘‘tadārammaṇatā’’ti paccattekavacanaṃ daṭṭhabbaṃ. Viññāṇañcāyatana…pe… na vuttanti yadipi kāmāvacaravipākānampi kammaṃ ārammaṇaṃ labbhati, taṃ pana viññāṇañcāyatananevasaññānāsaññāyatanavipākānaṃ viya na ekantena imassa vipākacittassa idaṃ kammaṃ ārammaṇanti vavatthitaṃ kāmāvacaravipākacittānaṃ bahubhedattā, tasmā taṃ labbhamānampi na vuttanti attho. Yadi evaṃ kiṃ taṃ labbhamānampi na dassitamevāti āsaṅkāyaṃ āha ‘‘tadārammaṇena panā’’tiādi. Anulomato samāpajjane yebhuyyena āsannasamāpattiyā ārammaṇabhāvo dassito, aññathā ‘‘paṭilomato vā ekantarikavasena vā’’ti vacanaṃ niratthakaṃ siyāti adhippāyo. Bhaveyyāti anāsannāpi samāpatti ārammaṇaṃ bhaveyya, na sakkā paṭikkhipitunti attho. Teneva hi ‘‘yebhuyyenā’’ti vuttaṃ. Evaṃ satīti yadi āvajjanāya eva ārammaṇabhāvena kusalānaṃ khandhānaṃ abyākatārammaṇatā adhippetā, evaṃ sante. Vattabbaṃ siyāti ‘‘iddhividhañāṇassā’’ti ca pāḷiyaṃ vattabbaṃ siyā tassāpi āvajjanāya ārammaṇabhāvato. Taṃ na vuttanti taṃ abyākataṃ iddhividhañāṇaṃ ‘‘kusalā khandhā iddhividhañāṇassā’’ti na vuttaṃ. Hontīti ārammaṇaṃ honti. Tānīti cetopariyañāṇādīni. Yāya kāyacīti cetopariyañāṇādīnaṃ aññesañca kusalānaṃ ārammaṇakaraṇavasena āvajjantiyā.

    407-409. аад̣̇ийнавад̣̇ассанзна сабхаавад̇о жа анидтад̇аамад̇д̇авасзна жа д̣̇оманассасса уббад̇д̇и взд̣̇ид̇аб̣б̣аад̇и яож̇зд̇аб̣б̣ам̣. аагхаад̇авад̇т̇уаад̣̇ибхзд̣̇зна агканд̇ибхзд̣̇аа взд̣̇ид̇аб̣б̣аа.

    407-409. Ādīnavadassanena sabhāvato ca aniṭṭhatāmattavasena ca domanassassa uppatti veditabbāti yojetabbaṃ. Āghātavatthuādibhedena akkhantibhedā veditabbā.

    410. саб̣б̣ассаад̇и багаран̣абарижчиннз г̇аяхамаанз саб̣б̣асса аб̣яаагад̇асса, ад̇т̇анд̇аравасзна бана г̇аяхамаанз саб̣б̣асса н̃зяяассаад̇и ад̇т̇о. асаггун̣зяяад̇д̇аад̇и ид̣̇ам̣ вад̇д̇аб̣б̣асса ананд̇аабаримзяяад̇ааяа вуд̇д̇ам̣, на ан̃н̃аан̣абадигхаад̇ад̇о.

    410. Sabbassāti pakaraṇaparicchinne gayhamāne sabbassa abyākatassa, atthantaravasena pana gayhamāne sabbassa ñeyyassāti attho. Asakkuṇeyyattāti idaṃ vattabbassa anantāparimeyyatāya vuttaṃ, na aññāṇapaṭighātato.

    417. вод̣̇аанасан̇каад̇ам̣ вудтаанам̣ абуб̣б̣ад̇о на ход̇ийд̇и вуд̇д̇ам̣ ‘‘абуб̣б̣ад̇о жид̇д̇асанд̇аанад̇о вудтаанам̣ бхаван̇г̇амзваа’’д̇и. д̇ан̃хи яат̇аалад̣̇д̇хасса висзсасса вод̣̇аабанам̣ баг̇ун̣абхааваабаад̣̇анам̣ абуб̣б̣ам̣ наама на ход̇и. д̇ат̇аа хи вуд̇д̇ам̣ ‘‘хздтимам̣ хздтиман̃хи баг̇ун̣аж̇жхаанам̣ убаримасса убаримасса бад̣̇адтаанам̣ ход̇и, д̇асмаа вод̣̇аанамби вудтаананд̇и вуд̇д̇а’’нд̇и. аваж̇ж̇зд̇аб̣б̣ад̇д̇аа вад̇д̇аб̣б̣ам̣ над̇т̇ийд̇и гусалабхаавзна самаанад̇д̇аа важ̇ж̇зд̇аб̣б̣ад̇ааяа абхаавад̇о вибхаж̇ид̇ваа вад̇д̇аб̣б̣ам̣ над̇т̇и, д̇асмаа яад̣̇зд̇т̇а висзсанам̣ лаб̣бхад̇и, д̇ам̣ д̣̇ассзнд̇о ‘‘нзвасан̃н̃аанаасан̃н̃ааяад̇анам̣…бз… самаабад̇д̇ияаа’’д̇и ааха. жид̇д̇уббаад̣̇аган̣д̣з вуд̇д̇амзваад̇и бадтаанз бана ‘‘гусалз нируд̣̇д̇хз вибааго д̇ад̣̇аарамман̣ад̇аа уббаж̇ж̇ад̇ий’’д̇иаад̣̇инаа ‘‘гирияаананд̇арам̣ д̇ад̣̇аарамман̣абхаавз’’д̇и яам̣ вад̇д̇аб̣б̣ам̣, д̇ам̣ жид̇д̇уббаад̣̇аган̣д̣аван̣н̣анааяам̣ вуд̇д̇амзва.

    417. Vodānasaṅkhātaṃ vuṭṭhānaṃ apubbato na hotīti vuttaṃ ‘‘apubbato cittasantānato vuṭṭhānaṃ bhavaṅgamevā’’ti. Tañhi yathāladdhassa visesassa vodāpanaṃ paguṇabhāvāpādanaṃ apubbaṃ nāma na hoti. Tathā hi vuttaṃ ‘‘heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti, tasmā vodānampi vuṭṭhānanti vutta’’nti. Avajjetabbattā vattabbaṃ natthīti kusalabhāvena samānattā vajjetabbatāya abhāvato vibhajitvā vattabbaṃ natthi, tasmā yadettha visesanaṃ labbhati, taṃ dassento ‘‘nevasaññānāsaññāyatanaṃ…pe… samāpattiyā’’ti āha. Cittuppādakaṇḍe vuttamevāti paṭṭhāne pana ‘‘kusale niruddhe vipāko tadārammaṇatā uppajjatī’’tiādinā ‘‘kiriyānantaraṃ tadārammaṇabhāve’’ti yaṃ vattabbaṃ, taṃ cittuppādakaṇḍavaṇṇanāyaṃ vuttameva.

    д̇аа убхобийд̇и яаа ‘‘гусалавибаагаахзд̇угасоманассасахаг̇ад̇аа убзгкаасахаг̇ад̇аа жаа’’д̇и д̣̇вз мановин̃н̃аан̣ад̇хаад̇уяо вуд̇д̇аа, д̇аа убхоби соманассасахаг̇ад̇амановин̃н̃аан̣ад̇хаад̇увасзна вуд̇д̇аа. гасмаа? д̣̇асаннам̣ гаамааважарабхаван̇г̇аанам̣ ад̇д̇ано д̇ад̣̇аарамман̣агаалз санд̇ийран̣агаалз жа водтаб̣б̣анасса ананд̇арабажжаяабхаавад̇о. убзгкаасахаг̇ад̇аа бана яат̇аавуд̇д̇аанам̣ д̣̇асаннам̣ вибаагаанам̣ мановин̃н̃аан̣ад̇хаад̇уунам̣ ад̇д̇ано д̇ад̣̇аарамман̣аад̣̇игаалз водтаб̣б̣анагирияасса санд̇ийран̣агаалз манод̇хаад̇угирияасса бхаван̇г̇агаалзд̇и яож̇зд̇аб̣б̣ам̣.

    Tā ubhopīti yā ‘‘kusalavipākāhetukasomanassasahagatā upekkhāsahagatā cā’’ti dve manoviññāṇadhātuyo vuttā, tā ubhopi somanassasahagatamanoviññāṇadhātuvasena vuttā. Kasmā? Dasannaṃ kāmāvacarabhavaṅgānaṃ attano tadārammaṇakāle santīraṇakāle ca voṭṭhabbanassa anantarapaccayabhāvato. Upekkhāsahagatā pana yathāvuttānaṃ dasannaṃ vipākānaṃ manoviññāṇadhātūnaṃ attano tadārammaṇādikāle voṭṭhabbanakiriyassa santīraṇakāle manodhātukiriyassa bhavaṅgakāleti yojetabbaṃ.

    423. бадивиж̇жхид̇ваад̇и ж̇аанид̇ваа. д̣̇ал̣хам̣ на г̇ахзд̇аб̣б̣анд̇и д̣̇ал̣хаг̇г̇аахам̣ на г̇ахзд̇аб̣б̣ам̣. б̣алавад̇о…бз… вибажжанад̇од̇и зд̇зна б̣алавад̇аа д̣̇уб̣б̣алад̇аа жа аббамаан̣ам̣, гад̇огаасад̇аа бамаан̣анд̇и д̣̇ассзд̇и. гад̇огаасад̇аа жа авасзсабажжаяасамавааяз вибаагаабхимукад̇аад̇и д̣̇адтаб̣б̣ам̣. яам̣ гин̃жийд̇и жа б̣алавам̣ д̣̇уб̣б̣алам̣ ваад̇и ад̇т̇о. вибаагаж̇анагамби гин̃жи гаммам̣ убаниссаяабажжаяо на ход̇ийд̇и саггаа вад̇д̇ум̣. сад̇и хи гаммаубаниссаяабажжаяаанам̣ авинаабхаавз вибаагад̇д̇игз убаниссаяабажжаяз г̇ахид̇з гаммабажжаяо висум̣ на уд̣̇д̇харид̇аб̣б̣о сияаа, взд̣̇анаад̇д̇игз жа убаниссаяз бажжанийяад̇о тид̇з гаммабажжаязна сад̣̇д̇хим̣ адтаад̇и на вад̇д̇аб̣б̣ам̣ сияаад̇и ад̇хиббааяо. бажжаяад̣̇ваяасса бана лаб̣бхамаанад̇аббарааяа д̣̇зсанааяа убаниссаяз г̇ахид̇зби гаммабажжаяо уд̣̇д̇харид̇аб̣б̣оязваад̇и саггаа вад̇д̇ум̣. лаб̣бхамаанасса хи уд̣̇д̇харан̣ам̣ н̃ааяааг̇ад̇ам̣, д̇ат̇аа убаниссаяз бажжанийяад̇о тид̇зби гаммабажжаяо вад̇д̇аб̣б̣ова убаниссаяасса анзгабхзд̣̇ад̇д̇аа, вибаагам̣ ж̇анзнд̇ам̣ гаммам̣ вибаагасса убаниссаяо на ход̇ийд̇и на вад̇д̇аб̣б̣амзваад̇и взд̣̇ид̇аб̣б̣ам̣.

    423. Paṭivijjhitvāti jānitvā. Daḷhaṃ na gahetabbanti daḷhaggāhaṃ na gahetabbaṃ. Balavato…pe… vipaccanatoti etena balavatā dubbalatā ca appamāṇaṃ, katokāsatā pamāṇanti dasseti. Katokāsatā ca avasesapaccayasamavāye vipākābhimukhatāti daṭṭhabbaṃ. Yaṃ kiñcīti ca balavaṃ dubbalaṃ vāti attho. Vipākajanakampi kiñci kammaṃ upanissayapaccayo na hotīti sakkā vattuṃ. Sati hi kammaupanissayapaccayānaṃ avinābhāve vipākattike upanissayapaccaye gahite kammapaccayo visuṃ na uddharitabbo siyā, vedanāttike ca upanissaye paccanīyato ṭhite kammapaccayena saddhiṃ aṭṭhāti na vattabbaṃ siyāti adhippāyo. Paccayadvayassa pana labbhamānatapparāya desanāya upanissaye gahitepi kammapaccayo uddharitabboyevāti sakkā vattuṃ. Labbhamānassa hi uddharaṇaṃ ñāyāgataṃ, tathā upanissaye paccanīyato ṭhitepi kammapaccayo vattabbova upanissayassa anekabhedattā, vipākaṃ janentaṃ kammaṃ vipākassa upanissayo na hotīti na vattabbamevāti veditabbaṃ.

    барасса бавад̇д̇ам̣ омаананд̇и барасанд̇аанз ад̇д̇аанам̣ уд̣̇д̣̇исса бавад̇д̇ам̣ авамаанам̣. д̇зсууд̇и яо анзна буб̣б̣з хад̇о, д̇асса н̃аад̇имид̇д̇зсу. маад̇угхаад̇анад̇т̇ам̣ бавад̇д̇ид̇ад̇ааяа буримажзд̇анааяа маад̇угхаад̇агаммзна сад̣̇исад̇аа, яат̇аа жа аан̣ад̇д̇ияам̣ бахаарзби зсзва наяо. д̇зна вуд̇д̇ам̣ ‘‘зса наяо д̣̇вийхи багаарзхийд̇и зд̇т̇аабий’’д̇и.

    Parassapavattaṃ omānanti parasantāne attānaṃ uddissa pavattaṃ avamānaṃ. Tesūti yo anena pubbe hato, tassa ñātimittesu. Mātughātanatthaṃ pavattitatāya purimacetanāya mātughātakammena sadisatā, yathā ca āṇattiyaṃ pahārepi eseva nayo. Tena vuttaṃ ‘‘esa nayo dvīhi pakārehīti etthāpī’’ti.

    вадданиссид̇о д̣̇аанаад̣̇ивасзна сад̣̇д̇хам̣ уббаад̣̇знд̇о рааг̇ам̣ убаниссааяа д̣̇аанаад̣̇ивасзна сад̣̇д̇хам̣ уббаад̣̇зд̇и наама, на вивадданиссид̇о ависзсзна вуд̇д̇ад̇д̇аад̇и ааха ‘‘иминаа ад̇хиббааязна вад̣̇ад̇ий’’д̇и. зд̇зсанд̇и гааяигасукад̣̇угкаанам̣. згад̇обийд̇и ид̣̇ам̣ яад̣̇иби згасмим̣ санд̇аанз сукад̣̇угкаанам̣ згасмим̣ кан̣з уббад̇д̇и над̇т̇и, бажжаяасамааяог̇о бана д̇зсам̣ згаж̇жхамби ход̇ийд̇и гад̇ваа вуд̇д̇ам̣.

    Vaṭṭanissito dānādivasena saddhaṃ uppādento rāgaṃ upanissāya dānādivasena saddhaṃ uppādeti nāma, na vivaṭṭanissito avisesena vuttattāti āha ‘‘iminā adhippāyena vadatī’’ti. Etesanti kāyikasukhadukkhānaṃ. Ekatopīti idaṃ yadipi ekasmiṃ santāne sukhadukkhānaṃ ekasmiṃ khaṇe uppatti natthi, paccayasamāyogo pana tesaṃ ekajjhampi hotīti katvā vuttaṃ.

    425. буримаваарзсу вияаад̇и бадижжаваараад̣̇ийсу буримзсу вияа. имасминд̇и бан̃хааваарз. бажжаязна уббад̇д̇и вужжад̇ийд̇и хзд̇уаад̣̇инаа д̇зна д̇зна бажжаязна д̇ам̣д̇ам̣бажжаяуббаннасса уббад̇д̇и на вужжад̇и . д̇зсам̣ д̇зсам̣ д̇хаммаананд̇и хзд̇уаад̣̇ийнам̣ д̇зсам̣ д̇зсам̣ бажжаяад̇хаммаанам̣. д̇ам̣д̇ам̣бажжаяабхаавод̇и хзд̇уаад̣̇ийнам̣ д̇ам̣д̇ам̣бажжаяабхааво вужжад̇и. д̇знзва буримзсу часу ваарзсу ‘‘гусало д̇хаммо уббаж̇ж̇ад̇ий’’д̇иаад̣̇инаа д̇ад̇т̇а д̇ад̇т̇а уббаад̣̇аг̇г̇ахан̣ам̣ гад̇ам̣, ид̇ха бана ‘‘гусаласса д̇хаммасса хзд̇убажжаязна бажжаяо’’д̇иаад̣̇инаа бажжаяабхааво г̇ахид̇о. д̇знаад̇и убад̇т̇амбхагад̇д̇зна бажжаяабхаавзна. ид̇хаад̇и бан̃хааваарз.

    425. Purimavāresu viyāti paṭiccavārādīsu purimesu viya. Imasminti pañhāvāre. Paccayena uppatti vuccatīti hetuādinā tena tena paccayena taṃtaṃpaccayuppannassa uppatti na vuccati . Tesaṃ tesaṃ dhammānanti hetuādīnaṃ tesaṃ tesaṃ paccayadhammānaṃ. Taṃtaṃpaccayabhāvoti hetuādīnaṃ taṃtaṃpaccayabhāvo vuccati. Teneva purimesu chasu vāresu ‘‘kusalo dhammo uppajjatī’’tiādinā tattha tattha uppādaggahaṇaṃ kataṃ, idha pana ‘‘kusalassa dhammassa hetupaccayena paccayo’’tiādinā paccayabhāvo gahito. Tenāti upatthambhakattena paccayabhāvena. Idhāti pañhāvāre.

    427. бад̇идтаабхууд̇ассаад̇и ниссаяабхууд̇асса. гаммабажжаяод̇и сахаж̇аад̇агаммабажжаяо. д̣̇угамуулагад̣̇угаавасаанаад̇и ‘‘гусало жа аб̣яаагад̇о жа д̇хаммаа гусаласса жа аб̣яаагад̇асса жа д̇хаммассаа’’д̇и звам̣ д̣̇угамуулагад̣̇угаавасаанаа гад̇ваа вуд̇д̇абан̃хаа. д̇ад̇т̇аад̇и бажжаяаваарз. гусало жа аб̣яаагад̇о жа д̇хаммаад̇и гусалааб̣яаагад̇аббабхзд̣̇аа бажжаяуббаннаа д̇хаммаа. яад̇о д̇ад̇о ваад̇и бажжаяад̇хамманияамам̣ агад̇ваа яад̇о д̇ад̇о ваа гусалааб̣яаагад̇авасзна убхаяабажжаяад̇о уббад̇д̇имад̇д̇амзва д̇ад̇т̇а бажжаяаваарз ад̇хиббзд̇ам̣, убхаяасса яат̇аавуд̇д̇асса бажжаяуббаннасса убхиннам̣ яат̇аавуд̇д̇аанам̣язва бажжаяад̇хаммаанам̣ бажжаяабхааво на ад̇хиббзд̇о уббаад̣̇абад̇хаанад̇д̇аа д̇ассаа д̣̇зсанааяаад̇и ад̇хиббааяо. ниссаяаад̣̇ибхууд̇аад̇и ниссаяаад̇т̇иавиг̇ад̇абхууд̇аа бажжаяад̇хаммаа на лаб̣бханд̇и, д̇асмаа гусало жа…бз… на вуд̇д̇анд̇и яож̇анаа.

    427. Patiṭṭhābhūtassāti nissayabhūtassa. Kammapaccayoti sahajātakammapaccayo. Dukamūlakadukāvasānāti ‘‘kusalo ca abyākato ca dhammā kusalassa ca abyākatassa ca dhammassā’’ti evaṃ dukamūlakadukāvasānā katvā vuttapañhā. Tatthāti paccayavāre. Kusalo ca abyākato ca dhammāti kusalābyākatappabhedā paccayuppannā dhammā. Yato tato vāti paccayadhammaniyamaṃ akatvā yato tato vā kusalābyākatavasena ubhayapaccayato uppattimattameva tattha paccayavāre adhippetaṃ, ubhayassa yathāvuttassa paccayuppannassa ubhinnaṃ yathāvuttānaṃyeva paccayadhammānaṃ paccayabhāvo na adhippeto uppādapadhānattā tassā desanāyāti adhippāyo. Nissayādibhūtāti nissayaatthiavigatabhūtā paccayadhammā na labbhanti, tasmā kusalo ca…pe… na vuttanti yojanā.

    бан̃хаавааравибхан̇г̇аван̣н̣анаа нидтид̇аа.

    Pañhāvāravibhaṅgavaṇṇanā niṭṭhitā.

    бан̃хааваарасса гхаданз ануломаг̇ан̣анаа

    Pañhāvārassa ghaṭane anulomagaṇanā

    439. зд̇т̇аад̇и аб̣яаагад̇амуулагз. яад̣̇и званд̇и яад̣̇и гусалаагусаламуулзхи алаб̣бхамаанамби лаб̣бхад̇и, звам̣ санд̇з. г̇ан̣анамад̇д̇асааман̃н̃ад̇о, на бажжаяасааман̃н̃ад̇од̇и ад̇хиббааяо.

    439. Etthāti abyākatamūlake. Yadi evanti yadi kusalākusalamūlehi alabbhamānampi labbhati, evaṃ sante. Gaṇanamattasāmaññato, na paccayasāmaññatoti adhippāyo.

    440. нид̣̇ассанавасзна д̣̇адтаб̣б̣о язбхуяязна инд̣̇рияамаг̇г̇абажжаяаанан̃жа хзд̇убажжаяасса висабхааг̇ад̇д̇аа. инд̣̇рияамаг̇г̇абажжаяаа жа висабхааг̇аад̇и висзсанзна яо д̇ад̇т̇а сабхааг̇абхааво, д̇ам̣ нивад̇д̇зд̇и. д̇ат̇аа бхааваабхаавад̇од̇и д̇асмим̣ хзд̇убажжаяаагаарз сад̇и бхаавад̇о, хзд̇уд̇хаммаанам̣ хзд̇убажжаяабхаавз сад̇и сахаж̇аад̇аад̣̇ибажжаяабхаавад̇од̇и ад̇т̇о. ад̇хибад̇ибажжаяаад̣̇ийнанд̇и ад̇хибад̇инд̣̇рияамаг̇г̇абажжаяаанам̣. висабхааг̇ад̇аа хзд̇убажжаяасса. гусалаад̣̇ихзд̇уунанд̇и гусалаагусалагирияааб̣яаагад̇ахзд̇уунам̣. хзд̇убажжаяабхаавзд̇и хзд̇убажжаяад̇д̇з хзд̇убхаавзна убагаарагад̇д̇з. вибаагабажжаяабхааваабхаавад̇од̇и вибаагабажжаяабхаавасса абхаавад̇о. на хи вибаагаанам̣ вибаагабажжаяад̇аа ад̇т̇и. вибаагахзд̇уунам̣ ид̇арахзд̇уухи хзд̇убажжаяад̇ааяа ад̇т̇и сабхааг̇ад̇аад̇и ааха ‘‘хзд̇уваж̇ж̇аана’’нд̇и. вибаагаанам̣ висабхааг̇ад̇ааяа бхавид̇аб̣б̣ам̣, на хи вибаагад̇хаммад̇хамманзвавибааганавибаагад̇хаммад̇хаммаанам̣ вибаагзхи сабхааг̇ад̇аа ад̇т̇и раасанд̇арабхаавад̇од̇и ад̇хиббааяо. убхаяабажжаяасахид̇зд̇и хзд̇увибаагабажжаяасахид̇з. хзд̇убажжаяабхаавз вибаагамхийд̇и хзд̇убажжаяабхаавзна вад̇д̇амаанз вибаагад̇хаммз. вибаагабажжаяад̇д̇аабхааваабхаавад̇од̇и вибаагабажжаяабхааваабхаавасса абхаавад̇о. на хи вибааго вибаагасса вибаагабажжаяо на ход̇и, д̇асмаа над̇т̇и хзд̇увибаагабажжаяаанам̣ висабхааг̇ад̇аад̇и ад̇хиббааяо.

    440. Nidassanavasena daṭṭhabbo yebhuyyena indriyamaggapaccayānañca hetupaccayassa visabhāgattā. Indriyamaggapaccayā ca visabhāgāti visesanena yo tattha sabhāgabhāvo, taṃ nivatteti. Tathā bhāvābhāvatoti tasmiṃ hetupaccayākāre sati bhāvato, hetudhammānaṃ hetupaccayabhāve sati sahajātādipaccayabhāvatoti attho. Adhipatipaccayādīnanti adhipatindriyamaggapaccayānaṃ. Visabhāgatā hetupaccayassa. Kusalādihetūnanti kusalākusalakiriyābyākatahetūnaṃ. Hetupaccayabhāveti hetupaccayatte hetubhāvena upakārakatte. Vipākapaccayabhāvābhāvatoti vipākapaccayabhāvassa abhāvato. Na hi vipākānaṃ vipākapaccayatā atthi. Vipākahetūnaṃ itarahetūhi hetupaccayatāya atthi sabhāgatāti āha ‘‘hetuvajjāna’’nti. Vipākānaṃ visabhāgatāya bhavitabbaṃ, na hi vipākadhammadhammanevavipākanavipākadhammadhammānaṃ vipākehi sabhāgatā atthi rāsantarabhāvatoti adhippāyo. Ubhayapaccayasahiteti hetuvipākapaccayasahite. Hetupaccayabhāve vipākamhīti hetupaccayabhāvena vattamāne vipākadhamme. Vipākapaccayattābhāvābhāvatoti vipākapaccayabhāvābhāvassa abhāvato. Na hi vipāko vipākassa vipākapaccayo na hoti, tasmā natthi hetuvipākapaccayānaṃ visabhāgatāti adhippāyo.

    ид̣̇аани вуд̇д̇амзвад̇т̇ам̣ уд̣̇аахаран̣зна самад̇т̇знд̇о ‘‘яат̇аа хий’’д̇иаад̣̇имааха. хзд̇усахаж̇аад̇абажжаяасахид̇зд̇и хзд̇убажжаяасахаж̇аад̇абажжаяасахид̇з, убхаяабажжаяаяуд̇д̇зд̇и ад̇т̇о. хзд̇уунанд̇и ид̣̇ам̣ ‘‘сахаж̇аад̇абажжаяад̇д̇аабхааво’’д̇и иминааби самб̣анд̇хид̇аб̣б̣ам̣. хзд̇уунан̃хи хзд̇убажжаяасахид̇з раасимхи хзд̇убажжаяабхааво вияа сахаж̇аад̇абажжаяабхаавоби ад̇т̇ийд̇и. д̇ад̇т̇а хзд̇уваж̇ж̇аанам̣ сахаж̇аад̇ад̇хаммаанам̣ хзд̇уд̇хаммасса жа на сабхааг̇ад̇аа вужжад̇и сахаж̇аад̇абажжаязна сабхааг̇абхаавад̇о. звамид̇хаабийд̇и яат̇аа хзд̇усахаж̇аад̇абажжаязсу вуд̇д̇аббагаарзна над̇т̇и висабхааг̇ад̇аа, звамид̇хааби хзд̇увибаагабажжаязсу над̇т̇и висабхааг̇ад̇аад̇и ад̇т̇о. зса наяо виббаяуд̇д̇абажжаязбийд̇и явааяам̣ наяо хзд̇усахаж̇аад̇абажжаязсу висабхааг̇ад̇аабхааво вуд̇д̇о, зса наяо хзд̇усахид̇з виббаяуд̇д̇абажжаязбийд̇и ад̇т̇о. д̇ад̇т̇ааби хи ‘‘хзд̇увиббаяуд̇д̇абажжаяасахид̇з раасимхий’’д̇иаад̣̇и саггаа яож̇зд̇унд̇и. бажжуббанно зва бажжаяуббанно, бажжаяо бана ад̇ийд̇оби анааг̇ад̇оби гаалавинимуд̇д̇оби ход̇ийд̇и бажжуббаннагкан̣з хзд̇убажжаяабхаавз сахаж̇аад̇аад̣̇ибажжаяабхаавам̣ санд̇хааяа д̇ат̇аабхааваабхаававасзна сабхааг̇ад̇ааяа вужжамаанааяа наанаагкан̣игаанам̣ гусалаад̣̇ийнам̣ хзд̇уунам̣ вибаагаанан̃жа васзна висабхааг̇ад̇аа д̇ассзва хзд̇усса на вад̇д̇аб̣б̣аад̇и имамад̇т̇ам̣ д̣̇ассзд̇и ‘‘абижаа’’д̇иаад̣̇инаа.

    Idāni vuttamevatthaṃ udāharaṇena samatthento ‘‘yathā hī’’tiādimāha. Hetusahajātapaccayasahiteti hetupaccayasahajātapaccayasahite, ubhayapaccayayutteti attho. Hetūnanti idaṃ ‘‘sahajātapaccayattābhāvo’’ti imināpi sambandhitabbaṃ. Hetūnañhi hetupaccayasahite rāsimhi hetupaccayabhāvo viya sahajātapaccayabhāvopi atthīti. Tattha hetuvajjānaṃ sahajātadhammānaṃ hetudhammassa ca na sabhāgatā vuccati sahajātapaccayena sabhāgabhāvato. Evamidhāpīti yathā hetusahajātapaccayesu vuttappakārena natthi visabhāgatā, evamidhāpi hetuvipākapaccayesu natthi visabhāgatāti attho. Esa nayo vippayuttapaccayepīti yvāyaṃ nayo hetusahajātapaccayesu visabhāgatābhāvo vutto, esa nayo hetusahite vippayuttapaccayepīti attho. Tatthāpi hi ‘‘hetuvippayuttapaccayasahite rāsimhī’’tiādi sakkā yojetunti. Paccuppanno eva paccayuppanno, paccayo pana atītopi anāgatopi kālavinimuttopi hotīti paccuppannakkhaṇe hetupaccayabhāve sahajātādipaccayabhāvaṃ sandhāya tathābhāvābhāvavasena sabhāgatāya vuccamānāya nānākkhaṇikānaṃ kusalādīnaṃ hetūnaṃ vipākānañca vasena visabhāgatā tasseva hetussa na vattabbāti imamatthaṃ dasseti ‘‘apicā’’tiādinā.

    аг̇г̇ахид̇ависзсад̇о сааман̃н̃ад̇о висзсо на сувин̃н̃зяяо ход̇ийд̇и ад̇хиббааязнааха ‘‘гусалаа виймам̣саад̇хибад̇ийд̇и звам̣ вад̇д̇аб̣б̣а’’нд̇и.

    Aggahitavisesato sāmaññato viseso na suviññeyyo hotīti adhippāyenāha ‘‘kusalā vīmaṃsādhipatīti evaṃ vattabba’’nti.

    441-443. ‘‘ид̇араани д̣̇вз лабхад̇ий’’д̇и звам̣ вад̇д̇ум̣ на саггаа, хзд̇аад̇хибад̇ид̣̇угзхи д̣̇ассид̇аани яаани ‘‘гусало д̇хаммо гусаласса д̇хаммасса, гусало д̇хаммо аб̣яаагад̇асса, гусало д̇хаммо гусаласса жа аб̣яаагад̇асса жа, аб̣яаагад̇о д̇хаммо аб̣яаагад̇ассаа’’д̇и жад̇д̇аари виссаж̇ж̇анаани, д̇зсу хзд̇усахаж̇аад̇аниссаяаад̇т̇иавиг̇ад̇аинд̣̇рияамаг̇г̇абажжаязсу самбаяуд̇д̇абажжаяз бавидтз ‘‘гусало д̇хаммо гусаласса, аб̣яаагад̇о д̇хаммо аб̣яаагад̇ассаа’’д̇и имаани д̣̇вз лабхад̇и. яам̣ санд̇хааяа адтагат̇ааяам̣ вуд̇д̇ам̣ ‘‘сажз д̇зхи сад̣̇д̇хим̣…бз… д̇аанзва д̣̇вз лабхад̇ий’’д̇и, д̇зхи бана ид̇араани наама ‘‘гусало д̇хаммо аб̣яаагад̇асса, гусало д̇хаммо гусаласса жа аб̣яаагад̇асса жаа’’д̇и имаани д̣̇взби сияум̣. на хи гусало д̇хаммо гусаласса виббаяуд̇д̇абажжаязна бажжаяо ход̇и. д̇зна вуд̇д̇ам̣ ‘‘ид̇араани д̣̇вз лабхад̇ийд̇и буримабаато’’д̇иаад̣̇и. ид̇араани д̣̇взд̇и ваа ан̃н̃аани д̣̇вз, яаани самбаяуд̇д̇абажжаяавасзна д̣̇вз виссаж̇ж̇анаани, виббаяуд̇д̇абавзсз бана д̇ад̇о ан̃н̃аани ан̃н̃ат̇аабхууд̇аани д̣̇вз виссаж̇ж̇анаани. яаани санд̇хааяа вуд̇д̇ам̣ ‘‘гусало аб̣яаагад̇асса, аб̣яаагад̇о аб̣яаагад̇ассаад̇и д̣̇вз лабхад̇ийд̇и батанд̇ий’’д̇и. д̇зсууд̇и уунад̇араг̇ан̣анаахзд̇уусу вибаагаан̃н̃аман̃н̃аад̣̇ийсу.

    441-443. ‘‘Itarānidve labhatī’’ti evaṃ vattuṃ na sakkā, hetādhipatidukehi dassitāni yāni ‘‘kusalo dhammo kusalassa dhammassa, kusalo dhammo abyākatassa, kusalo dhammo kusalassa ca abyākatassa ca, abyākato dhammo abyākatassā’’ti cattāri vissajjanāni, tesu hetusahajātanissayaatthiavigataindriyamaggapaccayesu sampayuttapaccaye paviṭṭhe ‘‘kusalo dhammo kusalassa, abyākato dhammo abyākatassā’’ti imāni dve labhati. Yaṃ sandhāya aṭṭhakathāyaṃ vuttaṃ ‘‘sace tehi saddhiṃ…pe… tāneva dve labhatī’’ti, tehi pana itarāni nāma ‘‘kusalo dhammo abyākatassa, kusalo dhammo kusalassa ca abyākatassa cā’’ti imāni dvepi siyuṃ. Na hi kusalo dhammo kusalassa vippayuttapaccayena paccayo hoti. Tena vuttaṃ ‘‘itarāni dve labhatīti purimapāṭho’’tiādi. Itarāni dveti vā aññāni dve, yāni sampayuttapaccayavasena dve vissajjanāni, vippayuttapavese pana tato aññāni aññathābhūtāni dve vissajjanāni. Yāni sandhāya vuttaṃ ‘‘kusalo abyākatassa, abyākato abyākatassāti dve labhatīti paṭhantī’’ti. Tesūti ūnataragaṇanāhetūsu vipākaaññamaññādīsu.

    анаамадтавибаагаанийд̇и аг̇г̇ахид̇авибаагабажжаяаани, гхаданам̣ абзгкид̇ваа аяам̣ набум̣саганид̣̇д̣̇зсо. на вибаагахзд̇урахид̇аани саад̇хааран̣авасзна вуд̇д̇ад̇д̇аа. д̇зна вуд̇д̇ам̣ адтагат̇ааяам̣ ‘‘сааман̃н̃ад̇о наваннамби хзд̇уунам̣ васзна вуд̇д̇ааний’’д̇и, ‘‘вибаагахзд̇уби лаб̣бхад̇ий’’д̇и жа.

    Anāmaṭṭhavipākānīti aggahitavipākapaccayāni, ghaṭanaṃ apekkhitvā ayaṃ napuṃsakaniddeso. Na vipākaheturahitāni sādhāraṇavasena vuttattā. Tena vuttaṃ aṭṭhakathāyaṃ ‘‘sāmaññato navannampi hetūnaṃ vasena vuttānī’’ti, ‘‘vipākahetupi labbhatī’’ti ca.

    д̇ад̇т̇аад̇и бан̃жамагхаданад̇о бадтааяа бан̃жасу гхаданзсу. д̇зна вибаагзна саха, самам̣ ваа удтаанам̣ зд̇ассаад̇и самудтаананд̇и аяамби ад̇т̇о самбхавад̇ийд̇и вуд̇д̇ам̣ ‘‘бадисанд̇хияам̣ гадад̇д̇ааруубамби д̇ам̣самудтаанаг̇г̇ахан̣знзва сан̇г̇ан̣хаад̇ий’’д̇и. зсзва наяод̇и иминаа гадад̇д̇ааруубамби д̇ам̣самудтаанаг̇г̇ахан̣знзва сан̇г̇ан̣хаад̇ийд̇и имамзвад̇т̇ам̣ ад̇ид̣̇исад̇и.

    Tatthāti pañcamaghaṭanato paṭṭhāya pañcasu ghaṭanesu. Tena vipākena saha, samaṃ vā uṭṭhānaṃ etassāti samuṭṭhānanti ayampi attho sambhavatīti vuttaṃ ‘‘paṭisandhiyaṃ kaṭattārūpampi taṃsamuṭṭhānaggahaṇeneva saṅgaṇhātī’’ti. Eseva nayoti iminā kaṭattārūpampi taṃsamuṭṭhānaggahaṇeneva saṅgaṇhātīti imamevatthaṃ atidisati.

    звамбийд̇и ‘‘зд̇зсу банаа’’д̇иаад̣̇инаа сан̇кзбад̇о вуд̇д̇аббагаарзбийд̇и ад̇т̇о. д̇знааха ‘‘зд̇зсу бана…бз… вуд̇д̇анаязнабий’’д̇и. яо яо бажжаяод̇и яо яо хзд̇уаад̣̇ибажжаяо муулабхаавзна тид̇о барзсам̣ бажжаяаанам̣. д̇аббажжаяад̇хаммаананд̇и д̇зхи хзд̇уаад̣̇ибажжаязхи бажжаяабхууд̇аанам̣ хзд̇уаад̣̇ид̇хаммаанам̣. ниравасзсауунауунад̇арауунад̇амалаабхаггамзнаад̇и д̇з д̇хаммаа язсу виссаж̇ж̇анзсу яат̇аарахам̣ ниравасзсаа лаб̣бханд̇и , язсу уунаа уунад̇араа уунад̇амаа жа лаб̣бханд̇и, д̇зна гамзна гхаданааважанад̇о бажжаяуббаннааби яат̇ааггамам̣ ниравасзсаад̣̇иггамзнзва лаб̣бханд̇и. д̇знааха ‘‘ниравасзсалаабхз жа…бз… взд̣̇ид̇аб̣б̣о’’д̇и.

    Evampīti ‘‘etesu panā’’tiādinā saṅkhepato vuttappakārepīti attho. Tenāha ‘‘etesu pana…pe… vuttanayenapī’’ti. Yo yo paccayoti yo yo hetuādipaccayo mūlabhāvena ṭhito paresaṃ paccayānaṃ. Tappaccayadhammānanti tehi hetuādipaccayehi paccayabhūtānaṃ hetuādidhammānaṃ. Niravasesaūnaūnataraūnatamalābhakkamenāti te dhammā yesu vissajjanesu yathārahaṃ niravasesā labbhanti , yesu ūnā ūnatarā ūnatamā ca labbhanti, tena kamena ghaṭanāvacanato paccayuppannāpi yathākkamaṃ niravasesādikkameneva labbhanti. Tenāha ‘‘niravasesalābhe ca…pe… veditabbo’’ti.

    хзд̇умуулагам̣ нидтид̇ам̣.

    Hetumūlakaṃ niṭṭhitaṃ.

    445. бан̃жамз зганд̇и саниссаяад̇о аб̣яаагад̇амуулам̣ агусаланд̇и ид̣̇ам̣ санд̇хааяааха ‘‘вад̇т̇увасзна саниссаяам̣ вагкад̇ий’’д̇и. на ид̣̇анд̇и ид̣̇ам̣ жад̇уд̇т̇ам̣ гхаданам̣ лаб̣бхамаанассаби вад̇т̇усса васзна гхаданам̣ на ход̇и д̇асса вагкамаанад̇д̇аа, д̇асмаа ‘‘аарамман̣авасзнзваа’’д̇и згам̣со г̇ахид̇од̇и ад̇т̇аяож̇анаа.

    445. Pañcame ekanti sanissayato abyākatamūlaṃ akusalanti idaṃ sandhāyāha ‘‘vatthuvasena sanissayaṃ vakkhatī’’ti. Na idanti idaṃ catutthaṃ ghaṭanaṃ labbhamānassapi vatthussa vasena ghaṭanaṃ na hoti tassa vakkhamānattā, tasmā ‘‘ārammaṇavasenevā’’ti ekaṃso gahitoti atthayojanā.

    446. сахаж̇аад̇абурзж̇аад̇аа зго ниссаяабажжаяод̇и иминаа сад̇иби бажжаяад̇хаммабхзд̣̇з бажжаяабхаавабхзд̣̇о над̇т̇ийд̇и д̣̇ассзд̇и, д̇ат̇аа ‘‘ад̇т̇ибажжаяо’’д̇и иминааби. авиг̇ад̇абажжаяобзд̇т̇а ад̇т̇ибажжаязнзва сан̇г̇ахид̇од̇и д̣̇адтаб̣б̣о. ‘‘ад̇т̇иавиг̇ад̇абажжаяо’’д̇и баато. сахаж̇аад̇аарамман̣аад̇хибад̇и бана на гзвалам̣ бажжаяад̇хаммаббабхзд̣̇ова, ат̇а ко бажжаяабхаавабхзд̣̇оби ад̇т̇зваад̇и ааха ‘‘звам̣…бз… абхаавад̇о’’д̇и. вуд̇д̇амзвад̇т̇ам̣ баагадад̇арам̣ гаад̇ум̣ ‘‘ниссаяабхааво хий’’д̇иаад̣̇и вуд̇д̇ам̣. д̇ад̇т̇а сахаж̇аад̇абурзж̇аад̇аниссаяаад̣̇ийнанд̇и сахаж̇аад̇аниссаяабурзж̇аад̇аниссаяаад̣̇ийнам̣. аад̣̇и-сад̣̇д̣̇зна сахаж̇аад̇абурзж̇аад̇аад̇т̇иавиг̇ад̇абхаавз сан̇г̇ан̣хаад̇и. на банзванд̇иаад̣̇инаа вуд̇д̇амзвад̇т̇ам̣ виваранд̇о ‘‘сахаж̇аад̇о хий’’д̇иаад̣̇имааха. бхиннасабхааваад̇и самаанзби ад̇хибад̇исад̣̇д̣̇аважанийяабхаавз бажжаяабхаавависидтзна сабхаавзна бхиннасабхааваа, на хзд̇убажжаяаад̣̇аяо вияа сабхаавамад̇д̇зна. д̇знзваад̇и бхиннасабхаавад̇д̇аа зва. ан̃н̃ат̇аа ‘‘гусало гусаласса сахаж̇аад̇авасзна, аб̣яаагад̇о аарамман̣авасзна ад̇хибад̇ибажжаязна бажжаяо ход̇ий’’д̇и д̇ад̣̇убхаяам̣ згаж̇жхам̣ гад̇ваа вад̇д̇аб̣б̣ам̣ сияаа, на жа вуд̇д̇анд̇и д̣̇ассзнд̇о ааха ‘‘бан̃хаавааравибхан̇г̇з…бз… на вуд̇д̇а’’нд̇и.

    446. Sahajātapurejātā eko nissayapaccayoti iminā satipi paccayadhammabhede paccayabhāvabhedo natthīti dasseti, tathā ‘‘atthipaccayo’’ti imināpi. Avigatapaccayopettha atthipaccayeneva saṅgahitoti daṭṭhabbo. ‘‘Atthiavigatapaccayo’’ti pāṭho. Sahajātārammaṇādhipati pana na kevalaṃ paccayadhammappabhedova, atha kho paccayabhāvabhedopi atthevāti āha ‘‘evaṃ…pe… abhāvato’’ti. Vuttamevatthaṃ pākaṭataraṃ kātuṃ ‘‘nissayabhāvo hī’’tiādi vuttaṃ. Tattha sahajātapurejātanissayādīnanti sahajātanissayapurejātanissayādīnaṃ. Ādi-saddena sahajātapurejātaatthiavigatabhāve saṅgaṇhāti. Na panevantiādinā vuttamevatthaṃ vivaranto ‘‘sahajāto hī’’tiādimāha. Bhinnasabhāvāti samānepi adhipatisaddavacanīyabhāve paccayabhāvavisiṭṭhena sabhāvena bhinnasabhāvā, na hetupaccayādayo viya sabhāvamattena. Tenevāti bhinnasabhāvattā eva. Aññathā ‘‘kusalo kusalassa sahajātavasena, abyākato ārammaṇavasena adhipatipaccayena paccayo hotī’’ti tadubhayaṃ ekajjhaṃ katvā vattabbaṃ siyā, na ca vuttanti dassento āha ‘‘pañhāvāravibhaṅge…pe… na vutta’’nti.

    447-452. саад̇хааран̣авасзнаад̇и ад̇хибад̇инд̣̇рияабхаавасааман̃н̃зна. д̇ат̇аа жзва ча гхаданаани яож̇зд̇ваа д̣̇ассзд̇и ‘‘ад̇хибад̇ий’’д̇иаад̣̇инаа. д̣̇вз бажжаяад̇хаммаад̇и вийрияавиймам̣саанам̣ васзна д̣̇вз бажжаяад̇хаммаа, згоязва жид̇д̇аад̇хибад̇ивасзна. самаг̇г̇агаани буб̣б̣з вад̇д̇аб̣б̣аани сияум̣ ад̇хибад̇ибадибаадияаад̇и ад̇хиббааяо. батаман̃хи вийрияаад̇хибад̇и бажчаа жид̇д̇аад̇хибад̇ийд̇и. д̇зсам̣ аахаарамаг̇г̇абажжаяаанам̣ бажчаа вуд̇д̇аани самаг̇г̇агаани. сад̣̇исад̇д̇аад̇и ид̣̇ам̣ барад̇о ‘‘хзд̇увасзна вуд̇д̇агхаданзхи сад̣̇исад̇д̇аа’’д̇иаад̣̇иважанам̣ санд̇хааяа вуд̇д̇ам̣.

    447-452. Sādhāraṇavasenāti adhipatindriyabhāvasāmaññena. Tathā ceva cha ghaṭanāni yojetvā dasseti ‘‘adhipatī’’tiādinā. Dve paccayadhammāti vīriyavīmaṃsānaṃ vasena dve paccayadhammā, ekoyeva cittādhipativasena. Samaggakāni pubbe vattabbāni siyuṃ adhipatipaṭipāṭiyāti adhippāyo. Paṭhamañhi vīriyādhipati pacchā cittādhipatīti. Tesaṃ āhāramaggapaccayānaṃ pacchā vuttāni samaggakāni. Sadisattāti idaṃ parato ‘‘hetuvasena vuttaghaṭanehi sadisattā’’tiādivacanaṃ sandhāya vuttaṃ.

    457-460. д̣̇умуулаганд̇и гусалааб̣яаагад̇амуулагам̣. д̇ам̣ гусаламуулагзсу гасмаа вуд̇д̇анд̇и жод̣̇анааяам̣ ааха ‘‘аб̣яаагад̇асахид̇асса гусаласса бажжаяабхаавад̣̇ассанавасзнаа’’д̇и. зд̇т̇аад̇и ануломаг̇ан̣анз. яат̇аавуд̇д̇зсууд̇и ‘‘сахаж̇аад̇аан̃н̃аман̃н̃аниссаяавибаагасамбаяуд̇д̇авиббаяуд̇д̇аад̇т̇иавиг̇ад̇амуулагзсуу’’д̇и звам̣ вуд̇д̇зсу сахаж̇аад̇аад̣̇имуулагзсу. ад̇т̇иавиг̇ад̇амуулагаваж̇ж̇зсууд̇и ад̇т̇иавиг̇ад̇амуулагаани табзд̇ваа авасзсзсу аахаарзна аахаарабажжаязна гхаданаани на яож̇ид̇аанийд̇и самб̣анд̇хо. ад̇хибад̇инд̣̇риязхи жа ниссаяаад̣̇иваж̇ж̇зсу сахаж̇аад̇аад̣̇ийсу гхаданаани на яож̇ид̇аанийд̇и яож̇анаа. д̇зсууд̇и хзд̇угаммажхаанамаг̇г̇зсу аахаарз ад̇хибад̇инд̣̇риязсу жа д̇ам̣д̇ам̣гхаданавасзна яат̇аавуд̇д̇зсу яож̇ияамаанзсу. д̇знаад̇и хзд̇уаад̣̇иаруубад̇хаммаанам̣язва лаб̣бханад̇о. д̇зхи гхаданаанийд̇и хзд̇уаад̣̇ийхи яож̇ияамаанаани гхаданаани. руубамиссагад̇д̇аабхаавзнаад̇и ид̣̇ам̣ вуд̇д̇асад̣̇исад̇ааяа гааран̣аважанам̣. гасмаа банзд̇т̇а ад̇т̇иавиг̇ад̇амуулагаани ниссаяавиббаяуд̇д̇аад̇т̇иавиг̇ад̇аани д̇зхи важ̇ж̇ид̇аанийд̇и ааха ‘‘ад̇т̇иавиг̇ад̇зхи банаа’’д̇иаад̣̇и. ниссаяаад̣̇ийхи яож̇ияамаанаани ад̇хибад̇инд̣̇рияаани руубамиссагаани хонд̇ийд̇и на вуд̇д̇аанийд̇и самб̣анд̇хо. яад̣̇и звам̣ гасмаа ад̇т̇иавиг̇ад̇амуулагзсу аахаарзна, ниссаяаад̣̇имуулагзсу жа ад̇хибад̇инд̣̇риязхи яож̇анаа гад̇аад̇и жод̣̇анам̣ санд̇хааяааха ‘‘ад̇хибад̇аахааринд̣̇рияамуулагзсуу’’д̇иаад̣̇и.

    457-460. Dumūlakanti kusalābyākatamūlakaṃ. Taṃ kusalamūlakesu kasmā vuttanti codanāyaṃ āha ‘‘abyākatasahitassa kusalassa paccayabhāvadassanavasenā’’ti. Etthāti anulomagaṇane. Yathāvuttesūti ‘‘sahajātaaññamaññanissayavipākasampayuttavippayuttaatthiavigatamūlakesū’’ti evaṃ vuttesu sahajātādimūlakesu. Atthiavigatamūlakavajjesūti atthiavigatamūlakāni ṭhapetvā avasesesu āhārena āhārapaccayena ghaṭanāni na yojitānīti sambandho. Adhipatindriyehi ca nissayādivajjesu sahajātādīsu ghaṭanāni na yojitānīti yojanā. Tesūti hetukammajhānamaggesu āhāre adhipatindriyesu ca taṃtaṃghaṭanavasena yathāvuttesu yojiyamānesu. Tenāti hetuādiarūpadhammānaṃyeva labbhanato. Tehi ghaṭanānīti hetuādīhi yojiyamānāni ghaṭanāni. Rūpamissakattābhāvenāti idaṃ vuttasadisatāya kāraṇavacanaṃ. Kasmā panettha atthiavigatamūlakāni nissayavippayuttaatthiavigatāni tehi vajjitānīti āha ‘‘atthiavigatehi panā’’tiādi. Nissayādīhi yojiyamānāni adhipatindriyāni rūpamissakāni hontīti na vuttānīti sambandho. Yadi evaṃ kasmā atthiavigatamūlakesu āhārena, nissayādimūlakesu ca adhipatindriyehi yojanā katāti codanaṃ sandhāyāha ‘‘adhipatāhārindriyamūlakesū’’tiādi.

    473-477. зд̣̇исзсу таанзсу канд̇ха-сад̣̇д̣̇о аруубзсвзва нирул̣ход̇и гад̇ваа вуд̇д̇ам̣ ‘‘на бавад̇д̇з вияа канд̇хааязва бажжаяуббаннабхаавзна г̇ахзд̇аб̣б̣аа’’д̇и. гадад̇д̇ааруубамби бана лаб̣бхад̇ийд̇и иминаа ‘‘згагкан̣игагаммавасзна вуд̇д̇ааний’’д̇и важанам̣ бадигкибад̇и. яамад̇т̇ам̣ санд̇хааяа ‘‘гасмаа на вуд̇д̇а’’нд̇и вуд̇д̇ам̣, д̇ам̣ баагадад̇арам̣ гаронд̇о ‘‘нануу’’д̇иаад̣̇им̣ вад̇ваа буна д̇ам̣ уд̣̇аахаран̣зна вибхаавзд̇ум̣ ‘‘яат̇аажаа’’д̇иаад̣̇и вуд̇д̇ам̣. аарамман̣аниссаяабажжаяабхаавзнаад̇и аарамман̣абажжаяабхаавзна ниссаяабажжаяабхаавзна жа. гаммасса жа бажжаяабхааво баагадоязваад̇и ааха ‘‘гаммамби аарамман̣абажжаяабхаавзна вад̇д̇аб̣б̣а’’нд̇и. д̣̇виннам̣ бажжаяабхааваананд̇и гаммаарамман̣абажжаяабхааваанам̣. ан̃н̃аман̃н̃абадигкзбад̇од̇и иминаа д̣̇виннам̣ бажжаяабхааваанам̣ бхиннад̇д̇аа бавад̇д̇иаагаарасса згагкан̣з згасмим̣ бажжаяад̇хаммз аяуж̇ж̇амаанад̇ам̣ д̣̇ассзд̇и. яат̇аад̣̇ассид̇асса нид̣̇ассид̇аб̣б̣зна асамаанад̇ам̣ д̣̇ассзнд̇о ‘‘бажжуббаннан̃хи…бз… яуд̇д̇ам̣ вад̇д̇у’’нд̇и ааха. гаммам̣ банаад̇иаад̣̇инаа гаммаарамман̣абажжаяаанам̣ бавад̇д̇иаагаарасса бхиннад̇д̇аа згаж̇жхам̣ худ̇ваа аббавад̇д̇имзва вибхаавзд̇и. яад̇о д̇з ан̃н̃аман̃н̃ам̣ бадигкзбагаа вуд̇д̇аа, гасмаа бана д̇ам̣язва вад̇т̇у аарамман̣абажжаяо ход̇и ниссаяабажжаяо жа, на д̇ам̣язва гаммам̣ аарамман̣абажжаяо жа гаммабажжаяо жаад̇и? на жод̣̇зд̇аб̣б̣амзд̇ам̣, д̇хаммасабхааво зсод̇и д̣̇ассзнд̇о ‘‘зса жа сабхааво’’д̇иаад̣̇имааха. д̇ад̇т̇а вад̇д̇амаанаананд̇и бажжуббаннаанам̣. яанд̇и ид̣̇ам̣ ‘‘вад̇д̇аб̣б̣ад̇аа’’д̇и иминаа самб̣анд̇хияамаанам̣ ‘‘яаа’’д̇и ид̇т̇илин̇г̇авасзна вибарин̣аамзд̇аб̣б̣ам̣. яат̇аад̇иаад̣̇инаа д̇амзвад̇т̇ам̣ уд̣̇аахаран̣ад̣̇ассанзна вибхаавзд̇и.

    473-477. Edisesu ṭhānesu khandha-saddo arūpesveva niruḷhoti katvā vuttaṃ ‘‘na pavatte viya khandhāyeva paccayuppannabhāvena gahetabbā’’ti. Kaṭattārūpampi pana labbhatīti iminā ‘‘ekakkhaṇikakammavasena vuttānī’’ti vacanaṃ paṭikkhipati. Yamatthaṃ sandhāya ‘‘kasmā na vutta’’nti vuttaṃ, taṃ pākaṭataraṃ karonto ‘‘nanū’’tiādiṃ vatvā puna taṃ udāharaṇena vibhāvetuṃ ‘‘yathācā’’tiādi vuttaṃ. Ārammaṇanissayapaccayabhāvenāti ārammaṇapaccayabhāvena nissayapaccayabhāvena ca. Kammassa ca paccayabhāvo pākaṭoyevāti āha ‘‘kammampi ārammaṇapaccayabhāvena vattabba’’nti. Dvinnaṃ paccayabhāvānanti kammārammaṇapaccayabhāvānaṃ. Aññamaññapaṭikkhepatoti iminā dvinnaṃ paccayabhāvānaṃ bhinnattā pavattiākārassa ekakkhaṇe ekasmiṃ paccayadhamme ayujjamānataṃ dasseti. Yathādassitassa nidassitabbena asamānataṃ dassento ‘‘paccuppannañhi…pe… yuttaṃ vattu’’nti āha. Kammaṃ panātiādinā kammārammaṇapaccayānaṃ pavattiākārassa bhinnattā ekajjhaṃ hutvā appavattimeva vibhāveti. Yato te aññamaññaṃ paṭikkhepakā vuttā, kasmā pana taṃyeva vatthu ārammaṇapaccayo hoti nissayapaccayo ca, na taṃyeva kammaṃ ārammaṇapaccayo ca kammapaccayo cāti? Na codetabbametaṃ, dhammasabhāvo esoti dassento ‘‘esa ca sabhāvo’’tiādimāha. Tattha vattamānānanti paccuppannānaṃ. Yanti idaṃ ‘‘vattabbatā’’ti iminā sambandhiyamānaṃ ‘‘yā’’ti itthiliṅgavasena vipariṇāmetabbaṃ. Yathātiādinā tamevatthaṃ udāharaṇadassanena vibhāveti.

    478-483. яам̣ вин̃н̃аан̣ам̣ ад̇хибад̇ибажжаяо на ход̇и, д̇ам̣ анаамадтаад̇хибад̇ибхаавам̣ д̣̇адтаб̣б̣ам̣. вад̇т̇усса васзнаад̇и хаабзд̇аб̣б̣асса вад̇т̇усса васзна.

    478-483. Yaṃ viññāṇaṃ adhipatipaccayo na hoti, taṃ anāmaṭṭhādhipatibhāvaṃ daṭṭhabbaṃ. Vatthussa vasenāti hāpetabbassa vatthussa vasena.

    484-495. аруубинд̣̇рияаани руубаанам̣ бажжаяад̇д̇зна лаб̣бханд̇ийд̇и яож̇анаа. яад̣̇иби звам̣ вуд̇д̇ам̣ руубинд̣̇рияаанам̣ аруубаанам̣ бажжаяад̇д̇ан̃жа лаб̣бхад̇ийд̇и ааха ‘‘жагкаад̣̇ийни жа бана жагкувин̃н̃аан̣аад̣̇ийнам̣ лаб̣бханд̇ий’’д̇и. д̇ам̣самаанаг̇ад̇игаад̇и вийриязна самаанаг̇ад̇игаа маг̇г̇абажжаяад̇ааяа.

    484-495. Arūpindriyāni rūpānaṃ paccayattena labbhantīti yojanā. Yadipi evaṃ vuttaṃ rūpindriyānaṃ arūpānaṃ paccayattañca labbhatīti āha ‘‘cakkhādīni ca pana cakkhuviññāṇādīnaṃ labbhantī’’ti. Taṃsamānagatikāti vīriyena samānagatikā maggapaccayatāya.

    511-514. виббаяуд̇д̇амуулагз ‘‘д̣̇асамз гусалаад̣̇аяо жид̇д̇асамудтаанаана’’нд̇и ид̣̇ам̣ бавад̇д̇ивасзна адтагат̇ааяам̣ вуд̇д̇анд̇и ааха ‘‘бадисанд̇хияам̣ бана ‘канд̇хаа гадад̇д̇ааруубаанам̣ вад̇т̇у жа канд̇хаана’нд̇и ид̣̇амби лаб̣бхад̇ий’’д̇и. д̇асса д̣̇ассанавасзнаад̇и д̇асса вад̇т̇усса д̣̇ассанавасзна, на анавасзсад̇о бажжаяад̇хаммасса д̣̇ассанавасзна. д̇знааха ‘‘канд̇хаа жа вад̇т̇уссаад̇и ид̣̇амби бана лаб̣бхад̇зваа’’д̇и. на важ̇ж̇зд̇аб̣б̣аанийд̇и д̇зсамби бажжаяуббаннабхаавзна яож̇зд̇аб̣б̣ад̇д̇аа.

    511-514. Vippayuttamūlake ‘‘dasame kusalādayo cittasamuṭṭhānāna’’nti idaṃ pavattivasena aṭṭhakathāyaṃ vuttanti āha ‘‘paṭisandhiyaṃ pana ‘khandhā kaṭattārūpānaṃ vatthu ca khandhāna’nti idampi labbhatī’’ti. Tassa dassanavasenāti tassa vatthussa dassanavasena, na anavasesato paccayadhammassa dassanavasena. Tenāha ‘‘khandhā ca vatthussāti idampi pana labbhatevā’’ti. Na vajjetabbānīti tesampi paccayuppannabhāvena yojetabbattā.

    515-518. аруубавад̇т̇аарамман̣амахаабхууд̇аинд̣̇рияаахаараанам̣ бажжаяад̇хаммаананд̇и ад̇т̇о. ‘‘аахааринд̣̇рияабажжаяаа жаа’’д̇иби бана вад̇д̇аб̣б̣ам̣. гасмаа? на хи инд̣̇рияаахаараанам̣ васзна сахаж̇аад̇аад̣̇аяо лаб̣бханд̇и, инд̣̇рияаахаараанам̣ бана васзна инд̣̇рияаахаарабажжаяаава лаб̣бханд̇и. ‘‘сахаж̇аад̇ам̣ бурзж̇аад̇ам̣ бажчааж̇аад̇ам̣ аахаарам̣ инд̣̇рияа’’нд̇и хи уд̣̇д̣̇исид̇ваа ад̇т̇ибажжаяо вибхад̇д̇од̇и. гзжи банзд̇т̇а ‘‘аахаараг̇г̇ахан̣зна габ̣ал̣ийгааро аахаарова г̇ахид̇о, инд̣̇рияаг̇г̇ахан̣зна жа руубаж̇ийвид̇инд̣̇рияамзва, сзсаахааринд̣̇рияаани сахаж̇аад̇аад̣̇ийсвзва анд̇ог̇ад̇хаани гад̇аани. яаани д̇ад̣̇анд̇ог̇ад̇хаани, д̇з санд̇хааяа адтагат̇ааяам̣ ‘аруубавад̇т̇аарамман̣амахаабхууд̇аинд̣̇рияаахаараанам̣ васзнаа’д̇и зд̇т̇а инд̣̇рияаахаараг̇г̇ахан̣ам̣ гад̇анд̇и ‘сахаж̇аад̇абурзж̇аад̇абажчааж̇аад̇абажжаяаа лаб̣бханд̇ий’д̇и вуд̇д̇а’’нд̇и вад̣̇анд̇и.

    515-518. Arūpavatthārammaṇamahābhūtaindriyāhārānaṃ paccayadhammānanti attho. ‘‘Āhārindriyapaccayā cā’’tipi pana vattabbaṃ. Kasmā? Na hi indriyāhārānaṃ vasena sahajātādayo labbhanti, indriyāhārānaṃ pana vasena indriyāhārapaccayāva labbhanti. ‘‘Sahajātaṃ purejātaṃ pacchājātaṃ āhāraṃ indriya’’nti hi uddisitvā atthipaccayo vibhattoti. Keci panettha ‘‘āhāraggahaṇena kabaḷīkāro āhārova gahito, indriyaggahaṇena ca rūpajīvitindriyameva, sesāhārindriyāni sahajātādīsveva antogadhāni katāni. Yāni tadantogadhāni, te sandhāya aṭṭhakathāyaṃ ‘arūpavatthārammaṇamahābhūtaindriyāhārānaṃ vasenā’ti ettha indriyāhāraggahaṇaṃ katanti ‘sahajātapurejātapacchājātapaccayā labbhantī’ti vutta’’nti vadanti.

    д̇ад̇т̇а аруубаанам̣ сахаж̇аад̇абажчааж̇аад̇аахааринд̣̇рияабажжаяабхааво яат̇аарахам̣ взд̣̇ид̇аб̣б̣о. вад̇т̇у сахаж̇аад̇ам̣ бурзж̇аад̇ан̃жа, аарамман̣ам̣ бурзж̇аад̇амзва, абхин̃н̃аан̃аан̣асса бана гад̣̇аажи сахаж̇аад̇амби аарамман̣абажжаяо ход̇иязва. сахаж̇аад̇аг̇г̇ахан̣зна банзд̇т̇а сахаж̇аад̇абажжаяабхууд̇ова г̇аяхад̇и, со жа згуббаад̣̇аад̣̇илагкан̣аяуд̇д̇оваад̇и яо д̇хаммо сахаж̇аад̇о худ̇ваа аарамман̣ам̣ ход̇и, на со ид̇ха ад̇хиббзд̇о. яад̣̇и сахаж̇аад̇оби аарамман̣ам̣ ход̇и, гасмаа баал̣ияам̣ д̇ат̇аа на вибхад̇д̇анд̇и? згагалаабабарияаабаннасса згуббаад̣̇аад̣̇илагкан̣аяуд̇д̇асса бхиннагалаабабарияаабаннад̇о сан̇гараможанад̇т̇ам̣. абижа аббажурабхаавад̇о абаагадабхаавад̇о жа д̇ам̣ на г̇ахид̇ам̣ . д̇ад̇од̇и навамад̇од̇и ад̇т̇о, на д̣̇асамад̇од̇и ад̇хиббааяо. на хи згаад̣̇асамз ад̇хибад̇и ад̇т̇ийд̇и. д̇ат̇аа жуд̣̇д̣̇асамзд̇и зд̇т̇а д̇ат̇аа-сад̣̇д̣̇зна вад̇т̇уг̇г̇ахан̣зна жагкаад̣̇ивад̇т̇ууниби г̇ахид̇аанийд̇и имамад̇т̇ам̣ убасам̣харад̇и. д̇ад̣̇зваад̇и аарамман̣амзва.

    Tattha arūpānaṃ sahajātapacchājātāhārindriyapaccayabhāvo yathārahaṃ veditabbo. Vatthu sahajātaṃ purejātañca, ārammaṇaṃ purejātameva, abhiññāñāṇassa pana kadāci sahajātampi ārammaṇapaccayo hotiyeva. Sahajātaggahaṇena panettha sahajātapaccayabhūtova gayhati, so ca ekuppādādilakkhaṇayuttovāti yo dhammo sahajāto hutvā ārammaṇaṃ hoti, na so idha adhippeto. Yadi sahajātopi ārammaṇaṃ hoti, kasmā pāḷiyaṃ tathā na vibhattanti? Ekakalāpapariyāpannassa ekuppādādilakkhaṇayuttassa bhinnakalāpapariyāpannato saṅkaramocanatthaṃ. Apica appacurabhāvato apākaṭabhāvato ca taṃ na gahitaṃ . Tatoti navamatoti attho, na dasamatoti adhippāyo. Na hi ekādasame adhipati atthīti. Tathā cuddasameti ettha tathā-saddena vatthuggahaṇena cakkhādivatthūnipi gahitānīti imamatthaṃ upasaṃharati. Tadevāti ārammaṇameva.

    519. сахаж̇аад̇аани вияаад̇и сахаж̇аад̇абажжаяасахид̇аани вияа гхаданаани. сахаж̇аад̇знаад̇и сахаж̇аад̇абажжаязна. д̇аанийд̇и ‘‘багин̣н̣агагхаданааний’’д̇и вуд̇д̇агхаданаани. яаани хи сахаж̇аад̇абажжаязна на яож̇ид̇аани, д̇аанзд̇т̇а багин̣н̣агагхаданаанийд̇и вуд̇д̇аани. бурзж̇аад̇а…бз… васзнаад̇и зд̇т̇а аяам̣ яож̇анаа – бурзж̇аад̇асса бажчааж̇аад̇асса аахаарасса инд̣̇рияасса жа сахаж̇аад̇зна ан̃н̃аман̃н̃ан̃жа сааман̃н̃авасзна, д̇зсам̣язва сахаж̇аад̇зна ан̃н̃аман̃н̃ан̃жа асааман̃н̃авасзна жаад̇и вуд̇д̇ам̣ ход̇и. яат̇аа бурзж̇аад̇асса бажчааж̇аад̇асса жа сахаж̇аад̇зна асааман̃н̃ам̣ бхиннасабхаавад̇д̇аа, д̇ад̇о зва аахааринд̣̇рияаанамби д̇зна асааман̃н̃ам̣, звам̣ бурзж̇аад̇аад̣̇ийнам̣ жад̇уннамби ан̃н̃аман̃н̃ам̣ асааман̃н̃ам̣ бхиннасабхаавад̇д̇аа. звам̣ асааман̃н̃авасзна асамаанад̇аавасзна яат̇аавуд̇д̇аани гхаданаани виббагин̣н̣аани. яат̇аа бана сахаж̇аад̇абажжаяад̇хаммаа аруубагканд̇хаад̣̇аяо д̇знзва сахаж̇аад̇абажжаяад̇аасан̇каад̇зна мит̇уунам̣ самаанабхаавзна ан̃н̃зхи асам̣гин̣н̣аа ад̇д̇ано бажжаяуббаннаанам̣ бажжаяо хонд̇ийд̇и асааман̃н̃авасзна д̇зсам̣ бавад̇д̇и, звам̣ бурзж̇аад̇аад̣̇ибажжаяад̇хаммаабийд̇и д̇зсам̣ сахаж̇аад̇зна ан̃н̃аман̃н̃ан̃жа яат̇аавуд̇д̇асса сааман̃н̃асса асааман̃н̃асса жа васзна д̇аани гхаданаани виббагин̣н̣аанийд̇и багин̣н̣агаани вуд̇д̇аани. звам̣ санд̇з сахаж̇аад̇аанамби гхаданаанам̣ багин̣н̣агабхааво аабаж̇ж̇ад̇ийд̇и? наабаж̇ж̇ад̇и, д̇зсам̣ сахаж̇аад̇ад̇ааяа зва авиббагин̣н̣абхаавасид̣̇д̇хид̇о. д̇зна вуд̇д̇ам̣ ‘‘сахаж̇аад̇ам̣ аг̇г̇ахзд̇ваа вуд̇д̇аани багин̣н̣агаани наамаа’’д̇и.

    519. Sahajātāni viyāti sahajātapaccayasahitāni viya ghaṭanāni. Sahajātenāti sahajātapaccayena. Tānīti ‘‘pakiṇṇakaghaṭanānī’’ti vuttaghaṭanāni. Yāni hi sahajātapaccayena na yojitāni, tānettha pakiṇṇakaghaṭanānīti vuttāni. Purejāta…pe… vasenāti ettha ayaṃ yojanā – purejātassa pacchājātassa āhārassa indriyassa ca sahajātena aññamaññañca sāmaññavasena, tesaṃyeva sahajātena aññamaññañca asāmaññavasena cāti vuttaṃ hoti. Yathā purejātassa pacchājātassa ca sahajātena asāmaññaṃ bhinnasabhāvattā, tato eva āhārindriyānampi tena asāmaññaṃ, evaṃ purejātādīnaṃ catunnampi aññamaññaṃ asāmaññaṃ bhinnasabhāvattā. Evaṃ asāmaññavasena asamānatāvasena yathāvuttāni ghaṭanāni vippakiṇṇāni. Yathā pana sahajātapaccayadhammā arūpakkhandhādayo teneva sahajātapaccayatāsaṅkhātena mithūnaṃ samānabhāvena aññehi asaṃkiṇṇā attano paccayuppannānaṃ paccayo hontīti asāmaññavasena tesaṃ pavatti, evaṃ purejātādipaccayadhammāpīti tesaṃ sahajātena aññamaññañca yathāvuttassa sāmaññassa asāmaññassa ca vasena tāni ghaṭanāni vippakiṇṇānīti pakiṇṇakāni vuttāni. Evaṃ sante sahajātānampi ghaṭanānaṃ pakiṇṇakabhāvo āpajjatīti? Nāpajjati, tesaṃ sahajātatāya eva avippakiṇṇabhāvasiddhito. Tena vuttaṃ ‘‘sahajātaṃ aggahetvā vuttāni pakiṇṇakāni nāmā’’ti.

    д̇аанийд̇и багин̣н̣агагхаданаани. гусалавибаагаад̇и гусалаа жа вибаагаа жа, яз абхинналагкан̣аа худ̇ваа гусаласабхааваа вибаагасабхааваа жаад̇и ад̇т̇о. звам̣сабхааван̃жа згам̣ ан̃н̃инд̣̇рияамзваад̇и ааха ‘‘ид̣̇ам̣…бз… лаб̣бхад̇ий’’д̇и. нану жа сад̣̇д̇хинд̣̇рияаад̣̇ивасзнаби аяамад̇т̇о лаб̣бхад̇ийд̇и? д̇зсам̣ гирияасабхаавад̇ааби ад̇т̇зваад̇и. д̣̇угканд̇и жзд̇асигад̣̇угкам̣. д̇знааха ‘‘агусаламзваа’’д̇и. вибаагасса д̣̇угкассаад̇и яож̇анаа. д̇зна вуд̇д̇ам̣ ‘‘ажхаанан̇г̇ад̇д̇аа’’д̇и. агусалавибаагагирияаад̇и вижигижчаажид̇д̇абан̃жавин̃н̃аан̣агирияааманод̇хаад̇уусу бавад̇д̇анад̇о агусалавибаагагирияаава ход̇и жид̇д̇адтид̇ийд̇и ад̇т̇о. яасмаа агусалавибаагаад̇и звамад̇т̇з г̇аяхамаанз д̣̇угкасса жид̇д̇адтид̇ияаа жа васзна яат̇аа жхаанзсу, звам̣ ан̃н̃зсам̣ васзна ан̃н̃зсу жа на лаб̣бхад̇и, д̇асмаа агусаласса вибаагаад̇и звамад̇т̇з г̇аяхамаанз д̣̇угкинд̣̇рияасса васзна инд̣̇риязсу лаб̣бхад̇ийд̇и д̣̇ассзнд̇о ааха ‘‘агусаласса…бз… лаб̣бхзяяаа’’д̇и. имасмим̣ гусалад̇д̇игз вибааго вибаагааб̣яаагад̇амижжзва г̇аяхад̇и, на агусалаад̣̇ибад̣̇зхи висзсзд̇ваад̇и имамад̇т̇ам̣ д̣̇ассзнд̇о ‘‘гусалавибаагаа…бз… над̇т̇ий’’д̇и ааха.

    Tānīti pakiṇṇakaghaṭanāni. Kusalavipākāti kusalā ca vipākā ca, ye abhinnalakkhaṇā hutvā kusalasabhāvā vipākasabhāvā cāti attho. Evaṃsabhāvañca ekaṃ aññindriyamevāti āha ‘‘idaṃ…pe… labbhatī’’ti. Nanu ca saddhindriyādivasenapi ayamattho labbhatīti? Tesaṃ kiriyasabhāvatāpi atthevāti. Dukkhanti cetasikadukkhaṃ. Tenāha ‘‘akusalamevā’’ti. Vipākassa dukkhassāti yojanā. Tena vuttaṃ ‘‘ajhānaṅgattā’’ti. Akusalavipākakiriyāti vicikicchācittapañcaviññāṇakiriyāmanodhātūsu pavattanato akusalavipākakiriyāva hoti cittaṭṭhitīti attho. Yasmā akusalavipākāti evamatthe gayhamāne dukkhassa cittaṭṭhitiyā ca vasena yathā jhānesu, evaṃ aññesaṃ vasena aññesu ca na labbhati, tasmā akusalassa vipākāti evamatthe gayhamāne dukkhindriyassa vasena indriyesu labbhatīti dassento āha ‘‘akusalassa…pe… labbheyyā’’ti. Imasmiṃ kusalattike vipāko vipākābyākatamicceva gayhati, na akusalādipadehi visesetvāti imamatthaṃ dassento ‘‘kusalavipākā…pe… natthī’’ti āha.

    бан̃хааваарасса гхаданз ануломаг̇ан̣анаа нидтид̇аа.

    Pañhāvārassa ghaṭane anulomagaṇanā niṭṭhitā.

    бажжанийяуд̣̇д̇хаараван̣н̣анаа

    Paccanīyuddhāravaṇṇanā

    527. нахзд̇убажжаязнаад̇и зд̇т̇а на-гааро ан̃н̃ад̇т̇од̇и д̣̇ассзнд̇о ‘‘хзд̇убажжаяад̇о ан̃н̃зна бажжаязнаа’’д̇и ааха. аг̇г̇ахид̇аг̇г̇ахан̣знаахи сахаж̇аад̇аад̣̇исан̇г̇ахавасзна аг̇г̇ахид̇аанам̣ г̇ахан̣зна. адта хонд̇ийд̇и имиссаа баал̣ияаа ааг̇ад̇аа аарамман̣аад̣̇аяо адта бажжаяаа хонд̇и. д̇зсууд̇и адтасу бажжаязсу. д̇ийхийд̇и аарамман̣асахаж̇аад̇аубаниссаяабажжаязхи. д̣̇вийхийд̇и аарамман̣абажжаяаубаниссаяабажжаязхи. д̇асмим̣ д̇асмим̣ бажжаязд̇и д̇асмим̣ д̇асмим̣ хзд̇уаад̣̇игз бажжаяз. д̇ад̇о хзд̇уаад̣̇ибажжаяад̇о. яат̇ааяог̇ам̣ яож̇зд̇аб̣б̣аад̇и яасмим̣ бажжаяз бажжанийяад̇о тид̇з яз бажжаяаа ануломад̇о яож̇анам̣ лабханд̇и, д̇з яож̇зд̇аб̣б̣аад̇и ад̇т̇о.

    527. Nahetupaccayenāti ettha na-kāro aññatthoti dassento ‘‘hetupaccayato aññena paccayenā’’ti āha. Aggahitaggahaṇenāhi sahajātādisaṅgahavasena aggahitānaṃ gahaṇena. Aṭṭha hontīti imissā pāḷiyā āgatā ārammaṇādayo aṭṭha paccayā honti. Tesūti aṭṭhasu paccayesu. Tīhīti ārammaṇasahajātaupanissayapaccayehi. Dvīhīti ārammaṇapaccayaupanissayapaccayehi. Tasmiṃ tasmiṃ paccayeti tasmiṃ tasmiṃ hetuādike paccaye. Tato hetuādipaccayato. Yathāyogaṃ yojetabbāti yasmiṃ paccaye paccanīyato ṭhite ye paccayā anulomato yojanaṃ labhanti, te yojetabbāti attho.

    д̣̇виннанд̇и ананд̇аруубаниссаяасса багад̇уубаниссаяассаад̇и имзсам̣ д̣̇виннам̣. вад̇т̇убурзж̇аад̇асса васзна бурзж̇аад̇ам̣ аарамман̣абурзж̇аад̇асса аарамман̣зна сан̇г̇ахид̇ад̇д̇аа. ан̃н̃иссаа жзд̇анааяаад̇и наанаагкан̣игагаммабажжаяабхаавзнзва бавад̇д̇ааяа жзд̇анааяа. аруубаахаараа абарижжад̇д̇асахаж̇аад̇абхааваа зва аахаарабажжаяо хонд̇и, руубаахааро тид̇иббад̇д̇оязваад̇и вуд̇д̇ам̣ ‘‘сахаж̇аад̇ад̇о ан̃н̃асса габ̣ал̣ийгаараахаарасса васзна аахааро’’д̇и. сахаж̇аад̇ад̇о ан̃н̃ассаад̇и жа ид̣̇ам̣ аруубаахааранивад̇д̇анад̇т̇ам̣ вуд̇д̇ам̣, на габ̣ал̣ийгаараахаарависзсанивад̇д̇анад̇т̇ам̣ д̇аад̣̇исассзва д̇асса абхаавад̇о. на хи руубаахааро сахаж̇аад̇абажжаяо ход̇и, нааби бурзж̇аад̇абажжаяо ход̇и . яат̇аа сахаж̇аад̇аанам̣ сахаж̇аад̇абажжаяо на ход̇и, звам̣ бурзж̇аад̇аанам̣ бажчааж̇аад̇абажжаяо на ход̇и, бажчааж̇аад̇аанан̃жа бурзж̇аад̇абажжаяо на ход̇и. гасмаа? д̇аад̣̇исасса бажжаяалагкан̣асса абхаавад̇о. язсан̃хи яо ж̇анаго, на д̇зхи д̇асса сахаж̇аад̇ад̇аа ад̇т̇и, нааби бурзж̇аад̇ад̇аа бурзж̇аад̇абажжаяалагкан̣аяуд̇д̇аа, бажчааж̇аад̇абажжаяад̇ааяа бана вад̇д̇аб̣б̣амзва над̇т̇и руубад̇хаммад̇д̇аа. убад̇т̇амбхагад̇д̇зби зсзва наяо, д̇асмаа сахаж̇аад̇аад̣̇ивид̇хуро зва д̇асса бажжаяабхааво взд̣̇ид̇аб̣б̣о. д̇знзва хи ‘‘сахаж̇аад̇ам̣ бурзж̇аад̇ам̣ бажчааж̇аад̇ам̣ аахаарам̣ инд̣̇рияа’’нд̇и зд̇т̇а руубаж̇ийвид̇инд̣̇рияам̣ вияа руубаахааро висум̣ г̇ахид̇о. д̇ат̇аа жааха ‘‘руубаахааро…бз… аахаарабажжаяова ход̇ий’’д̇и. сахаж̇аад̇ад̇о бурзж̇аад̇ад̇о жа ан̃н̃асса руубаж̇ийвид̇инд̣̇рияассаад̇и зд̇т̇а руубаахаарз вуд̇д̇анаязнзва ад̇т̇о взд̣̇ид̇аб̣б̣о.

    Dvinnanti anantarūpanissayassa pakatūpanissayassāti imesaṃ dvinnaṃ. Vatthupurejātassa vasena purejātaṃ ārammaṇapurejātassa ārammaṇena saṅgahitattā. Aññissā cetanāyāti nānākkhaṇikakammapaccayabhāveneva pavattāya cetanāya. Arūpāhārā apariccattasahajātabhāvā eva āhārapaccayo honti, rūpāhāro ṭhitippattoyevāti vuttaṃ ‘‘sahajātato aññassa kabaḷīkārāhārassa vasena āhāro’’ti. Sahajātato aññassāti ca idaṃ arūpāhāranivattanatthaṃ vuttaṃ, na kabaḷīkārāhāravisesanivattanatthaṃ tādisasseva tassa abhāvato. Na hi rūpāhāro sahajātapaccayo hoti, nāpi purejātapaccayo hoti . Yathā sahajātānaṃ sahajātapaccayo na hoti, evaṃ purejātānaṃ pacchājātapaccayo na hoti, pacchājātānañca purejātapaccayo na hoti. Kasmā? Tādisassa paccayalakkhaṇassa abhāvato. Yesañhi yo janako, na tehi tassa sahajātatā atthi, nāpi purejātatā purejātapaccayalakkhaṇayuttā, pacchājātapaccayatāya pana vattabbameva natthi rūpadhammattā. Upatthambhakattepi eseva nayo, tasmā sahajātādividhuro eva tassa paccayabhāvo veditabbo. Teneva hi ‘‘sahajātaṃ purejātaṃ pacchājātaṃ āhāraṃ indriya’’nti ettha rūpajīvitindriyaṃ viya rūpāhāro visuṃ gahito. Tathā cāha ‘‘rūpāhāro…pe… āhārapaccayova hotī’’ti. Sahajātato purejātato ca aññassa rūpajīvitindriyassāti ettha rūpāhāre vuttanayeneva attho veditabbo.

    зван̃жа гад̇ваад̇и буримабуримзхи асан̇г̇ахид̇асан̇г̇ан̣ханавасзна бажчимабажчимаанам̣ г̇ахид̇ад̇д̇аа д̇ат̇аа руубаахаарасса ж̇ийвид̇инд̣̇рияасса жа васзна ид̇ха аахааринд̣̇рияабажжаяаанам̣ г̇ахид̇ад̇д̇аад̇и ад̇т̇о, ан̃н̃ат̇аа ‘‘аахаарабажжаязна бажжаяо, инд̣̇рияабажжаязна бажжаяо’’д̇и вад̇д̇аб̣б̣ам̣ сияаад̇и ад̇хиббааяо. д̇знзвааха ‘‘аарамман̣а…бз… ижжзва вуд̇д̇а’’нд̇и. д̇ад̣̇ан̃н̃аабхааваад̇и д̇ад̇о аарамман̣аад̣̇ибажжаяад̇о ан̃н̃асса ид̇хаад̇хиббзд̇агаммаад̣̇ибажжаяасса гусалз абхааваа. д̇асмаад̇и яасмаа аарамман̣ад̇о ан̃н̃зсам̣ д̣̇виннам̣ васзна убаниссаяо вуд̇д̇о, д̇асмаа ‘‘аарамман̣аад̇хибад̇и аарамман̣абажжаяз сан̇г̇ахам̣ г̇ажчад̇ий’’д̇и вад̇д̇аб̣б̣ам̣, на аарамман̣уубаниссаязд̇и ад̇хиббааяо. яад̣̇и звам̣ гасмаа барид̇д̇ад̇д̇игабан̃хааваарабажжанийяз аарамман̣ам̣ на вуд̇д̇ам̣. убаниссаязна хи асан̇г̇ахид̇ад̇д̇з д̇ам̣ вад̇д̇аб̣б̣амзва сияаад̇и жод̣̇анам̣ санд̇хааяааха ‘‘яам̣ банаа’’д̇иаад̣̇и. д̇ад̇т̇а буримзхи асан̇г̇ахид̇авасзна вуд̇д̇аананд̇и буримзхи бажжаязхи асан̇г̇ахид̇авасзна вуд̇д̇аанам̣ бажчимаанам̣ бажжаяаанам̣. сан̇г̇ахид̇авиваж̇ж̇анаабхаавад̇од̇и ад̇д̇анаа самааналагкан̣ад̇ааяа сан̇г̇ахид̇асса бажжаяасса виваж̇ж̇анаабхаавад̇о, виваж̇ж̇анз гааран̣ам̣ над̇т̇ийд̇и ад̇т̇о. убаниссаяад̇о ан̃н̃аарамман̣аабхаавад̇од̇и аббамаан̣о д̇хаммо аббамаан̣асса д̇хаммасса аарамман̣ам̣ хонд̇о аарамман̣уубаниссаяова ход̇и аарамман̣аад̇хибад̇ибхаавад̇од̇и ад̇т̇о. яат̇аа аарамман̣з г̇ахид̇з аарамман̣уубаниссаяо г̇ахид̇ова ход̇и б̣алаваарамман̣абхаавад̇о , звам̣ аарамман̣уубаниссаяз г̇ахид̇з аарамман̣ам̣ г̇ахид̇амзва ход̇и д̇ам̣сабхаавад̇д̇аад̇и д̇ад̇т̇а д̇ам̣ висум̣ на уд̣̇д̇хаданд̇и д̣̇адтаб̣б̣ам̣. д̇знааха ‘‘на бана аарамман̣уубаниссаяасса аарамман̣з асан̇г̇ахид̇ад̇д̇аа’’д̇и.

    Evañca katvāti purimapurimehi asaṅgahitasaṅgaṇhanavasena pacchimapacchimānaṃ gahitattā tathā rūpāhārassa jīvitindriyassa ca vasena idha āhārindriyapaccayānaṃ gahitattāti attho, aññathā ‘‘āhārapaccayena paccayo, indriyapaccayena paccayo’’ti vattabbaṃ siyāti adhippāyo. Tenevāha ‘‘ārammaṇa…pe… icceva vutta’’nti. Tadaññābhāvāti tato ārammaṇādipaccayato aññassa idhādhippetakammādipaccayassa kusale abhāvā. Tasmāti yasmā ārammaṇato aññesaṃ dvinnaṃ vasena upanissayo vutto, tasmā ‘‘ārammaṇādhipati ārammaṇapaccaye saṅgahaṃ gacchatī’’ti vattabbaṃ, na ārammaṇūpanissayeti adhippāyo. Yadi evaṃ kasmā parittattikapañhāvārapaccanīye ārammaṇaṃ na vuttaṃ. Upanissayena hi asaṅgahitatte taṃ vattabbameva siyāti codanaṃ sandhāyāha ‘‘yaṃ panā’’tiādi. Tattha purimehi asaṅgahitavasena vuttānanti purimehi paccayehi asaṅgahitavasena vuttānaṃ pacchimānaṃ paccayānaṃ. Saṅgahitavivajjanābhāvatoti attanā samānalakkhaṇatāya saṅgahitassa paccayassa vivajjanābhāvato, vivajjane kāraṇaṃ natthīti attho. Upanissayato aññārammaṇābhāvatoti appamāṇo dhammo appamāṇassa dhammassa ārammaṇaṃ honto ārammaṇūpanissayova hoti ārammaṇādhipatibhāvatoti attho. Yathā ārammaṇe gahite ārammaṇūpanissayo gahitova hoti balavārammaṇabhāvato , evaṃ ārammaṇūpanissaye gahite ārammaṇaṃ gahitameva hoti taṃsabhāvattāti tattha taṃ visuṃ na uddhaṭanti daṭṭhabbaṃ. Tenāha ‘‘na pana ārammaṇūpanissayassa ārammaṇe asaṅgahitattā’’ti.

    бажчааж̇аад̇ааахаараананд̇и ад̇д̇ано бажжаяуббаннад̇о бурзж̇аад̇агааяад̇о бажчааж̇аад̇аанам̣ аруубаахаараанам̣. д̇з хи ад̇д̇анаа сахаж̇аад̇ааруубад̇хаммаанам̣ д̇ам̣самудтаанаруубад̇хаммаанамби сахаж̇аад̇аад̇т̇ибажжаяаа хонд̇и, бурзж̇аад̇аанам̣ бана вад̇т̇уунам̣ бажчааж̇аад̇аад̇т̇ибажжаяо. бажчааж̇аад̇инд̣̇рияаананд̇и бажчааж̇аад̇аанам̣ аруубинд̣̇рияаанам̣. сзсам̣ аахаарз вуд̇д̇анаязна яож̇зд̇аб̣б̣ам̣. яасмаа зд̇з аахааринд̣̇рияаа яасмим̣ кан̣з бурзж̇аад̇аад̇т̇ибажжаяам̣ лабханд̇и, д̇асмим̣язва кан̣з д̇ам̣д̇ам̣бажжаяуббаннаанам̣ сахаж̇аад̇аад̇т̇ибажжаяо бажчааж̇аад̇аад̇т̇ибажжаяо жа хонд̇и, д̇асмаа вуд̇д̇ам̣ ‘‘сахааби ад̇т̇иавиг̇ад̇абажжаяабхааво ход̇ий’’д̇и. д̇ин̣н̣анд̇и сахаж̇аад̇аад̣̇ийнам̣ д̇ин̣н̣ам̣. чахи бхзд̣̇зхийд̇и висум̣ г̇ахид̇зхи сахаж̇аад̇аад̣̇ийхи бан̃жахи яат̇аарахам̣ згаж̇жхам̣ г̇ахид̇абхзд̣̇зна жаад̇и чахи ад̇т̇ибажжаяабхзд̣̇зхи. згзгам̣ сан̇г̇ахзд̇ваад̇и ад̇т̇ибажжаяалагкан̣ам̣ авиг̇ад̇абажжаяалагкан̣ан̃жа висум̣ висум̣ чахи бхзд̣̇зхи сан̇г̇ахзд̇ваа вуд̇д̇ам̣.

    Pacchājātaāhārānanti attano paccayuppannato purejātakāyato pacchājātānaṃ arūpāhārānaṃ. Te hi attanā sahajātaarūpadhammānaṃ taṃsamuṭṭhānarūpadhammānampi sahajātaatthipaccayā honti, purejātānaṃ pana vatthūnaṃ pacchājātaatthipaccayo. Pacchājātindriyānanti pacchājātānaṃ arūpindriyānaṃ. Sesaṃ āhāre vuttanayena yojetabbaṃ. Yasmā ete āhārindriyā yasmiṃ khaṇe purejātaatthipaccayaṃ labhanti, tasmiṃyeva khaṇe taṃtaṃpaccayuppannānaṃ sahajātaatthipaccayo pacchājātaatthipaccayo ca honti, tasmā vuttaṃ ‘‘sahāpi atthiavigatapaccayabhāvo hotī’’ti. Tiṇṇanti sahajātādīnaṃ tiṇṇaṃ. Chahi bhedehīti visuṃ gahitehi sahajātādīhi pañcahi yathārahaṃ ekajjhaṃ gahitabhedena cāti chahi atthipaccayabhedehi. Ekekaṃ saṅgahetvāti atthipaccayalakkhaṇaṃ avigatapaccayalakkhaṇañca visuṃ visuṃ chahi bhedehi saṅgahetvā vuttaṃ.

    аж̇жхад̇д̇игаб̣аахирабхзд̣̇ад̇од̇и вад̇д̇аб̣б̣ам̣ жагкаад̣̇ийнам̣ ж̇ийвид̇инд̣̇рияасса жа ад̇хиббзд̇ад̇д̇аа, сабарасанд̇аанигаанан̃жа инд̣̇рияаанам̣ анад̇хиббзд̇ад̇д̇аа. ниссаяабурзж̇аад̇авиббаяуд̇д̇аад̇т̇иавиг̇ад̇аанам̣ бурзж̇аад̇абхууд̇аананд̇и ад̇хиббааяо. д̇зсан̃хи бурзж̇аад̇з сан̇г̇ахо. д̇ад̣̇згад̣̇зсассаад̇и аарамман̣згад̣̇зсасса, аарамман̣аад̇хибад̇иаарамман̣уубаниссаяаананд̇и ад̇т̇о. д̇зсанд̇и ниссаяаад̣̇ийнам̣. убаниссаяаад̣̇ийсууд̇и убаниссаяабурзж̇аад̇абажжаяаад̣̇ийсу. д̇ам̣ бана бурзж̇аад̇абхууд̇ам̣ аарамман̣ам̣. д̇ад̇т̇аад̇и убаниссаяабажжаяасан̇г̇ахз. яат̇аавуд̇д̇анаяо жзд̇т̇а зганд̇зна г̇ахзд̇аб̣б̣од̇и д̣̇ассзд̇ум̣ ‘‘ат̇а банаа’’д̇иаад̣̇и вуд̇д̇ам̣.

    Ajjhattikabāhirabhedatoti vattabbaṃ cakkhādīnaṃ jīvitindriyassa ca adhippetattā, saparasantānikānañca indriyānaṃ anadhippetattā. Nissayapurejātavippayuttaatthiavigatānaṃ purejātabhūtānanti adhippāyo. Tesañhi purejāte saṅgaho. Tadekadesassāti ārammaṇekadesassa, ārammaṇādhipatiārammaṇūpanissayānanti attho. Tesanti nissayādīnaṃ. Upanissayādīsūti upanissayapurejātapaccayādīsu. Taṃ pana purejātabhūtaṃ ārammaṇaṃ. Tatthāti upanissayapaccayasaṅgahe. Yathāvuttanayo cettha ekantena gahetabboti dassetuṃ ‘‘atha panā’’tiādi vuttaṃ.

    зва-сад̣̇д̣̇о аанзд̇ваа яож̇зд̇аб̣б̣о, ан̃н̃ат̇аа д̇зсу бан̃хзсу згасабхаавад̇ова бажжаяасса ааг̇аманам̣ вуд̇д̇ам̣ сияаа. д̇знаад̇и ‘‘зговаа’’д̇и авад̇хааран̣зна аг̇г̇ахид̇зна. д̇зсууд̇и сахаж̇аад̇абурзж̇аад̇абажжаязсу. уггадтавасзнаад̇и ‘‘зго д̣̇вз’’д̇иаад̣̇инаа вуд̇д̇ауггам̣савасзна. д̇з д̇з бажжаяз сан̇г̇ахзд̇ваад̇и д̇з хзд̇уаад̣̇ибажжаяз сахаж̇аад̇аад̣̇ибажжаязхи сан̇г̇ахзд̇ваа. д̣̇ассид̇абажжаяабарижчзд̣̇од̇и сол̣асаад̣̇ибхзд̣̇зна сан̇г̇ахзд̇ваа д̣̇ассид̇абажжаяабарижчзд̣̇о.

    Eva-saddo ānetvā yojetabbo, aññathā tesu pañhesu ekasabhāvatova paccayassa āgamanaṃ vuttaṃ siyā. Tenāti ‘‘ekovā’’ti avadhāraṇena aggahitena. Tesūti sahajātapurejātapaccayesu. Ukkaṭṭhavasenāti ‘‘eko dve’’tiādinā vuttaukkaṃsavasena. Te te paccaye saṅgahetvāti te hetuādipaccaye sahajātādipaccayehi saṅgahetvā. Dassitapaccayaparicchedoti soḷasādibhedena saṅgahetvā dassitapaccayaparicchedo.

    бабхзд̣̇абарихаанийсууд̇и сахаж̇аад̇абажжаяаад̣̇ийхи сан̇г̇ахид̇абажжаяаббабхзд̣̇з д̇ам̣д̇ам̣бажжаяабадигкзбз бан̃хаабарихаанияан̃жаад̇и ад̇т̇о. нахзд̇убажжаяаад̇и иминаа хзд̇убажжаяад̇о ан̃н̃з бажжаяаа г̇ахид̇аад̇и гад̇ваа вуд̇д̇ам̣ ‘‘нахзд̇убажжаяаад̇и зд̇т̇а лаб̣бхамаанабажжаяз санд̇хааяа вуд̇д̇а’’нд̇и. зван̃жа гад̇ваад̇и саб̣б̣абажжанийяасаад̇хааран̣алагкан̣авасзна вуд̇д̇ад̇д̇аа зва на вад̇д̇аб̣б̣ам̣ сияаа, на хи хзд̇убажжаяз бажжанийяад̇о тид̇з хзд̇уд̇хаммо хзд̇усса д̇хаммасса сахаж̇аад̇абажжаязна бажжаяод̇и саггаа вад̇д̇ум̣. вийсад̇и бажжаяаад̇и хзд̇убажжаязна сад̣̇д̇хим̣ вийсад̇и бажжаяаа. барихаанийяам̣ вид̇т̇аарагат̇ам̣ д̣̇ассзнд̇од̇и яож̇анаа.

    Pabhedaparihānīsūti sahajātapaccayādīhi saṅgahitapaccayappabhede taṃtaṃpaccayapaṭikkhepe pañhāparihāniyañcāti attho. Nahetupaccayāti iminā hetupaccayato aññe paccayā gahitāti katvā vuttaṃ ‘‘nahetupaccayāti ettha labbhamānapaccaye sandhāya vutta’’nti. Evañca katvāti sabbapaccanīyasādhāraṇalakkhaṇavasena vuttattā eva na vattabbaṃ siyā, na hi hetupaccaye paccanīyato ṭhite hetudhammo hetussa dhammassa sahajātapaccayena paccayoti sakkā vattuṃ. Vīsati paccayāti hetupaccayena saddhiṃ vīsati paccayā. Parihānīyaṃ vitthārakathaṃ dassentoti yojanā.

    528. д̇зхи д̇зхи бажжаязхийд̇и сахаж̇аад̇абажжаяаад̣̇ийхи д̇зхи д̇зхи сан̇г̇аахагабхууд̇зхи бажжаязхи. д̇з д̇з бажжаяаад̇и сан̇г̇ахзд̇аб̣б̣аа ан̃н̃аман̃н̃абажжаяаад̣̇аяо хзд̇убажжаяаад̣̇аяо ваа д̇з д̇з бажжаяаа. ан̃н̃зсам̣ абхаавам̣ санд̇хааяа вуд̇д̇ам̣, на д̇зсам̣ саб̣б̣зсам̣ самбхаванд̇и ад̇хиббааяо. д̇знааха ‘‘на хий’’д̇иаад̣̇и. д̇ад̇т̇а д̣̇взязваад̇и аарамман̣аад̇хибад̇им̣ абанзд̇ваа ааха. аб̣яаагад̇ассабийд̇и би-сад̣̇д̣̇зна на гзвалам̣ гусалассзва, ат̇а ко аб̣яаагад̇ассабийд̇и гусалам̣ самбин̣д̣зд̇и.

    528. Tehi tehi paccayehīti sahajātapaccayādīhi tehi tehi saṅgāhakabhūtehi paccayehi. Te te paccayāti saṅgahetabbā aññamaññapaccayādayo hetupaccayādayo vā te te paccayā. Aññesaṃ abhāvaṃ sandhāya vuttaṃ, na tesaṃ sabbesaṃ sambhavanti adhippāyo. Tenāha ‘‘na hī’’tiādi. Tattha dveyevāti ārammaṇādhipatiṃ apanetvā āha. Abyākatassapīti pi-saddena na kevalaṃ kusalasseva, atha kho abyākatassapīti kusalaṃ sampiṇḍeti.

    530. д̇зна сад̣̇д̇хинд̇и вад̇т̇унаа сад̣̇д̇хим̣. суд̣̇д̇хаананд̇и гзвалаанам̣ вад̇т̇унаа винаа жа г̇ахид̇аанам̣ гусалагканд̇хаанам̣. яад̣̇иби вад̇т̇унаа сад̣̇д̇хим̣ сахаж̇аад̇адто над̇т̇и, ниссаяаад̣̇ибхааво бана ад̇т̇зваад̇и д̣̇ассзнд̇о ‘‘вад̇т̇унаа банаа’’д̇иаад̣̇имааха.

    530. Tena saddhinti vatthunā saddhiṃ. Suddhānanti kevalānaṃ vatthunā vinā ca gahitānaṃ kusalakkhandhānaṃ. Yadipi vatthunā saddhiṃ sahajātaṭṭho natthi, nissayādibhāvo pana atthevāti dassento ‘‘vatthunā panā’’tiādimāha.

    сахаж̇аад̇абурзж̇аад̇абажчааж̇аад̇ааахааринд̣̇рияаанам̣ ад̇т̇ибажжаязна сан̇г̇ахзд̇аб̣б̣ад̇д̇аа сахаж̇аад̇аад̣̇ийхи сан̇г̇ахзд̇аб̣б̣аанам̣ д̇ам̣сан̇г̇ахо сугарод̇и д̣̇ассзд̇ум̣ убаниссаязна сан̇г̇ахзд̇аб̣б̣аанам̣ сан̇г̇ахо вуд̇д̇анаяо зваад̇и вуд̇д̇ам̣ ‘‘жад̇уусу саб̣б̣абажжаяз сан̇г̇ан̣хид̇ваа’’д̇и. гаммам̣ бана сахаж̇аад̇уубаниссаязхи асан̇г̇ахзд̇аб̣б̣ад̇ааби ад̇т̇ийд̇и саруубад̇о г̇ахид̇ам̣, ан̃н̃ат̇аа ‘‘д̇ийсу бажжаязсуу’’д̇и вад̇д̇аб̣б̣ам̣ сияаа. миссагаамиссагассаад̇и сахаж̇аад̇абурзж̇аад̇аад̣̇ибхаавзхи миссагасса д̇ат̇аа амиссагасса жа. вуд̇д̇амзвад̇т̇ам̣ вид̇т̇аарад̇о д̣̇ассзд̇ум̣ ‘‘на хий’’д̇иаад̣̇и вуд̇д̇ам̣. д̇знаад̇и ад̇т̇ибажжаяавибхааг̇асан̇г̇аахагаанам̣ сахаж̇аад̇аад̣̇ийнам̣ г̇ахан̣зна. саб̣б̣абажжаяаанам̣…бз… ход̇ийд̇и иминаа ‘‘имасмим̣ бана бажжаяуд̣̇д̇хаарз’’д̇иаад̣̇инаа вуд̇д̇оби бажжаяасан̇г̇ахо ид̇ха ад̇т̇ад̇о д̣̇ассид̇оязваад̇и имамад̇т̇ам̣ д̣̇ассзд̇и.

    Sahajātapurejātapacchājātaāhārindriyānaṃ atthipaccayena saṅgahetabbattā sahajātādīhi saṅgahetabbānaṃ taṃsaṅgaho sukaroti dassetuṃ upanissayena saṅgahetabbānaṃ saṅgaho vuttanayo evāti vuttaṃ ‘‘catūsu sabbapaccaye saṅgaṇhitvā’’ti. Kammaṃ pana sahajātūpanissayehi asaṅgahetabbatāpi atthīti sarūpato gahitaṃ, aññathā ‘‘tīsu paccayesū’’ti vattabbaṃ siyā. Missakāmissakassāti sahajātapurejātādibhāvehi missakassa tathā amissakassa ca. Vuttamevatthaṃ vitthārato dassetuṃ ‘‘na hī’’tiādi vuttaṃ. Tenāti atthipaccayavibhāgasaṅgāhakānaṃ sahajātādīnaṃ gahaṇena. Sabbapaccayānaṃ…pe… hotīti iminā ‘‘imasmiṃ pana paccayuddhāre’’tiādinā vuttopi paccayasaṅgaho idha atthato dassitoyevāti imamatthaṃ dasseti.

    ниссаяо гасмаа на вуд̇д̇о? сахаж̇аад̇аниссаяо бурзж̇аад̇аниссаяод̇и хи саггаа вибхаж̇ид̇унд̇и ад̇хиббааяо. виббаяуд̇д̇о ваа гасмаа на вуд̇д̇о? бурзж̇аад̇авиббаяуд̇д̇о бажчааж̇аад̇авиббаяуд̇д̇од̇и вибхаж̇ид̇ум̣ саггаад̇и ад̇т̇о. яам̣ миссагаамиссагабхаавам̣ манаси гад̇ваа ‘‘авад̇д̇аб̣б̣ад̇д̇аа’’д̇и вуд̇д̇ам̣, д̇ам̣ д̣̇ассзнд̇о ‘‘ниссаяо д̇ааваа’’д̇иаад̣̇имааха. висзсид̇аб̣б̣о ‘‘виббаяуд̇д̇абажжаязна бажжаяо’’д̇и ависзсзна баал̣ияам̣ вуд̇д̇ад̇д̇аа. со вияаад̇и ад̇т̇ибажжаяо вияа, ниссаяабажжаяо вияа ваа ад̇т̇ибажжаяависзсаабхаавзна виббаяуд̇д̇абажжаяо на вад̇д̇аб̣б̣ова. д̣̇виннам̣ бажжаяаанам̣ вияа бабхзд̣̇асаб̣бхаавад̇од̇и д̣̇ассзнд̇о ‘‘сахаж̇аад̇абурзж̇аад̇аанан̃жаа’’д̇иаад̣̇имааха. д̇ат̇аад̇иаад̣̇инаа вуд̇д̇амад̇т̇ам̣ баал̣ияаа самад̇т̇зд̇ум̣ ‘‘вагкад̇ий’’д̇иаад̣̇и вуд̇д̇ам̣. д̇ад̇т̇а маг̇г̇апалад̇хаммаанам̣ маг̇г̇апалад̇ам̣самудтаанаруубавасзна сахаж̇аад̇аад̇т̇ибажжаяо д̇зсам̣язва бурзж̇аад̇ажад̇усанд̇ад̇ируубавасзна бажчааж̇аад̇аад̇т̇ибажжаяо вуд̇д̇о, на бана виббаяуд̇д̇абажжаяабхааво вагкад̇ийд̇и яож̇анаа. сод̇и виббаяуд̇д̇абажжаяо.

    Nissayokasmā na vutto? Sahajātanissayo purejātanissayoti hi sakkā vibhajitunti adhippāyo. Vippayutto vā kasmā na vutto? Purejātavippayutto pacchājātavippayuttoti vibhajituṃ sakkāti attho. Yaṃ missakāmissakabhāvaṃ manasi katvā ‘‘avattabbattā’’ti vuttaṃ, taṃ dassento ‘‘nissayo tāvā’’tiādimāha. Visesitabbo ‘‘vippayuttapaccayena paccayo’’ti avisesena pāḷiyaṃ vuttattā. So viyāti atthipaccayo viya, nissayapaccayo viya vā atthipaccayavisesābhāvena vippayuttapaccayo na vattabbova. Dvinnaṃ paccayānaṃ viya pabhedasabbhāvatoti dassento ‘‘sahajātapurejātānañcā’’tiādimāha. Tathātiādinā vuttamatthaṃ pāḷiyā samatthetuṃ ‘‘vakkhatī’’tiādi vuttaṃ. Tattha maggaphaladhammānaṃ maggaphalataṃsamuṭṭhānarūpavasena sahajātaatthipaccayo tesaṃyeva purejātacatusantatirūpavasena pacchājātaatthipaccayo vutto, na pana vippayuttapaccayabhāvo vakkhatīti yojanā. Soti vippayuttapaccayo.

    хзд̇уаад̣̇ийнам̣ сахаж̇аад̇анд̇ог̇ад̇хад̇д̇аа хзд̇уаад̣̇аяо д̇аб̣б̣исзсаа хонд̇ийд̇и гад̇ваа вуд̇д̇ам̣ ‘‘сахаж̇аад̇абажжаяо жа хзд̇уаад̣̇ийхи висзсзд̇аб̣б̣о’’д̇и. сод̇и сахаж̇аад̇абажжаяо. вируд̣̇д̇хабажжаязхийд̇и сахаж̇аад̇абурзж̇аад̇асса сахаж̇аад̇аад̣̇ибхаавзна вируд̣̇д̇хзхи бажжаязхи. д̇знааха ‘‘уббад̇д̇игаалавируд̣̇д̇хзхи бажжаязхий’’д̇и.

    Hetuādīnaṃ sahajātantogadhattā hetuādayo tabbisesā hontīti katvā vuttaṃ ‘‘sahajātapaccayo ca hetuādīhi visesetabbo’’ti. Soti sahajātapaccayo. Viruddhapaccayehīti sahajātapurejātassa sahajātādibhāvena viruddhehi paccayehi. Tenāha ‘‘uppattikālaviruddhehi paccayehī’’ti.

    бажжанийяуд̣̇д̇хаараван̣н̣анаа нидтид̇аа.

    Paccanīyuddhāravaṇṇanā niṭṭhitā.

    бажжанийяаг̇ан̣анаван̣н̣анаа

    Paccanīyagaṇanavaṇṇanā

    нахзд̇умуулагаван̣н̣анаа

    Nahetumūlakavaṇṇanā

    532. ад̇хибад̇ибажжаяаад̣̇ибхууд̇о аарамман̣абажжаяод̇и аарамман̣ааарамман̣аад̇хибад̇иаарамман̣уубаниссаяз вад̣̇ад̇и. д̇з жа яасмаа аарамман̣асабхааваа зва, д̇асмаа вуд̇д̇ам̣ ‘‘барихааяад̇иязваа’’д̇и. баннарасасууд̇и д̣̇уд̇ияз сахаж̇аад̇абажжаяз ‘‘хзд̇убажжаяо’’д̇иаад̣̇инаа вуд̇д̇зсу баннарасасу. згаад̣̇асаннам̣ васзнаад̇и сахаж̇аад̇абажжаяо, сахаж̇аад̇ад̇аависидтаа ад̇хибад̇иниссаяагаммаахааринд̣̇рияад̇т̇иавиг̇ад̇ахзд̇ужхаанамаг̇г̇аа жаад̇и имзсам̣ згаад̣̇асаннам̣ васзна. сахаж̇аад̇з анд̇ог̇ад̇хаа хзд̇уаад̣̇аяо. д̇асмим̣ бадигкид̇д̇зд̇и д̇асмим̣ сахаж̇аад̇з бадигкид̇д̇з бажжанийяад̇о тид̇з. ананд̇ог̇ад̇хаа сахаж̇аад̇з , гз бана д̇зд̇и ааха ‘‘аарамман̣аад̇хибад̇ибурзж̇аад̇аниссаяаад̣̇аяо’’д̇и. аарамман̣аад̣̇иаагаарзнаад̇и аарамман̣абурзж̇аад̇аниссаяанаанаагкан̣игагаммаад̣̇иаагаарзна.

    532. Adhipatipaccayādibhūto ārammaṇapaccayoti ārammaṇaārammaṇādhipatiārammaṇūpanissaye vadati. Te ca yasmā ārammaṇasabhāvā eva, tasmā vuttaṃ ‘‘parihāyatiyevā’’ti. Pannarasasūti dutiye sahajātapaccaye ‘‘hetupaccayo’’tiādinā vuttesu pannarasasu. Ekādasannaṃ vasenāti sahajātapaccayo, sahajātatāvisiṭṭhā adhipatinissayakammāhārindriyatthiavigatahetujhānamaggā cāti imesaṃ ekādasannaṃ vasena. Sahajāte antogadhā hetuādayo. Tasmiṃ paṭikkhitteti tasmiṃ sahajāte paṭikkhitte paccanīyato ṭhite. Anantogadhā sahajāte , ke pana teti āha ‘‘ārammaṇādhipatipurejātanissayādayo’’ti. Ārammaṇādiākārenāti ārammaṇapurejātanissayanānākkhaṇikakammādiākārena.

    д̇асмим̣ бадигкид̇д̇зд̇и д̇асмим̣ сахаж̇аад̇абажжаяз бадигкид̇д̇з. имз ваараад̇и сахаж̇аад̇ам̣ бурзж̇аад̇анд̇и виссаж̇ж̇ид̇аваараа. зд̇з ниссаяаад̣̇аяод̇и сахаж̇аад̇ад̇аависидтз ниссаяаад̣̇игз вад̣̇ад̇и, на ид̇арз. д̇знааха ‘‘яасмаа жа…бз… бадигкзбзна бадигкид̇д̇аа’’д̇и.

    Tasmiṃ paṭikkhitteti tasmiṃ sahajātapaccaye paṭikkhitte. Ime vārāti sahajātaṃ purejātanti vissajjitavārā. Ete nissayādayoti sahajātatāvisiṭṭhe nissayādike vadati, na itare. Tenāha ‘‘yasmā ca…pe… paṭikkhepena paṭikkhittā’’ti.

    ниссаяаад̣̇ибхууд̇ан̃жа сахаж̇аад̇абажжаяам̣ табзд̇ваад̇и зд̇зна ‘‘табзд̇ваа сахаж̇аад̇абажжаяа’’нд̇и зд̇т̇а анд̇ог̇ад̇ханиссаяаад̣̇ибхаавоязва сахаж̇аад̇абажжаяо г̇ахид̇од̇и д̣̇ассзд̇и. ниссаяаад̣̇ийд̇и аад̣̇и-сад̣̇д̣̇зна хзд̇уаад̣̇ийнам̣ сан̇г̇ахо д̣̇адтаб̣б̣о. ан̃н̃аман̃н̃абажжаяад̇хаммавасзна бавад̇д̇исаб̣бхаавад̇од̇и ан̃н̃аман̃н̃абажжаяад̇хаммавасзна сахаж̇аад̇аад̣̇ийхи бавад̇д̇исаб̣бхаавад̇о ан̃н̃аман̃н̃з бадигкид̇д̇з ‘‘гусало гусалааб̣яаагад̇ассаа’’д̇и вааро барихааяад̇и. д̇зсам̣ д̇зсам̣ бажжаяуббаннаананд̇и ид̣̇ам̣ сааман̃н̃аважанамби ‘‘ан̃н̃аман̃н̃абажжаяасан̇г̇ахам̣ г̇ад̇аа’’д̇и важанад̇о ан̃н̃аман̃н̃абажжаяалаабхийнам̣язва г̇ахан̣ам̣ сияаад̇и аасан̇гам̣ нивад̇д̇зд̇ум̣ ‘‘гусало жа гусалассаа’’д̇иаад̣̇и вуд̇д̇ам̣. самуд̣̇ааяабхууд̇од̇и жад̇угканд̇хасамуд̣̇ааяабхууд̇о. згад̣̇зсабхууд̇зхийд̇и д̇ассзва згад̣̇зсабхууд̇зхи. ‘‘гусало банаа’’д̇иаад̣̇и ‘‘наан̃н̃аман̃н̃абажжаязна…бз… барихааяад̇ий’’д̇и имасса адтагат̇ааважанасса самаад̇хаанаважанам̣.

    Nissayādibhūtañca sahajātapaccayaṃ ṭhapetvāti etena ‘‘ṭhapetvā sahajātapaccaya’’nti ettha antogadhanissayādibhāvoyeva sahajātapaccayo gahitoti dasseti. Nissayādīti ādi-saddena hetuādīnaṃ saṅgaho daṭṭhabbo. Aññamaññapaccayadhammavasena pavattisabbhāvatoti aññamaññapaccayadhammavasena sahajātādīhi pavattisabbhāvato aññamaññe paṭikkhitte ‘‘kusalo kusalābyākatassā’’ti vāro parihāyati. Tesaṃ tesaṃ paccayuppannānanti idaṃ sāmaññavacanampi ‘‘aññamaññapaccayasaṅgahaṃ gatā’’ti vacanato aññamaññapaccayalābhīnaṃyeva gahaṇaṃ siyāti āsaṅkaṃ nivattetuṃ ‘‘kusalo ca kusalassā’’tiādi vuttaṃ. Samudāyabhūtoti catukkhandhasamudāyabhūto. Ekadesabhūtehīti tasseva ekadesabhūtehi. ‘‘Kusalo panā’’tiādi ‘‘naaññamaññapaccayena…pe… parihāyatī’’ti imassa aṭṭhakathāvacanassa samādhānavacanaṃ.

    руубагканд̇хзгад̣̇зсова хонд̇и руубаахаараруубинд̣̇рияавасзна, ‘‘зганд̇зна виббаяуд̇д̇абажжаяад̇хаммзхий’’д̇и вуд̇д̇ад̇хаммаа ‘‘д̇з’’д̇и бажжаамадтаад̇и ааха ‘‘д̇зд̇и д̇з виббаяуд̇д̇абажжаяад̇хаммаа’’д̇и.

    Rūpakkhandhekadesova honti rūpāhārarūpindriyavasena, ‘‘ekantena vippayuttapaccayadhammehī’’ti vuttadhammā ‘‘te’’ti paccāmaṭṭhāti āha ‘‘teti te vippayuttapaccayadhammā’’ti.

    533. бажжанийяаг̇ан̣анам̣ д̣̇ассзд̇унд̇и вуд̇д̇зби нану бажжаяаг̇ан̣анамзва д̣̇ассид̇ам̣ ход̇ийд̇и гассажи аасан̇гаа сияаад̇и д̇ам̣ нивад̇д̇знд̇о ааха ‘‘бажжанийяаваараг̇ан̣анаа хи д̣̇ассид̇аа’’д̇и. б̣алавагаммам̣ вибаагасса убаниссаяо ход̇и, ид̇арам̣ гаммабажжаяо зваад̇и ааха ‘‘вибаагассаби бана…бз… гаммабажжаяо ход̇ий’’д̇и.

    533. Paccanīyagaṇanaṃ dassetunti vuttepi nanu paccayagaṇanameva dassitaṃ hotīti kassaci āsaṅkā siyāti taṃ nivattento āha ‘‘paccanīyavāragaṇanā hi dassitā’’ti. Balavakammaṃ vipākassa upanissayo hoti, itaraṃ kammapaccayo evāti āha ‘‘vipākassapi pana…pe… kammapaccayo hotī’’ti.

    нахзд̇умуулагаван̣н̣анаа нидтид̇аа.

    Nahetumūlakavaṇṇanā niṭṭhitā.

    534. барижчиннаг̇ан̣анаанийд̇и ид̣̇ам̣ на г̇ан̣анаабзгкам̣, ат̇а ко виссаж̇ж̇анаабзгканд̇и ааха ‘‘барижчиннаг̇ан̣анаани виссаж̇ж̇анааний’’д̇и. бажжанийяад̇о тид̇оби хзд̇у наяаанам̣ муулабхаавзнзва тид̇од̇и ааха ‘‘хзд̇умуулагз’’д̇и, адтагат̇ааяам̣ бана ‘‘нахзд̇умуулага’’мижжзва вуд̇д̇ам̣.

    534. Paricchinnagaṇanānīti idaṃ na gaṇanāpekkhaṃ, atha kho vissajjanāpekkhanti āha ‘‘paricchinnagaṇanāni vissajjanānī’’ti. Paccanīyato ṭhitopi hetu nayānaṃ mūlabhāveneva ṭhitoti āha ‘‘hetumūlake’’ti, aṭṭhakathāyaṃ pana ‘‘nahetumūlaka’’micceva vuttaṃ.

    538. муулам̣ сан̇кибид̇ваад̇и сад̇д̇амуулагам̣ адтамуулагам̣ навамуулаган̃жа сан̇кибид̇ваа. д̣̇вийсууд̇и ‘‘д̇ийн̣ий’’д̇и вуд̇д̇зсу д̇ийсу виссаж̇ж̇анзсу буримзсу д̣̇вийсу ‘‘гусало д̇хаммо аб̣яаагад̇асса, агусало д̇хаммо аб̣яаагад̇ассаа’’д̇и имзсу. д̇знааха ‘‘вибааго бажжаяуббанно ход̇ий’’д̇и. д̇ад̇иязд̇и ‘‘аб̣яаагад̇о д̇хаммо аб̣яаагад̇ассаа’’д̇и имасмим̣. д̇зсамудтаанигагааяод̇и уд̇ужид̇д̇аахаараанам̣ васзна д̇зсамудтаанигагааяо.

    538. Mūlaṃ saṅkhipitvāti sattamūlakaṃ aṭṭhamūlakaṃ navamūlakañca saṅkhipitvā. Dvīsūti ‘‘tīṇī’’ti vuttesu tīsu vissajjanesu purimesu dvīsu ‘‘kusalo dhammo abyākatassa, akusalo dhammo abyākatassā’’ti imesu. Tenāha ‘‘vipāko paccayuppanno hotī’’ti. Tatiyeti ‘‘abyākato dhammo abyākatassā’’ti imasmiṃ. Tesamuṭṭhānikakāyoti utucittāhārānaṃ vasena tesamuṭṭhānikakāyo.

    545. зд̇ам̣ д̣̇ваяам̣ санд̇хааяа вуд̇д̇ам̣, яат̇аа аруубам̣ аруубасса, звам̣ руубамби руубасса виббаяуд̇д̇абажжаяо на ход̇ийд̇и. руубааб̣яаагад̇о аруубааб̣яаагад̇ассаад̇и ид̣̇ам̣ вад̇т̇уканд̇хз санд̇хааяа вуд̇д̇ам̣. аруубааб̣яаагад̇о руубааб̣яаагад̇ассаад̇и ид̣̇ам̣ бана жид̇д̇асамудтаанаруубан̃жаад̇и д̇зсам̣ зганд̇иго виббаяуд̇д̇абажжаяабхаавод̇и ааха ‘‘сахаж̇аад̇а…бз… ход̇иязваа’’д̇и. сахаж̇аад̇аахааринд̣̇рияавасзнаад̇и сахаж̇аад̇ааруубаахааринд̣̇рияавасзна.

    545. Etaṃ dvayaṃ sandhāya vuttaṃ, yathā arūpaṃ arūpassa, evaṃ rūpampi rūpassa vippayuttapaccayo na hotīti. Rūpābyākato arūpābyākatassāti idaṃ vatthukhandhe sandhāya vuttaṃ. Arūpābyākato rūpābyākatassāti idaṃ pana cittasamuṭṭhānarūpañcāti tesaṃ ekantiko vippayuttapaccayabhāvoti āha ‘‘sahajāta…pe… hotiyevā’’ti. Sahajātāhārindriyavasenāti sahajātaarūpāhārindriyavasena.

    546. згамуулагзгаавасаанаа ананд̇арабагад̇уубаниссаяавасзна лаб̣бханд̇ийд̇и ид̣̇ам̣ яат̇аарахавасзна вуд̇д̇анд̇и д̇ам̣ яат̇аарахам̣ бадигкзбаабадигкзбавасзнаби д̣̇ассзд̇аб̣б̣анд̇и ‘‘ад̇т̇ибажжаяз банаа’’д̇иаад̣̇и вуд̇д̇ам̣. буримзсууд̇и наарамман̣аад̣̇ийсу. наваад̇и згамуулагаавасаанаа нава. д̣̇взязваад̇и ‘‘гусало д̇хаммо аб̣яаагад̇асса, агусало д̇хаммо аб̣яаагад̇ассаа’’д̇и имз д̣̇взязва.

    546. Ekamūlakekāvasānā anantarapakatūpanissayavasena labbhantīti idaṃ yathārahavasena vuttanti taṃ yathārahaṃ paṭikkhepāpaṭikkhepavasenapi dassetabbanti ‘‘atthipaccaye panā’’tiādi vuttaṃ. Purimesūti nārammaṇādīsu. Navāti ekamūlakāvasānā nava. Dveyevāti ‘‘kusalo dhammo abyākatassa, akusalo dhammo abyākatassā’’ti ime dveyeva.

    бажжанийяаван̣н̣анаа нидтид̇аа.

    Paccanīyavaṇṇanā niṭṭhitā.

    ануломабажжанийяаван̣н̣анаа

    Anulomapaccanīyavaṇṇanā

    550. имзхзваад̇и ‘‘гусало гусаласса, агусало агусалассаа’’д̇и имзхи зва самаанаа хонд̇и гусалаад̣̇ид̇аасааман̃н̃зна. д̇зна вуд̇д̇ам̣ ‘‘ад̇т̇аабхаавад̇о бана на ануруубаа’’д̇и. ‘‘гусало гусалассаа’’д̇иаад̣̇инаа сад̇иби уд̣̇д̣̇зсад̇о сааман̃н̃з язбхуяязна сияаа вибхан̇г̇з висзсод̇и ааха ‘‘яат̇ааяог̇ам̣ нид̣̇д̣̇зсад̇о жаа’’д̇и.

    550. Imehevāti ‘‘kusalo kusalassa, akusalo akusalassā’’ti imehi eva samānā honti kusalāditāsāmaññena. Tena vuttaṃ ‘‘atthābhāvato pana na anurūpā’’ti. ‘‘Kusalo kusalassā’’tiādinā satipi uddesato sāmaññe yebhuyyena siyā vibhaṅge visesoti āha ‘‘yathāyogaṃ niddesato cā’’ti.

    551. хзд̇унааманд̇и хзд̇у жа д̇ам̣ нааман̃жаад̇и хзд̇унаамам̣. бажжаяанд̇и д̇амзва бажжаяабхууд̇ам̣ санд̇хааяаад̇и яож̇анаа.

    551. Hetunāmanti hetu ca taṃ nāmañcāti hetunāmaṃ. Paccayanti tameva paccayabhūtaṃ sandhāyāti yojanā.

    552. д̣̇виннамби ад̇хибад̇ийнанд̇и сахаж̇аад̇аарамман̣аад̇хибад̇ийнам̣ васзна, д̇ам̣ ‘‘гусалам̣ гусаласса сахаж̇аад̇ад̇о жзва аарамман̣ад̇о жаа’’д̇иаад̣̇инаа адтагат̇ааяам̣ вуд̇д̇анаязнзва взд̣̇ид̇аб̣б̣ам̣. наарамман̣з сад̇д̇аад̇и сахаж̇аад̇аад̇хибад̇исса васзна вуд̇д̇ам̣, на сахаж̇аад̇з сад̇д̇аад̇и аарамман̣аад̇хибад̇исса васзна вуд̇д̇анд̇и яож̇анаа. званд̇и яат̇аа ад̇хибад̇имхи вуд̇д̇ам̣, звам̣ саб̣б̣ад̇т̇а саб̣б̣абажжаязсу. ‘‘д̇асмим̣ д̇асмим̣…бз… уд̣̇д̇харид̇аб̣б̣аа’’д̇и вад̇ваа д̇асса г̇ан̣ануд̣̇д̇хаарасса сугарад̇ам̣ убааяан̃жа д̣̇ассзнд̇о ‘‘ануломз…бз… вин̃н̃аад̇у’’нд̇и ааха.

    552. Dvinnampi adhipatīnanti sahajātārammaṇādhipatīnaṃ vasena, taṃ ‘‘kusalaṃ kusalassa sahajātato ceva ārammaṇato cā’’tiādinā aṭṭhakathāyaṃ vuttanayeneva veditabbaṃ. Nārammaṇe sattāti sahajātādhipatissa vasena vuttaṃ, na sahajāte sattāti ārammaṇādhipatissa vasena vuttanti yojanā. Evanti yathā adhipatimhi vuttaṃ, evaṃ sabbattha sabbapaccayesu. ‘‘Tasmiṃ tasmiṃ…pe… uddharitabbā’’ti vatvā tassa gaṇanuddhārassa sukarataṃ upāyañca dassento ‘‘anulome…pe… viññātu’’nti āha.

    ануломабажжанийяаван̣н̣анаа нидтид̇аа.

    Anulomapaccanīyavaṇṇanā niṭṭhitā.

    бажжанийяаануломаван̣н̣анаа

    Paccanīyānulomavaṇṇanā

    631. барихаабанаг̇ан̣анааяаад̇и барихаабзд̇аб̣б̣аг̇ан̣анааяа самаанад̇д̇ан̃жа на зганд̇игам̣ уунад̇амабхаавассаби самбхавад̇од̇и ад̇хиббааяо. д̇знааха ‘‘нахзд̇унаарамман̣ад̣̇угассаа’’д̇иаад̣̇и. д̇ад̇т̇а сад̣̇д̇хим̣ яож̇ияамаанзна уунад̇араг̇ан̣анзна ад̇хибад̇ибажжаязна барихийнаабийд̇и яож̇анаа. сад̣̇д̇хим̣ барихийнаабийд̇и ваа имасмим̣ багкз ‘‘ад̇хибад̇ибажжаязнаа’’д̇и ид̇т̇амбхууд̇алагкан̣з гаран̣аважанам̣. зд̇анд̇и лагкан̣ам̣.

    631. Parihāpanagaṇanāyāti parihāpetabbagaṇanāya samānattañca na ekantikaṃ ūnatamabhāvassapi sambhavatoti adhippāyo. Tenāha ‘‘nahetunārammaṇadukassā’’tiādi. Tattha saddhiṃ yojiyamānena ūnataragaṇanena adhipatipaccayena parihīnāpīti yojanā. Saddhiṃ parihīnāpīti vā imasmiṃ pakkhe ‘‘adhipatipaccayenā’’ti itthambhūtalakkhaṇe karaṇavacanaṃ. Etanti lakkhaṇaṃ.

    адтаананд̇и ануломад̇о адтаанам̣ ад̇идтанам̣. д̇идтанд̇ийд̇и ануломад̇од̇и яож̇анаа. д̇зсанд̇и хзд̇уаад̣̇ийнам̣. ид̇арзсууд̇и яаад̣̇исаа ад̇хиббзд̇аа, д̇з д̣̇ассзд̇ум̣ ‘‘ад̇хибад̇ий’’д̇иаад̣̇и вуд̇д̇ам̣. имаани д̣̇взд̇и ‘‘гусалааб̣яаагад̇аа аб̣яаагад̇асса, агусалаааб̣яаагад̇аа аб̣яаагад̇ассаа’’д̇и имаани жа д̣̇вз.

    Aṭṭhānanti anulomato aṭṭhānaṃ atiṭṭhanaṃ. Tiṭṭhantīti anulomatoti yojanā. Tesanti hetuādīnaṃ. Itaresūti yādisā adhippetā, te dassetuṃ ‘‘adhipatī’’tiādi vuttaṃ. Imāni dveti ‘‘kusalābyākatā abyākatassa, akusalāabyākatā abyākatassā’’ti imāni ca dve.

    нахзд̇умуулагаван̣н̣анаа нидтид̇аа.

    Nahetumūlakavaṇṇanā niṭṭhitā.

    636. хзд̇уяаа вуд̇д̇зхи д̇ийхийд̇и хзд̇убажжаяаа вуд̇д̇зхи д̇ийхи виссаж̇ж̇анзхи сад̣̇д̇хим̣. ваарасааман̃н̃амзва вад̣̇ад̇и, на ад̇т̇асааман̃н̃анд̇и ад̇хиббааяо. д̇ат̇аа гаммз д̇ийн̣ийд̇и хзд̇уяаа вуд̇д̇аанзваад̇и жаад̇и ‘‘гаммз д̇ийн̣ий’’д̇и зд̇т̇а ‘‘хзд̇уяаа вуд̇д̇аанзваа’’д̇и имасмим̣ ад̇т̇аважанзби д̇ат̇аа ваарасааман̃н̃амзва санд̇хааяа вад̣̇ад̇ийд̇и ад̇т̇о.

    636. Hetuyāvuttehi tīhīti hetupaccayā vuttehi tīhi vissajjanehi saddhiṃ. Vārasāmaññameva vadati, na atthasāmaññanti adhippāyo. Tathā kamme tīṇīti hetuyā vuttānevāti cāti ‘‘kamme tīṇī’’ti ettha ‘‘hetuyā vuttānevā’’ti imasmiṃ atthavacanepi tathā vārasāmaññameva sandhāya vadatīti attho.

    644. згзгамзваад̇и згзгамзва виссаж̇ж̇анам̣.

    644. Ekekamevāti ekekameva vissajjanaṃ.

    650. сагадтаанзд̇и ад̇д̇анаа тид̇адтаанз. д̇ад̇о барзд̇араад̇и д̇ад̇о аг̇г̇ахид̇абажжаяад̇о барзд̇араа бажжанийяад̇о. наахаарз…бз… лаабхо ход̇ийд̇и аахаарабажжаяз бажжанийяад̇о тид̇з инд̣̇рияабажжаяам̣, ануломад̇о инд̣̇рияабажжаяз жа бажжанийяад̇о тид̇з аахаарабажжаяам̣ ануломад̇о яож̇зд̇ваа яат̇аа бан̃хо лаб̣бхад̇ийд̇и ад̇т̇о. д̇зсууд̇и аахааринд̣̇риязсу. д̣̇вид̇хаа бхиннаани бажжанийяад̇о ануломад̇о жа яож̇зд̇аб̣б̣абхаавзна.

    650. Sakaṭṭhāneti attanā ṭhitaṭṭhāne. Tato paretarāti tato aggahitapaccayato paretarā paccanīyato. Nāhāre…pe… lābho hotīti āhārapaccaye paccanīyato ṭhite indriyapaccayaṃ, anulomato indriyapaccaye ca paccanīyato ṭhite āhārapaccayaṃ anulomato yojetvā yathā pañho labbhatīti attho. Tesūti āhārindriyesu. Dvidhā bhinnāni paccanīyato anulomato ca yojetabbabhāvena.

    бажжанийяаануломаван̣н̣анаа нидтид̇аа.

    Paccanīyānulomavaṇṇanā niṭṭhitā.

    гусалад̇д̇игаван̣н̣анаа нидтид̇аа.

    Kusalattikavaṇṇanā niṭṭhitā.




    Next: 2. взд̣̇анаад̇д̇игаван̣н̣анаа • 2. Vedanāttikavaṇṇanā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. бан̃хаавааравибхан̇г̇аван̣н̣анаа • 7. Pañhāvāravibhaṅgavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact