| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. бан̣ихид̇аажчаваг̇г̇аван̣н̣анаа
5. Paṇihitaacchavaggavaṇṇanā
41. бан̃жамасса батамз сзяяат̇аабийд̇и обаммад̇т̇з нибаад̇о. д̇ад̇ра бхаг̇аваа гад̇т̇ажи ад̇т̇зна убамам̣ бариваарзд̇ваа д̣̇ассзд̇и вад̇т̇асуд̇д̇з (ма. ни. 1.70 аад̣̇аяо) вияа, баарижчад̇д̇агобама- (а. ни. 7.69) аг̇г̇игканд̇хобамаад̣̇исуд̇д̇зсу (а. ни. 7.72) вияа жа, гад̇т̇ажи убамааяа ад̇т̇ам̣ бариваарзд̇ваа д̣̇ассзд̇и лон̣амб̣иласуд̇д̇з (а. ни. 3.101) вияа, суван̣н̣агаарасуд̇д̇асуурияобамаад̣̇исуд̇д̇зсу (а. ни. 7.66) вияа жа. имасмим̣ бана саалисуугобамз убамааяа ад̇т̇ам̣ бариваарзд̇ваа д̣̇ассзнд̇о сзяяат̇ааби, бхигкавзд̇иаад̣̇имааха. д̇ад̇т̇а саалисууганд̇и саалипаласса суугам̣. яавасуугзби зсзва наяо. ваа-сад̣̇д̣̇о вигаббад̇т̇о. мижчаабан̣ихид̇анд̇и мижчаатабид̇ам̣. яат̇аа виж̇жхид̇ум̣ саггод̇и, на звам̣ уд̣̇д̇хаг̇г̇ам̣ гад̇ваа табид̇анд̇и ад̇т̇о. бхзжчад̇ийд̇и бхинд̣̇иссад̇и, чавим̣ чинд̣̇иссад̇ийд̇и ад̇т̇о. мижчаабан̣ихид̇зна жид̇д̇знаад̇и мижчаатабид̇зна жид̇д̇зна. ваддавасзна уббаннажид̇д̇ам̣ санд̇хааязд̇ам̣ вуд̇д̇ам̣. авиж̇ж̇анд̇и адтасу таанзсу ан̃н̃аан̣абхууд̇ам̣ гханаб̣ахалам̣ махааавиж̇ж̇ам̣. виж̇ж̇ам̣ уббаад̣̇зссад̇ийд̇и зд̇т̇а виж̇ж̇анд̇и арахад̇д̇амаг̇г̇ан̃аан̣ам̣. ниб̣б̣аананд̇и д̇ан̣хааваанад̇о нигканд̇абхаавзна звам̣ вуд̇д̇ам̣ амад̇ам̣. сажчигариссад̇ийд̇и бажжагкам̣ гариссад̇и.
41. Pañcamassa paṭhame seyyathāpīti opammatthe nipāto. Tatra bhagavā katthaci atthena upamaṃ parivāretvā dasseti vatthasutte (ma. ni. 1.70 ādayo) viya, pāricchattakopama- (a. ni. 7.69) aggikkhandhopamādisuttesu (a. ni. 7.72) viya ca, katthaci upamāya atthaṃ parivāretvā dasseti loṇambilasutte (a. ni. 3.101) viya, suvaṇṇakārasuttasūriyopamādisuttesu (a. ni. 7.66) viya ca. Imasmiṃ pana sālisūkopame upamāya atthaṃ parivāretvā dassento seyyathāpi, bhikkhavetiādimāha. Tattha sālisūkanti sāliphalassa sūkaṃ. Yavasūkepi eseva nayo. Vā-saddo vikappattho. Micchāpaṇihitanti micchāṭhapitaṃ. Yathā vijjhituṃ sakkoti, na evaṃ uddhaggaṃ katvā ṭhapitanti attho. Bhecchatīti bhindissati, chaviṃ chindissatīti attho. Micchāpaṇihitena cittenāti micchāṭhapitena cittena. Vaṭṭavasena uppannacittaṃ sandhāyetaṃ vuttaṃ. Avijjanti aṭṭhasu ṭhānesu aññāṇabhūtaṃ ghanabahalaṃ mahāavijjaṃ. Vijjaṃ uppādessatīti ettha vijjanti arahattamaggañāṇaṃ. Nibbānanti taṇhāvānato nikkhantabhāvena evaṃ vuttaṃ amataṃ. Sacchikarissatīti paccakkhaṃ karissati.
42. д̣̇уд̇ияз саммаабан̣ихид̇анд̇и яат̇аа бхинд̣̇ид̇ум̣ саггод̇и, звам̣ уд̣̇д̇хаг̇г̇ам̣ гад̇ваа судту табид̇ам̣. агганд̇анд̇и зд̇т̇а баад̣̇знзва агганд̇ам̣ наама ход̇и, хад̇т̇зна уббийл̣ид̇ам̣. рул̣хисад̣̇д̣̇авасзна бана агганд̇анд̇зва вуд̇д̇ам̣. аяан̃хзд̇т̇а арияавохааро. гасмаа бана ан̃н̃з сзбан̣н̣иган̣дагамад̣̇анаган̣дагаад̣̇аяо маханд̇з аг̇г̇ахзд̇ваа сукумам̣ д̣̇уб̣б̣алам̣ саалисуугаяавасуугамзва г̇ахид̇анд̇и? аббамад̇д̇агассааби гусалагаммасса виваддааяа самад̇т̇абхаавад̣̇ассанад̇т̇ам̣. яат̇аа хи сукумам̣ д̣̇уб̣б̣алам̣ саалисуугам̣ ваа яавасуугам̣ ваа ход̇у, маханд̇амаханд̇аа сзбан̣н̣иган̣дагамад̣̇анаган̣дагаад̣̇аяо ваа, зд̇зсу яам̣гин̃жи мижчаа табид̇ам̣ хад̇т̇ам̣ ваа баад̣̇ам̣ ваа бхинд̣̇ид̇ум̣ лохид̇ам̣ ваа уббаад̣̇зд̇ум̣ на саггод̇и, саммаа табид̇ам̣ бана саггод̇и, звамзва аббамад̇д̇агам̣ д̇ин̣амудти мад̇д̇ад̣̇аанагусалам̣ ваа ход̇у, маханд̇ам̣ взлаамад̣̇аанаад̣̇игусалам̣ ваа, сажз ваддасамбад̇д̇им̣ бад̇т̇зд̇ваа ваддасанниссид̇авасзна мижчаа табид̇ам̣ ход̇и, ваддамзва аахарид̇ум̣ саггод̇и, но виваддам̣. ‘‘ид̣̇ам̣ мз д̣̇аанам̣ аасавагкаяаавахам̣ ход̇уу’’д̇и звам̣ бана виваддам̣ бад̇т̇знд̇зна виваддавасзна саммаа табид̇ам̣ арахад̇д̇амби бажжзгаб̣од̇хин̃аан̣амби саб̣б̣ан̃н̃уд̇ан̃аан̣амби д̣̇аад̇ум̣ саггод̇иязва. вуд̇д̇ан̃хзд̇ам̣ –
42. Dutiye sammāpaṇihitanti yathā bhindituṃ sakkoti, evaṃ uddhaggaṃ katvā suṭṭhu ṭhapitaṃ. Akkantanti ettha pādeneva akkantaṃ nāma hoti, hatthena uppīḷitaṃ. Ruḷhisaddavasena pana akkantanteva vuttaṃ. Ayañhettha ariyavohāro. Kasmā pana aññe sepaṇṇikaṇṭakamadanakaṇṭakādayo mahante aggahetvā sukhumaṃ dubbalaṃ sālisūkayavasūkameva gahitanti? Appamattakassāpi kusalakammassa vivaṭṭāya samatthabhāvadassanatthaṃ. Yathā hi sukhumaṃ dubbalaṃ sālisūkaṃ vā yavasūkaṃ vā hotu, mahantamahantā sepaṇṇikaṇṭakamadanakaṇṭakādayo vā, etesu yaṃkiñci micchā ṭhapitaṃ hatthaṃ vā pādaṃ vā bhindituṃ lohitaṃ vā uppādetuṃ na sakkoti, sammā ṭhapitaṃ pana sakkoti, evameva appamattakaṃ tiṇamuṭṭhi mattadānakusalaṃ vā hotu, mahantaṃ velāmadānādikusalaṃ vā, sace vaṭṭasampattiṃ patthetvā vaṭṭasannissitavasena micchā ṭhapitaṃ hoti, vaṭṭameva āharituṃ sakkoti, no vivaṭṭaṃ. ‘‘Idaṃ me dānaṃ āsavakkhayāvahaṃ hotū’’ti evaṃ pana vivaṭṭaṃ patthentena vivaṭṭavasena sammā ṭhapitaṃ arahattampi paccekabodhiñāṇampi sabbaññutañāṇampi dātuṃ sakkotiyeva. Vuttañhetaṃ –
‘‘бадисамбхид̣̇аа вимогкаа жа, яаа жа саавагабаарамий;
‘‘Paṭisambhidā vimokkhā ca, yā ca sāvakapāramī;
бажжзгаб̣од̇хи б̣уд̣̇д̇хабхууми, саб̣б̣амзд̇зна лаб̣бхад̇ий’’д̇и. (ку. баа. 8.15);
Paccekabodhi buddhabhūmi, sabbametena labbhatī’’ti. (khu. pā. 8.15);
имасмим̣ суд̇д̇ад̣̇ваяз жа ваддавиваддам̣ гат̇ид̇ам̣.
Imasmiṃ suttadvaye ca vaṭṭavivaṭṭaṃ kathitaṃ.
43. д̇ад̇ияз бад̣̇удтажид̇д̇анд̇и д̣̇осзна бад̣̇удтажид̇д̇ам̣. жзд̇асаа жзд̇обарижжаад̇и ад̇д̇ано жид̇д̇зна д̇асса жид̇д̇ам̣ барижчинд̣̇ид̇ваа. яат̇аабхад̇ам̣ нигкид̇д̇од̇и яат̇аа аахарид̇ваа табид̇о. звам̣ нираязд̇и звам̣ нираяз тид̇оязваад̇и вад̇д̇аб̣б̣о. абааяанд̇иаад̣̇и саб̣б̣ам̣ нираяавзважанамзва. нираяо хи аяасан̇каад̇аа сукаа абзд̇од̇и абааяо, д̣̇угкасса г̇ад̇и бадисаран̣анд̇и д̣̇уг̇г̇ад̇и, д̣̇уггадагаарино зд̇т̇а вивасаа нибад̇анд̇ийд̇и винибаад̇о, нирассаад̣̇ад̇т̇зна нираяо.
43. Tatiye paduṭṭhacittanti dosena paduṭṭhacittaṃ. Cetasā cetopariccāti attano cittena tassa cittaṃ paricchinditvā. Yathābhataṃ nikkhittoti yathā āharitvā ṭhapito. Evaṃ nirayeti evaṃ niraye ṭhitoyevāti vattabbo. Apāyantiādi sabbaṃ nirayavevacanameva. Nirayo hi ayasaṅkhātā sukhā apetoti apāyo, dukkhassa gati paṭisaraṇanti duggati, dukkaṭakārino ettha vivasā nipatantīti vinipāto, nirassādatthena nirayo.
44. жад̇уд̇т̇з басаннанд̇и сад̣̇д̇хаабасаад̣̇зна басаннам̣. суг̇ад̇инд̇и сукасса г̇ад̇им̣. саг̇г̇ам̣ логанд̇и руубаад̣̇исамбад̇д̇ийхи судту аг̇г̇ам̣ логам̣.
44. Catutthe pasannanti saddhāpasādena pasannaṃ. Sugatinti sukhassa gatiṃ. Saggaṃ lokanti rūpādisampattīhi suṭṭhu aggaṃ lokaṃ.
45. бан̃жамз уд̣̇агарахад̣̇од̇и уд̣̇агад̣̇ахо. аавилод̇и авиббасанно. лул̣ид̇од̇и абарисан̣тид̇о. галалийбхууд̇од̇и гад̣̇д̣̇амийбхууд̇о. сиббисамб̣уганд̇иаад̣̇ийсу сиббияо жа самб̣угаа жа сиббисамб̣угам̣. сагкараа жа гаталаани жа сагкарагаталам̣. мажчаанам̣ г̇умб̣ам̣ гхадаад̇и мажчаг̇умб̣ам̣. жаранд̇амби д̇идтанд̇амбийд̇и зд̇т̇а сагкарагаталам̣ д̇идтад̇иязва, ид̇араани жаранд̇иби д̇идтанд̇иби. яат̇аа бана анд̇аранд̇араа тид̇аасуби нисиннаасуби нибаж̇ж̇амаанаасуби ‘‘зд̇аа г̇аавияо жаранд̇ий’’д̇и жаранд̇ияо убаад̣̇ааяа ид̇арааби ‘‘жаранд̇ий’’д̇и вужжанд̇и, звам̣ д̇идтанд̇амзва сагкарагаталам̣ убаад̣̇ааяа ид̇арамби д̣̇ваяам̣ ‘‘д̇идтанд̇а’’нд̇и вуд̇д̇ам̣, ид̇арам̣ д̣̇ваяам̣ жаранд̇ам̣ убаад̣̇ааяа сагкарагаталамби ‘‘жаранд̇а’’нд̇и вуд̇д̇ам̣.
45. Pañcame udakarahadoti udakadaho. Āviloti avippasanno. Luḷitoti aparisaṇṭhito. Kalalībhūtoti kaddamībhūto. Sippisambukantiādīsu sippiyo ca sambukā ca sippisambukaṃ. Sakkharā ca kaṭhalāni ca sakkharakaṭhalaṃ. Macchānaṃ gumbaṃ ghaṭāti macchagumbaṃ. Carantampi tiṭṭhantampīti ettha sakkharakaṭhalaṃ tiṭṭhatiyeva, itarāni carantipi tiṭṭhantipi. Yathā pana antarantarā ṭhitāsupi nisinnāsupi nipajjamānāsupi ‘‘etā gāviyo carantī’’ti carantiyo upādāya itarāpi ‘‘carantī’’ti vuccanti, evaṃ tiṭṭhantameva sakkharakaṭhalaṃ upādāya itarampi dvayaṃ ‘‘tiṭṭhanta’’nti vuttaṃ, itaraṃ dvayaṃ carantaṃ upādāya sakkharakaṭhalampi ‘‘caranta’’nti vuttaṃ.
аавилзнаад̇и бан̃жахи нийваран̣зхи барияонад̣̇д̇хзна. ад̇д̇ад̇т̇ам̣ ваад̇иаад̣̇ийсу ад̇д̇ано д̣̇идтад̇хаммиго логияалогуд̇д̇арамиссаго ад̇т̇о ад̇д̇ад̇т̇о наама. ад̇д̇анова самбарааяз логияалогуд̇д̇арамиссаго ад̇т̇о барад̇т̇о наама ход̇и. со хи барад̇т̇а ад̇т̇од̇и барад̇т̇о. д̇ад̣̇убхаяам̣ убхаяад̇т̇о наама. абижа ад̇д̇ано д̣̇идтад̇хаммигасамбарааяигоби логияалогуд̇д̇аро ад̇т̇о ад̇д̇ад̇т̇о наама, барасса д̇аад̣̇исова ад̇т̇о барад̇т̇о наама, д̇ад̣̇убхаяамби убхаяад̇т̇о наама. уд̇д̇арим̣ ваа мануссад̇хаммаад̇и д̣̇асагусалагаммабат̇асан̇каад̇аа мануссад̇хаммаа уд̇д̇арим̣. аяан̃хи д̣̇асавид̇хо д̇хаммо винааби ан̃н̃ам̣ самаад̣̇аабагам̣ сад̇т̇анд̇арагаббаавасаанз ж̇аад̇асам̣взг̇зхи мануссзхи саяамзва самаад̣̇иннад̇д̇аа мануссад̇хаммод̇и вужжад̇и, д̇ад̇о уд̇д̇арим̣ бана жхаанавибассанаамаг̇г̇апалаани взд̣̇ид̇аб̣б̣аани. аламарияан̃аан̣ад̣̇ассанависзсанд̇и арияаанам̣ яуд̇д̇ам̣, арияабхаавам̣ ваа гаад̇ум̣ самад̇т̇ам̣ н̃аан̣ад̣̇ассанасан̇каад̇ам̣ висзсам̣. н̃аан̣амзва хи ж̇аананадтзна н̃аан̣ам̣, д̣̇ассанадтзна д̣̇ассананд̇и взд̣̇ид̇аб̣б̣ам̣, д̣̇иб̣б̣ажагкун̃аан̣авибассанаан̃аан̣амаг̇г̇ан̃аан̣апалан̃аан̣абажжавзгкан̣ан̃аан̣аанамзд̇ам̣ ад̇хиважанам̣.
Āvilenāti pañcahi nīvaraṇehi pariyonaddhena. Attatthaṃ vātiādīsu attano diṭṭhadhammiko lokiyalokuttaramissako attho attattho nāma. Attanova samparāye lokiyalokuttaramissako attho parattho nāma hoti. So hi parattha atthoti parattho. Tadubhayaṃ ubhayattho nāma. Apica attano diṭṭhadhammikasamparāyikopi lokiyalokuttaro attho attattho nāma, parassa tādisova attho parattho nāma, tadubhayampi ubhayattho nāma. Uttariṃ vā manussadhammāti dasakusalakammapathasaṅkhātā manussadhammā uttariṃ. Ayañhi dasavidho dhammo vināpi aññaṃ samādāpakaṃ satthantarakappāvasāne jātasaṃvegehi manussehi sayameva samādinnattā manussadhammoti vuccati, tato uttariṃ pana jhānavipassanāmaggaphalāni veditabbāni. Alamariyañāṇadassanavisesanti ariyānaṃ yuttaṃ, ariyabhāvaṃ vā kātuṃ samatthaṃ ñāṇadassanasaṅkhātaṃ visesaṃ. Ñāṇameva hi jānanaṭṭhena ñāṇaṃ, dassanaṭṭhena dassananti veditabbaṃ, dibbacakkhuñāṇavipassanāñāṇamaggañāṇaphalañāṇapaccavekkhaṇañāṇānametaṃ adhivacanaṃ.
46. чадтз ажчод̇и аб̣ахало, басаннод̇иби ваддад̇и. виббасаннод̇и судту басанно. анаавилод̇и на аавило, барисуд̣̇д̇ход̇и ад̇т̇о, пзн̣абуб̣б̣ул̣асан̇касзваалабан̣агавирахид̇од̇и вуд̇д̇ам̣ ход̇и. анаавилзнаад̇и бан̃жанийваран̣авимуд̇д̇зна. сзсам̣ жад̇уд̇т̇з вуд̇д̇анаяамзва. имасмимби суд̇д̇ад̣̇ваяз ваддавиваддамзва гат̇ид̇ам̣.
46. Chaṭṭhe acchoti abahalo, pasannotipi vaṭṭati. Vippasannoti suṭṭhu pasanno. Anāviloti na āvilo, parisuddhoti attho, pheṇapubbuḷasaṅkhasevālapaṇakavirahitoti vuttaṃ hoti. Anāvilenāti pañcanīvaraṇavimuttena. Sesaṃ catutthe vuttanayameva. Imasmimpi suttadvaye vaṭṭavivaṭṭameva kathitaṃ.
47. сад̇д̇амз ругкаж̇аад̇аананд̇и бажжад̇д̇з саамиважанам̣, ругкаж̇аад̇аанийд̇и ад̇т̇о. ругкаанамзд̇ам̣ ад̇хиважанам̣. яад̣̇ид̣̇анд̇и нибаад̇амад̇д̇ам̣. муд̣̇уд̇ааяаад̇и муд̣̇убхаавзна. гожи хи ругко ван̣н̣зна аг̇г̇о ход̇и, гожи г̇анд̇хзна, гожи расзна, гожи т̇ад̣̇д̇хад̇ааяа. панд̣̇ано бана муд̣̇уд̇ааяа жзва гамман̃н̃ад̇ааяа жа аг̇г̇о сздтод̇и д̣̇ассзд̇и. жид̇д̇ам̣, бхигкавз, бхаавид̇ам̣ б̣ахулийгад̇анд̇и зд̇т̇а самат̇авибассанаавасзна бхаавид̇ан̃жзва бунаббунагад̇ан̃жа жид̇д̇ам̣ ад̇хиббзд̇ам̣. гурунд̣̇агавааси пуссамид̇д̇ад̇т̇зро банааха – ‘‘зганд̇ам̣ муд̣̇у жзва гамманияан̃жа жид̇д̇ам̣ наама абхин̃н̃аабаад̣̇агажад̇уд̇т̇аж̇жхаанажид̇д̇амзва, аавусо’’д̇и.
47. Sattame rukkhajātānanti paccatte sāmivacanaṃ, rukkhajātānīti attho. Rukkhānametaṃ adhivacanaṃ. Yadidanti nipātamattaṃ. Mudutāyāti mudubhāvena. Koci hi rukkho vaṇṇena aggo hoti, koci gandhena, koci rasena, koci thaddhatāya. Phandano pana mudutāya ceva kammaññatāya ca aggo seṭṭhoti dasseti. Cittaṃ, bhikkhave, bhāvitaṃ bahulīkatanti ettha samathavipassanāvasena bhāvitañceva punappunakatañca cittaṃ adhippetaṃ. Kurundakavāsi phussamittatthero panāha – ‘‘ekantaṃ mudu ceva kammaniyañca cittaṃ nāma abhiññāpādakacatutthajjhānacittameva, āvuso’’ti.
48. адтамз звам̣ лахубаривад̇д̇анд̇и звам̣ лахум̣ уббаж̇ж̇ид̇ваа лахум̣ нируж̇жханагам̣. яааван̃жаад̇и ад̇химад̇д̇абамаан̣ад̇т̇з нибаад̇о, ад̇ивияа на сугараад̇и ад̇т̇о. ид̣̇анд̇и нибаад̇амад̇д̇ам̣. жид̇д̇анд̇и згажжз д̇аава аажарияаа ‘‘бхаван̇г̇ажид̇д̇а’’нд̇и вад̣̇анд̇и, д̇ам̣ бана бадигкибид̇ваа ‘‘ид̇ха жид̇д̇анд̇и яам̣гин̃жи анд̇амасо жагкувин̃н̃аан̣амби ад̇хиббзд̇амзваа’’д̇и вуд̇д̇ам̣. имасмим̣ банад̇т̇з милинд̣̇арааж̇аа д̇хаммагат̇игам̣ нааг̇асзнад̇т̇зрам̣ бужчи, ‘‘бханд̇з нааг̇асзна, згасмим̣ ажчараагкан̣з бавад̇д̇ид̇ажид̇д̇асан̇каараа сажз руубино ассу, гийва махаарааси бхавзяяаа’’д̇и? ‘‘ваахасад̇аанам̣ ко, махаарааж̇а, вийхийнам̣ ад̣дхажуул̣ан̃жа ваахаа вийхисад̇д̇амб̣ан̣аани д̣̇вз жа д̇умб̣аа згажчараагкан̣з бавад̇д̇ид̇асса жид̇д̇асса сан̇камби на убзнд̇и, галамби на убзнд̇и, галабхааг̇амби на убзнд̇ий’’д̇и (ми. ба. 4.1.2). ат̇а гасмаа саммаасамб̣уд̣̇д̇хзна ‘‘убамааби на сугараа’’д̇и вуд̇д̇ам̣? яат̇зва хи убамам̣ бадигкибид̇вааби габбад̣̇ийгхабхаавасса яож̇анигабаб̣б̣ад̇зна яож̇анигасаасабабун̣н̣анаг̇арзна, нираяад̣̇угкасса сад̇д̇исад̇аахад̇обамзна, саг̇г̇асукасса жа жаггавад̇д̇исамбад̇д̇ияаа убамаа гад̇аа, звамид̇хааби гаад̇аб̣б̣аад̇и? д̇ад̇т̇а ‘‘саггаа бана, бханд̇з, убамаа гаад̇у’’нд̇и звам̣ бужчаавасзна убамаа гад̇аа, имасмим̣ суд̇д̇з бужчааяа абхаавзна на гад̇аа. ид̣̇ан̃хи суд̇д̇ам̣ д̇хаммад̣̇зсанаабарияосаанз вуд̇д̇ам̣. ид̇и имасмим̣ суд̇д̇з жид̇д̇арааси наама гат̇ид̇од̇и.
48. Aṭṭhame evaṃ lahuparivattanti evaṃ lahuṃ uppajjitvā lahuṃ nirujjhanakaṃ. Yāvañcāti adhimattapamāṇatthe nipāto, ativiya na sukarāti attho. Idanti nipātamattaṃ. Cittanti ekacce tāva ācariyā ‘‘bhavaṅgacitta’’nti vadanti, taṃ pana paṭikkhipitvā ‘‘idha cittanti yaṃkiñci antamaso cakkhuviññāṇampi adhippetamevā’’ti vuttaṃ. Imasmiṃ panatthe milindarājā dhammakathikaṃ nāgasenattheraṃ pucchi, ‘‘bhante nāgasena, ekasmiṃ accharākkhaṇe pavattitacittasaṅkhārā sace rūpino assu, kīva mahārāsi bhaveyyā’’ti? ‘‘Vāhasatānaṃ kho, mahārāja, vīhīnaṃ aḍḍhacūḷañca vāhā vīhisattambaṇāni dve ca tumbā ekaccharākkhaṇe pavattitassa cittassa saṅkhampi na upenti, kalampi na upenti, kalabhāgampi na upentī’’ti (mi. pa. 4.1.2). Atha kasmā sammāsambuddhena ‘‘upamāpi na sukarā’’ti vuttaṃ? Yatheva hi upamaṃ paṭikkhipitvāpi kappadīghabhāvassa yojanikapabbatena yojanikasāsapapuṇṇanagarena, nirayadukkhassa sattisatāhatopamena, saggasukhassa ca cakkavattisampattiyā upamā katā, evamidhāpi kātabbāti? Tattha ‘‘sakkā pana, bhante, upamā kātu’’nti evaṃ pucchāvasena upamā katā, imasmiṃ sutte pucchāya abhāvena na katā. Idañhi suttaṃ dhammadesanāpariyosāne vuttaṃ. Iti imasmiṃ sutte cittarāsi nāma kathitoti.
49. навамз бабхассаранд̇и бан̣д̣арам̣ барисуд̣̇д̇хам̣. жид̇д̇анд̇и бхаван̇г̇ажид̇д̇ам̣. гим̣ бана жид̇д̇асса ван̣н̣о наама ад̇т̇ийд̇и? над̇т̇и. нийлаад̣̇ийнан̃хи ан̃н̃ад̇араван̣н̣ам̣ ваа ход̇у аван̣н̣ам̣ ваа яам̣гин̃жи барисуд̣̇д̇хад̇ааяа ‘‘бабхассара’’нд̇и вужжад̇и. ид̣̇амби нирубаггилзсад̇ааяа барисуд̣̇д̇ханд̇и бабхассарам̣. д̇ан̃жа код̇и д̇ам̣ бхаван̇г̇ажид̇д̇ам̣. ааг̇анд̇угзхийд̇и асахаж̇аад̇зхи бажчаа ж̇аванагкан̣з уббаж̇ж̇анагзхи. убаггилзсзхийд̇и рааг̇аад̣̇ийхи убаггилидтад̇д̇аа убаггилидтам̣ наамаад̇и вужжад̇и. гат̇ам̣? яат̇аа хи сийлаванд̇аа аажаарасамбаннаа маад̇аабид̇аро ваа аажарияубаж̇жхааяаа ваа д̣̇уссийлаанам̣ д̣̇ураажаараанам̣ авад̇д̇асамбаннаанам̣ буд̇д̇аанан̃жзва анд̇зваасигасад̣̇д̇хивихааригаанан̃жа васзна ‘‘ад̇д̇ано буд̇д̇з ваа анд̇зваасигасад̣̇д̇хивихааригз ваа на д̇аж̇ж̇знд̇и на сигкаабзнд̇и на овад̣̇анд̇и наанусаасанд̇ий’’д̇и аван̣н̣ам̣ агид̇д̇им̣ лабханд̇и, звам̣самбад̣̇амид̣̇ам̣ взд̣̇ид̇аб̣б̣ам̣. аажаарасамбаннаа маад̇аабид̇аро вияа жа аажарияубаж̇жхааяаа вияа жа бхаван̇г̇ажид̇д̇ам̣ д̣̇адтаб̣б̣ам̣, буд̇д̇аад̣̇ийнам̣ васзна д̇зсам̣ агид̇д̇илаабхо вияа ж̇аванагкан̣з раж̇ж̇анад̣̇уссанамуяханасабхааваанам̣ лобхасахаг̇ад̇аад̣̇ийнам̣ жид̇д̇аанам̣ васзна уббаннзхи ааг̇анд̇угзхи убаггилзсзхи багад̇ибарисуд̣̇д̇хамби бхаван̇г̇ажид̇д̇ам̣ убаггилидтам̣ наама ход̇ийд̇и.
49. Navame pabhassaranti paṇḍaraṃ parisuddhaṃ. Cittanti bhavaṅgacittaṃ. Kiṃ pana cittassa vaṇṇo nāma atthīti? Natthi. Nīlādīnañhi aññataravaṇṇaṃ vā hotu avaṇṇaṃ vā yaṃkiñci parisuddhatāya ‘‘pabhassara’’nti vuccati. Idampi nirupakkilesatāya parisuddhanti pabhassaraṃ. Tañca khoti taṃ bhavaṅgacittaṃ. Āgantukehīti asahajātehi pacchā javanakkhaṇe uppajjanakehi. Upakkilesehīti rāgādīhi upakkiliṭṭhattā upakkiliṭṭhaṃ nāmāti vuccati. Kathaṃ? Yathā hi sīlavantā ācārasampannā mātāpitaro vā ācariyupajjhāyā vā dussīlānaṃ durācārānaṃ avattasampannānaṃ puttānañceva antevāsikasaddhivihārikānañca vasena ‘‘attano putte vā antevāsikasaddhivihārike vā na tajjenti na sikkhāpenti na ovadanti nānusāsantī’’ti avaṇṇaṃ akittiṃ labhanti, evaṃsampadamidaṃ veditabbaṃ. Ācārasampannā mātāpitaro viya ca ācariyupajjhāyā viya ca bhavaṅgacittaṃ daṭṭhabbaṃ, puttādīnaṃ vasena tesaṃ akittilābho viya javanakkhaṇe rajjanadussanamuyhanasabhāvānaṃ lobhasahagatādīnaṃ cittānaṃ vasena uppannehi āgantukehi upakkilesehi pakatiparisuddhampi bhavaṅgacittaṃ upakkiliṭṭhaṃ nāma hotīti.
50. д̣̇асамзби бхаван̇г̇ажид̇д̇амзва жид̇д̇ам̣. виббамуд̇д̇анд̇и ж̇аванагкан̣з араж̇ж̇амаанам̣ ад̣̇уссамаанам̣ амуяхамаанам̣ д̇ихзд̇уган̃аан̣асамбаяуд̇д̇аад̣̇игусалавасзна уббаж̇ж̇амаанам̣ ааг̇анд̇угзхи убаггилзсзхи виббамуд̇д̇ам̣ наама ход̇и. ид̇хааби яат̇аа сийлаванд̇аанам̣ аажаарасамбаннаанам̣ буд̇д̇аад̣̇ийнам̣ васзна маад̇аад̣̇аяо ‘‘собханаа зд̇зязва ад̇д̇ано буд̇д̇агаад̣̇аяо сигкаабзнд̇и овад̣̇анд̇и анусаасанд̇ий’’д̇и ван̣н̣агид̇д̇илаабхино хонд̇и, звам̣ ж̇аванагкан̣з уббаннагусалажид̇д̇авасзна ид̣̇ам̣ бхаван̇г̇ажид̇д̇ам̣ ааг̇анд̇угзхи убаггилзсзхи виббамуд̇д̇анд̇и вужжад̇ийд̇и.
50. Dasamepi bhavaṅgacittameva cittaṃ. Vippamuttanti javanakkhaṇe arajjamānaṃ adussamānaṃ amuyhamānaṃ tihetukañāṇasampayuttādikusalavasena uppajjamānaṃ āgantukehi upakkilesehi vippamuttaṃ nāma hoti. Idhāpi yathā sīlavantānaṃ ācārasampannānaṃ puttādīnaṃ vasena mātādayo ‘‘sobhanā eteyeva attano puttakādayo sikkhāpenti ovadanti anusāsantī’’ti vaṇṇakittilābhino honti, evaṃ javanakkhaṇe uppannakusalacittavasena idaṃ bhavaṅgacittaṃ āgantukehi upakkilesehi vippamuttanti vuccatīti.
бан̣ихид̇аажчаваг̇г̇аван̣н̣анаа.
Paṇihitaacchavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. бан̣ихид̇аажчаваг̇г̇о • 5. Paṇihitaacchavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. бан̣ихид̇аажчаваг̇г̇аван̣н̣анаа • 5. Paṇihitaacchavaggavaṇṇanā
