| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. бан̣ихид̇аажчаваг̇г̇аван̣н̣анаа
5. Paṇihitaacchavaggavaṇṇanā
41. бан̃жамасса батамз убамаава обаммам̣, со зва ад̇т̇о, д̇асмим̣ обаммад̇т̇з б̣од̇хзд̇аб̣б̣з нибаад̇о. сзяяат̇аабийд̇и яат̇аад̇и ад̇т̇о. зд̇т̇а жа д̇ад̇ра бхаг̇аваа гад̇т̇ажи ад̇т̇зна убамам̣ бариваарзд̇ваа д̣̇ассзд̇и вад̇т̇асуд̇д̇з вияа, баарижчад̇д̇агобама (а. ни. 7.69) аг̇г̇игканд̇хобамаад̣̇и (а. ни. 7.72) суд̇д̇зсу вияа жа. гад̇т̇ажи убамааяа ад̇т̇ам̣ бариваарзд̇ваа д̣̇ассзд̇и лон̣амб̣иласуд̇д̇з (а. ни. 3.101) вияа, суван̣н̣агаарасад̇д̇асуурияобамаад̣̇исуд̇д̇зсу (а. ни. 7.66) вияа жа. имасмим̣ бана саалисуугобамз убамааяа ад̇т̇ам̣ бариваарзд̇ваа д̣̇ассзнд̇о ‘‘сзяяат̇ааби, бхигкавз’’д̇иаад̣̇имаахаад̇и бод̇т̇агзсу ликанд̇и, д̇ам̣ маж̇жхимадтагат̇ааяа вад̇т̇асуд̇д̇аван̣н̣анааяа (ма. ни. адта. 1.70) на самзд̇и. д̇ад̇т̇а хи ид̣̇ам̣ вуд̇д̇ам̣ –
41. Pañcamassa paṭhame upamāva opammaṃ, so eva attho, tasmiṃ opammatthe bodhetabbe nipāto. Seyyathāpīti yathāti attho. Ettha ca tatra bhagavā katthaci atthena upamaṃ parivāretvā dasseti vatthasutte viya, pāricchattakopama (a. ni. 7.69) aggikkhandhopamādi (a. ni. 7.72) suttesu viya ca. Katthaci upamāya atthaṃ parivāretvā dasseti loṇambilasutte (a. ni. 3.101) viya, suvaṇṇakārasattasūriyopamādisuttesu (a. ni. 7.66) viya ca. Imasmiṃ pana sālisūkopame upamāya atthaṃ parivāretvā dassento ‘‘seyyathāpi, bhikkhave’’tiādimāhāti potthakesu likhanti, taṃ majjhimaṭṭhakathāya vatthasuttavaṇṇanāya (ma. ni. aṭṭha. 1.70) na sameti. Tattha hi idaṃ vuttaṃ –
сзяяат̇ааби, бхигкавз, вад̇т̇анд̇и убамааважанамзвзд̇ам̣. убамам̣ гаронд̇о жа бхаг̇аваа гад̇т̇ажи батамам̣язва убамам̣ д̣̇ассзд̇ваа бажчаа ад̇т̇ам̣ д̣̇ассзд̇и, гад̇т̇ажи батамам̣ ад̇т̇ам̣ д̣̇ассзд̇ваа бажчаа убамам̣, гад̇т̇ажи убамааяа ад̇т̇ам̣ бариваарзд̇ваа д̣̇ассзд̇и, гад̇т̇ажи ад̇т̇зна убамам̣. д̇ат̇аа хзса ‘‘сзяяат̇аабиссу, бхигкавз, д̣̇вз аг̇аараа сад̣̇ваараа, д̇ад̇т̇а жагкумаа бурисо маж̇жхз тид̇о бассзяяаа’’д̇и сагаламби д̣̇звад̣̇ууд̇асуд̇д̇ам̣ (ма. ни. 3.261 аад̣̇аяо) убамам̣ батамам̣ д̣̇ассзд̇ваа бажчаа ад̇т̇ам̣ д̣̇ассзнд̇о ааха. ‘‘д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и, сзяяат̇ааби, аагаасз’’д̇иаад̣̇инаа бана наязна сагаламби ид̣̇д̇хивид̇хам̣ ад̇т̇ам̣ батамам̣ д̣̇ассзд̇ваа бажчаа убамам̣ д̣̇ассзнд̇о ааха. ‘‘сзяяат̇ааби, б̣раахман̣абурисо саарад̇т̇иго саараг̇авзсий’’д̇иаад̣̇инаа (ма. ни. 1.314) наязна сагаламби жуул̣асааробамасуд̇д̇ам̣ убамааяа ад̇т̇ам̣ бариваарзд̇ваа д̣̇ассзнд̇о ааха. ‘‘ид̇ха бана, бхигкавз, згажжз гулабуд̇д̇аа д̇хаммам̣ барияаабун̣анд̇и суд̇д̇ам̣…бз… сзяяат̇ааби, бхигкавз, бурисо алаг̇ад̣̇д̣̇ад̇т̇иго’’д̇иаад̣̇инаа наязна сагаламби алаг̇ад̣̇д̣̇асуд̇д̇ам̣ (ма. ни. 1.238) махаасааробамасуд̇д̇анд̇и звамаад̣̇ийни суд̇д̇аани ад̇т̇зна убамам̣ бариваарзд̇ваа д̣̇ассзнд̇о ааха. свааяам̣ ид̇ха батамам̣ убамам̣ д̣̇ассзд̇ваа бажчаа ад̇т̇ам̣ д̣̇ассзд̇ийд̇и.
Seyyathāpi, bhikkhave, vatthanti upamāvacanamevetaṃ. Upamaṃ karonto ca bhagavā katthaci paṭhamaṃyeva upamaṃ dassetvā pacchā atthaṃ dasseti, katthaci paṭhamaṃ atthaṃ dassetvā pacchā upamaṃ, katthaci upamāya atthaṃ parivāretvā dasseti, katthaci atthena upamaṃ. Tathā hesa ‘‘seyyathāpissu, bhikkhave, dve agārā sadvārā, tattha cakkhumā puriso majjhe ṭhito passeyyā’’ti sakalampi devadūtasuttaṃ (ma. ni. 3.261 ādayo) upamaṃ paṭhamaṃ dassetvā pacchā atthaṃ dassento āha. ‘‘Tirokuṭṭaṃ tiropākāraṃ tiropabbataṃ asajjamāno gacchati, seyyathāpi, ākāse’’tiādinā pana nayena sakalampi iddhividhaṃ atthaṃ paṭhamaṃ dassetvā pacchā upamaṃ dassento āha. ‘‘Seyyathāpi, brāhmaṇapuriso sāratthiko sāragavesī’’tiādinā (ma. ni. 1.314) nayena sakalampi cūḷasāropamasuttaṃ upamāya atthaṃ parivāretvā dassento āha. ‘‘Idha pana, bhikkhave, ekacce kulaputtā dhammaṃ pariyāpuṇanti suttaṃ…pe… seyyathāpi, bhikkhave, puriso alagaddatthiko’’tiādinā nayena sakalampi alagaddasuttaṃ (ma. ni. 1.238) mahāsāropamasuttanti evamādīni suttāni atthena upamaṃ parivāretvā dassento āha. Svāyaṃ idha paṭhamaṃ upamaṃ dassetvā pacchā atthaṃ dassetīti.
зд̇т̇а хи жуул̣асааробамаад̣̇ийсу (ма. ни. 1.312) батамам̣ убамам̣ вад̇ваа д̇ад̣̇ананд̇арам̣ убамзяяад̇т̇ам̣ вад̇ваа буна убамам̣ вад̣̇анд̇о убамааяа ад̇т̇ам̣ бариваарзд̇ваа д̣̇ассзд̇ийд̇и вуд̇д̇о. алаг̇ад̣̇д̣̇уубамасуд̇д̇аад̣̇ийсу бана ад̇т̇ам̣ батамам̣ вад̇ваа д̇ад̣̇ананд̇арам̣ убамам̣ вад̇ваа буна ад̇т̇ам̣ вад̣̇анд̇о ад̇т̇зна убамам̣ бариваарзд̇ваа д̣̇ассзд̇ийд̇и вуд̇д̇о. д̇знзвзд̇т̇а лийнад̇т̇аббагаасинияам̣ вуд̇д̇ам̣ – ‘‘убамзяяад̇т̇ам̣ батамам̣ вад̇ваа д̇ад̣̇ананд̇арам̣ ад̇т̇ам̣ вад̇ваа буна убамам̣ вад̣̇анд̇о убамааяа ад̇т̇ам̣ бариваарзд̇ваа д̣̇ассзд̇ий’’д̇и вуд̇д̇о. ад̇т̇зна убамам̣ бариваарзд̇ваад̇и зд̇т̇ааби зсзва наяод̇и. ид̇ха бана гад̇т̇ажи ад̇т̇зна убамам̣ бариваарзд̇ваа д̣̇ассзд̇и. ‘‘вад̇т̇асуд̇д̇з вияа баарижчад̇д̇агобамааг̇г̇игканд̇хобамаад̣̇исуд̇д̇зсу вияа жаа’’д̇и вуд̇д̇ам̣. д̇ад̇т̇а вад̇т̇асуд̇д̇з д̇аава ‘‘сзяяат̇ааби, бхигкавз, вад̇т̇ам̣ сам̣гилидтам̣ малаг̇г̇ахид̇ам̣, д̇амзнам̣ раж̇аго яасмим̣ яасмим̣ ран̇г̇аж̇аад̇з убасам̣харзяяа. яад̣̇и нийлагааяа, яад̣̇и бийд̇агааяа, яад̣̇и лохид̇агааяа, яад̣̇и ман̃ж̇идтагааяа, д̣̇урад̇д̇аван̣н̣амзвасса абарисуд̣̇д̇хаван̣н̣амзвасса. д̇ам̣ гисса хзд̇у? абарисуд̣̇д̇хад̇д̇аа, бхигкавз, вад̇т̇асса. звамзва ко, бхигкавз, жид̇д̇з сам̣гилидтз д̣̇уг̇г̇ад̇и баадиган̇каа’’д̇иаад̣̇инаа (ма. ни. 1.70) батамам̣ убамам̣ д̣̇ассзд̇ваа бажчаа убамзяяад̇т̇о вуд̇д̇о, на бана батамам̣ ад̇т̇ам̣ вад̇ваа д̇ад̣̇ананд̇арам̣ убамам̣ д̣̇ассзд̇ваа буна ад̇т̇о вуд̇д̇о. язна гад̇т̇ажи ад̇т̇зна убамам̣ бариваарзд̇ваа д̣̇ассзд̇и. вад̇т̇асуд̇д̇з вияаад̇и вад̣̇зяяа.
Ettha hi cūḷasāropamādīsu (ma. ni. 1.312) paṭhamaṃ upamaṃ vatvā tadanantaraṃ upameyyatthaṃ vatvā puna upamaṃ vadanto upamāya atthaṃ parivāretvā dassetīti vutto. Alagaddūpamasuttādīsu pana atthaṃ paṭhamaṃ vatvā tadanantaraṃ upamaṃ vatvā puna atthaṃ vadanto atthena upamaṃ parivāretvā dassetīti vutto. Tenevettha līnatthappakāsiniyaṃ vuttaṃ – ‘‘upameyyatthaṃ paṭhamaṃ vatvā tadanantaraṃ atthaṃ vatvā puna upamaṃ vadanto upamāya atthaṃ parivāretvā dassetī’’ti vutto. Atthena upamaṃ parivāretvāti etthāpi eseva nayoti. Idha pana katthaci atthena upamaṃ parivāretvā dasseti. ‘‘Vatthasutte viya pāricchattakopamaaggikkhandhopamādisuttesu viya cā’’ti vuttaṃ. Tattha vatthasutte tāva ‘‘seyyathāpi, bhikkhave, vatthaṃ saṃkiliṭṭhaṃ malaggahitaṃ, tamenaṃ rajako yasmiṃ yasmiṃ raṅgajāte upasaṃhareyya. Yadi nīlakāya, yadi pītakāya, yadi lohitakāya, yadi mañjiṭṭhakāya, durattavaṇṇamevassa aparisuddhavaṇṇamevassa. Taṃ kissa hetu? Aparisuddhattā, bhikkhave, vatthassa. Evameva kho, bhikkhave, citte saṃkiliṭṭhe duggati pāṭikaṅkhā’’tiādinā (ma. ni. 1.70) paṭhamaṃ upamaṃ dassetvā pacchā upameyyattho vutto, na pana paṭhamaṃ atthaṃ vatvā tadanantaraṃ upamaṃ dassetvā puna attho vutto. Yena katthaci atthena upamaṃ parivāretvā dasseti. Vatthasutte viyāti vadeyya.
д̇ат̇аа баарижчад̇д̇агобамзби ‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро бан̣д̣убалаасо ход̇и, ад̇д̇аманаа, бхигкавз, д̣̇зваа д̇аавад̇им̣саа, д̇асмим̣ самаяз хонд̇и бан̣д̣убалаасо д̣̇аани баарижчад̇д̇аго говил̣ааро, на жирассзва д̣̇аани баннабалаасо бхависсад̇и…бз… звамзва ко, бхигкавз, яасмим̣ самаяз арияасааваго аг̇аарасмаа анаг̇аарияам̣ баб̣б̣аж̇ж̇ааяа жзд̇зд̇и. бан̣д̣убалаасо, бхигкавз, арияасааваго д̇асмим̣ самаяз ход̇ий’’д̇иаад̣̇инаа (а. ни. 7.69) батамам̣ убамам̣ д̣̇ассзд̇ваа бажчаа ад̇т̇о вуд̇д̇о. аг̇г̇игканд̇хобамз ‘‘бассат̇а но д̇умхз, бхигкавз, амум̣ маханд̇ам̣ аг̇г̇игканд̇хам̣ аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇анд̇и. звам̣, бханд̇зд̇и. д̇ам̣ гим̣ ман̃н̃ат̇а, бхигкавз, гад̇амам̣ ну ко варам̣ яам̣ амум̣ маханд̇ам̣ аг̇г̇игканд̇хам̣ аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣ аалин̇г̇зд̇ваа убанисийд̣̇зяяа ваа убанибаж̇ж̇зяяа ваа, яам̣ кад̇д̇ияаган̃н̃ам̣ ваа б̣раахман̣аган̃н̃ам̣ ваа г̇ахабад̇иган̃н̃ам̣ ваа муд̣̇уд̇алунахад̇т̇абаад̣̇ам̣ аалин̇г̇зд̇ваа убанисийд̣̇зяяа ваа убанибаж̇ж̇зяяа ваа’’д̇иаад̣̇инаа (а. ни. 7.72) батамам̣ убамам̣язва д̣̇ассзд̇ваа бажчаа ад̇т̇о вуд̇д̇о, на бана батамам̣ ад̇т̇ам̣ вад̇ваа д̇ад̣̇ананд̇арам̣ убамам̣ д̣̇ассзд̇ваа буна ад̇т̇о вуд̇д̇о, д̇асмаа ‘‘гад̇т̇ажи ад̇т̇зна убамам̣ бариваарзд̇ваа д̣̇ассзд̇и вад̇т̇асуд̇д̇з вияа баарижчад̇д̇агобамааг̇г̇игканд̇хобамаад̣̇исуд̇д̇зсу вияа жаа’’д̇и на вад̇д̇аб̣б̣ам̣.
Tathā pāricchattakopamepi ‘‘yasmiṃ, bhikkhave, samaye devānaṃ tāvatiṃsānaṃ pāricchattako koviḷāro paṇḍupalāso hoti, attamanā, bhikkhave, devā tāvatiṃsā, tasmiṃ samaye honti paṇḍupalāso dāni pāricchattako koviḷāro, na cirasseva dāni pannapalāso bhavissati…pe… evameva kho, bhikkhave, yasmiṃ samaye ariyasāvako agārasmā anagāriyaṃ pabbajjāya ceteti. Paṇḍupalāso, bhikkhave, ariyasāvako tasmiṃ samaye hotī’’tiādinā (a. ni. 7.69) paṭhamaṃ upamaṃ dassetvā pacchā attho vutto. Aggikkhandhopame ‘‘passatha no tumhe, bhikkhave, amuṃ mahantaṃ aggikkhandhaṃ ādittaṃ sampajjalitaṃ sajotibhūtanti. Evaṃ, bhanteti. Taṃ kiṃ maññatha, bhikkhave, katamaṃ nu kho varaṃ yaṃ amuṃ mahantaṃ aggikkhandhaṃ ādittaṃ sampajjalitaṃ sajotibhūtaṃ āliṅgetvā upanisīdeyya vā upanipajjeyya vā, yaṃ khattiyakaññaṃ vā brāhmaṇakaññaṃ vā gahapatikaññaṃ vā mudutalunahatthapādaṃ āliṅgetvā upanisīdeyya vā upanipajjeyya vā’’tiādinā (a. ni. 7.72) paṭhamaṃ upamaṃyeva dassetvā pacchā attho vutto, na pana paṭhamaṃ atthaṃ vatvā tadanantaraṃ upamaṃ dassetvā puna attho vutto, tasmā ‘‘katthaci atthena upamaṃ parivāretvā dasseti vatthasutte viya pāricchattakopamaaggikkhandhopamādisuttesu viya cā’’ti na vattabbaṃ.
гзжи банзд̇т̇а звам̣ ван̣н̣аяанд̇и ‘‘ад̇т̇ам̣ батамам̣ вад̇ваа бажчаа жа убамам̣ д̣̇ассзнд̇о ад̇т̇зна убамам̣ бариваарзд̇ваа д̣̇ассзд̇и наама, убамам̣ бана батамам̣ вад̇ваа бажчаа ад̇т̇ам̣ д̣̇ассзнд̇о убамааяа ад̇т̇ам̣ бариваарзд̇ваа д̣̇ассзд̇и наама, д̇ад̣̇убхаяассаби ааг̇ад̇адтаанам̣ нид̣̇ассзнд̇о ‘вад̇т̇асуд̇д̇з вияаа’д̇иаад̣̇имаахаа’’д̇и. д̇амби ‘‘гад̇т̇ажи ад̇т̇зна убамам̣ бариваарзд̇ваа д̣̇ассзд̇и вад̇т̇асуд̇д̇з вияа баарижчад̇д̇агобамааг̇г̇игканд̇хобамаад̣̇исуд̇д̇зсу вияа жаа’’д̇и вад̇д̇аб̣б̣ам̣, зван̃жа вужжамаанз ‘‘гад̇т̇ажи убамааяа ад̇т̇ам̣ бариваарзд̇ваа д̣̇ассзд̇и лон̣амб̣иласуд̇д̇з вияаа’’д̇и висум̣ на вад̇д̇аб̣б̣ам̣ ‘‘аг̇г̇игканд̇хобамаад̣̇исуд̇д̇з вияаа’’д̇и зд̇т̇а аад̣̇исад̣̇д̣̇знзва сан̇г̇ахид̇ад̇д̇аа. лон̣амб̣иласуд̇д̇зби хи –
Keci panettha evaṃ vaṇṇayanti ‘‘atthaṃ paṭhamaṃ vatvā pacchā ca upamaṃ dassento atthena upamaṃ parivāretvā dasseti nāma, upamaṃ pana paṭhamaṃ vatvā pacchā atthaṃ dassento upamāya atthaṃ parivāretvā dasseti nāma, tadubhayassapi āgataṭṭhānaṃ nidassento ‘vatthasutte viyā’tiādimāhā’’ti. Tampi ‘‘katthaci atthena upamaṃ parivāretvā dasseti vatthasutte viya pāricchattakopamaaggikkhandhopamādisuttesu viya cā’’ti vattabbaṃ, evañca vuccamāne ‘‘katthaci upamāya atthaṃ parivāretvā dasseti loṇambilasutte viyā’’ti visuṃ na vattabbaṃ ‘‘aggikkhandhopamādisutte viyā’’ti ettha ādisaddeneva saṅgahitattā. Loṇambilasuttepi hi –
‘‘сзяяат̇ааби, бхигкавз, бан̣д̣ид̇о б̣яад̇д̇о гусало сууд̣̇о рааж̇аанам̣ ваа рааж̇амахаамад̇д̇ам̣ ваа наанажжаязхи суубзхи бажжубадтид̇о асса амб̣илаг̇г̇зхиби д̇ид̇д̇агаг̇г̇зхиби гадугаг̇г̇зхиби мад̇хураг̇г̇зхиби кааригзхиби акааригзхиби лон̣игзхиби алон̣игзхиби.
‘‘Seyyathāpi, bhikkhave, paṇḍito byatto kusalo sūdo rājānaṃ vā rājamahāmattaṃ vā nānaccayehi sūpehi paccupaṭṭhito assa ambilaggehipi tittakaggehipi kaṭukaggehipi madhuraggehipi khārikehipi akhārikehipi loṇikehipi aloṇikehipi.
‘‘са ко со, бхигкавз, бан̣д̣ид̇о б̣яад̇д̇о гусало сууд̣̇о сагасса бхад̇д̇асса нимид̇д̇ам̣ уг̇г̇ан̣хаад̇и ‘ид̣̇ам̣ ваа мз аж̇ж̇а бхад̇д̇асуубзяяам̣ ружжад̇и, имасса ваа абхихарад̇и, имасса ваа б̣ахум̣ г̇ан̣хаад̇и, имасса ваа ван̣н̣ам̣ бхаасад̇и. амб̣илаг̇г̇ам̣ ваа мз аж̇ж̇а бхад̇д̇асуубзяяам̣ ружжад̇и, амб̣илаг̇г̇асса ваа абхихарад̇и, амб̣илаг̇г̇асса ваа б̣ахум̣ г̇ан̣хаад̇и, амб̣илаг̇г̇асса ваа ван̣н̣ам̣ бхаасад̇и…бз… алон̣игасса ваа ван̣н̣ам̣ бхаасад̇ий’д̇и. са ко со, бхигкавз, бан̣д̣ид̇о б̣яад̇д̇о гусало сууд̣̇о лаабхий жзва ход̇и ажчаад̣̇анасса, лаабхий взд̇анасса, лаабхий абхихаараанам̣. д̇ам̣ гисса хзд̇у? д̇ат̇аа хи со, бхигкавз, бан̣д̣ид̇о б̣яад̇д̇о гусало сууд̣̇о сагасса бхад̇д̇анимид̇д̇ам̣ уг̇г̇ан̣хаад̇и. звамзва ко, бхигкавз, ид̇хзгажжо бан̣д̣ид̇о б̣яад̇д̇о гусало бхигку гааяз гааяаанубассий вихарад̇и…бз… взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. д̇асса д̇хаммзсу д̇хаммаанубассино вихарад̇о жид̇д̇ам̣ самаад̇хияад̇и, убаггилзсаа бахийяанд̇и, со д̇ам̣ нимид̇д̇ам̣ уг̇г̇ан̣хаад̇и.
‘‘Sa kho so, bhikkhave, paṇḍito byatto kusalo sūdo sakassa bhattassa nimittaṃ uggaṇhāti ‘idaṃ vā me ajja bhattasūpeyyaṃ ruccati, imassa vā abhiharati, imassa vā bahuṃ gaṇhāti, imassa vā vaṇṇaṃ bhāsati. Ambilaggaṃ vā me ajja bhattasūpeyyaṃ ruccati, ambilaggassa vā abhiharati, ambilaggassa vā bahuṃ gaṇhāti, ambilaggassa vā vaṇṇaṃ bhāsati…pe… aloṇikassa vā vaṇṇaṃ bhāsatī’ti. Sa kho so, bhikkhave, paṇḍito byatto kusalo sūdo lābhī ceva hoti acchādanassa, lābhī vetanassa, lābhī abhihārānaṃ. Taṃ kissa hetu? Tathā hi so, bhikkhave, paṇḍito byatto kusalo sūdo sakassa bhattanimittaṃ uggaṇhāti. Evameva kho, bhikkhave, idhekacco paṇḍito byatto kusalo bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Tassa dhammesu dhammānupassino viharato cittaṃ samādhiyati, upakkilesā pahīyanti, so taṃ nimittaṃ uggaṇhāti.
‘‘са ко, бхигкавз, бан̣д̣ид̇о б̣яад̇д̇о гусало бхигку лаабхий жзва ход̇и д̣̇идтзва д̇хаммз сукавихаараанам̣, лаабхий ход̇и сад̇исамбаж̇ан̃н̃асса. д̇ам̣ гисса хзд̇у? д̇ат̇аа хи со, бхигкавз, бан̣д̣ид̇о б̣яад̇д̇о гусало бхигку сагасса жид̇д̇асса нимид̇д̇ам̣ уг̇г̇ан̣хаад̇ий’’д̇и (сам̣. ни. 5.374) –
‘‘Sa kho, bhikkhave, paṇḍito byatto kusalo bhikkhu lābhī ceva hoti diṭṭheva dhamme sukhavihārānaṃ, lābhī hoti satisampajaññassa. Taṃ kissa hetu? Tathā hi so, bhikkhave, paṇḍito byatto kusalo bhikkhu sakassa cittassa nimittaṃ uggaṇhātī’’ti (saṃ. ni. 5.374) –
звам̣ батамам̣ убамам̣ д̣̇ассзд̇ваа бажчаа ад̇т̇о вуд̇д̇о. ‘‘суван̣н̣агаарасуурияобамаад̣̇исуд̇д̇зсу вияа жаа’’д̇и ид̣̇ан̃жа уд̣̇аахаран̣амад̇д̇зна сан̇г̇ахам̣ г̇ажчад̇и суван̣н̣агаарасуд̇д̇аад̣̇ийсу батамам̣ убамааяа ад̣̇ассид̇ад̇д̇аа. зд̇зсу хи суван̣н̣агааробамасуд̇д̇з (а. ни. 3.103) д̇аава –
Evaṃ paṭhamaṃ upamaṃ dassetvā pacchā attho vutto. ‘‘Suvaṇṇakārasūriyopamādisuttesu viya cā’’ti idañca udāharaṇamattena saṅgahaṃ gacchati suvaṇṇakārasuttādīsu paṭhamaṃ upamāya adassitattā. Etesu hi suvaṇṇakāropamasutte (a. ni. 3.103) tāva –
‘‘ад̇хижид̇д̇амануяуд̇д̇зна, бхигкавз, бхигкунаа д̇ийн̣и нимид̇д̇аани гаалзна гаалам̣ манаси гаад̇аб̣б̣аани, гаалзна гаалам̣ самаад̇хинимид̇д̇ам̣ манаси гаад̇аб̣б̣ам̣, гаалзна гаалам̣ баг̇г̇аханимид̇д̇ам̣ манаси гаад̇аб̣б̣ам̣, гаалзна гаалам̣ убзгкаанимид̇д̇ам̣ манаси гаад̇аб̣б̣ам̣. сажз, бхигкавз, ад̇хижид̇д̇амануяуд̇д̇о бхигку зганд̇ам̣ самаад̇хинимид̇д̇ам̣язва манаси гарзяяа, таанам̣ д̇ам̣ жид̇д̇ам̣ госаж̇ж̇ааяа сам̣вад̇д̇зяяа. сажз, бхигкавз, ад̇хижид̇д̇амануяуд̇д̇о бхигку зганд̇ам̣ баг̇г̇аханимид̇д̇ам̣язва манаси гарзяяа, таанам̣ д̇ам̣ жид̇д̇ам̣ уд̣̇д̇хажжааяа сам̣вад̇д̇зяяа. сажз, бхигкавз, ад̇хижид̇д̇амануяуд̇д̇о бхигку зганд̇ам̣ убзгкаанимид̇д̇ам̣язва манаси гарзяяа, таанам̣ д̇ам̣ жид̇д̇ам̣ на саммаа самаад̇хиязяяа аасаваанам̣ каяааяа. яад̇о жа ко, бхигкавз, ад̇хижид̇д̇амануяуд̇д̇о бхигку гаалзна гаалам̣ самаад̇хинимид̇д̇ам̣…бз… баг̇г̇аханимид̇д̇ам̣…бз… убзгкаанимид̇д̇ам̣ манаси гарод̇и, д̇ам̣ ход̇и жид̇д̇ам̣ муд̣̇ун̃жа гамманияан̃жа бабхассаран̃жа, на жа бабхан̇г̇у, саммаа самаад̇хияад̇и аасаваанам̣ каяааяа.
‘‘Adhicittamanuyuttena, bhikkhave, bhikkhunā tīṇi nimittāni kālena kālaṃ manasi kātabbāni, kālena kālaṃ samādhinimittaṃ manasi kātabbaṃ, kālena kālaṃ paggahanimittaṃ manasi kātabbaṃ, kālena kālaṃ upekkhānimittaṃ manasi kātabbaṃ. Sace, bhikkhave, adhicittamanuyutto bhikkhu ekantaṃ samādhinimittaṃyeva manasi kareyya, ṭhānaṃ taṃ cittaṃ kosajjāya saṃvatteyya. Sace, bhikkhave, adhicittamanuyutto bhikkhu ekantaṃ paggahanimittaṃyeva manasi kareyya, ṭhānaṃ taṃ cittaṃ uddhaccāya saṃvatteyya. Sace, bhikkhave, adhicittamanuyutto bhikkhu ekantaṃ upekkhānimittaṃyeva manasi kareyya, ṭhānaṃ taṃ cittaṃ na sammā samādhiyeyya āsavānaṃ khayāya. Yato ca kho, bhikkhave, adhicittamanuyutto bhikkhu kālena kālaṃ samādhinimittaṃ…pe… paggahanimittaṃ…pe… upekkhānimittaṃ manasi karoti, taṃ hoti cittaṃ muduñca kammaniyañca pabhassarañca, na ca pabhaṅgu, sammā samādhiyati āsavānaṃ khayāya.
‘‘сзяяат̇ааби, бхигкавз, суван̣н̣агааро ваа суван̣н̣агааранд̇зваасий ваа уггам̣ б̣анд̇хзяяа, уггам̣ б̣анд̇хид̇ваа уггаамукам̣ аалимбзяяа, уггаамукам̣ аалимбид̇ваа сан̣д̣аасзна ж̇аад̇аруубам̣ г̇ахзд̇ваа уггаамукз багкибзяяа, уггаамукз багкибид̇ваа гаалзна гаалам̣ абхид̇хамад̇и, гаалзна гаалам̣ уд̣̇агзна барибпосзд̇и, гаалзна гаалам̣ аж̇жхубзгкад̇и. сажз, бхигкавз, суван̣н̣агааро ваа суван̣н̣агааранд̇зваасий ваа д̇ам̣ ж̇аад̇аруубам̣ зганд̇ам̣ абхид̇хамзяяа, таанам̣ д̇ам̣ ж̇аад̇аруубам̣ д̣̇ахзяяа. сажз, бхигкавз, суван̣н̣агааро ваа суван̣н̣агааранд̇зваасий ваа д̇ам̣ ж̇аад̇аруубам̣ зганд̇ам̣ уд̣̇агзна барибпосзяяа, таанам̣ д̇ам̣ ж̇аад̇аруубам̣ ниб̣б̣аабзяяа. сажз, бхигкавз, суван̣н̣агааро ваа суван̣н̣агааранд̇зваасий ваа д̇ам̣ ж̇аад̇аруубам̣ зганд̇ам̣ аж̇жхубзгкзяяа, таанам̣ д̇ам̣ ж̇аад̇аруубам̣ на саммаа барибаагам̣ г̇ажчзяяа. яад̇о жа ко, бхигкавз, суван̣н̣агааро ваа суван̣н̣агааранд̇зваасий ваа д̇ам̣ ж̇аад̇аруубам̣ гаалзна гаалам̣ абхид̇хамад̇и, гаалзна гаалам̣ уд̣̇агзна барибпосзд̇и, гаалзна гаалам̣ аж̇жхубзгкад̇и, д̇ам̣ ход̇и ж̇аад̇аруубам̣ муд̣̇ун̃жа гамманияан̃жа бабхассаран̃жа, на жа бабхан̇г̇у, саммаа убзд̇и гаммааяа. яассаа яассаа жа бил̣анд̇ханавигад̇ияаа ааган̇кад̇и, яад̣̇и баддигааяа яад̣̇и гун̣д̣алааяа яад̣̇и г̇ийвзяяагзна яад̣̇и суван̣н̣амаалааяа, д̇ан̃жасса ад̇т̇ам̣ анубход̇и.
‘‘Seyyathāpi, bhikkhave, suvaṇṇakāro vā suvaṇṇakārantevāsī vā ukkaṃ bandheyya, ukkaṃ bandhitvā ukkāmukhaṃ ālimpeyya, ukkāmukhaṃ ālimpitvā saṇḍāsena jātarūpaṃ gahetvā ukkāmukhe pakkhipeyya, ukkāmukhe pakkhipitvā kālena kālaṃ abhidhamati, kālena kālaṃ udakena paripphoseti, kālena kālaṃ ajjhupekkhati. Sace, bhikkhave, suvaṇṇakāro vā suvaṇṇakārantevāsī vā taṃ jātarūpaṃ ekantaṃ abhidhameyya, ṭhānaṃ taṃ jātarūpaṃ daheyya. Sace, bhikkhave, suvaṇṇakāro vā suvaṇṇakārantevāsī vā taṃ jātarūpaṃ ekantaṃ udakena paripphoseyya, ṭhānaṃ taṃ jātarūpaṃ nibbāpeyya. Sace, bhikkhave, suvaṇṇakāro vā suvaṇṇakārantevāsī vā taṃ jātarūpaṃ ekantaṃ ajjhupekkheyya, ṭhānaṃ taṃ jātarūpaṃ na sammā paripākaṃ gaccheyya. Yato ca kho, bhikkhave, suvaṇṇakāro vā suvaṇṇakārantevāsī vā taṃ jātarūpaṃ kālena kālaṃ abhidhamati, kālena kālaṃ udakena paripphoseti, kālena kālaṃ ajjhupekkhati, taṃ hoti jātarūpaṃ muduñca kammaniyañca pabhassarañca, na ca pabhaṅgu, sammā upeti kammāya. Yassā yassā ca piḷandhanavikatiyā ākaṅkhati, yadi paṭṭikāya yadi kuṇḍalāya yadi gīveyyakena yadi suvaṇṇamālāya, tañcassa atthaṃ anubhoti.
‘‘звамзва ко, бхигкавз, ад̇хижид̇д̇амануяуд̇д̇зна бхигку…бз… саммаа самаад̇хияад̇и аасаваанам̣ каяааяа. яасса яасса жа абхин̃н̃аасажчигаран̣ийяасса д̇хаммасса жид̇д̇ам̣ абхининнаамзд̇и абхин̃н̃аасажчигирияааяа, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇иааяад̇анз’’д̇и (а. ни. 3.103) –
‘‘Evameva kho, bhikkhave, adhicittamanuyuttena bhikkhu…pe… sammā samādhiyati āsavānaṃ khayāya. Yassa yassa ca abhiññāsacchikaraṇīyassa dhammassa cittaṃ abhininnāmeti abhiññāsacchikiriyāya, tatra tatreva sakkhibhabbataṃ pāpuṇāti sati satiāyatane’’ti (a. ni. 3.103) –
звам̣ батамам̣ ад̇т̇ам̣ д̣̇ассзд̇ваа д̇ад̣̇ад̇анд̇арам̣ убамам̣ вад̇ваа бунаби ад̇т̇о звам̣ батамам̣ ад̇т̇ам̣ д̣̇ассзд̇ваа д̇ад̣̇ананд̇арам̣ убамам̣ вад̇ваа бунаби ад̇т̇о вуд̇д̇о.
Evaṃ paṭhamaṃ atthaṃ dassetvā tadatantaraṃ upamaṃ vatvā punapi attho evaṃ paṭhamaṃ atthaṃ dassetvā tadanantaraṃ upamaṃ vatvā punapi attho vutto.
сад̇д̇асуурияобамз жа –
Sattasūriyopame ca –
‘‘анижжаа, бхигкавз, сан̇каараа, ад̇хуваа, бхигкавз, сан̇каараа, анассаасигаа, бхигкавз, сан̇каараа, яааван̃жид̣̇ам̣, бхигкавз, аламзва саб̣б̣асан̇каарзсу ниб̣б̣инд̣̇ид̇ум̣ алам̣ вираж̇ж̇ид̇ум̣ алам̣ вимужжид̇ум̣. синзру, бхигкавз, баб̣б̣ад̇арааж̇аа жад̇ураасийд̇ияож̇анасахассаани ааяаамзна, жад̇ураасийд̇ияож̇анасахассаани вид̇т̇аарзна, жад̇ураасийд̇ияож̇анасахассаани махаасамуд̣̇д̣̇з аж̇жхог̇аал̣хо, жад̇ураасийд̇ияож̇анасахассаани махаасамуд̣̇д̣̇аа ажжуг̇г̇ад̇о. ход̇и со ко, бхигкавз, самаяо, яам̣ гад̣̇аажи гарахажи д̣̇ийгхасса ад̣̇д̇хуно ажжаязна б̣ахууни вассаани б̣ахууни вассасад̇аани б̣ахууни вассасахассаани б̣ахууни вассасад̇асахассаани д̣̇зво на вассад̇и, д̣̇звз ко бана, бхигкавз, авассанд̇з яз гзжимз б̣ийж̇аг̇аамабхууд̇аг̇аамаа осад̇хид̇ин̣аванаббад̇аяо, д̇з уссуссанд̇и висуссанд̇и на бхаванд̇и. звам̣ анижжаа, бхигкавз, сан̇каараа, звам̣ ад̇хуваа, бхигкавз, сан̇каараа’’д̇иаад̣̇инаа (а. ни. 7.66) –
‘‘Aniccā, bhikkhave, saṅkhārā, adhuvā, bhikkhave, saṅkhārā, anassāsikā, bhikkhave, saṅkhārā, yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccituṃ. Sineru, bhikkhave, pabbatarājā caturāsītiyojanasahassāni āyāmena, caturāsītiyojanasahassāni vitthārena, caturāsītiyojanasahassāni mahāsamudde ajjhogāḷho, caturāsītiyojanasahassāni mahāsamuddā accuggato. Hoti so kho, bhikkhave, samayo, yaṃ kadāci karahaci dīghassa addhuno accayena bahūni vassāni bahūni vassasatāni bahūni vassasahassāni bahūni vassasatasahassāni devo na vassati, deve kho pana, bhikkhave, avassante ye kecime bījagāmabhūtagāmā osadhitiṇavanappatayo, te ussussanti visussanti na bhavanti. Evaṃ aniccā, bhikkhave, saṅkhārā, evaṃ adhuvā, bhikkhave, saṅkhārā’’tiādinā (a. ni. 7.66) –
батамам̣ ад̇т̇ам̣ д̣̇ассзд̇ваа д̇ад̣̇ананд̇арам̣ убамам̣ вад̇ваа бунаби ад̇т̇о вуд̇д̇о. ат̇а ваа ‘‘суурияасса, бхигкавз, уд̣̇аяад̇о зд̇ам̣ буб̣б̣ан̇г̇амам̣ зд̇ам̣ буб̣б̣анимид̇д̇ам̣, яад̣̇ид̣̇ам̣ арун̣уг̇г̇ам̣. звамзва ко, бхигкавз, бхигкуно арияасса адтан̇г̇игасса маг̇г̇асса уббаад̣̇ааяа зд̇ам̣ буб̣б̣ан̇г̇амам̣ зд̇ам̣ буб̣б̣анимид̇д̇ам̣, яад̣̇ид̣̇ам̣ галяаан̣амид̇д̇ад̇аа’’д̇и яад̣̇зд̇ам̣ сам̣яуд̇д̇анигааяз (сам̣. ни. 5.49) ааг̇ад̇ам̣, д̇ам̣ ид̇ха суурияобамасуд̇д̇анд̇и ад̇хиббзд̇ам̣ сияаа. д̇амби ‘‘гад̇т̇ажи убамааяа ад̇т̇ам̣ бариваарзд̇ваа д̣̇ассзд̇ий’’д̇и иминаа на самзд̇и батамам̣ убамам̣ вад̇ваа д̇ад̣̇ананд̇арам̣ ад̇т̇ам̣ д̣̇ассзд̇ваа буна убамааяа авуд̇д̇ад̇д̇аа. батамамзва хи д̇ад̇т̇а убамаа д̣̇ассид̇аа, ‘‘имасмим̣ бана саалисуугобамз убамааяа ад̇т̇ам̣ бариваарзд̇ваа д̣̇ассзнд̇о сзяяат̇ааби, бхигкавзд̇и аад̣̇имаахаа’’д̇и. ид̣̇амби важанамасан̇г̇ахид̇ам̣ вад̇т̇асуд̇д̇асса имасса жа висзсаабхаавад̇о. убхаяад̇т̇ааби хи батамам̣ убамам̣ д̣̇ассзд̇ваа бажчаа ад̇т̇о вуд̇д̇о , д̇асмаа звамзд̇т̇а баатзна бхавид̇аб̣б̣ам̣ ‘‘д̇ад̇ра бхаг̇аваа гад̇т̇ажи батамам̣язва убамам̣ д̣̇ассзд̇ваа бажчаа ад̇т̇ам̣ д̣̇ассзд̇и вад̇т̇асуд̇д̇з вияа баарижчад̇д̇агобама- (а. ни. 7.69) аг̇г̇игканд̇хобамаад̣̇исуд̇д̇зсу (а. ни. 7.72) вияа жа, гад̇т̇ажи ад̇т̇зна убамам̣ бариваарзд̇ваа д̣̇ассзд̇и суван̣н̣агаарасад̇д̇асуурияобамаад̣̇исуд̇д̇зсу (а. ни. 7.66) вияа, имасмим̣ бана саалисуугобамз батамам̣ убамам̣ д̣̇ассзд̇ваа бажчаа ад̇т̇ам̣ д̣̇ассзнд̇о сзяяат̇ааби, бхигкавзд̇и аад̣̇имаахаа’’д̇и. ан̃н̃ат̇аа маж̇жхимадтагат̇ааяа вируж̇жхад̇и. ид̇хааби жа буб̣б̣знаабарам̣ на самзд̇и. маж̇жхимадтагат̇ааяа вуд̇д̇анаязнзва ваа ид̇хааби баато г̇ахзд̇аб̣б̣о.
Paṭhamaṃ atthaṃ dassetvā tadanantaraṃ upamaṃ vatvā punapi attho vutto. Atha vā ‘‘sūriyassa, bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ aruṇuggaṃ. Evameva kho, bhikkhave, bhikkhuno ariyassa aṭṭhaṅgikassa maggassa uppādāya etaṃ pubbaṅgamaṃ etaṃ pubbanimittaṃ, yadidaṃ kalyāṇamittatā’’ti yadetaṃ saṃyuttanikāye (saṃ. ni. 5.49) āgataṃ, taṃ idha sūriyopamasuttanti adhippetaṃ siyā. Tampi ‘‘katthaci upamāya atthaṃ parivāretvā dassetī’’ti iminā na sameti paṭhamaṃ upamaṃ vatvā tadanantaraṃ atthaṃ dassetvā puna upamāya avuttattā. Paṭhamameva hi tattha upamā dassitā, ‘‘imasmiṃ pana sālisūkopame upamāya atthaṃ parivāretvā dassento seyyathāpi, bhikkhaveti ādimāhā’’ti. Idampi vacanamasaṅgahitaṃ vatthasuttassa imassa ca visesābhāvato. Ubhayatthāpi hi paṭhamaṃ upamaṃ dassetvā pacchā attho vutto , tasmā evamettha pāṭhena bhavitabbaṃ ‘‘tatra bhagavā katthaci paṭhamaṃyeva upamaṃ dassetvā pacchā atthaṃ dasseti vatthasutte viya pāricchattakopama- (a. ni. 7.69) aggikkhandhopamādisuttesu (a. ni. 7.72) viya ca, katthaci atthena upamaṃ parivāretvā dasseti suvaṇṇakārasattasūriyopamādisuttesu (a. ni. 7.66) viya, imasmiṃ pana sālisūkopame paṭhamaṃ upamaṃ dassetvā pacchā atthaṃ dassento seyyathāpi, bhikkhaveti ādimāhā’’ti. Aññathā majjhimaṭṭhakathāya virujjhati. Idhāpi ca pubbenāparaṃ na sameti. Majjhimaṭṭhakathāya vuttanayeneva vā idhāpi pāṭho gahetabbo.
ган̣асад̣̇исо саалипаласса д̇ун̣д̣з уббаж̇ж̇анагаваало саалисуугам̣, д̇ат̇аа яавасуугам̣. суугасса д̇анугабхаавад̇о бхзд̣̇авад̇о бхзд̣̇о наад̇имахаа ход̇ийд̇и ааха – ‘‘бхинд̣̇иссад̇и, чавим̣ чинд̣̇иссад̇ийд̇и ад̇т̇о’’д̇и. яат̇аа мижчаатабид̇асаалисуугаад̣̇и агганд̇амби хад̇т̇аад̣̇им̣ на бхинд̣̇ад̇и бхинд̣̇ид̇ум̣ аяог̇г̇абхаавзна тид̇ад̇д̇аа, звам̣ аажаяаг̇аамижид̇д̇ам̣ авиж̇ж̇ам̣ на бхинд̣̇ад̇и бхинд̣̇ид̇ум̣ аяог̇г̇абхаавзна уббаннад̇д̇аад̇и имамад̇т̇ам̣ д̣̇ассзд̇и ‘‘мижчаатабид̇знаа’’д̇иаад̣̇инаа. адтасу таанзсууд̇и ‘‘д̣̇угкз ан̃н̃аан̣а’’нд̇иаад̣̇инаа вуд̇д̇зсу д̣̇угкаад̣̇ийсу жад̇уусу сажжзсу буб̣б̣анд̇аад̣̇ийсу жад̇уусу жаад̇и адтасу таанзсу. гханаб̣ахаланд̇и жирагаалабарибхааванааяа ад̇ивияа б̣ахалам̣. махаависаяад̇ааяа махаабадибагкад̇ааяа б̣ахубариваарад̇ааяа б̣ахуд̣̇угкад̇ааяа жа махад̇ий авиж̇ж̇аад̇и махааавиж̇ж̇аа. д̇ам̣ махааавиж̇ж̇ам̣. махаасад̣̇д̣̇о хи б̣ахубхаавад̇т̇оби ход̇и ‘‘махааж̇ано’’д̇иаад̣̇ийсу вияа. д̇ан̣хааваанад̇о нигканд̇абхаавзнаад̇и д̇ад̇т̇а д̇ан̣хааяа абхаавамзва вад̣̇ад̇и.
Kaṇasadiso sāliphalassa tuṇḍe uppajjanakavālo sālisūkaṃ, tathā yavasūkaṃ. Sūkassa tanukabhāvato bhedavato bhedo nātimahā hotīti āha – ‘‘bhindissati, chaviṃ chindissatīti attho’’ti. Yathā micchāṭhapitasālisūkādi akkantampi hatthādiṃ na bhindati bhindituṃ ayoggabhāvena ṭhitattā, evaṃ ācayagāmicittaṃ avijjaṃ na bhindati bhindituṃ ayoggabhāvena uppannattāti imamatthaṃ dasseti ‘‘micchāṭhapitenā’’tiādinā. Aṭṭhasu ṭhānesūti ‘‘dukkhe aññāṇa’’ntiādinā vuttesu dukkhādīsu catūsu saccesu pubbantādīsu catūsu cāti aṭṭhasu ṭhānesu. Ghanabahalanti cirakālaparibhāvanāya ativiya bahalaṃ. Mahāvisayatāya mahāpaṭipakkhatāya bahuparivāratāya bahudukkhatāya ca mahatī avijjāti mahāavijjā. Taṃ mahāavijjaṃ. Mahāsaddo hi bahubhāvatthopi hoti ‘‘mahājano’’tiādīsu viya. Taṇhāvānato nikkhantabhāvenāti tattha taṇhāya abhāvameva vadati.
42. д̣̇уд̇ияз баад̣̇знзва авамад̣̇д̣̇ид̇з агганд̇анд̇и вужжамаанз хад̇т̇зна авамад̣̇д̣̇ид̇ам̣ агганд̇ам̣ вияа агганд̇анд̇и рул̣хий хзсаад̇и ааха – ‘‘агганд̇анд̇зва вуд̇д̇а’’нд̇и. арияавохаарод̇и арияад̣̇зсаваасийнам̣ вохааро. маханд̇ам̣ аг̇г̇ахзд̇ваа аббамад̇д̇агассзва г̇ахан̣з баяож̇анам̣ д̣̇ассзд̇ум̣ – ‘‘гасмаа банаа’’д̇иаад̣̇и аарад̣̇д̇хам̣. д̇зна ‘‘виваддуубаниссаяагусалам̣ наама яонисо уббаад̣̇ид̇ам̣ аббага’’нд̇и на жинд̇зд̇аб̣б̣ам̣, ануггамзна лад̣̇д̇хабажжаяам̣ худ̇ваа вад̣дхамаанам̣ куд̣̇д̣̇аганад̣̇ий вияа багканд̣̇амахогхаа самуд̣̇д̣̇ам̣, ануггамзна ниб̣б̣аанамахаасамуд̣̇д̣̇амзва бурисам̣ баабзд̇ийд̇и д̣̇ийбзд̇и. бажжзгаб̣од̇хим̣ б̣уд̣̇д̇хабхууминд̇и жа бажжад̇д̇з убаяог̇аважанам̣. ваддавиваддам̣ гат̇ид̇анд̇и яат̇ааггамзна вуд̇д̇ам̣.
42. Dutiye pādeneva avamaddite akkantanti vuccamāne hatthena avamadditaṃ akkantaṃ viya akkantanti ruḷhī hesāti āha – ‘‘akkantanteva vutta’’nti. Ariyavohāroti ariyadesavāsīnaṃ vohāro. Mahantaṃ aggahetvā appamattakasseva gahaṇe payojanaṃ dassetuṃ – ‘‘kasmā panā’’tiādi āraddhaṃ. Tena ‘‘vivaṭṭūpanissayakusalaṃ nāma yoniso uppāditaṃ appaka’’nti na cintetabbaṃ, anukkamena laddhapaccayaṃ hutvā vaḍḍhamānaṃ khuddakanadī viya pakkhandamahoghā samuddaṃ, anukkamena nibbānamahāsamuddameva purisaṃ pāpetīti dīpeti. Paccekabodhiṃ buddhabhūminti ca paccatte upayogavacanaṃ. Vaṭṭavivaṭṭaṃ kathitanti yathākkamena vuttaṃ.
43. д̇ад̇ияз д̣̇осзна бад̣̇удтажид̇д̇анд̇и самбаяуд̇д̇ад̇хаммаанам̣, яасмим̣ санд̇аанз уббаж̇ж̇ад̇и, д̇асса жа д̣̇уусанзна висасам̣садтабууд̇имуд̇д̇асад̣̇исзна д̣̇осзна бад̣̇уусид̇ажид̇д̇ам̣. ад̇д̇ано жид̇д̇знаад̇и ад̇д̇ано жзд̇обарияан̃аан̣зна саб̣б̣ан̃н̃уд̇ан̃н̃аан̣зна ваа сахид̇зна жид̇д̇зна. барижчинд̣̇ид̇ваад̇и н̃аан̣зна барижчинд̣̇ид̇ваа . идтаагаарзна зд̇ийд̇и аяо, сукам̣. саб̣б̣асо абзд̇о аяо зд̇асса, зд̇асмаад̇и ваа абааяо, гааяигасса жзд̇асигасса жа д̣̇угкасса г̇ад̇и бавад̇д̇идтаананд̇и д̣̇уг̇г̇ад̇и, гааран̣аавасзна вивид̇хам̣ вигаарзна жа нибаад̇ияанд̇и зд̇т̇аад̇и винибаад̇о, аббагоби над̇т̇и аяо сукам̣ зд̇т̇аад̇и нираяод̇и звамзд̇т̇а ад̇т̇о взд̣̇ид̇аб̣б̣о.
43. Tatiye dosena paduṭṭhacittanti sampayuttadhammānaṃ, yasmiṃ santāne uppajjati, tassa ca dūsanena visasaṃsaṭṭhapūtimuttasadisena dosena padūsitacittaṃ. Attano cittenāti attano cetopariyañāṇena sabbaññutaññāṇena vā sahitena cittena. Paricchinditvāti ñāṇena paricchinditvā . Iṭṭhākārena etīti ayo, sukhaṃ. Sabbaso apeto ayo etassa, etasmāti vā apāyo, kāyikassa cetasikassa ca dukkhassa gati pavattiṭṭhānanti duggati, kāraṇāvasena vividhaṃ vikārena ca nipātiyanti etthāti vinipāto, appakopi natthi ayo sukhaṃ etthāti nirayoti evamettha attho veditabbo.
44. жад̇уд̇т̇з сад̣̇д̇хаабасаад̣̇зна басаннанд̇и сад̣̇д̇хаасан̇каад̇зна басаад̣̇зна басаннам̣, на инд̣̇рияаанам̣ авиббасаннад̇ааяа. сукасса г̇ад̇инд̇и сукасса бавад̇д̇идтаанам̣. сукамзвзд̇т̇а г̇ажчанд̇и, на д̣̇угканд̇и ваа суг̇ад̇и. манаабияаруубаад̣̇ид̇ааяа саха аг̇г̇зхийд̇и саг̇г̇ам̣, логам̣.
44. Catutthe saddhāpasādena pasannanti saddhāsaṅkhātena pasādena pasannaṃ, na indriyānaṃ avippasannatāya. Sukhassa gatinti sukhassa pavattiṭṭhānaṃ. Sukhamevettha gacchanti, na dukkhanti vā sugati. Manāpiyarūpāditāya saha aggehīti saggaṃ, lokaṃ.
45. бан̃жамз барил̣аахавуубасамагаро рахад̣̇о зд̇т̇аад̇и рахад̣̇о, уд̣̇агабун̣н̣о рахад̣̇о уд̣̇агарахад̣̇о. уд̣̇агам̣ д̣̇ахад̇и д̇хаарзд̇ийд̇и уд̣̇агад̣̇ахо. аавилод̇и галалаб̣ахулад̇ааяа аагуло. д̇знааха – ‘‘авиббасанно’’д̇и. лул̣ид̇од̇и ваад̇зна аалол̣ид̇о. д̇знааха – ‘‘абарисан̣тид̇о’’д̇и. ваад̇аабхигхаад̇зна вийжид̇аран̇г̇амаласамаагулад̇ааяа хи барид̇о на сан̣тид̇о ваа абарисан̣тид̇о. ваад̇аабхигхаад̇зна уд̣̇агасса жа аббабхаавзна галалийбхууд̇о гад̣̇д̣̇амабхааваббад̇д̇од̇и ааха – ‘‘гад̣̇д̣̇амийбхууд̇о’’д̇и. сиббияо муд̇д̇асиббиаад̣̇аяо. самб̣угаа сан̇касалаагависзсаа. жаранд̇амби д̇идтанд̇амбийд̇и яат̇аалаабхаважанамзд̇ам̣ д̣̇адтаб̣б̣ам̣. д̇амзва хи яат̇аалаабхаважанад̇ам̣ д̣̇ассзд̇ум̣ – ‘‘зд̇т̇аа’’д̇иаад̣̇и аарад̣̇д̇хам̣.
45. Pañcame pariḷāhavūpasamakaro rahado etthāti rahado, udakapuṇṇo rahado udakarahado. Udakaṃ dahati dhāretīti udakadaho. Āviloti kalalabahulatāya ākulo. Tenāha – ‘‘avippasanno’’ti. Luḷitoti vātena āloḷito. Tenāha – ‘‘aparisaṇṭhito’’ti. Vātābhighātena vīcitaraṅgamalasamākulatāya hi parito na saṇṭhito vā aparisaṇṭhito. Vātābhighātena udakassa ca appabhāvena kalalībhūto kaddamabhāvappattoti āha – ‘‘kaddamībhūto’’ti. Sippiyo muttasippiādayo. Sambukā saṅkhasalākavisesā. Carantampi tiṭṭhantampīti yathālābhavacanametaṃ daṭṭhabbaṃ. Tameva hi yathālābhavacanataṃ dassetuṃ – ‘‘etthā’’tiādi āraddhaṃ.
барияонад̣̇д̇хзнаад̇и бадижчаад̣̇ид̇зна. д̇аяид̣̇ам̣ гааран̣зна аавилабхаавасса д̣̇ассанам̣. д̣̇идтад̇хаммз имасмим̣ ад̇д̇абхаавз бхаво д̣̇идтад̇хаммиго, со бана логияоби ход̇и логуд̇д̇аробийд̇и ааха – ‘‘логияалогуд̇д̇арамиссаго’’д̇и. бзжжа самбарзд̇аб̣б̣ад̇о самбарааяо, баралого. д̇знааха – ‘‘со хи барад̇т̇а ад̇т̇од̇и барад̇т̇о’’д̇и. ид̇и д̣̇вид̇хааби сагасанд̇ад̇ибарияаабанно зва г̇ахид̇од̇и ид̇арамби сан̇г̇ахзд̇ваа д̣̇ассзд̇ум̣ – ‘‘абижаа’’д̇иаад̣̇имааха. аяанд̇и гусалагаммабат̇асан̇каад̇о д̣̇асавид̇хо д̇хаммо. сад̇т̇анд̇арагаббаавасаанзд̇и ид̣̇ам̣ д̇асса аасаннабхаавам̣ санд̇хааяа вуд̇д̇ам̣. яасса гассажи анд̇арагаббассаавасаанзд̇и взд̣̇ид̇аб̣б̣ам̣. арияаанам̣ яуд̇д̇анд̇и арияаанам̣ арияабхаавааяа яуд̇д̇ам̣, д̇ад̇о зва арияабхаавам̣ гаад̇ум̣ самад̇т̇ам̣. н̃аан̣амзва н̃зяяасса бажжагкагаран̣адтзна д̣̇ассананд̇и ааха – ‘‘н̃аан̣амзва хий’’д̇иаад̣̇и. гим̣ бана д̇анд̇и ааха – ‘‘д̣̇иб̣б̣ажагкуу’’д̇иаад̣̇и.
Pariyonaddhenāti paṭicchāditena. Tayidaṃ kāraṇena āvilabhāvassa dassanaṃ. Diṭṭhadhamme imasmiṃ attabhāve bhavo diṭṭhadhammiko, so pana lokiyopi hoti lokuttaropīti āha – ‘‘lokiyalokuttaramissako’’ti. Pecca samparetabbato samparāyo, paraloko. Tenāha – ‘‘so hi parattha atthoti parattho’’ti. Iti dvidhāpi sakasantatipariyāpanno eva gahitoti itarampi saṅgahetvā dassetuṃ – ‘‘apicā’’tiādimāha. Ayanti kusalakammapathasaṅkhāto dasavidho dhammo. Satthantarakappāvasāneti idaṃ tassa āsannabhāvaṃ sandhāya vuttaṃ. Yassa kassaci antarakappassāvasāneti veditabbaṃ. Ariyānaṃ yuttanti ariyānaṃ ariyabhāvāya yuttaṃ, tato eva ariyabhāvaṃ kātuṃ samatthaṃ. Ñāṇameva ñeyyassa paccakkhakaraṇaṭṭhena dassananti āha – ‘‘ñāṇameva hī’’tiādi. Kiṃ pana tanti āha – ‘‘dibbacakkhū’’tiādi.
46. чадтз ажчод̇и д̇ануго. д̇анубхаавамзва хи санд̇хааяа ‘‘аб̣ахало’’д̇и вуд̇д̇ам̣. яасмаа басанно наама ажчо на б̣ахало, д̇асмаа ‘‘басаннод̇иби ваддад̇ий’’д̇и вуд̇д̇ам̣. виббасаннод̇и висзсзна басанно . со бана саммаа басанно наама ход̇ийд̇и ааха – ‘‘судту басанно’’д̇и. анаавилод̇и агалусо. д̇знааха – ‘‘барисуд̣̇д̇хо’’д̇иаад̣̇и. сан̇канд̇и куд̣̇д̣̇агасзваалам̣, яам̣ ‘‘д̇илаб̣ийж̇ага’’нд̇и вужжад̇и. сзвааланд̇и ган̣н̣игасзваалам̣. бан̣аганд̇и уд̣̇агамалам̣. жид̇д̇асса аавилабхааво нийваран̣ахзд̇угод̇и ааха – ‘‘анаавилзнаад̇и бан̃жанийваран̣авимуд̇д̇знаа’’д̇и.
46. Chaṭṭhe acchoti tanuko. Tanubhāvameva hi sandhāya ‘‘abahalo’’ti vuttaṃ. Yasmā pasanno nāma accho na bahalo, tasmā ‘‘pasannotipi vaṭṭatī’’ti vuttaṃ. Vippasannoti visesena pasanno . So pana sammā pasanno nāma hotīti āha – ‘‘suṭṭhu pasanno’’ti. Anāviloti akaluso. Tenāha – ‘‘parisuddho’’tiādi. Saṅkhanti khuddakasevālaṃ, yaṃ ‘‘tilabījaka’’nti vuccati. Sevālanti kaṇṇikasevālaṃ. Paṇakanti udakamalaṃ. Cittassa āvilabhāvo nīvaraṇahetukoti āha – ‘‘anāvilenāti pañcanīvaraṇavimuttenā’’ti.
47. сад̇д̇амз ругкаж̇аад̇аанийд̇и зд̇т̇а ж̇аад̇асад̣̇д̣̇зна бад̣̇авад̣дханамзва гад̇ам̣ яат̇аа ‘‘госаж̇аад̇а’’нд̇и ааха – ‘‘ругкаанамзвзд̇ам̣ ад̇хиважана’’нд̇и. гожи хи ругко ван̣н̣зна аг̇г̇о ход̇и яат̇аа д̇ам̣ рад̇д̇ажанд̣̇анаад̣̇и. гожи г̇анд̇хзна яат̇аа д̇ам̣ г̇осийд̇ажанд̣̇анам̣. гожи расзна кад̣̇ираад̣̇и. гожи т̇ад̣̇д̇хад̇ааяа жамбагаад̣̇и. маг̇г̇апалаавахад̇ааяа вибассанаавасзна бхаавид̇амби г̇ахид̇ам̣. ‘‘д̇ад̇т̇а д̇ад̇т̇зва сагкибхаб̣б̣ад̇ам̣ баабун̣аад̇ий’’д̇и (а. ни. 3.103) важанад̇о ‘‘абхин̃н̃аабаад̣̇агажад̇уд̇т̇аж̇жхаанажид̇д̇амзва, аавусо’’д̇и пуссамид̇д̇ад̇т̇зро вад̣̇ад̇и.
47. Sattame rukkhajātānīti ettha jātasaddena padavaḍḍhanameva kataṃ yathā ‘‘kosajāta’’nti āha – ‘‘rukkhānamevetaṃ adhivacana’’nti. Koci hi rukkho vaṇṇena aggo hoti yathā taṃ rattacandanādi. Koci gandhena yathā taṃ gosītacandanaṃ. Koci rasena khadirādi. Koci thaddhatāya campakādi. Maggaphalāvahatāya vipassanāvasena bhāvitampi gahitaṃ. ‘‘Tattha tattheva sakkhibhabbataṃ pāpuṇātī’’ti (a. ni. 3.103) vacanato ‘‘abhiññāpādakacatutthajjhānacittameva, āvuso’’ti phussamittatthero vadati.
48. адтамз жид̇д̇асса баривад̇д̇анам̣ уббаад̣̇анирод̇хаа зваад̇и ааха – ‘‘звам̣ лахум̣ уббаж̇ж̇ид̇ваа лахум̣ нируж̇жханага’’нд̇и. ад̇химад̇д̇абамаан̣ад̇т̇зд̇и ад̇игганд̇абамаан̣ад̇т̇з, бамаан̣аад̇ийд̇ад̇ааяанд̇и ад̇т̇о. д̇знааха – ‘‘ад̇ивияа на сугараа’’д̇и. жагкувин̃н̃аан̣амби ад̇хиббзд̇амзваад̇и саб̣б̣ассаби жид̇д̇асса самаанакан̣ад̇д̇аа вуд̇д̇ам̣. жид̇д̇асса ад̇ивияа лахубаривад̇д̇ибхаавам̣ т̇зраваад̣̇зна д̣̇ийбзд̇ум̣ – ‘‘имасмим̣ банад̇т̇з’’д̇иаад̣̇и вуд̇д̇ам̣. жид̇д̇асан̇каараад̇и сасамбаяуд̇д̇ам̣ жид̇д̇ам̣ вад̣̇ад̇и. ваахасад̇аанам̣ ко, махаарааж̇а, вийхийнанд̇и бод̇т̇агзсу ликанд̇и, ‘‘ваахасад̇ам̣ ко, махаарааж̇а, вийхийна’’нд̇и бана баатзна бхавид̇аб̣б̣ам̣. милинд̣̇абан̃хзби (ми. ба. 4.1.2) хи гад̇т̇ажи аяамзва баато д̣̇иссад̇и. ‘‘ваахасад̇аана’’нд̇и ваа бажжад̇д̇з саамиважанам̣ б̣яад̇д̇аязна вуд̇д̇анд̇и д̣̇адтаб̣б̣ам̣. ад̣дхажуул̣анд̇и т̇огзна уунам̣ убад̣дхам̣. гасса бана убад̣дханд̇и? ад̇хигаарад̇о ваахассаад̇и вин̃н̃ааяад̇и. ‘‘ад̣дхажуд̣̇д̣̇аса’’нд̇и гзжи. ‘‘ад̣дхажад̇уд̇т̇а’’нд̇и абарз. саад̇хигам̣ д̣̇ияад̣дхасад̇ам̣ ваахаад̇и д̣̇ал̣хам̣ гад̇ваа вад̣̇анд̇и, виймам̣сид̇аб̣б̣ам̣. жад̇унаал̣иго д̇умб̣о. бужчааяа абхаавзнаад̇и ‘‘саггаа бана, бханд̇з, убамам̣ гаад̇у’’нд̇и звам̣ бавад̇д̇ааяа бужчааяа абхаавзна на гад̇аа убамаа. д̇хаммад̣̇зсанаабарияосаанзд̇и саннибад̇ид̇абарисааяа яат̇аарад̣̇д̇хад̇хаммад̣̇зсанааяа барияосаанз.
48. Aṭṭhame cittassa parivattanaṃ uppādanirodhā evāti āha – ‘‘evaṃ lahuṃ uppajjitvā lahuṃ nirujjhanaka’’nti. Adhimattapamāṇattheti atikkantapamāṇatthe, pamāṇātītatāyanti attho. Tenāha – ‘‘ativiya na sukarā’’ti. Cakkhuviññāṇampi adhippetamevāti sabbassapi cittassa samānakhaṇattā vuttaṃ. Cittassa ativiya lahuparivattibhāvaṃ theravādena dīpetuṃ – ‘‘imasmiṃ panatthe’’tiādi vuttaṃ. Cittasaṅkhārāti sasampayuttaṃ cittaṃ vadati. Vāhasatānaṃ kho, mahārāja, vīhīnanti potthakesu likhanti, ‘‘vāhasataṃ kho, mahārāja, vīhīna’’nti pana pāṭhena bhavitabbaṃ. Milindapañhepi (mi. pa. 4.1.2) hi katthaci ayameva pāṭho dissati. ‘‘Vāhasatāna’’nti vā paccatte sāmivacanaṃ byattayena vuttanti daṭṭhabbaṃ. Aḍḍhacūḷanti thokena ūnaṃ upaḍḍhaṃ. Kassa pana upaḍḍhanti? Adhikārato vāhassāti viññāyati. ‘‘Aḍḍhacuddasa’’nti keci. ‘‘Aḍḍhacatuttha’’nti apare. Sādhikaṃ diyaḍḍhasataṃ vāhāti daḷhaṃ katvā vadanti, vīmaṃsitabbaṃ. Catunāḷiko tumbo. Pucchāya abhāvenāti ‘‘sakkā pana, bhante, upamaṃ kātu’’nti evaṃ pavattāya pucchāya abhāvena na katā upamā. Dhammadesanāpariyosāneti sannipatitaparisāya yathāraddhadhammadesanāya pariyosāne.
49. навамз бабхассаранд̇и барияод̣̇аад̇ам̣ сабхаавабарисуд̣̇д̇хадтзна. д̇знааха – ‘‘бан̣д̣арам̣ барисуд̣̇д̇ха’’нд̇и. бабхассарад̇аад̣̇аяо наама ван̣н̣ад̇хаад̇уяам̣ лаб̣бханагависзсаад̇и ааха – ‘‘гим̣ бана жид̇д̇асса ван̣н̣о наама ад̇т̇ий’’д̇и? ид̇аро аруубад̇ааяа ‘‘над̇т̇ий’’д̇и бадигкибид̇ваа барияааяагат̇аа аяам̣ д̇аад̣̇исасса жид̇д̇асса барисуд̣̇д̇хабхааванаад̣̇ийбанааяаад̇и д̣̇ассзнд̇о ‘‘нийлаад̣̇ийна’’нд̇иаад̣̇имааха. д̇ат̇аа хи ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з’’д̇и (д̣̇ий. ни. 1.243-244; ма. ни. 1.384-386, 431-433; баараа. 12-13) вуд̇д̇ам̣ . д̇знзвааха – ‘‘ид̣̇амби нирубаггилзсад̇ааяа барисуд̣̇д̇ханд̇и бабхассара’’нд̇и. гим̣ бана бхаван̇г̇ажид̇д̇ам̣ нирубаггилзсанд̇и? аама сабхаавад̇о нирубаггилзсам̣, ааг̇анд̇угаубаггилзсавасзна бана сияаа убаггилидтам̣. д̇знааха – ‘‘д̇ан̃жа ко’’д̇иаад̣̇и. д̇ад̇т̇а ад̇д̇ано д̇зсан̃жа бхигкуунам̣ бажжагкабхаавад̇о буб̣б̣з ‘‘ид̣̇а’’нд̇и вад̇ваа ид̣̇аани бажжаамасанавасзна ‘‘д̇а’’нд̇и ааха. жа-сад̣̇д̣̇о ад̇т̇уубанаяанз. ко-сад̣̇д̣̇о важанаалан̇гаарз, авад̇хааран̣з ваа. вагкамаанасса ад̇т̇асса нижчид̇абхаавад̇о бхаван̇г̇ажид̇д̇зна сахаавадтаанаабхаавад̇о убаггилзсаанам̣ ааг̇анд̇угад̇аад̇и ааха – ‘‘асахаж̇аад̇зхий’’д̇иаад̣̇и. рааг̇аад̣̇аяо убзжжа жид̇д̇асанд̇аанам̣ гилиссанд̇и виб̣аад̇хзнд̇и убад̇аабзнд̇и жаад̇и ааха – ‘‘убаггилзсзхийд̇и рааг̇аад̣̇ийхий’’д̇и. бхаван̇г̇ажид̇д̇асса ниббарияааяад̇о убаггилзсзхи убаггилидтад̇аа наама над̇т̇и асам̣садтабхаавад̇о, згасанд̇ад̇ибарияаабаннад̇ааяа бана сияаа убаггилидтад̇аабарияааяод̇и ааха – ‘‘убаггилидтам̣ наамаад̇и вужжад̇ий’’д̇и. ид̣̇аани д̇амад̇т̇ам̣ убамааяа вибхаавзд̇ум̣ ‘‘яат̇аа хий’’д̇иаад̣̇имааха. д̇зна бхиннасанд̇аанаг̇ад̇ааяаби наама ирияааяа логз г̇аараяхад̇аа д̣̇иссад̇и, баг̇зва згасанд̇аанаг̇ад̇ааяа ирияааяаад̇и имам̣ висзсам̣ д̣̇ассзд̇и. д̇знааха – ‘‘ж̇аванагкан̣з…бз… убаггилидтам̣ наама ход̇ий’’д̇и.
49. Navame pabhassaranti pariyodātaṃ sabhāvaparisuddhaṭṭhena. Tenāha – ‘‘paṇḍaraṃ parisuddha’’nti. Pabhassaratādayo nāma vaṇṇadhātuyaṃ labbhanakavisesāti āha – ‘‘kiṃ pana cittassa vaṇṇo nāma atthī’’ti? Itaro arūpatāya ‘‘natthī’’ti paṭikkhipitvā pariyāyakathā ayaṃ tādisassa cittassa parisuddhabhāvanādīpanāyāti dassento ‘‘nīlādīna’’ntiādimāha. Tathā hi ‘‘so evaṃ samāhite citte parisuddhe pariyodāte’’ti (dī. ni. 1.243-244; ma. ni. 1.384-386, 431-433; pārā. 12-13) vuttaṃ . Tenevāha – ‘‘idampi nirupakkilesatāya parisuddhanti pabhassara’’nti. Kiṃ pana bhavaṅgacittaṃ nirupakkilesanti? Āma sabhāvato nirupakkilesaṃ, āgantukaupakkilesavasena pana siyā upakkiliṭṭhaṃ. Tenāha – ‘‘tañca kho’’tiādi. Tattha attano tesañca bhikkhūnaṃ paccakkhabhāvato pubbe ‘‘ida’’nti vatvā idāni paccāmasanavasena ‘‘ta’’nti āha. Ca-saddo atthūpanayane. Kho-saddo vacanālaṅkāre, avadhāraṇe vā. Vakkhamānassa atthassa nicchitabhāvato bhavaṅgacittena sahāvaṭṭhānābhāvato upakkilesānaṃ āgantukatāti āha – ‘‘asahajātehī’’tiādi. Rāgādayo upecca cittasantānaṃ kilissanti vibādhenti upatāpenti cāti āha – ‘‘upakkilesehīti rāgādīhī’’ti. Bhavaṅgacittassa nippariyāyato upakkilesehi upakkiliṭṭhatā nāma natthi asaṃsaṭṭhabhāvato, ekasantatipariyāpannatāya pana siyā upakkiliṭṭhatāpariyāyoti āha – ‘‘upakkiliṭṭhaṃ nāmāti vuccatī’’ti. Idāni tamatthaṃ upamāya vibhāvetuṃ ‘‘yathā hī’’tiādimāha. Tena bhinnasantānagatāyapi nāma iriyāya loke gārayhatā dissati, pageva ekasantānagatāya iriyāyāti imaṃ visesaṃ dasseti. Tenāha – ‘‘javanakkhaṇe…pe… upakkiliṭṭhaṃ nāma hotī’’ti.
50. д̣̇асамз бхаван̇г̇ажид̇д̇амзва жид̇д̇анд̇и ‘‘бабхассарамид̣̇ам̣, бхигкавз, жид̇д̇а’’нд̇и вуд̇д̇ам̣ бхаван̇г̇ажид̇д̇амзва. яад̣̇аг̇г̇зна бхаван̇г̇ажид̇д̇ам̣ д̇аад̣̇исабажжаяасамавааяз убаггилидтам̣ наама вужжад̇и, д̇ад̣̇аг̇г̇зна д̇аб̣б̣ид̇хурабажжаяасамавааяз убаггилзсад̇о вимуд̇д̇анд̇и вужжад̇и. д̇знааха – ‘‘убаггилзсзхи виббамуд̇д̇ам̣ наама ход̇ий’’д̇и. сзсамзд̇т̇а навамасуд̇д̇з вуд̇д̇анаяаанусаарзна взд̣̇ид̇аб̣б̣ам̣.
50. Dasame bhavaṅgacittameva cittanti ‘‘pabhassaramidaṃ, bhikkhave, citta’’nti vuttaṃ bhavaṅgacittameva. Yadaggena bhavaṅgacittaṃ tādisapaccayasamavāye upakkiliṭṭhaṃ nāma vuccati, tadaggena tabbidhurapaccayasamavāye upakkilesato vimuttanti vuccati. Tenāha – ‘‘upakkilesehi vippamuttaṃ nāma hotī’’ti. Sesamettha navamasutte vuttanayānusārena veditabbaṃ.
бан̣ихид̇аажчаваг̇г̇аван̣н̣анаа нидтид̇аа.
Paṇihitaacchavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. бан̣ихид̇аажчаваг̇г̇о • 5. Paṇihitaacchavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. бан̣ихид̇аажчаваг̇г̇аван̣н̣анаа • 5. Paṇihitaacchavaggavaṇṇanā
