| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
9. பணீதபோ⁴ஜனஸிக்கா²பத³ங்
9. Paṇītabhojanasikkhāpadaṃ
257. நவமே பகட்ட²பா⁴வங் நீதந்தி பணீதந்தி வுத்தே பணீதஸத்³தோ³ உத்தமத்தோ²தி ஆஹ ‘‘உத்தமபோ⁴ஜனானீ’’தி. ஸம்பன்னோ நாம ந மது⁴ரகு³ணோ, அத² கோ² மது⁴ரகு³ணயுத்தங் போ⁴ஜனமேவாதி ஆஹ ‘‘ஸம்பத்தியுத்த’’ந்தி. கஸ்ஸாதி கரணத்தே² சேதங் ஸாமிவசனங், கேனாதி ஹி அத்தோ². ‘‘ஸுரஸ’’ந்திஇமினா ஸாதீ³யதி அஸ்ஸாதீ³யதீதி ஸாதூ³தி வசனத்த²ஸ்ஸ ஸரூபங் த³ஸ்ஸேதி.
257. Navame pakaṭṭhabhāvaṃ nītanti paṇītanti vutte paṇītasaddo uttamatthoti āha ‘‘uttamabhojanānī’’ti. Sampanno nāma na madhuraguṇo, atha kho madhuraguṇayuttaṃ bhojanamevāti āha ‘‘sampattiyutta’’nti. Kassāti karaṇatthe cetaṃ sāmivacanaṃ, kenāti hi attho. ‘‘Surasa’’ntiiminā sādīyati assādīyatīti sādūti vacanatthassa sarūpaṃ dasseti.
259. ‘‘யோ பன…பே॰… பு⁴ஞ்ஜெய்யா’’தி எத்த² வினிச்ச²யோ ஏவங் வேதி³தப்³போ³தி யோஜனா. ஸுத்³தா⁴னீதி ஓத³னேன அஸங்ஸட்டா²னி. ஓத³னஸங்ஸட்டா²னி ஸப்³பி³ஆதீ³னீதி ஸம்ப³ந்தோ⁴. எத்தா²தி இமஸ்மிங் ஸிக்கா²பதே³. ஹீதி ஸச்சங். ‘‘பணீதஸங்ஸட்டா²னீ’’திஇமினா பணீதேஹி ஸப்³பி³ஆதீ³ஹி ஸங்ஸட்டா²னி போ⁴ஜனானி பணீதபோ⁴ஜனானீதி அத்த²ங் த³ஸ்ஸேதி. ‘‘ஸத்தத⁴ஞ்ஞனிப்³ப³த்தானீ’’தி இமினா போ⁴ஜனானங் ஸரூபங் த³ஸ்ஸேதி.
259. ‘‘Yo pana…pe… bhuñjeyyā’’ti ettha vinicchayo evaṃ veditabboti yojanā. Suddhānīti odanena asaṃsaṭṭhāni. Odanasaṃsaṭṭhāni sabbiādīnīti sambandho. Etthāti imasmiṃ sikkhāpade. Hīti saccaṃ. ‘‘Paṇītasaṃsaṭṭhānī’’tiiminā paṇītehi sabbiādīhi saṃsaṭṭhāni bhojanāni paṇītabhojanānīti atthaṃ dasseti. ‘‘Sattadhaññanibbattānī’’ti iminā bhojanānaṃ sarūpaṃ dasseti.
‘‘ஸப்³பி³னா ப⁴த்த’’ந்திஆதீ³னங் பஞ்சன்னங் விகப்பானங் மஜ்ஜே² தீஸுபி விகப்பேஸு ‘‘ப⁴த்த’’ந்தி யோஜேதப்³ப³ங். ஏவங் வாக்யங் கத்வா விஞ்ஞாபனே ஆபத்திங் த³ஸ்ஸெத்வா ஸமாஸங் கத்வா விஞ்ஞாபனே தங் த³ஸ்ஸெந்தோ ஆஹ ‘‘ஸப்³பி³ப⁴த்தங் தே³ஹீ’’திஆதி³.
‘‘Sabbinā bhatta’’ntiādīnaṃ pañcannaṃ vikappānaṃ majjhe tīsupi vikappesu ‘‘bhatta’’nti yojetabbaṃ. Evaṃ vākyaṃ katvā viññāpane āpattiṃ dassetvā samāsaṃ katvā viññāpane taṃ dassento āha ‘‘sabbibhattaṃ dehī’’tiādi.
இதோதி கா³விதோ லத்³தே⁴னாதி ஸம்ப³ந்தோ⁴. விஸங்கேதந்தி ஸங்கேததோ ஞாபிததோ விக³தங் விரஹிதந்தி அத்தோ². ஹீதி ஸச்சங். இமினா விஸங்கேதஸ்ஸ கு³ணதோ³ஸங் த³ஸ்ஸேதி.
Itoti gāvito laddhenāti sambandho. Visaṅketanti saṅketato ñāpitato vigataṃ virahitanti attho. Hīti saccaṃ. Iminā visaṅketassa guṇadosaṃ dasseti.
கப்பியஸப்³பி³னா தே³ஹீதி கப்பியஸப்³பி³னா ஸங்ஸட்ட²ங் ப⁴த்தங் தே³ஹீதி யோஜனா. ஏஸேவ நயோ ஸேஸேஸுபி. யேன யேனாதி யேன யேன ஸப்³பி³ஆதி³னா. தஸ்மிங் தஸ்ஸாதி எத்தா²பி விச்சா²வஸேன அத்தோ² த³ட்ட²ப்³போ³. பாளியங் ஆக³தஸப்³பி³ நாம கோ³ஸப்³பி³, அஜிகாஸப்³பி³, மஹிங்ஸஸப்³பி³, யேஸங் மங்ஸங் கப்பதி, தேஸங் ஸப்³பி³ ச. நவனீதங் நாம ஏவமேவ. தேலங் நாம திலதேலங், ஸாஸபதேலங், மது⁴கதேலங், ஏரண்ட³தேலங், வஸாதேலஞ்ச. மது⁴ நாம மக்கி²காமது⁴. பா²ணிதங் நாம உச்சு²ம்ஹா நிப்³ப³த்தங். மச்சோ² நாம உத³கசரோ. பாளிஅனாக³தோ மச்சோ² நாம நத்தி². மங்ஸங் நாம யேஸங் மங்ஸங் கப்பதி, தேஸங் மங்ஸங். கீ²ரத³தீ⁴னி ஸப்³பி³ஸதி³ஸானேவ. வுத்தங் யதா² ஏவங் ‘‘நவனீதப⁴த்தங் தே³ஹீ’’திஆதீ³ஸுபி ஸூபோத³னவிஞ்ஞத்திது³க்கடமேவ ஹோதீதி யோஜனா. ஹீதி ஸச்சங். ஸோ சாதி ஸோ சத்தோ². தத்தா²தி தஸ்மிங் அத்தே². கிங் பயோஜனங். நத்தே²வ பயோஜனந்தி அதி⁴ப்பாயோ.
Kappiyasabbinā dehīti kappiyasabbinā saṃsaṭṭhaṃ bhattaṃ dehīti yojanā. Eseva nayo sesesupi. Yena yenāti yena yena sabbiādinā. Tasmiṃ tassāti etthāpi vicchāvasena attho daṭṭhabbo. Pāḷiyaṃ āgatasabbi nāma gosabbi, ajikāsabbi, mahiṃsasabbi, yesaṃ maṃsaṃ kappati, tesaṃ sabbi ca. Navanītaṃ nāma evameva. Telaṃ nāma tilatelaṃ, sāsapatelaṃ, madhukatelaṃ, eraṇḍatelaṃ, vasātelañca. Madhu nāma makkhikāmadhu. Phāṇitaṃ nāma ucchumhā nibbattaṃ. Maccho nāma udakacaro. Pāḷianāgato maccho nāma natthi. Maṃsaṃ nāma yesaṃ maṃsaṃ kappati, tesaṃ maṃsaṃ. Khīradadhīni sabbisadisāneva. Vuttaṃ yathā evaṃ ‘‘navanītabhattaṃ dehī’’tiādīsupi sūpodanaviññattidukkaṭameva hotīti yojanā. Hīti saccaṃ. So cāti so cattho. Tatthāti tasmiṃ atthe. Kiṃ payojanaṃ. Nattheva payojananti adhippāyo.
படிலத்³த⁴ங் போ⁴ஜனந்தி ஸம்ப³ந்தோ⁴. ஏகரஸந்தி ஏககிச்சங். ததோதி நவபணீதபோ⁴ஜனதோ நீஹரித்வாதி ஸம்ப³ந்தோ⁴.
Paṭiladdhaṃ bhojananti sambandho. Ekarasanti ekakiccaṃ. Tatoti navapaṇītabhojanato nīharitvāti sambandho.
ஸப்³பா³னீதி நவ பாசித்தியானி ஸந்தா⁴ய வுத்தங்.
Sabbānīti nava pācittiyāni sandhāya vuttaṃ.
261. உப⁴யேஸம்பீதி பி⁴க்கு²பி⁴க்கு²னீனம்பி. ஸப்³பீ³தி செத்த² யோ நங் பரிபு⁴ஞ்ஜதி, தஸ்ஸ ப³லாயுவட்³ட⁴னத்த²ங் ஸப்³ப³தி க³ச்ச²தி பவத்ததீதி ஸப்³பி³, க⁴தங். ததியக்க²ரேனேவ ஸஜ்ஜா²யிதப்³ப³ங் லிகி²தப்³ப³ஞ்ச . கஸ்மா? ததியக்க²ரட்டா²னேயேவ ஸப்³ப³ க³தியந்தி க³திஅத்த²ஸ்ஸ ஸப்³ப³தா⁴துஸ்ஸ தா⁴துபாடே²ஸு ஆக³தத்தாதி. நவமங்.
261.Ubhayesampīti bhikkhubhikkhunīnampi. Sabbīti cettha yo naṃ paribhuñjati, tassa balāyuvaḍḍhanatthaṃ sabbati gacchati pavattatīti sabbi, ghataṃ. Tatiyakkhareneva sajjhāyitabbaṃ likhitabbañca . Kasmā? Tatiyakkharaṭṭhāneyeva sabba gatiyanti gatiatthassa sabbadhātussa dhātupāṭhesu āgatattāti. Navamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. போ⁴ஜனவக்³கோ³ • 4. Bhojanavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
