| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
9. பணீதபோ⁴ஜனஸிக்கா²பத³வண்ணனா
9. Paṇītabhojanasikkhāpadavaṇṇanā
259. நவமே பணீதஸங்ஸட்டா²னி போ⁴ஜனானி பணீதபோ⁴ஜனானீதி பாளியங் பன போ⁴ஜனானி புப்³பே³ வுத்தத்தா பாகடானீதி அத³ஸ்ஸிதானி, தாதி³ஸேஹி பணீதேஹி மிஸ்ஸத்தா பணீதபோ⁴ஜனானி நாம ஹொந்தி. தேஸங் பபே⁴த³த³ஸ்ஸனத்த²ங் ‘‘ஸெய்யதி²த³ங் ஸப்பி நவனீத’’ந்திஆதி³ வுத்தங். ஸப்பிப⁴த்தந்தி எத்த² கிஞ்சாபி ஸப்பினா ஸங்ஸட்ட²ங் ப⁴த்தங், ஸப்பி ச ப⁴த்தஞ்சாதிபி அத்தோ² விஞ்ஞாயதி, அட்ட²கதா²யங் பன ‘‘ஸாலிப⁴த்தங் விய ஸப்பிப⁴த்தங் நாம நத்தீ²’’திஆதி³னா வுத்தத்தா ந ஸக்கா அஞ்ஞங் வத்து²ங். அட்ட²கதா²சரியா ஏவ ஹி ஈதி³ஸேஸு டா²னேஸு பமாணங்.
259. Navame paṇītasaṃsaṭṭhāni bhojanāni paṇītabhojanānīti pāḷiyaṃ pana bhojanāni pubbe vuttattā pākaṭānīti adassitāni, tādisehi paṇītehi missattā paṇītabhojanāni nāma honti. Tesaṃ pabhedadassanatthaṃ ‘‘seyyathidaṃ sappi navanīta’’ntiādi vuttaṃ. Sappibhattanti ettha kiñcāpi sappinā saṃsaṭṭhaṃ bhattaṃ, sappi ca bhattañcātipi attho viññāyati, aṭṭhakathāyaṃ pana ‘‘sālibhattaṃ viya sappibhattaṃ nāma natthī’’tiādinā vuttattā na sakkā aññaṃ vatthuṃ. Aṭṭhakathācariyā eva hi īdisesu ṭhānesu pamāṇaṃ.
மூலந்தி கப்பியப⁴ண்ட³ங் வுத்தங். தஸ்மா அனாபத்தீதி எத்த² விஸங்கேதேன பாசித்தியாபா⁴வேபி ஸூபோத³னது³க்கடா ந முச்சதீதி வத³ந்தி. ‘‘கப்பியஸப்பினா, அகப்பியஸப்பினா’’தி ச இத³ங் கப்பியாகப்பியமங்ஸஸத்தானங் வஸேன வுத்தங்.
Mūlanti kappiyabhaṇḍaṃ vuttaṃ. Tasmā anāpattīti ettha visaṅketena pācittiyābhāvepi sūpodanadukkaṭā na muccatīti vadanti. ‘‘Kappiyasappinā, akappiyasappinā’’ti ca idaṃ kappiyākappiyamaṃsasattānaṃ vasena vuttaṃ.
261. மஹானாமஸிக்கா²பத³ங் நாம உபரி சாதுமாஸபச்சயபவாரணாஸிக்கா²பத³ங் (பாசி॰ 303 ஆத³யோ). அகி³லானோ ஹி அப்பவாரிதட்டா²னே விஞ்ஞாபெந்தோபி காலபரிச்சே²த³ங், பே⁴ஸஜ்ஜபரிச்சே²த³ங் வா கத்வா ஸங்க⁴வஸேன பவாரிதட்டா²னதோ தது³த்தரி விஞ்ஞாபெந்தேன, பரிச்சே²த³ப்³ப⁴ந்தரேபி ந பே⁴ஸஜ்ஜகரணீயேன ரோகே³ன பே⁴ஸஜ்ஜங் விஞ்ஞாபெந்தேன ச ஸமோ ஹோதீதி ‘‘மஹானாமஸிக்கா²பதே³ன காரேதப்³போ³’’தி வுத்தங். பணீதபோ⁴ஜனதா, அகி³லானதா, அகதவிஞ்ஞத்தியா படிலாபோ⁴, அஜ்ஜோ²ஹரணந்தி இமானெத்த² சத்தாரி அங்கா³னி.
261.Mahānāmasikkhāpadaṃ nāma upari cātumāsapaccayapavāraṇāsikkhāpadaṃ (pāci. 303 ādayo). Agilāno hi appavāritaṭṭhāne viññāpentopi kālaparicchedaṃ, bhesajjaparicchedaṃ vā katvā saṅghavasena pavāritaṭṭhānato taduttari viññāpentena, paricchedabbhantarepi na bhesajjakaraṇīyena rogena bhesajjaṃ viññāpentena ca samo hotīti ‘‘mahānāmasikkhāpadena kāretabbo’’ti vuttaṃ. Paṇītabhojanatā, agilānatā, akataviññattiyā paṭilābho, ajjhoharaṇanti imānettha cattāri aṅgāni.
பணீதபோ⁴ஜனஸிக்கா²பத³வண்ணனா நிட்டி²தா.
Paṇītabhojanasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. போ⁴ஜனவக்³கோ³ • 4. Bhojanavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. பணீதபோ⁴ஜனஸிக்கா²பத³வண்ணனா • 9. Paṇītabhojanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 9. பணீதபோ⁴ஜனஸிக்கா²பத³ங் • 9. Paṇītabhojanasikkhāpadaṃ
