| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
9. бан̣ийд̇абхож̇анасигкаабад̣̇аван̣н̣анаа
9. Paṇītabhojanasikkhāpadavaṇṇanā
259. навамз бан̣ийд̇асам̣садтаани бхож̇анаани бан̣ийд̇абхож̇анаанийд̇и баал̣ияам̣ бана бхож̇анаани буб̣б̣з вуд̇д̇ад̇д̇аа баагадаанийд̇и ад̣̇ассид̇аани, д̇аад̣̇исзхи бан̣ийд̇зхи миссад̇д̇аа бан̣ийд̇абхож̇анаани наама хонд̇и. д̇зсам̣ бабхзд̣̇ад̣̇ассанад̇т̇ам̣ ‘‘сзяяат̇ид̣̇ам̣ сабби наванийд̇а’’нд̇иаад̣̇и вуд̇д̇ам̣. саббибхад̇д̇анд̇и зд̇т̇а гин̃жааби саббинаа сам̣садтам̣ бхад̇д̇ам̣, сабби жа бхад̇д̇ан̃жаад̇иби ад̇т̇о вин̃н̃ааяад̇и, адтагат̇ааяам̣ бана ‘‘саалибхад̇д̇ам̣ вияа саббибхад̇д̇ам̣ наама над̇т̇ий’’д̇иаад̣̇инаа вуд̇д̇ад̇д̇аа на саггаа ан̃н̃ам̣ вад̇т̇ум̣. адтагат̇аажарияаа зва хи ийд̣̇исзсу таанзсу бамаан̣ам̣.
259. Navame paṇītasaṃsaṭṭhāni bhojanāni paṇītabhojanānīti pāḷiyaṃ pana bhojanāni pubbe vuttattā pākaṭānīti adassitāni, tādisehi paṇītehi missattā paṇītabhojanāni nāma honti. Tesaṃ pabhedadassanatthaṃ ‘‘seyyathidaṃ sappi navanīta’’ntiādi vuttaṃ. Sappibhattanti ettha kiñcāpi sappinā saṃsaṭṭhaṃ bhattaṃ, sappi ca bhattañcātipi attho viññāyati, aṭṭhakathāyaṃ pana ‘‘sālibhattaṃ viya sappibhattaṃ nāma natthī’’tiādinā vuttattā na sakkā aññaṃ vatthuṃ. Aṭṭhakathācariyā eva hi īdisesu ṭhānesu pamāṇaṃ.
мууланд̇и габбияабхан̣д̣ам̣ вуд̇д̇ам̣. д̇асмаа анаабад̇д̇ийд̇и зд̇т̇а висан̇гзд̇зна баажид̇д̇ияаабхаавзби суубод̣̇анад̣̇уггадаа на мужжад̇ийд̇и вад̣̇анд̇и. ‘‘габбияасаббинаа, агаббияасаббинаа’’д̇и жа ид̣̇ам̣ габбияаагаббияамам̣сасад̇д̇аанам̣ васзна вуд̇д̇ам̣.
Mūlanti kappiyabhaṇḍaṃ vuttaṃ. Tasmā anāpattīti ettha visaṅketena pācittiyābhāvepi sūpodanadukkaṭā na muccatīti vadanti. ‘‘Kappiyasappinā, akappiyasappinā’’ti ca idaṃ kappiyākappiyamaṃsasattānaṃ vasena vuttaṃ.
261. махаанаамасигкаабад̣̇ам̣ наама убари жаад̇умаасабажжаяабавааран̣аасигкаабад̣̇ам̣ (баажи. 303 аад̣̇аяо). аг̇илаано хи аббаваарид̇адтаанз вин̃н̃аабзнд̇оби гаалабарижчзд̣̇ам̣, бхзсаж̇ж̇абарижчзд̣̇ам̣ ваа гад̇ваа сан̇гхавасзна баваарид̇адтаанад̇о д̇ад̣̇уд̇д̇ари вин̃н̃аабзнд̇зна, барижчзд̣̇аб̣бханд̇арзби на бхзсаж̇ж̇агаран̣ийязна рог̇зна бхзсаж̇ж̇ам̣ вин̃н̃аабзнд̇зна жа само ход̇ийд̇и ‘‘махаанаамасигкаабад̣̇зна гаарзд̇аб̣б̣о’’д̇и вуд̇д̇ам̣. бан̣ийд̇абхож̇анад̇аа, аг̇илаанад̇аа, агад̇авин̃н̃ад̇д̇ияаа бадилаабхо, аж̇жхохаран̣анд̇и имаанзд̇т̇а жад̇д̇аари ан̇г̇аани.
261.Mahānāmasikkhāpadaṃ nāma upari cātumāsapaccayapavāraṇāsikkhāpadaṃ (pāci. 303 ādayo). Agilāno hi appavāritaṭṭhāne viññāpentopi kālaparicchedaṃ, bhesajjaparicchedaṃ vā katvā saṅghavasena pavāritaṭṭhānato taduttari viññāpentena, paricchedabbhantarepi na bhesajjakaraṇīyena rogena bhesajjaṃ viññāpentena ca samo hotīti ‘‘mahānāmasikkhāpadena kāretabbo’’ti vuttaṃ. Paṇītabhojanatā, agilānatā, akataviññattiyā paṭilābho, ajjhoharaṇanti imānettha cattāri aṅgāni.
бан̣ийд̇абхож̇анасигкаабад̣̇аван̣н̣анаа нидтид̇аа.
Paṇītabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. бан̣ийд̇абхож̇анасигкаабад̣̇аван̣н̣анаа • 9. Paṇītabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. бан̣ийд̇абхож̇анасигкаабад̣̇аван̣н̣анаа • 9. Paṇītabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. бан̣ийд̇абхож̇анасигкаабад̣̇аван̣н̣анаа • 9. Paṇītabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. бан̣ийд̇абхож̇анасигкаабад̣̇ам̣ • 9. Paṇītabhojanasikkhāpadaṃ
