| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
9. පණීතභොජනසික්‌ඛාපදවණ්‌ණනා
9. Paṇītabhojanasikkhāpadavaṇṇanā
‘‘තෙසං මංසඤ්‌ච ඛීරදධීනි ච ඉධ අධිප්‌පෙතානී’’ති ඉදං පාචිත්‌තියවත්‌ථුපරිච්‌ඡෙදො, න පන කප්‌පියඛීරාදිපරිච්‌ඡෙදො, තස්‌මා යස්‌ස කස්‌සචි ඛීරාදීනි වට්‌ටන්‌තීති ච, ‘‘මහානාමසික්‌ඛාපදෙන කාරෙතබ්‌බො’’ති සඞ්‌ඝවසෙන පවාරිතෙ භෙසජ්‌ජත්‌ථාය සප්‌පිආදිභෙසජ්‌ජපඤ්‌චකං විඤ්‌ඤාපෙති චෙ, තත්‌ථ ‘‘න භෙසජ්‌ජකරණීයෙන භෙසජ්‌ජං විඤ්‌ඤාපෙතී’’ති එත්‌ථ සඞ්‌ගහං ගච්‌ඡති, තස්‌මා ‘‘තෙන පාචිත්‌තිය’’න්‌ති (වජිර. ටී. පාචිත්‌තිය 261) ච ලිඛිතං.
‘‘Tesaṃ maṃsañca khīradadhīni ca idha adhippetānī’’ti idaṃ pācittiyavatthuparicchedo, na pana kappiyakhīrādiparicchedo, tasmā yassa kassaci khīrādīni vaṭṭantīti ca, ‘‘mahānāmasikkhāpadena kāretabbo’’ti saṅghavasena pavārite bhesajjatthāya sappiādibhesajjapañcakaṃ viññāpeti ce, tattha ‘‘na bhesajjakaraṇīyena bhesajjaṃ viññāpetī’’ti ettha saṅgahaṃ gacchati, tasmā ‘‘tena pācittiya’’nti (vajira. ṭī. pācittiya 261) ca likhitaṃ.
පණීතභොජනසික්‌ඛාපදවණ්‌ණනා නිට්‌ඨිතා.
Paṇītabhojanasikkhāpadavaṇṇanā niṭṭhitā.
