| Library / Tipiṭaka / തിപിടക • Tipiṭaka / കങ്ഖാവിതരണീ-പുരാണ-ടീകാ • Kaṅkhāvitaraṇī-purāṇa-ṭīkā |
൯. പണീതഭോജനസിക്ഖാപദവണ്ണനാ
9. Paṇītabhojanasikkhāpadavaṇṇanā
‘‘തേസം മംസഞ്ച ഖീരദധീനി ച ഇധ അധിപ്പേതാനീ’’തി ഇദം പാചിത്തിയവത്ഥുപരിച്ഛേദോ, ന പന കപ്പിയഖീരാദിപരിച്ഛേദോ, തസ്മാ യസ്സ കസ്സചി ഖീരാദീനി വട്ടന്തീതി ച, ‘‘മഹാനാമസിക്ഖാപദേന കാരേതബ്ബോ’’തി സങ്ഘവസേന പവാരിതേ ഭേസജ്ജത്ഥായ സപ്പിആദിഭേസജ്ജപഞ്ചകം വിഞ്ഞാപേതി ചേ, തത്ഥ ‘‘ന ഭേസജ്ജകരണീയേന ഭേസജ്ജം വിഞ്ഞാപേതീ’’തി ഏത്ഥ സങ്ഗഹം ഗച്ഛതി, തസ്മാ ‘‘തേന പാചിത്തിയ’’ന്തി (വജിര॰ ടീ॰ പാചിത്തിയ ൨൬൧) ച ലിഖിതം.
‘‘Tesaṃ maṃsañca khīradadhīni ca idha adhippetānī’’ti idaṃ pācittiyavatthuparicchedo, na pana kappiyakhīrādiparicchedo, tasmā yassa kassaci khīrādīni vaṭṭantīti ca, ‘‘mahānāmasikkhāpadena kāretabbo’’ti saṅghavasena pavārite bhesajjatthāya sappiādibhesajjapañcakaṃ viññāpeti ce, tattha ‘‘na bhesajjakaraṇīyena bhesajjaṃ viññāpetī’’ti ettha saṅgahaṃ gacchati, tasmā ‘‘tena pācittiya’’nti (vajira. ṭī. pācittiya 261) ca likhitaṃ.
പണീതഭോജനസിക്ഖാപദവണ്ണനാ നിട്ഠിതാ.
Paṇītabhojanasikkhāpadavaṇṇanā niṭṭhitā.
