| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2-50. பணீததரஸுத்தாதி³வண்ணனா
2-50. Paṇītatarasuttādivaṇṇanā
343-391. து³தியாதீ³ஸு வொஸ்ஸட்ட²காயாதி அஹிதுண்டி³கபரிபு³த்³த⁴ங் அக³ணெத்வா விஸ்ஸட்ட²காயா. த்³வயகாரினோதி து³வித⁴காரினோ, குஸலாகுஸலகாரினோதி அத்தோ². ஸசஜ்ஜ மயந்தி ஸசே அஜ்ஜ மயங். ஸஹப்³யதங் உபபஜ்ஜதீதி ஸஹபா⁴வங் ஆபஜ்ஜதி. தத்ரஸ்ஸ அகுஸலங் உபபத்தியா பச்சயோ ஹோதி, குஸலங் உபபன்னானங் ஸம்பத்தியா. அன்னந்தி கா²த³னீயபோ⁴ஜனீயங். பானந்தி யங்கிஞ்சி பானகங். வத்த²ந்தி நிவாஸனபாருபனங். யானந்தி ச²த்துபாஹனங் ஆதி³ங் கத்வா யங்கிஞ்சி க³மனபச்சயங். மாலந்தி யங்கிஞ்சி ஸுமனமாலாதி³புப்ப²ங். க³ந்த⁴ந்தி யங்கிஞ்சி சந்த³னாதி³க³ந்த⁴ங். விலேபனந்தி யங்கிஞ்சி ச²விராக³கரணங். ஸெய்யாவஸத²பதீ³பெய்யந்தி மஞ்சபீடா²தி³ஸெய்யங் ஏகபூ⁴மிகாதி³ஆவஸத²ங் வட்டிதேலாதி³பதீ³பூபகரணஞ்ச தே³தீதி அத்தோ². தேஸஞ்ஹி தீ³கா⁴யுகதாய ச வண்ணவந்ததாய ச ஸுக²ப³ஹுலதாய ச பத்த²னங் கத்வா இமங் த³ஸவித⁴ங் தா³னவத்து²ங் த³த்வா தங் ஸம்பத்திங் அனுப⁴விதுங் தத்த² நிப்³ப³த்தந்தி. ஸேஸங் ஸப்³ப³த்த² உத்தானமேவாதி.
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
நாக³ஸங்யுத்தவண்ணனா நிட்டி²தா.
Nāgasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
2. பணீததரஸுத்தங் • 2. Paṇītatarasuttaṃ
3. உபோஸத²ஸுத்தங் • 3. Uposathasuttaṃ
4. து³தியஉபோஸத²ஸுத்தங் • 4. Dutiyauposathasuttaṃ
5. ததியஉபோஸத²ஸுத்தங் • 5. Tatiyauposathasuttaṃ
6. சதுத்த²உபோஸத²ஸுத்தங் • 6. Catutthauposathasuttaṃ
7. ஸுதஸுத்தங் • 7. Sutasuttaṃ
8. து³தியஸுதஸுத்தங் • 8. Dutiyasutasuttaṃ
9. ததியஸுதஸுத்தங் • 9. Tatiyasutasuttaṃ
10. சதுத்த²ஸுதஸுத்தங் • 10. Catutthasutasuttaṃ
11-20. அண்ட³ஜதா³னூபகாரஸுத்தத³ஸகங் • 11-20. Aṇḍajadānūpakārasuttadasakaṃ
21-50. ஜலாபு³ஜாதி³தா³னூபகாரஸுத்தத்திங்ஸகங் • 21-50. Jalābujādidānūpakārasuttattiṃsakaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
