| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২-৫০. পণীততরসুত্তাদিৰণ্ণনা
2-50. Paṇītatarasuttādivaṇṇanā
৩৪৩-৩৯১. দুতিযাদীসু ৰোস্সট্ঠকাযাতি অহিতুণ্ডিকপরিবুদ্ধং অগণেত্ৰা ৰিস্সট্ঠকাযা। দ্ৰযকারিনোতি দুৰিধকারিনো, কুসলাকুসলকারিনোতি অত্থো। সচজ্জ মযন্তি সচে অজ্জ মযং। সহব্যতং উপপজ্জতীতি সহভাৰং আপজ্জতি। তত্রস্স অকুসলং উপপত্তিযা পচ্চযো হোতি, কুসলং উপপন্নানং সম্পত্তিযা। অন্নন্তি খাদনীযভোজনীযং। পানন্তি যংকিঞ্চি পানকং। ৰত্থন্তি নিৰাসনপারুপনং। যানন্তি ছত্তুপাহনং আদিং কত্ৰা যংকিঞ্চি গমনপচ্চযং। মালন্তি যংকিঞ্চি সুমনমালাদিপুপ্ফং। গন্ধন্তি যংকিঞ্চি চন্দনাদিগন্ধং। ৰিলেপনন্তি যংকিঞ্চি ছৰিরাগকরণং। সেয্যাৰসথপদীপেয্যন্তি মঞ্চপীঠাদিসেয্যং একভূমিকাদিআৰসথং ৰট্টিতেলাদিপদীপূপকরণঞ্চ দেতীতি অত্থো। তেসঞ্হি দীঘাযুকতায চ ৰণ্ণৰন্ততায চ সুখবহুলতায চ পত্থনং কত্ৰা ইমং দসৰিধং দানৰত্থুং দত্ৰা তং সম্পত্তিং অনুভৰিতুং তত্থ নিব্বত্তন্তি। সেসং সব্বত্থ উত্তানমেৰাতি।
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
নাগসংযুত্তৰণ্ণনা নিট্ঠিতা।
Nāgasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
২. পণীততরসুত্তং • 2. Paṇītatarasuttaṃ
৩. উপোসথসুত্তং • 3. Uposathasuttaṃ
৪. দুতিযউপোসথসুত্তং • 4. Dutiyauposathasuttaṃ
৫. ততিযউপোসথসুত্তং • 5. Tatiyauposathasuttaṃ
৬. চতুত্থউপোসথসুত্তং • 6. Catutthauposathasuttaṃ
৭. সুতসুত্তং • 7. Sutasuttaṃ
৮. দুতিযসুতসুত্তং • 8. Dutiyasutasuttaṃ
৯. ততিযসুতসুত্তং • 9. Tatiyasutasuttaṃ
১০. চতুত্থসুতসুত্তং • 10. Catutthasutasuttaṃ
১১-২০. অণ্ডজদানূপকারসুত্তদসকং • 11-20. Aṇḍajadānūpakārasuttadasakaṃ
২১-৫০. জলাবুজাদিদানূপকারসুত্তত্তিংসকং • 21-50. Jalābujādidānūpakārasuttattiṃsakaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
