| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๒-๕๐. ปณีตตรสุตฺตาทิวณฺณนา
2-50. Paṇītatarasuttādivaṇṇanā
๓๔๓-๓๙๑. ทุติยาทีสุ โวสฺสฎฺฐกายาติ อหิตุณฺฑิกปริพุทฺธํ อคเณตฺวา วิสฺสฎฺฐกายาฯ ทฺวยการิโนติ ทุวิธการิโน, กุสลากุสลการิโนติ อโตฺถฯ สจชฺช มยนฺติ สเจ อชฺช มยํฯ สหพฺยตํ อุปปชฺชตีติ สหภาวํ อาปชฺชติฯ ตตฺรสฺส อกุสลํ อุปปตฺติยา ปจฺจโย โหติ, กุสลํ อุปปนฺนานํ สมฺปตฺติยาฯ อนฺนนฺติ ขาทนียโภชนียํฯ ปานนฺติ ยํกิญฺจิ ปานกํฯ วตฺถนฺติ นิวาสนปารุปนํฯ ยานนฺติ ฉตฺตุปาหนํ อาทิํ กตฺวา ยํกิญฺจิ คมนปจฺจยํฯ มาลนฺติ ยํกิญฺจิ สุมนมาลาทิปุปฺผํฯ คนฺธนฺติ ยํกิญฺจิ จนฺทนาทิคนฺธํฯ วิเลปนนฺติ ยํกิญฺจิ ฉวิราคกรณํฯ เสยฺยาวสถปทีเปยฺยนฺติ มญฺจปีฐาทิเสยฺยํ เอกภูมิกาทิอาวสถํ วฎฺฎิเตลาทิปทีปูปกรณญฺจ เทตีติ อโตฺถฯ เตสญฺหิ ทีฆายุกตาย จ วณฺณวนฺตตาย จ สุขพหุลตาย จ ปตฺถนํ กตฺวา อิมํ ทสวิธํ ทานวตฺถุํ ทตฺวา ตํ สมฺปตฺติํ อนุภวิตุํ ตตฺถ นิพฺพตฺตนฺติฯ เสสํ สพฺพตฺถ อุตฺตานเมวาติฯ
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
นาคสํยุตฺตวณฺณนา นิฎฺฐิตาฯ
Nāgasaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๒. ปณีตตรสุตฺตํ • 2. Paṇītatarasuttaṃ
๓. อุโปสถสุตฺตํ • 3. Uposathasuttaṃ
๔. ทุติยอุโปสถสุตฺตํ • 4. Dutiyauposathasuttaṃ
๕. ตติยอุโปสถสุตฺตํ • 5. Tatiyauposathasuttaṃ
๖. จตุตฺถอุโปสถสุตฺตํ • 6. Catutthauposathasuttaṃ
๗. สุตสุตฺตํ • 7. Sutasuttaṃ
๘. ทุติยสุตสุตฺตํ • 8. Dutiyasutasuttaṃ
๙. ตติยสุตสุตฺตํ • 9. Tatiyasutasuttaṃ
๑๐. จตุตฺถสุตสุตฺตํ • 10. Catutthasutasuttaṃ
๑๑-๒๐. อณฺฑชทานูปการสุตฺตทสกํ • 11-20. Aṇḍajadānūpakārasuttadasakaṃ
๒๑-๕๐. ชลาพุชาทิทานูปการสุตฺตตฺติํสกํ • 21-50. Jalābujādidānūpakārasuttattiṃsakaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒-๕๐. ปณีตตรสุตฺตาทิวณฺณนา • 2-50. Paṇītatarasuttādivaṇṇanā
