| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២-៥០. បណីតតរសុត្តាទិវណ្ណនា
2-50. Paṇītatarasuttādivaṇṇanā
៣៤៣-៣៩១. វិស្សដ្ឋកាយាតិ ‘‘យេ ចម្មេន វា រុធិរេន វា អដ្ឋិនា វា អត្ថិកា, តេ សព្ពំ គណ្ហន្តូ’’តិ តត្ថ និរបេក្ខចិត្តតាយ អធិដ្ឋិតសីលតាយ បរិច្ចត្តសរីរា។ ទុវិធការិនោតិ ‘‘កាលេន កុសលំ, កាលេន អកុសល’’ន្តិ ឯវំ កុសលាកុសលការិនោ។ សហ ព្យយតិ បវត្តតីតិ សហព្យោ, សហចារោ។ តស្ស ភាវោ សហព្យតា, តំ សហព្យតំ។ អទនីយតោ អន្នំ។ ខាទនីយតោ ខជ្ជំ។ បាតព្ពតោ បានំ។ និវសនីយតោ វត្ថំ។ និវសិតព្ពំ និវាសនំ។ បរិវរិតព្ពំ បាវុរណំ។ យាន្តិ តេនាតិ យានំ, ឧបាហនាទិយានានិ។ អាទិសទ្ទេន វយ្ហសិវិកាទីនំ សង្គហោ។ ឆត្តម្បិ បរិស្សយាតបទុក្ខបរិរក្ខណេន មគ្គគមនសាធនន្តិ កត្វា ‘‘ឆត្តុបាហន’’ន្តិអាទិ វុត្តំ។ តេន វុត្តំ ‘‘យំ កិញ្ចិ គមនបច្ចយ’’ន្តិ។ បត្ថនំ កត្វា…បេ.… តត្ថ និព្ពត្តន្តិ ចម្បេយ្យនាគរាជា វិយាតិ ទដ្ឋព្ពំ។
343-391.Vissaṭṭhakāyāti ‘‘ye cammena vā rudhirena vā aṭṭhinā vā atthikā, te sabbaṃ gaṇhantū’’ti tattha nirapekkhacittatāya adhiṭṭhitasīlatāya pariccattasarīrā. Duvidhakārinoti ‘‘kālena kusalaṃ, kālena akusala’’nti evaṃ kusalākusalakārino. Saha byayati pavattatīti sahabyo, sahacāro. Tassa bhāvo sahabyatā, taṃ sahabyataṃ. Adanīyato annaṃ. Khādanīyato khajjaṃ. Pātabbato pānaṃ. Nivasanīyato vatthaṃ. Nivasitabbaṃ nivāsanaṃ. Parivaritabbaṃ pāvuraṇaṃ. Yānti tenāti yānaṃ, upāhanādiyānāni. Ādisaddena vayhasivikādīnaṃ saṅgaho. Chattampi parissayātapadukkhaparirakkhaṇena maggagamanasādhananti katvā ‘‘chattupāhana’’ntiādi vuttaṃ. Tena vuttaṃ ‘‘yaṃ kiñci gamanapaccaya’’nti. Patthanaṃ katvā…pe… tattha nibbattanti campeyyanāgarājā viyāti daṭṭhabbaṃ.
បណីតតរសុត្តាទិវណ្ណនា និដ្ឋិតា។
Paṇītatarasuttādivaṇṇanā niṭṭhitā.
នាគសំយុត្តវណ្ណនា និដ្ឋិតា។
Nāgasaṃyuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
២. បណីតតរសុត្តំ • 2. Paṇītatarasuttaṃ
៣. ឧបោសថសុត្តំ • 3. Uposathasuttaṃ
៤. ទុតិយឧបោសថសុត្តំ • 4. Dutiyauposathasuttaṃ
៥. តតិយឧបោសថសុត្តំ • 5. Tatiyauposathasuttaṃ
៦. ចតុត្ថឧបោសថសុត្តំ • 6. Catutthauposathasuttaṃ
៧. សុតសុត្តំ • 7. Sutasuttaṃ
៨. ទុតិយសុតសុត្តំ • 8. Dutiyasutasuttaṃ
៩. តតិយសុតសុត្តំ • 9. Tatiyasutasuttaṃ
១០. ចតុត្ថសុតសុត្តំ • 10. Catutthasutasuttaṃ
១១-២០. អណ្ឌជទានូបការសុត្តទសកំ • 11-20. Aṇḍajadānūpakārasuttadasakaṃ
២១-៥០. ជលាពុជាទិទានូបការសុត្តត្តិំសកំ • 21-50. Jalābujādidānūpakārasuttattiṃsakaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២-៥០. បណីតតរសុត្តាទិវណ្ណនា • 2-50. Paṇītatarasuttādivaṇṇanā
