| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂-၅၀. ပဏီတတရသုတ္တာဒိဝဏ္ဏနာ
2-50. Paṇītatarasuttādivaṇṇanā
၃၄၃-၃၉၁. ဒုတိယာဒီသု ဝောသ္သဋ္ဌကာယာတိ အဟိတုဏ္ဍိကပရိဗုဒ္ဓံ အဂဏေတ္ဝာ ဝိသ္သဋ္ဌကာယာ။ ဒ္ဝယကာရိနောတိ ဒုဝိဓကာရိနော, ကုသလာကုသလကာရိနောတိ အတ္ထော။ သစဇ္ဇ မယန္တိ သစေ အဇ္ဇ မယံ။ သဟဗ္ယတံ ဥပပဇ္ဇတီတိ သဟဘာဝံ အာပဇ္ဇတိ။ တတ္ရသ္သ အကုသလံ ဥပပတ္တိယာ ပစ္စယော ဟောတိ, ကုသလံ ဥပပန္နာနံ သမ္ပတ္တိယာ။ အန္နန္တိ ခာဒနီယဘောဇနီယံ။ ပာနန္တိ ယံကိဉ္စိ ပာနကံ။ ဝတ္ထန္တိ နိဝာသနပာရုပနံ။ ယာနန္တိ ဆတ္တုပာဟနံ အာဒိံ ကတ္ဝာ ယံကိဉ္စိ ဂမနပစ္စယံ။ မာလန္တိ ယံကိဉ္စိ သုမနမာလာဒိပုပ္ဖံ။ ဂန္ဓန္တိ ယံကိဉ္စိ စန္ဒနာဒိဂန္ဓံ။ ဝိလေပနန္တိ ယံကိဉ္စိ ဆဝိရာဂကရဏံ။ သေယ္ယာဝသထပဒီပေယ္ယန္တိ မဉ္စပီဌာဒိသေယ္ယံ ဧကဘူမိကာဒိအာဝသထံ ဝဋ္ဋိတေလာဒိပဒီပူပကရဏဉ္စ ဒေတီတိ အတ္ထော။ တေသဉ္ဟိ ဒီဃာယုကတာယ စ ဝဏ္ဏဝန္တတာယ စ သုခဗဟုလတာယ စ ပတ္ထနံ ကတ္ဝာ ဣမံ ဒသဝိဓံ ဒာနဝတ္ထုံ ဒတ္ဝာ တံ သမ္ပတ္တိံ အနုဘဝိတုံ တတ္ထ နိဗ္ဗတ္တန္တိ။ သေသံ သဗ္ဗတ္ထ ဥတ္တာနမေဝာတိ။
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
နာဂသံယုတ္တဝဏ္ဏနာ နိဋ္ဌိတာ။
Nāgasaṃyuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၂. ပဏီတတရသုတ္တံ • 2. Paṇītatarasuttaṃ
၃. ဥပောသထသုတ္တံ • 3. Uposathasuttaṃ
၄. ဒုတိယဥပောသထသုတ္တံ • 4. Dutiyauposathasuttaṃ
၅. တတိယဥပောသထသုတ္တံ • 5. Tatiyauposathasuttaṃ
၆. စတုတ္ထဥပောသထသုတ္တံ • 6. Catutthauposathasuttaṃ
၇. သုတသုတ္တံ • 7. Sutasuttaṃ
၈. ဒုတိယသုတသုတ္တံ • 8. Dutiyasutasuttaṃ
၉. တတိယသုတသုတ္တံ • 9. Tatiyasutasuttaṃ
၁၀. စတုတ္ထသုတသုတ္တံ • 10. Catutthasutasuttaṃ
၁၁-၂၀. အဏ္ဍဇဒာနူပကာရသုတ္တဒသကံ • 11-20. Aṇḍajadānūpakārasuttadasakaṃ
၂၁-၅၀. ဇလာဗုဇာဒိဒာနူပကာရသုတ္တတ္တိံသကံ • 21-50. Jalābujādidānūpakārasuttattiṃsakaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၅၀. ပဏီတတရသုတ္တာဒိဝဏ္ဏနာ • 2-50. Paṇītatarasuttādivaṇṇanā
