| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨-੫੦. ਪਣੀਤਤਰਸੁਤ੍ਤਾਦਿવਣ੍ਣਨਾ
2-50. Paṇītatarasuttādivaṇṇanā
੩੪੩-੩੯੧. ਦੁਤਿਯਾਦੀਸੁ વੋਸ੍ਸਟ੍ਠਕਾਯਾਤਿ ਅਹਿਤੁਣ੍ਡਿਕਪਰਿਬੁਦ੍ਧਂ ਅਗਣੇਤ੍વਾ વਿਸ੍ਸਟ੍ਠਕਾਯਾ। ਦ੍વਯਕਾਰਿਨੋਤਿ ਦੁવਿਧਕਾਰਿਨੋ, ਕੁਸਲਾਕੁਸਲਕਾਰਿਨੋਤਿ ਅਤ੍ਥੋ। ਸਚਜ੍ਜ ਮਯਨ੍ਤਿ ਸਚੇ ਅਜ੍ਜ ਮਯਂ। ਸਹਬ੍ਯਤਂ ਉਪਪਜ੍ਜਤੀਤਿ ਸਹਭਾવਂ ਆਪਜ੍ਜਤਿ। ਤਤ੍ਰਸ੍ਸ ਅਕੁਸਲਂ ਉਪਪਤ੍ਤਿਯਾ ਪਚ੍ਚਯੋ ਹੋਤਿ, ਕੁਸਲਂ ਉਪਪਨ੍ਨਾਨਂ ਸਮ੍ਪਤ੍ਤਿਯਾ। ਅਨ੍ਨਨ੍ਤਿ ਖਾਦਨੀਯਭੋਜਨੀਯਂ। ਪਾਨਨ੍ਤਿ ਯਂਕਿਞ੍ਚਿ ਪਾਨਕਂ। વਤ੍ਥਨ੍ਤਿ ਨਿવਾਸਨਪਾਰੁਪਨਂ। ਯਾਨਨ੍ਤਿ ਛਤ੍ਤੁਪਾਹਨਂ ਆਦਿਂ ਕਤ੍વਾ ਯਂਕਿਞ੍ਚਿ ਗਮਨਪਚ੍ਚਯਂ। ਮਾਲਨ੍ਤਿ ਯਂਕਿਞ੍ਚਿ ਸੁਮਨਮਾਲਾਦਿਪੁਪ੍ਫਂ। ਗਨ੍ਧਨ੍ਤਿ ਯਂਕਿਞ੍ਚਿ ਚਨ੍ਦਨਾਦਿਗਨ੍ਧਂ। વਿਲੇਪਨਨ੍ਤਿ ਯਂਕਿਞ੍ਚਿ ਛવਿਰਾਗਕਰਣਂ। ਸੇਯ੍ਯਾવਸਥਪਦੀਪੇਯ੍ਯਨ੍ਤਿ ਮਞ੍ਚਪੀਠਾਦਿਸੇਯ੍ਯਂ ਏਕਭੂਮਿਕਾਦਿਆવਸਥਂ વਟ੍ਟਿਤੇਲਾਦਿਪਦੀਪੂਪਕਰਣਞ੍ਚ ਦੇਤੀਤਿ ਅਤ੍ਥੋ। ਤੇਸਞ੍ਹਿ ਦੀਘਾਯੁਕਤਾਯ ਚ વਣ੍ਣવਨ੍ਤਤਾਯ ਚ ਸੁਖਬਹੁਲਤਾਯ ਚ ਪਤ੍ਥਨਂ ਕਤ੍વਾ ਇਮਂ ਦਸવਿਧਂ ਦਾਨવਤ੍ਥੁਂ ਦਤ੍વਾ ਤਂ ਸਮ੍ਪਤ੍ਤਿਂ ਅਨੁਭવਿਤੁਂ ਤਤ੍ਥ ਨਿਬ੍ਬਤ੍ਤਨ੍ਤਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
ਨਾਗਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Nāgasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੨. ਪਣੀਤਤਰਸੁਤ੍ਤਂ • 2. Paṇītatarasuttaṃ
੩. ਉਪੋਸਥਸੁਤ੍ਤਂ • 3. Uposathasuttaṃ
੪. ਦੁਤਿਯਉਪੋਸਥਸੁਤ੍ਤਂ • 4. Dutiyauposathasuttaṃ
੫. ਤਤਿਯਉਪੋਸਥਸੁਤ੍ਤਂ • 5. Tatiyauposathasuttaṃ
੬. ਚਤੁਤ੍ਥਉਪੋਸਥਸੁਤ੍ਤਂ • 6. Catutthauposathasuttaṃ
੭. ਸੁਤਸੁਤ੍ਤਂ • 7. Sutasuttaṃ
੮. ਦੁਤਿਯਸੁਤਸੁਤ੍ਤਂ • 8. Dutiyasutasuttaṃ
੯. ਤਤਿਯਸੁਤਸੁਤ੍ਤਂ • 9. Tatiyasutasuttaṃ
੧੦. ਚਤੁਤ੍ਥਸੁਤਸੁਤ੍ਤਂ • 10. Catutthasutasuttaṃ
੧੧-੨੦. ਅਣ੍ਡਜਦਾਨੂਪਕਾਰਸੁਤ੍ਤਦਸਕਂ • 11-20. Aṇḍajadānūpakārasuttadasakaṃ
੨੧-੫੦. ਜਲਾਬੁਜਾਦਿਦਾਨੂਪਕਾਰਸੁਤ੍ਤਤ੍ਤਿਂਸਕਂ • 21-50. Jalābujādidānūpakārasuttattiṃsakaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੫੦. ਪਣੀਤਤਰਸੁਤ੍ਤਾਦਿવਣ੍ਣਨਾ • 2-50. Paṇītatarasuttādivaṇṇanā
