| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨-൫൦. പണീതതരസുത്താദിവണ്ണനാ
2-50. Paṇītatarasuttādivaṇṇanā
൩൪൩-൩൯൧. ദുതിയാദീസു വോസ്സട്ഠകായാതി അഹിതുണ്ഡികപരിബുദ്ധം അഗണേത്വാ വിസ്സട്ഠകായാ. ദ്വയകാരിനോതി ദുവിധകാരിനോ, കുസലാകുസലകാരിനോതി അത്ഥോ. സചജ്ജ മയന്തി സചേ അജ്ജ മയം. സഹബ്യതം ഉപപജ്ജതീതി സഹഭാവം ആപജ്ജതി. തത്രസ്സ അകുസലം ഉപപത്തിയാ പച്ചയോ ഹോതി, കുസലം ഉപപന്നാനം സമ്പത്തിയാ. അന്നന്തി ഖാദനീയഭോജനീയം. പാനന്തി യംകിഞ്ചി പാനകം. വത്ഥന്തി നിവാസനപാരുപനം. യാനന്തി ഛത്തുപാഹനം ആദിം കത്വാ യംകിഞ്ചി ഗമനപച്ചയം. മാലന്തി യംകിഞ്ചി സുമനമാലാദിപുപ്ഫം. ഗന്ധന്തി യംകിഞ്ചി ചന്ദനാദിഗന്ധം. വിലേപനന്തി യംകിഞ്ചി ഛവിരാഗകരണം. സേയ്യാവസഥപദീപേയ്യന്തി മഞ്ചപീഠാദിസേയ്യം ഏകഭൂമികാദിആവസഥം വട്ടിതേലാദിപദീപൂപകരണഞ്ച ദേതീതി അത്ഥോ. തേസഞ്ഹി ദീഘായുകതായ ച വണ്ണവന്തതായ ച സുഖബഹുലതായ ച പത്ഥനം കത്വാ ഇമം ദസവിധം ദാനവത്ഥും ദത്വാ തം സമ്പത്തിം അനുഭവിതും തത്ഥ നിബ്ബത്തന്തി. സേസം സബ്ബത്ഥ ഉത്താനമേവാതി.
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
നാഗസംയുത്തവണ്ണനാ നിട്ഠിതാ.
Nāgasaṃyuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya
൨. പണീതതരസുത്തം • 2. Paṇītatarasuttaṃ
൩. ഉപോസഥസുത്തം • 3. Uposathasuttaṃ
൪. ദുതിയഉപോസഥസുത്തം • 4. Dutiyauposathasuttaṃ
൫. തതിയഉപോസഥസുത്തം • 5. Tatiyauposathasuttaṃ
൬. ചതുത്ഥഉപോസഥസുത്തം • 6. Catutthauposathasuttaṃ
൭. സുതസുത്തം • 7. Sutasuttaṃ
൮. ദുതിയസുതസുത്തം • 8. Dutiyasutasuttaṃ
൯. തതിയസുതസുത്തം • 9. Tatiyasutasuttaṃ
൧൦. ചതുത്ഥസുതസുത്തം • 10. Catutthasutasuttaṃ
൧൧-൨൦. അണ്ഡജദാനൂപകാരസുത്തദസകം • 11-20. Aṇḍajadānūpakārasuttadasakaṃ
൨൧-൫൦. ജലാബുജാദിദാനൂപകാരസുത്തത്തിംസകം • 21-50. Jalābujādidānūpakārasuttattiṃsakaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨-൫൦. പണീതതരസുത്താദിവണ്ണനാ • 2-50. Paṇītatarasuttādivaṇṇanā
