| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
29. бан̣н̣ад̣̇ааяагаваг̇г̇о
29. Paṇṇadāyakavaggo
1-10. бан̣н̣ад̣̇ааяагад̇т̇зраабад̣̇аанаад̣̇иван̣н̣анаа
1-10. Paṇṇadāyakattheraapadānādivaṇṇanā
1-2. згуунад̇им̣сад̇имз ваг̇г̇з батамаабад̣̇аанз бан̣н̣абхож̇анабхож̇анод̇и кийрабан̣н̣аад̣̇ибхож̇анасса бхун̃ж̇анад̇т̇ааяа бан̣н̣асаалааяа нисинно амхи бхаваамийд̇и ад̇т̇о. убавидтан̃жа мам̣ санд̇анд̇и бан̣н̣асаалааяам̣ убавидтам̣ санд̇ам̣ виж̇ж̇амаанам̣ мам̣. убааг̇ажчи махааисийд̇и маханд̇з сийлаад̣̇иканд̇хз зсанад̇о махааиси. логабаж̇ж̇од̇о логабад̣̇ийбо сид̣̇д̇хад̇т̇о бхаг̇аваа убаг̇ажчи, мама самийбам̣ аг̇амаасийд̇и ад̇т̇о. нисиннасса бан̣н̣асант̇арзд̇и убаг̇анд̇ваа бан̣н̣асант̇арз нисиннасса каад̣̇анад̇т̇ааяа сзд̣̇ид̇ам̣ бан̣н̣ам̣ маяаа д̣̇иннанд̇и самб̣анд̇хо.
1-2. Ekūnatiṃsatime vagge paṭhamāpadāne paṇṇabhojanabhojanoti khīrapaṇṇādibhojanassa bhuñjanatthāya paṇṇasālāya nisinno amhi bhavāmīti attho. Upaviṭṭhañca maṃ santanti paṇṇasālāyaṃ upaviṭṭhaṃ santaṃ vijjamānaṃ maṃ. Upāgacchi mahāisīti mahante sīlādikhandhe esanato mahāisi. Lokapajjoto lokapadīpo siddhattho bhagavā upagacchi, mama samīpaṃ agamāsīti attho. Nisinnassa paṇṇasanthareti upagantvā paṇṇasanthare nisinnassa khādanatthāya seditaṃ paṇṇaṃ mayā dinnanti sambandho.
5-7. д̣̇уд̇ияаабад̣̇аанз синзрусамасанд̇осо д̇харан̣ийсамасаад̣̇исо сид̣̇д̇хад̇т̇о бхаг̇аваад̇и самб̣анд̇хо. вудтахид̇ваа самаад̇химхаад̇и нирод̇хасамаабад̇д̇ид̇о вудтахид̇ваа висум̣ худ̇ваад̇и ад̇т̇о. бхигкааяа мамубадтид̇од̇и бхигкаажааравзлааяа ‘‘аж̇ж̇а мама яо гожи гин̃жи д̣̇аанам̣ д̣̇ад̣̇аад̇и, д̇асса махабпала’’нд̇и жинд̇зд̇ваа нисиннасса мама санд̇игам̣ самийбам̣ убадтид̇о самийбамааг̇ад̇од̇и ад̇т̇о. харийд̇агам̣…бз… паарусагапалаани жаад̇и звам̣ саб̣б̣ам̣ д̇ам̣ палам̣ саб̣б̣алогаанугамбино д̇асса сид̣̇д̇хад̇т̇асса махзсисса маяаа виббасаннзна жзд̇асаа д̣̇иннанд̇и ад̇т̇о.
5-7. Dutiyāpadāne sinerusamasantoso dharaṇīsamasādiso siddhattho bhagavāti sambandho. Vuṭṭhahitvā samādhimhāti nirodhasamāpattito vuṭṭhahitvā visuṃ hutvāti attho. Bhikkhāya mamupaṭṭhitoti bhikkhācāravelāya ‘‘ajja mama yo koci kiñci dānaṃ dadāti, tassa mahapphala’’nti cintetvā nisinnassa mama santikaṃ samīpaṃ upaṭṭhito samīpamāgatoti attho. Harītakaṃ…pe… phārusakaphalāni cāti evaṃ sabbaṃ taṃ phalaṃ sabbalokānukampino tassa siddhatthassa mahesissa mayā vippasannena cetasā dinnanti attho.
11-12. д̇ад̇ияаабад̣̇аанз сийхам̣ яат̇аа ванажаранд̇и ванз жарамаанам̣ сийхарааж̇ам̣ ива жарамаанам̣ сид̣̇д̇хад̇т̇ам̣ бхаг̇аванд̇анд̇и самб̣анд̇хо. нисабхааж̇аанияам̣ яат̇аад̇и васабхо, нисабхо, висабхо, аасабход̇и жад̇д̇ааро г̇аваж̇здтагаа. д̇зсу г̇авасад̇асса ж̇здтаго васабхо, г̇авасахассасса ж̇здтаго нисабхо, г̇авасад̇асахассасса ж̇здтаго висабхо, г̇авагодисад̇асахассасса ж̇здтаго аасабхо. ид̇ха бана аасабхо ‘‘нисабхо’’д̇и вуд̇д̇о, ааж̇аанийяам̣ абхийд̇ам̣ нижжалам̣ усабхарааж̇ам̣ иваад̇и ад̇т̇о. гагуд̇хам̣ виласанд̇ам̣ваад̇и бубпабаллавзхи собхамаанам̣ гагуд̇харугкам̣ ива нараасабхам̣ нараанам̣ аасабхам̣ уд̇д̇амам̣ ааг̇ажчанд̇ам̣ сид̣̇д̇хад̇т̇ам̣ бхаг̇аванд̇ам̣ д̣̇исваа сад̣̇д̇хааяа самбаяуд̇д̇ад̇д̇аа виббасаннзна жзд̇асаа бажжуг̇г̇аманам̣ агаасинд̇и ад̇т̇о.
11-12. Tatiyāpadāne sīhaṃ yathā vanacaranti vane caramānaṃ sīharājaṃ iva caramānaṃ siddhatthaṃ bhagavantanti sambandho. Nisabhājāniyaṃ yathāti vasabho, nisabho, visabho, āsabhoti cattāro gavajeṭṭhakā. Tesu gavasatassa jeṭṭhako vasabho, gavasahassassa jeṭṭhako nisabho, gavasatasahassassa jeṭṭhako visabho, gavakoṭisatasahassassa jeṭṭhako āsabho. Idha pana āsabho ‘‘nisabho’’ti vutto, ājānīyaṃ abhītaṃ niccalaṃ usabharājaṃ ivāti attho. Kakudhaṃ vilasantaṃvāti pupphapallavehi sobhamānaṃ kakudharukkhaṃ iva narāsabhaṃ narānaṃ āsabhaṃ uttamaṃ āgacchantaṃ siddhatthaṃ bhagavantaṃ disvā saddhāya sampayuttattā vippasannena cetasā paccuggamanaṃ akāsinti attho.
жад̇уд̇т̇аабад̣̇аанаад̣̇ийни д̣̇асамаавасаанаани сувин̃н̃зяяаанзваад̇и.
Catutthāpadānādīni dasamāvasānāni suviññeyyānevāti.
згуунад̇им̣сад̇имаваг̇г̇аван̣н̣анаа самад̇д̇аа.
Ekūnatiṃsatimavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
1. бан̣н̣ад̣̇ааяагад̇т̇зраабад̣̇аанам̣ • 1. Paṇṇadāyakattheraapadānaṃ
2. палад̣̇ааяагад̇т̇зраабад̣̇аанам̣ • 2. Phaladāyakattheraapadānaṃ
3. бажжуг̇г̇аманияад̇т̇зраабад̣̇аанам̣ • 3. Paccuggamaniyattheraapadānaṃ
