| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२९. पण्णदायकवग्गो
29. Paṇṇadāyakavaggo
१. पण्णदायकत्थेरअपदानं
1. Paṇṇadāyakattheraapadānaṃ
१.
1.
‘‘पण्णसाले निसिन्नोम्हि, पण्णभोजनभोजनो।
‘‘Paṇṇasāle nisinnomhi, paṇṇabhojanabhojano;
२.
2.
‘‘सिद्धत्थो लोकपज्जोतो, सब्बलोकतिकिच्छको।
‘‘Siddhattho lokapajjoto, sabbalokatikicchako;
३.
3.
‘‘चतुन्नवुतितो कप्पे, यं पण्णमददिं तदा।
‘‘Catunnavutito kappe, yaṃ paṇṇamadadiṃ tadā;
दुग्गतिं नाभिजानामि, पण्णदानस्सिदं फलं॥
Duggatiṃ nābhijānāmi, paṇṇadānassidaṃ phalaṃ.
४.
4.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा पण्णदायको थेरो इमा गाथायो अभासित्थाति।
Itthaṃ sudaṃ āyasmā paṇṇadāyako thero imā gāthāyo abhāsitthāti.
पण्णदायकत्थेरस्सापदानं पठमं।
Paṇṇadāyakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. पण्णदायकत्थेरअपदानादिवण्णना • 1-10. Paṇṇadāyakattheraapadānādivaṇṇanā
