| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಪಣ್ಣದಾಯಕತ್ಥೇರಅಪದಾನಂ
8. Paṇṇadāyakattheraapadānaṃ
೨೮.
28.
‘‘ಪಬ್ಬತೇ ಹಿಮವನ್ತಮ್ಹಿ, ವಾಕಚೀರಧರೋ ಅಹಂ।
‘‘Pabbate himavantamhi, vākacīradharo ahaṃ;
ಅಲೋಣಪಣ್ಣಭಕ್ಖೋಮ್ಹಿ, ನಿಯಮೇಸು ಚ ಸಂವುತೋ॥
Aloṇapaṇṇabhakkhomhi, niyamesu ca saṃvuto.
೨೯.
29.
‘‘ಪಾತರಾಸೇ ಅನುಪ್ಪತ್ತೇ, ಸಿದ್ಧತ್ಥೋ ಉಪಗಚ್ಛಿ ಮಂ।
‘‘Pātarāse anuppatte, siddhattho upagacchi maṃ;
ತಾಹಂ ಬುದ್ಧಸ್ಸ ಪಾದಾಸಿಂ, ಪಸನ್ನೋ ಸೇಹಿ ಪಾಣಿಭಿ॥
Tāhaṃ buddhassa pādāsiṃ, pasanno sehi pāṇibhi.
೩೦.
30.
‘‘ಚತುನ್ನವುತಿತೋ ಕಪ್ಪೇ, ಯಂ ಪಣ್ಣಮದದಿಂ ತದಾ।
‘‘Catunnavutito kappe, yaṃ paṇṇamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಪಣ್ಣದಾನಸ್ಸಿದಂ ಫಲಂ॥
Duggatiṃ nābhijānāmi, paṇṇadānassidaṃ phalaṃ.
೩೧.
31.
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೩೨.
32.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪಣ್ಣದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā paṇṇadāyako thero imā gāthāyo abhāsitthāti.
ಪಣ್ಣದಾಯಕತ್ಥೇರಸ್ಸಾಪದಾನಂ ಅಟ್ಠಮಂ।
Paṇṇadāyakattherassāpadānaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಥೋಮಕತ್ಥೇರಅಪದಾನಾದಿವಣ್ಣನಾ • 1-10. Thomakattheraapadānādivaṇṇanā
