| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. පණ්‌ණදායකත්‌ථෙරඅපදානං
8. Paṇṇadāyakattheraapadānaṃ
28.
28.
‘‘පබ්‌බතෙ හිමවන්‌තම්‌හි, වාකචීරධරො අහං;
‘‘Pabbate himavantamhi, vākacīradharo ahaṃ;
අලොණපණ්‌ණභක්‌ඛොම්‌හි, නියමෙසු ච සංවුතො.
Aloṇapaṇṇabhakkhomhi, niyamesu ca saṃvuto.
29.
29.
‘‘පාතරාසෙ අනුප්‌පත්‌තෙ, සිද්‌ධත්‌ථො උපගච්‌ඡි මං;
‘‘Pātarāse anuppatte, siddhattho upagacchi maṃ;
තාහං බුද්‌ධස්‌ස පාදාසිං, පසන්‌නො සෙහි පාණිභි.
Tāhaṃ buddhassa pādāsiṃ, pasanno sehi pāṇibhi.
30.
30.
‘‘චතුන්‌නවුතිතො කප්‌පෙ, යං පණ්‌ණමදදිං තදා;
‘‘Catunnavutito kappe, yaṃ paṇṇamadadiṃ tadā;
දුග්‌ගතිං නාභිජානාමි, පණ්‌ණදානස්‌සිදං ඵලං.
Duggatiṃ nābhijānāmi, paṇṇadānassidaṃ phalaṃ.
31.
31.
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
32.
32.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පණ්‌ණදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā paṇṇadāyako thero imā gāthāyo abhāsitthāti.
පණ්‌ණදායකත්‌ථෙරස්‌සාපදානං අට්‌ඨමං.
Paṇṇadāyakattherassāpadānaṃ aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. ථොමකත්‌ථෙරඅපදානාදිවණ්‌ණනා • 1-10. Thomakattheraapadānādivaṇṇanā
