| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
15. бан̃н̃аалагкан̣абан̃хо
15. Paññālakkhaṇapañho
15. рааж̇аа ааха ‘‘бханд̇з нааг̇асзна, гим̣лагкан̣аа бан̃н̃аа’’д̇и? ‘‘буб̣б̣зва ко, махаарааж̇а, маяаа вуд̇д̇ам̣ ‘чзд̣̇аналагкан̣аа бан̃н̃аа’д̇и, аби жа обхаасаналагкан̣аа бан̃н̃аа’’д̇и. ‘‘гат̇ам̣, бханд̇з, обхаасаналагкан̣аа бан̃н̃аа’’д̇и? ‘‘бан̃н̃аа, махаарааж̇а, уббаж̇ж̇амаанаа авиж̇ж̇анд̇хагаарам̣ вид̇хамзд̇и, виж̇ж̇обхаасам̣ ж̇анзд̇и, н̃аан̣аалогам̣ вид̣̇ам̣сзд̇и, арияасажжаани баагадаани гарод̇и. д̇ад̇о яог̇ааважаро ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа саммаббан̃н̃ааяа бассад̇ий’’д̇и.
15. Rājā āha ‘‘bhante nāgasena, kiṃlakkhaṇā paññā’’ti? ‘‘Pubbeva kho, mahārāja, mayā vuttaṃ ‘chedanalakkhaṇā paññā’ti, api ca obhāsanalakkhaṇā paññā’’ti. ‘‘Kathaṃ, bhante, obhāsanalakkhaṇā paññā’’ti? ‘‘Paññā, mahārāja, uppajjamānā avijjandhakāraṃ vidhameti, vijjobhāsaṃ janeti, ñāṇālokaṃ vidaṃseti, ariyasaccāni pākaṭāni karoti. Tato yogāvacaro ‘anicca’nti vā ‘dukkha’nti vā ‘anattā’ti vā sammappaññāya passatī’’ti.
‘‘обаммам̣ гарохий’’д̇и. ‘‘яат̇аа, махаарааж̇а, бурисо анд̇хагаарз г̇зхз бад̣̇ийбам̣ бавзсзяяа, бавидто бад̣̇ийбо анд̇хагаарам̣ вид̇хамзд̇и, обхаасам̣ ж̇анзд̇и, аалогам̣ вид̣̇ам̣сзд̇и, руубаани баагадаани гарод̇и. звамзва ко, махаарааж̇а, бан̃н̃аа уббаж̇ж̇амаанаа авиж̇ж̇анд̇хагаарам̣ вид̇хамзд̇и, виж̇ж̇обхаасам̣ ж̇анзд̇и, н̃аан̣аалогам̣ вид̣̇ам̣сзд̇и, арияасажжаани баагадаани гарод̇и. д̇ад̇о яог̇ааважаро ‘анижжа’нд̇и ваа ‘д̣̇угка’нд̇и ваа ‘анад̇д̇аа’д̇и ваа саммаббан̃н̃ааяа бассад̇и. звам̣ ко, махаарааж̇а, обхаасаналагкан̣аа бан̃н̃аа’’д̇и.
‘‘Opammaṃ karohī’’ti. ‘‘Yathā, mahārāja, puriso andhakāre gehe padīpaṃ paveseyya, paviṭṭho padīpo andhakāraṃ vidhameti, obhāsaṃ janeti, ālokaṃ vidaṃseti, rūpāni pākaṭāni karoti. Evameva kho, mahārāja, paññā uppajjamānā avijjandhakāraṃ vidhameti, vijjobhāsaṃ janeti, ñāṇālokaṃ vidaṃseti, ariyasaccāni pākaṭāni karoti. Tato yogāvacaro ‘anicca’nti vā ‘dukkha’nti vā ‘anattā’ti vā sammappaññāya passati. Evaṃ kho, mahārāja, obhāsanalakkhaṇā paññā’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
бан̃н̃аалагкан̣абан̃хо баннарасамо.
Paññālakkhaṇapañho pannarasamo.
