| Library / Tipiṭaka / තිපිටක • Tipiṭaka / ඉතිවුත්‌තකපාළි • Itivuttakapāḷi |
4. පඤ්‌ඤාපරිහීනසුත්‌තං
4. Paññāparihīnasuttaṃ
41. වුත්‌තඤ්‌හෙතං භගවතා, වුත්‌තමරහතාති මෙ සුතං –
41. Vuttañhetaṃ bhagavatā, vuttamarahatāti me sutaṃ –
‘‘තෙ, භික්‌ඛවෙ, සත්‌තා සුපරිහීනා යෙ අරියාය පඤ්‌ඤාය පරිහීනා. තෙ දිට්‌ඨෙව ධම්‌මෙ දුක්‌ඛං විහරන්‌ති සවිඝාතං සඋපායාසං සපරිළාහං; කායස්‌ස භෙදා පරං මරණා දුග්‌ගති පාටිකඞ්‌ඛා. තෙ 1, භික්‌ඛවෙ, සත්‌තා අපරිහීනා යෙ අරියාය පඤ්‌ඤාය අපරිහීනා. තෙ දිට්‌ඨෙව ධම්‌මෙ සුඛං විහරන්‌ති අවිඝාතං අනුපායාසං අපරිළාහං; කායස්‌ස භෙදා පරං මරණා සුගති පාටිකඞ්‌ඛා’’ති. එතමත්‌ථං භගවා අවොච. තත්‌ථෙතං ඉති වුච්‌චති –
‘‘Te, bhikkhave, sattā suparihīnā ye ariyāya paññāya parihīnā. Te diṭṭheva dhamme dukkhaṃ viharanti savighātaṃ saupāyāsaṃ sapariḷāhaṃ; kāyassa bhedā paraṃ maraṇā duggati pāṭikaṅkhā. Te 2, bhikkhave, sattā aparihīnā ye ariyāya paññāya aparihīnā. Te diṭṭheva dhamme sukhaṃ viharanti avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
‘‘පඤ්‌ඤාය පරිහානෙන, පස්‌ස ලොකං සදෙවකං;
‘‘Paññāya parihānena, passa lokaṃ sadevakaṃ;
නිවිට්‌ඨං නාමරූපස්‌මිං, ඉදං සච්‌චන්‌ති මඤ්‌ඤති.
Niviṭṭhaṃ nāmarūpasmiṃ, idaṃ saccanti maññati.
‘‘පඤ්‌ඤා හි සෙට්‌ඨා ලොකස්‌මිං, යායං නිබ්‌බෙධගාමිනී;
‘‘Paññā hi seṭṭhā lokasmiṃ, yāyaṃ nibbedhagāminī;
යාය සම්‌මා පජානාති, ජාතිභවපරික්‌ඛයං.
Yāya sammā pajānāti, jātibhavaparikkhayaṃ.
‘‘තෙසං දෙවා මනුස්‌සා ච, සම්‌බුද්‌ධානං සතීමතං;
‘‘Tesaṃ devā manussā ca, sambuddhānaṃ satīmataṃ;
අයම්‌පි අත්‌ථො වුත්‌තො භගවතා, ඉති මෙ සුතන්‌ති. චතුත්‌ථං.
Ayampi attho vutto bhagavatā, iti me sutanti. Catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඉතිවුත්‌තක-අට්‌ඨකථා • Itivuttaka-aṭṭhakathā / 4. පඤ්‌ඤාපරිහීනසුත්‌තවණ්‌ණනා • 4. Paññāparihīnasuttavaṇṇanā
