| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੪. ਪਞ੍ਞਾਪਰਿਹੀਨਸੁਤ੍ਤਂ
4. Paññāparihīnasuttaṃ
੪੧. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
41. Vuttañhetaṃ bhagavatā, vuttamarahatāti me sutaṃ –
‘‘ਤੇ, ਭਿਕ੍ਖવੇ, ਸਤ੍ਤਾ ਸੁਪਰਿਹੀਨਾ ਯੇ ਅਰਿਯਾਯ ਪਞ੍ਞਾਯ ਪਰਿਹੀਨਾ। ਤੇ ਦਿਟ੍ਠੇવ ਧਮ੍ਮੇ ਦੁਕ੍ਖਂ વਿਹਰਨ੍ਤਿ ਸવਿਘਾਤਂ ਸਉਪਾਯਾਸਂ ਸਪਰਿਲ਼ਾਹਂ; ਕਾਯਸ੍ਸ ਭੇਦਾ ਪਰਂ ਮਰਣਾ ਦੁਗ੍ਗਤਿ ਪਾਟਿਕਙ੍ਖਾ। ਤੇ 1, ਭਿਕ੍ਖવੇ, ਸਤ੍ਤਾ ਅਪਰਿਹੀਨਾ ਯੇ ਅਰਿਯਾਯ ਪਞ੍ਞਾਯ ਅਪਰਿਹੀਨਾ। ਤੇ ਦਿਟ੍ਠੇવ ਧਮ੍ਮੇ ਸੁਖਂ વਿਹਰਨ੍ਤਿ ਅવਿਘਾਤਂ ਅਨੁਪਾਯਾਸਂ ਅਪਰਿਲ਼ਾਹਂ; ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿ ਪਾਟਿਕਙ੍ਖਾ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Te, bhikkhave, sattā suparihīnā ye ariyāya paññāya parihīnā. Te diṭṭheva dhamme dukkhaṃ viharanti savighātaṃ saupāyāsaṃ sapariḷāhaṃ; kāyassa bhedā paraṃ maraṇā duggati pāṭikaṅkhā. Te 2, bhikkhave, sattā aparihīnā ye ariyāya paññāya aparihīnā. Te diṭṭheva dhamme sukhaṃ viharanti avighātaṃ anupāyāsaṃ apariḷāhaṃ; kāyassa bhedā paraṃ maraṇā sugati pāṭikaṅkhā’’ti. Etamatthaṃ bhagavā avoca. Tatthetaṃ iti vuccati –
‘‘ਪਞ੍ਞਾਯ ਪਰਿਹਾਨੇਨ, ਪਸ੍ਸ ਲੋਕਂ ਸਦੇવਕਂ।
‘‘Paññāya parihānena, passa lokaṃ sadevakaṃ;
ਨਿવਿਟ੍ਠਂ ਨਾਮਰੂਪਸ੍ਮਿਂ, ਇਦਂ ਸਚ੍ਚਨ੍ਤਿ ਮਞ੍ਞਤਿ॥
Niviṭṭhaṃ nāmarūpasmiṃ, idaṃ saccanti maññati.
‘‘ਪਞ੍ਞਾ ਹਿ ਸੇਟ੍ਠਾ ਲੋਕਸ੍ਮਿਂ, ਯਾਯਂ ਨਿਬ੍ਬੇਧਗਾਮਿਨੀ।
‘‘Paññā hi seṭṭhā lokasmiṃ, yāyaṃ nibbedhagāminī;
ਯਾਯ ਸਮ੍ਮਾ ਪਜਾਨਾਤਿ, ਜਾਤਿਭવਪਰਿਕ੍ਖਯਂ॥
Yāya sammā pajānāti, jātibhavaparikkhayaṃ.
‘‘ਤੇਸਂ ਦੇવਾ ਮਨੁਸ੍ਸਾ ਚ, ਸਮ੍ਬੁਦ੍ਧਾਨਂ ਸਤੀਮਤਂ।
‘‘Tesaṃ devā manussā ca, sambuddhānaṃ satīmataṃ;
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਚਤੁਤ੍ਥਂ।
Ayampi attho vutto bhagavatā, iti me sutanti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੪. ਪਞ੍ਞਾਪਰਿਹੀਨਸੁਤ੍ਤવਣ੍ਣਨਾ • 4. Paññāparihīnasuttavaṇṇanā
