| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
२-४. पञ्ञासुत्तादिवण्णना
2-4. Paññāsuttādivaṇṇanā
२-४. दुतिये आदिब्रह्मचरियिकायाति आदिब्रह्मचरियमेव आदिब्रह्मचरियिका। तेनाह ‘‘मग्गब्रह्मचरियस्स आदिभूताया’’ति। अरियोति निद्दोसो परिसुद्धो। तुण्हीभावो न तित्थियानं मूगब्बतगहणं विय अपरिसुद्धोति अरियो तुण्हीभावो। चतुत्थज्झानन्ति उक्कट्ठनिद्देसेनेतं वुत्तं, पठमज्झानादीनिपि अरियो तुण्हीभावोत्वेव सङ्खं गच्छन्ति। जानन्ति इदं कम्मसाधनन्ति आह ‘‘जानितब्बकं जानाती’’ति। यथा वा एकच्चो विपरीतं गण्हन्तो जानन्तोपि न जानाति, पस्सन्तोपि न पस्सति, न एवमयं। अयं पन जानन्तो जानाति, पस्सन्तो पस्सतीति एवमेत्थ दट्ठब्बो। ततियादीनि सुविञ्ञेय्यानि।
2-4. Dutiye ādibrahmacariyikāyāti ādibrahmacariyameva ādibrahmacariyikā. Tenāha ‘‘maggabrahmacariyassa ādibhūtāyā’’ti. Ariyoti niddoso parisuddho. Tuṇhībhāvo na titthiyānaṃ mūgabbatagahaṇaṃ viya aparisuddhoti ariyo tuṇhībhāvo. Catutthajjhānanti ukkaṭṭhaniddesenetaṃ vuttaṃ, paṭhamajjhānādīnipi ariyo tuṇhībhāvotveva saṅkhaṃ gacchanti. Jānanti idaṃ kammasādhananti āha ‘‘jānitabbakaṃ jānātī’’ti. Yathā vā ekacco viparītaṃ gaṇhanto jānantopi na jānāti, passantopi na passati, na evamayaṃ. Ayaṃ pana jānanto jānāti, passanto passatīti evamettha daṭṭhabbo. Tatiyādīni suviññeyyāni.
पञ्ञासुत्तादिवण्णना निट्ठिता।
Paññāsuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
२. पञ्ञासुत्तं • 2. Paññāsuttaṃ
३. पठमअप्पियसुत्तं • 3. Paṭhamaappiyasuttaṃ
४. दुतियअप्पियसुत्तं • 4. Dutiyaappiyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
२. पञ्ञासुत्तवण्णना • 2. Paññāsuttavaṇṇanā
३-४. अप्पियसुत्तद्वयवण्णना • 3-4. Appiyasuttadvayavaṇṇanā
