| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
២-៤. បញ្ញាសុត្តាទិវណ្ណនា
2-4. Paññāsuttādivaṇṇanā
២-៤. ទុតិយេ អាទិព្រហ្មចរិយិកាយាតិ អាទិព្រហ្មចរិយមេវ អាទិព្រហ្មចរិយិកា។ តេនាហ ‘‘មគ្គព្រហ្មចរិយស្ស អាទិភូតាយា’’តិ។ អរិយោតិ និទ្ទោសោ បរិសុទ្ធោ។ តុណ្ហីភាវោ ន តិត្ថិយានំ មូគព្ពតគហណំ វិយ អបរិសុទ្ធោតិ អរិយោ តុណ្ហីភាវោ។ ចតុត្ថជ្ឈានន្តិ ឧក្កដ្ឋនិទ្ទេសេនេតំ វុត្តំ, បឋមជ្ឈានាទីនិបិ អរិយោ តុណ្ហីភាវោត្វេវ សង្ខំ គច្ឆន្តិ។ ជានន្តិ ឥទំ កម្មសាធនន្តិ អាហ ‘‘ជានិតព្ពកំ ជានាតី’’តិ។ យថា វា ឯកច្ចោ វិបរីតំ គណ្ហន្តោ ជានន្តោបិ ន ជានាតិ, បស្សន្តោបិ ន បស្សតិ, ន ឯវមយំ។ អយំ បន ជានន្តោ ជានាតិ, បស្សន្តោ បស្សតីតិ ឯវមេត្ថ ទដ្ឋព្ពោ។ តតិយាទីនិ សុវិញ្ញេយ្យានិ។
2-4. Dutiye ādibrahmacariyikāyāti ādibrahmacariyameva ādibrahmacariyikā. Tenāha ‘‘maggabrahmacariyassa ādibhūtāyā’’ti. Ariyoti niddoso parisuddho. Tuṇhībhāvo na titthiyānaṃ mūgabbatagahaṇaṃ viya aparisuddhoti ariyo tuṇhībhāvo. Catutthajjhānanti ukkaṭṭhaniddesenetaṃ vuttaṃ, paṭhamajjhānādīnipi ariyo tuṇhībhāvotveva saṅkhaṃ gacchanti. Jānanti idaṃ kammasādhananti āha ‘‘jānitabbakaṃ jānātī’’ti. Yathā vā ekacco viparītaṃ gaṇhanto jānantopi na jānāti, passantopi na passati, na evamayaṃ. Ayaṃ pana jānanto jānāti, passanto passatīti evamettha daṭṭhabbo. Tatiyādīni suviññeyyāni.
បញ្ញាសុត្តាទិវណ្ណនា និដ្ឋិតា។
Paññāsuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
២. បញ្ញាសុត្តំ • 2. Paññāsuttaṃ
៣. បឋមអប្បិយសុត្តំ • 3. Paṭhamaappiyasuttaṃ
៤. ទុតិយអប្បិយសុត្តំ • 4. Dutiyaappiyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
២. បញ្ញាសុត្តវណ្ណនា • 2. Paññāsuttavaṇṇanā
៣-៤. អប្បិយសុត្តទ្វយវណ្ណនា • 3-4. Appiyasuttadvayavaṇṇanā
