| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. པཉྙཱསུཏྟཾ
5. Paññāsuttaṃ
༢༥. ‘‘ཡཏོ ཁོ, བྷིཀྑཝེ, བྷིཀྑུནོ པཉྙཱཡ ཙིཏྟཾ སུཔརིཙིཏཾ ཧོཏི, ཏསྶེཏཾ, བྷིཀྑཝེ, བྷིཀྑུནོ ཀལླཾ ཝཙནཱཡ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི།
25. ‘‘Yato kho, bhikkhave, bhikkhuno paññāya cittaṃ suparicitaṃ hoti, tassetaṃ, bhikkhave, bhikkhuno kallaṃ vacanāya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti.
‘‘ཀཐཉྩ , བྷིཀྑཝེ, བྷིཀྑུནོ པཉྙཱཡ ཙིཏྟཾ སུཔརིཙིཏཾ ཧོཏི? ‘ཝཱིཏརཱགཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཝཱིཏདོསཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཝཱིཏམོཧཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨསརཱགདྷམྨཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨསདོསདྷམྨཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨསམོཧདྷམྨཾ མེ ཙིཏྟ’ནྟི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ ཀཱམབྷཝཱཡཱ’ཏི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ རཱུཔབྷཝཱཡཱ’ཏི པཉྙཱཡ ཙིཏྟཾ སུཔརིཙིཏཾ ཧོཏི; ‘ཨནཱཝཏྟིདྷམྨཾ མེ ཙིཏྟཾ ཨརཱུཔབྷཝཱཡཱ’ཏི པཉྙཱཡ ཙིཏྟཾ སུཔརིཙིཏཾ ཧོཏི། ཡཏོ ཁོ, བྷིཀྑཝེ, བྷིཀྑུནོ པཉྙཱཡ ཙིཏྟཾ སུཔརིཙིཏཾ ཧོཏི, ཏསྶེཏཾ, བྷིཀྑཝེ, བྷིཀྑུནོ ཀལླཾ ཝཙནཱཡ – ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱཏི པཛཱནཱམཱི’’’ཏི། པཉྩམཾ།
‘‘Kathañca , bhikkhave, bhikkhuno paññāya cittaṃ suparicitaṃ hoti? ‘Vītarāgaṃ me citta’nti paññāya cittaṃ suparicitaṃ hoti; ‘vītadosaṃ me citta’nti paññāya cittaṃ suparicitaṃ hoti; ‘vītamohaṃ me citta’nti paññāya cittaṃ suparicitaṃ hoti; ‘asarāgadhammaṃ me citta’nti paññāya cittaṃ suparicitaṃ hoti; ‘asadosadhammaṃ me citta’nti paññāya cittaṃ suparicitaṃ hoti; ‘asamohadhammaṃ me citta’nti paññāya cittaṃ suparicitaṃ hoti; ‘anāvattidhammaṃ me cittaṃ kāmabhavāyā’ti paññāya cittaṃ suparicitaṃ hoti; ‘anāvattidhammaṃ me cittaṃ rūpabhavāyā’ti paññāya cittaṃ suparicitaṃ hoti; ‘anāvattidhammaṃ me cittaṃ arūpabhavāyā’ti paññāya cittaṃ suparicitaṃ hoti. Yato kho, bhikkhave, bhikkhuno paññāya cittaṃ suparicitaṃ hoti, tassetaṃ, bhikkhave, bhikkhuno kallaṃ vacanāya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥. པཉྙཱསུཏྟཝཎྞནཱ • 5. Paññāsuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༥. སཏྟཱཝཱསསུཏྟཱདིཝཎྞནཱ • 4-5. Sattāvāsasuttādivaṇṇanā
