| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਪਞ੍ਞਾਸੁਤ੍ਤਂ
5. Paññāsuttaṃ
੨੫. ‘‘ਯਤੋ ਖੋ, ਭਿਕ੍ਖવੇ, ਭਿਕ੍ਖੁਨੋ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ, ਤਸ੍ਸੇਤਂ, ਭਿਕ੍ਖવੇ, ਭਿਕ੍ਖੁਨੋ ਕਲ੍ਲਂ વਚਨਾਯ – ‘ਖੀਣਾ ਜਾਤਿ, વੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾਤਿ ਪਜਾਨਾਮੀ’’’ਤਿ।
25. ‘‘Yato kho, bhikkhave, bhikkhuno paññāya cittaṃ suparicitaṃ hoti, tassetaṃ, bhikkhave, bhikkhuno kallaṃ vacanāya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti.
‘‘ਕਥਞ੍ਚ , ਭਿਕ੍ਖવੇ, ਭਿਕ੍ਖੁਨੋ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ? ‘વੀਤਰਾਗਂ ਮੇ ਚਿਤ੍ਤ’ਨ੍ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘વੀਤਦੋਸਂ ਮੇ ਚਿਤ੍ਤ’ਨ੍ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘વੀਤਮੋਹਂ ਮੇ ਚਿਤ੍ਤ’ਨ੍ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘ਅਸਰਾਗਧਮ੍ਮਂ ਮੇ ਚਿਤ੍ਤ’ਨ੍ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘ਅਸਦੋਸਧਮ੍ਮਂ ਮੇ ਚਿਤ੍ਤ’ਨ੍ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘ਅਸਮੋਹਧਮ੍ਮਂ ਮੇ ਚਿਤ੍ਤ’ਨ੍ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘ਅਨਾવਤ੍ਤਿਧਮ੍ਮਂ ਮੇ ਚਿਤ੍ਤਂ ਕਾਮਭવਾਯਾ’ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘ਅਨਾવਤ੍ਤਿਧਮ੍ਮਂ ਮੇ ਚਿਤ੍ਤਂ ਰੂਪਭવਾਯਾ’ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ; ‘ਅਨਾવਤ੍ਤਿਧਮ੍ਮਂ ਮੇ ਚਿਤ੍ਤਂ ਅਰੂਪਭવਾਯਾ’ਤਿ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ। ਯਤੋ ਖੋ, ਭਿਕ੍ਖવੇ, ਭਿਕ੍ਖੁਨੋ ਪਞ੍ਞਾਯ ਚਿਤ੍ਤਂ ਸੁਪਰਿਚਿਤਂ ਹੋਤਿ, ਤਸ੍ਸੇਤਂ, ਭਿਕ੍ਖવੇ, ਭਿਕ੍ਖੁਨੋ ਕਲ੍ਲਂ વਚਨਾਯ – ‘ਖੀਣਾ ਜਾਤਿ, વੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾਤਿ ਪਜਾਨਾਮੀ’’’ਤਿ। ਪਞ੍ਚਮਂ।
‘‘Kathañca , bhikkhave, bhikkhuno paññāya cittaṃ suparicitaṃ hoti? ‘Vītarāgaṃ me citta’nti paññāya cittaṃ suparicitaṃ hoti; ‘vītadosaṃ me citta’nti paññāya cittaṃ suparicitaṃ hoti; ‘vītamohaṃ me citta’nti paññāya cittaṃ suparicitaṃ hoti; ‘asarāgadhammaṃ me citta’nti paññāya cittaṃ suparicitaṃ hoti; ‘asadosadhammaṃ me citta’nti paññāya cittaṃ suparicitaṃ hoti; ‘asamohadhammaṃ me citta’nti paññāya cittaṃ suparicitaṃ hoti; ‘anāvattidhammaṃ me cittaṃ kāmabhavāyā’ti paññāya cittaṃ suparicitaṃ hoti; ‘anāvattidhammaṃ me cittaṃ rūpabhavāyā’ti paññāya cittaṃ suparicitaṃ hoti; ‘anāvattidhammaṃ me cittaṃ arūpabhavāyā’ti paññāya cittaṃ suparicitaṃ hoti. Yato kho, bhikkhave, bhikkhuno paññāya cittaṃ suparicitaṃ hoti, tassetaṃ, bhikkhave, bhikkhuno kallaṃ vacanāya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti. Pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਪਞ੍ਞਾਸੁਤ੍ਤવਣ੍ਣਨਾ • 5. Paññāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੫. ਸਤ੍ਤਾવਾਸਸੁਤ੍ਤਾਦਿવਣ੍ਣਨਾ • 4-5. Sattāvāsasuttādivaṇṇanā
