| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൫. പഞ്ഞാസുത്തം
5. Paññāsuttaṃ
൨൫. ‘‘യതോ ഖോ, ഭിക്ഖവേ, ഭിക്ഖുനോ പഞ്ഞായ ചിത്തം സുപരിചിതം ഹോതി, തസ്സേതം, ഭിക്ഖവേ, ഭിക്ഖുനോ കല്ലം വചനായ – ‘ഖീണാ ജാതി, വുസിതം ബ്രഹ്മചരിയം, കതം കരണീയം, നാപരം ഇത്ഥത്തായാതി പജാനാമീ’’’തി.
25. ‘‘Yato kho, bhikkhave, bhikkhuno paññāya cittaṃ suparicitaṃ hoti, tassetaṃ, bhikkhave, bhikkhuno kallaṃ vacanāya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti.
‘‘കഥഞ്ച , ഭിക്ഖവേ, ഭിക്ഖുനോ പഞ്ഞായ ചിത്തം സുപരിചിതം ഹോതി? ‘വീതരാഗം മേ ചിത്ത’ന്തി പഞ്ഞായ ചിത്തം സുപരിചിതം ഹോതി; ‘വീതദോസം മേ ചിത്ത’ന്തി പഞ്ഞായ ചിത്തം സുപരിചിതം ഹോതി; ‘വീതമോഹം മേ ചിത്ത’ന്തി പഞ്ഞായ ചിത്തം സുപരിചിതം ഹോതി; ‘അസരാഗധമ്മം മേ ചിത്ത’ന്തി പഞ്ഞായ ചിത്തം സുപരിചിതം ഹോതി; ‘അസദോസധമ്മം മേ ചിത്ത’ന്തി പഞ്ഞായ ചിത്തം സുപരിചിതം ഹോതി; ‘അസമോഹധമ്മം മേ ചിത്ത’ന്തി പഞ്ഞായ ചിത്തം സുപരിചിതം ഹോതി; ‘അനാവത്തിധമ്മം മേ ചിത്തം കാമഭവായാ’തി പഞ്ഞായ ചിത്തം സുപരിചിതം ഹോതി; ‘അനാവത്തിധമ്മം മേ ചിത്തം രൂപഭവായാ’തി പഞ്ഞായ ചിത്തം സുപരിചിതം ഹോതി; ‘അനാവത്തിധമ്മം മേ ചിത്തം അരൂപഭവായാ’തി പഞ്ഞായ ചിത്തം സുപരിചിതം ഹോതി. യതോ ഖോ, ഭിക്ഖവേ, ഭിക്ഖുനോ പഞ്ഞായ ചിത്തം സുപരിചിതം ഹോതി, തസ്സേതം, ഭിക്ഖവേ, ഭിക്ഖുനോ കല്ലം വചനായ – ‘ഖീണാ ജാതി, വുസിതം ബ്രഹ്മചരിയം, കതം കരണീയം, നാപരം ഇത്ഥത്തായാതി പജാനാമീ’’’തി. പഞ്ചമം.
‘‘Kathañca , bhikkhave, bhikkhuno paññāya cittaṃ suparicitaṃ hoti? ‘Vītarāgaṃ me citta’nti paññāya cittaṃ suparicitaṃ hoti; ‘vītadosaṃ me citta’nti paññāya cittaṃ suparicitaṃ hoti; ‘vītamohaṃ me citta’nti paññāya cittaṃ suparicitaṃ hoti; ‘asarāgadhammaṃ me citta’nti paññāya cittaṃ suparicitaṃ hoti; ‘asadosadhammaṃ me citta’nti paññāya cittaṃ suparicitaṃ hoti; ‘asamohadhammaṃ me citta’nti paññāya cittaṃ suparicitaṃ hoti; ‘anāvattidhammaṃ me cittaṃ kāmabhavāyā’ti paññāya cittaṃ suparicitaṃ hoti; ‘anāvattidhammaṃ me cittaṃ rūpabhavāyā’ti paññāya cittaṃ suparicitaṃ hoti; ‘anāvattidhammaṃ me cittaṃ arūpabhavāyā’ti paññāya cittaṃ suparicitaṃ hoti. Yato kho, bhikkhave, bhikkhuno paññāya cittaṃ suparicitaṃ hoti, tassetaṃ, bhikkhave, bhikkhuno kallaṃ vacanāya – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyāti pajānāmī’’’ti. Pañcamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൫. പഞ്ഞാസുത്തവണ്ണനാ • 5. Paññāsuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪-൫. സത്താവാസസുത്താദിവണ്ണനാ • 4-5. Sattāvāsasuttādivaṇṇanā
