| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. பஞ்ஞாஸுத்தவண்ணனா
2. Paññāsuttavaṇṇanā
2. து³தியே ஆதி³ப்³ரஹ்மசரியிகாயாதி மக்³க³ப்³ரஹ்மசரியஸ்ஸ ஆதி³பூ⁴தாய. பஞ்ஞாயாதி விபஸ்ஸனாய. க³ருட்டா²னியந்தி கா³ரவுப்பத்திபச்சயபூ⁴தங் க³ருபா⁴வனீயங். திப்³ப³ந்தி ப³ஹலங். பரிபுச்ச²தீதி அத்த²பாளிஅனுஸந்தி⁴புப்³பா³பரங் புச்ச²தி. பரிபஞ்ஹதீதி பஞ்ஹங் கரோதி, இத³ஞ்சித³ஞ்ச படிபுச்சி²ஸ்ஸாமீதி விதக்கேதி. த்³வயேனாதி து³விதே⁴ன. அனானாகதி²கோதி அனானத்தகதி²கோ ஹோதி. அதிரச்சா²னகதி²கோதி நானாவித⁴ங் திரச்சா²னகத²ங் ந கதே²தி. அரியங் வா துண்ஹீபா⁴வந்தி அரியதுண்ஹீபா⁴வோ நாம சதுத்த²ஜ்ஜா²னங், ஸேஸகம்மட்டா²னமனஸிகாரோபி வட்டதி. ஜானங் ஜானாதீதி ஜானிதப்³ப³கங் ஜானாதி. பஸ்ஸங் பஸ்ஸதீதி பஸ்ஸிதப்³ப³கங் பஸ்ஸதி. பியத்தாயாதி பியபா⁴வத்தா²ய. க³ருத்தாயாதி க³ருபா⁴வத்தா²ய. பா⁴வனாயாதி பா⁴வனத்தா²ய கு³ணஸம்பா⁴வனாய வா. ஸாமஞ்ஞாயாதி ஸமணத⁴ம்மத்தா²ய. ஏகீபா⁴வாயாதி நிரந்தரபா⁴வத்தா²ய.
2. Dutiye ādibrahmacariyikāyāti maggabrahmacariyassa ādibhūtāya. Paññāyāti vipassanāya. Garuṭṭhāniyanti gāravuppattipaccayabhūtaṃ garubhāvanīyaṃ. Tibbanti bahalaṃ. Paripucchatīti atthapāḷianusandhipubbāparaṃ pucchati. Paripañhatīti pañhaṃ karoti, idañcidañca paṭipucchissāmīti vitakketi. Dvayenāti duvidhena. Anānākathikoti anānattakathiko hoti. Atiracchānakathikoti nānāvidhaṃ tiracchānakathaṃ na katheti. Ariyaṃ vā tuṇhībhāvanti ariyatuṇhībhāvo nāma catutthajjhānaṃ, sesakammaṭṭhānamanasikāropi vaṭṭati. Jānaṃ jānātīti jānitabbakaṃ jānāti. Passaṃ passatīti passitabbakaṃ passati. Piyattāyāti piyabhāvatthāya. Garuttāyāti garubhāvatthāya. Bhāvanāyāti bhāvanatthāya guṇasambhāvanāya vā. Sāmaññāyāti samaṇadhammatthāya. Ekībhāvāyāti nirantarabhāvatthāya.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. பஞ்ஞாஸுத்தங் • 2. Paññāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-4. பஞ்ஞாஸுத்தாதி³வண்ணனா • 2-4. Paññāsuttādivaṇṇanā
