| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ပညာသုတ္တဝဏ္ဏနာ
2. Paññāsuttavaṇṇanā
၂. ဒုတိယေ အာဒိဗ္ရဟ္မစရိယိကာယာတိ မဂ္ဂဗ္ရဟ္မစရိယသ္သ အာဒိဘူတာယ။ ပညာယာတိ ဝိပသ္သနာယ။ ဂရုဋ္ဌာနိယန္တိ ဂာရဝုပ္ပတ္တိပစ္စယဘူတံ ဂရုဘာဝနီယံ။ တိဗ္ဗန္တိ ဗဟလံ။ ပရိပုစ္ဆတီတိ အတ္ထပာဠိအနုသန္ဓိပုဗ္ဗာပရံ ပုစ္ဆတိ။ ပရိပဉ္ဟတီတိ ပဉ္ဟံ ကရောတိ, ဣဒဉ္စိဒဉ္စ ပဋိပုစ္ဆိသ္သာမီတိ ဝိတက္ကေတိ။ ဒ္ဝယေနာတိ ဒုဝိဓေန။ အနာနာကထိကောတိ အနာနတ္တကထိကော ဟောတိ။ အတိရစ္ဆာနကထိကောတိ နာနာဝိဓံ တိရစ္ဆာနကထံ န ကထေတိ။ အရိယံ ဝာ တုဏ္ဟီဘာဝန္တိ အရိယတုဏ္ဟီဘာဝော နာမ စတုတ္ထဇ္ဈာနံ, သေသကမ္မဋ္ဌာနမနသိကာရောပိ ဝဋ္ဋတိ။ ဇာနံ ဇာနာတီတိ ဇာနိတဗ္ဗကံ ဇာနာတိ။ ပသ္သံ ပသ္သတီတိ ပသ္သိတဗ္ဗကံ ပသ္သတိ။ ပိယတ္တာယာတိ ပိယဘာဝတ္ထာယ။ ဂရုတ္တာယာတိ ဂရုဘာဝတ္ထာယ။ ဘာဝနာယာတိ ဘာဝနတ္ထာယ ဂုဏသမ္ဘာဝနာယ ဝာ။ သာမညာယာတိ သမဏဓမ္မတ္ထာယ။ ဧကီဘာဝာယာတိ နိရန္တရဘာဝတ္ထာယ။
2. Dutiye ādibrahmacariyikāyāti maggabrahmacariyassa ādibhūtāya. Paññāyāti vipassanāya. Garuṭṭhāniyanti gāravuppattipaccayabhūtaṃ garubhāvanīyaṃ. Tibbanti bahalaṃ. Paripucchatīti atthapāḷianusandhipubbāparaṃ pucchati. Paripañhatīti pañhaṃ karoti, idañcidañca paṭipucchissāmīti vitakketi. Dvayenāti duvidhena. Anānākathikoti anānattakathiko hoti. Atiracchānakathikoti nānāvidhaṃ tiracchānakathaṃ na katheti. Ariyaṃ vā tuṇhībhāvanti ariyatuṇhībhāvo nāma catutthajjhānaṃ, sesakammaṭṭhānamanasikāropi vaṭṭati. Jānaṃ jānātīti jānitabbakaṃ jānāti. Passaṃ passatīti passitabbakaṃ passati. Piyattāyāti piyabhāvatthāya. Garuttāyāti garubhāvatthāya. Bhāvanāyāti bhāvanatthāya guṇasambhāvanāya vā. Sāmaññāyāti samaṇadhammatthāya. Ekībhāvāyāti nirantarabhāvatthāya.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. ပညာသုတ္တံ • 2. Paññāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂-၄. ပညာသုတ္တာဒိဝဏ္ဏနာ • 2-4. Paññāsuttādivaṇṇanā
