| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೨. ಪಞ್ಞಾಸುತ್ತವಣ್ಣನಾ
2. Paññāsuttavaṇṇanā
೨. ದುತಿಯೇ ಆದಿಬ್ರಹ್ಮಚರಿಯಿಕಾಯಾತಿ ಮಗ್ಗಬ್ರಹ್ಮಚರಿಯಸ್ಸ ಆದಿಭೂತಾಯ। ಪಞ್ಞಾಯಾತಿ ವಿಪಸ್ಸನಾಯ। ಗರುಟ್ಠಾನಿಯನ್ತಿ ಗಾರವುಪ್ಪತ್ತಿಪಚ್ಚಯಭೂತಂ ಗರುಭಾವನೀಯಂ। ತಿಬ್ಬನ್ತಿ ಬಹಲಂ। ಪರಿಪುಚ್ಛತೀತಿ ಅತ್ಥಪಾಳಿಅನುಸನ್ಧಿಪುಬ್ಬಾಪರಂ ಪುಚ್ಛತಿ। ಪರಿಪಞ್ಹತೀತಿ ಪಞ್ಹಂ ಕರೋತಿ, ಇದಞ್ಚಿದಞ್ಚ ಪಟಿಪುಚ್ಛಿಸ್ಸಾಮೀತಿ ವಿತಕ್ಕೇತಿ। ದ್ವಯೇನಾತಿ ದುವಿಧೇನ। ಅನಾನಾಕಥಿಕೋತಿ ಅನಾನತ್ತಕಥಿಕೋ ಹೋತಿ। ಅತಿರಚ್ಛಾನಕಥಿಕೋತಿ ನಾನಾವಿಧಂ ತಿರಚ್ಛಾನಕಥಂ ನ ಕಥೇತಿ। ಅರಿಯಂ ವಾ ತುಣ್ಹೀಭಾವನ್ತಿ ಅರಿಯತುಣ್ಹೀಭಾವೋ ನಾಮ ಚತುತ್ಥಜ್ಝಾನಂ, ಸೇಸಕಮ್ಮಟ್ಠಾನಮನಸಿಕಾರೋಪಿ ವಟ್ಟತಿ। ಜಾನಂ ಜಾನಾತೀತಿ ಜಾನಿತಬ್ಬಕಂ ಜಾನಾತಿ। ಪಸ್ಸಂ ಪಸ್ಸತೀತಿ ಪಸ್ಸಿತಬ್ಬಕಂ ಪಸ್ಸತಿ। ಪಿಯತ್ತಾಯಾತಿ ಪಿಯಭಾವತ್ಥಾಯ। ಗರುತ್ತಾಯಾತಿ ಗರುಭಾವತ್ಥಾಯ। ಭಾವನಾಯಾತಿ ಭಾವನತ್ಥಾಯ ಗುಣಸಮ್ಭಾವನಾಯ ವಾ। ಸಾಮಞ್ಞಾಯಾತಿ ಸಮಣಧಮ್ಮತ್ಥಾಯ। ಏಕೀಭಾವಾಯಾತಿ ನಿರನ್ತರಭಾವತ್ಥಾಯ।
2. Dutiye ādibrahmacariyikāyāti maggabrahmacariyassa ādibhūtāya. Paññāyāti vipassanāya. Garuṭṭhāniyanti gāravuppattipaccayabhūtaṃ garubhāvanīyaṃ. Tibbanti bahalaṃ. Paripucchatīti atthapāḷianusandhipubbāparaṃ pucchati. Paripañhatīti pañhaṃ karoti, idañcidañca paṭipucchissāmīti vitakketi. Dvayenāti duvidhena. Anānākathikoti anānattakathiko hoti. Atiracchānakathikoti nānāvidhaṃ tiracchānakathaṃ na katheti. Ariyaṃ vā tuṇhībhāvanti ariyatuṇhībhāvo nāma catutthajjhānaṃ, sesakammaṭṭhānamanasikāropi vaṭṭati. Jānaṃ jānātīti jānitabbakaṃ jānāti. Passaṃ passatīti passitabbakaṃ passati. Piyattāyāti piyabhāvatthāya. Garuttāyāti garubhāvatthāya. Bhāvanāyāti bhāvanatthāya guṇasambhāvanāya vā. Sāmaññāyāti samaṇadhammatthāya. Ekībhāvāyāti nirantarabhāvatthāya.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೨. ಪಞ್ಞಾಸುತ್ತಂ • 2. Paññāsuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೨-೪. ಪಞ್ಞಾಸುತ್ತಾದಿವಣ್ಣನಾ • 2-4. Paññāsuttādivaṇṇanā
