| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
2. පඤ්‌ඤාසුත්‌තවණ්‌ණනා
2. Paññāsuttavaṇṇanā
2. දුතියෙ ආදිබ්‍රහ්‌මචරියිකායාති මග්‌ගබ්‍රහ්‌මචරියස්‌ස ආදිභූතාය. පඤ්‌ඤායාති විපස්‌සනාය. ගරුට්‌ඨානියන්‌ති ගාරවුප්‌පත්‌තිපච්‌චයභූතං ගරුභාවනීයං. තිබ්‌බන්‌ති බහලං. පරිපුච්‌ඡතීති අත්‌ථපාළිඅනුසන්‌ධිපුබ්‌බාපරං පුච්‌ඡති. පරිපඤ්‌හතීති පඤ්‌හං කරොති, ඉදඤ්‌චිදඤ්‌ච පටිපුච්‌ඡිස්‌සාමීති විතක්‌කෙති. ද්‌වයෙනාති දුවිධෙන. අනානාකථිකොති අනානත්‌තකථිකො හොති. අතිරච්‌ඡානකථිකොති නානාවිධං තිරච්‌ඡානකථං න කථෙති. අරියං වා තුණ්‌හීභාවන්‌ති අරියතුණ්‌හීභාවො නාම චතුත්‌ථජ්‌ඣානං, සෙසකම්‌මට්‌ඨානමනසිකාරොපි වට්‌ටති. ජානං ජානාතීති ජානිතබ්‌බකං ජානාති. පස්‌සං පස්‌සතීති පස්‌සිතබ්‌බකං පස්‌සති. පියත්‌තායාති පියභාවත්‌ථාය. ගරුත්‌තායාති ගරුභාවත්‌ථාය. භාවනායාති භාවනත්‌ථාය ගුණසම්‌භාවනාය වා. සාමඤ්‌ඤායාති සමණධම්‌මත්‌ථාය. එකීභාවායාති නිරන්‌තරභාවත්‌ථාය.
2. Dutiye ādibrahmacariyikāyāti maggabrahmacariyassa ādibhūtāya. Paññāyāti vipassanāya. Garuṭṭhāniyanti gāravuppattipaccayabhūtaṃ garubhāvanīyaṃ. Tibbanti bahalaṃ. Paripucchatīti atthapāḷianusandhipubbāparaṃ pucchati. Paripañhatīti pañhaṃ karoti, idañcidañca paṭipucchissāmīti vitakketi. Dvayenāti duvidhena. Anānākathikoti anānattakathiko hoti. Atiracchānakathikoti nānāvidhaṃ tiracchānakathaṃ na katheti. Ariyaṃ vā tuṇhībhāvanti ariyatuṇhībhāvo nāma catutthajjhānaṃ, sesakammaṭṭhānamanasikāropi vaṭṭati. Jānaṃ jānātīti jānitabbakaṃ jānāti. Passaṃ passatīti passitabbakaṃ passati. Piyattāyāti piyabhāvatthāya. Garuttāyāti garubhāvatthāya. Bhāvanāyāti bhāvanatthāya guṇasambhāvanāya vā. Sāmaññāyāti samaṇadhammatthāya. Ekībhāvāyāti nirantarabhāvatthāya.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 2. පඤ්‌ඤාසුත්‌තං • 2. Paññāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 2-4. පඤ්‌ඤාසුත්‌තාදිවණ්‌ණනා • 2-4. Paññāsuttādivaṇṇanā
