| Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī |
11. бан̃н̃ад̇д̇ихаарасамбаад̇авибхааванаа
11. Paññattihārasampātavibhāvanā
73. язна язна взважанахаарасамбаад̇зна взважанаани нид̣̇д̇хаарид̇аани, со взважанахаарасамбаад̇о барибун̣н̣о, ‘‘гад̇амо бан̃н̃ад̇д̇ихаарасамбаад̇о’’д̇и бужчид̇аб̣б̣ад̇д̇аа ‘‘д̇ад̇т̇а гад̇амо бан̃н̃ад̇д̇ихаарасамбаад̇о’’д̇иаад̣̇и вуд̇д̇ам̣.
73. Yena yena vevacanahārasampātena vevacanāni niddhāritāni, so vevacanahārasampāto paripuṇṇo, ‘‘katamo paññattihārasampāto’’ti pucchitabbattā ‘‘tattha katamo paññattihārasampāto’’tiādi vuttaṃ.
‘‘гад̇амаа суд̇д̇аббад̣̇зсабхууд̇аа бан̃н̃ад̇д̇и гад̇амзсам̣ д̇хаммаанам̣ бан̃н̃ад̇д̇ий’’д̇и бужчид̇аб̣б̣ад̇д̇аа ‘‘д̇асмаа’’д̇иаад̣̇и вуд̇д̇ам̣. ‘‘д̇асмаа рагкид̇ажид̇д̇ассаа’’д̇и бан̃н̃ад̇д̇и сад̇ияаа бад̣̇адтаанасса рагкид̇аб̣б̣асса жид̇д̇асса бан̃н̃аабанад̇о сад̇ияаа бад̣̇адтаанабан̃н̃ад̇д̇и наама. сад̇ияаа хи рагкид̇аб̣б̣ам̣ жид̇д̇ам̣ сад̇ияаа бад̣̇адтаанам̣ ад̇хидтаанам̣ наама. д̇знааха адтагат̇ааяам̣ – ‘‘ад̇хидтахид̇ваа рагканд̇ияаа сад̇ияаа рагкияамаанам̣ жид̇д̇ам̣ д̇ассаа ад̇хидтаанам̣ вияа ход̇ий’’д̇и. ‘‘саммаасан̇габбаг̇ожаро’’д̇и бан̃н̃ад̇д̇и самат̇асса бхааванааяа бан̃н̃аабанад̇о самат̇асса бхааванаабан̃н̃ад̇д̇и наама. ‘‘саммаад̣̇идтибурзгкааро, н̃ад̇ваана уд̣̇аяаб̣б̣аяа’’нд̇и бан̃н̃ад̇д̇и д̣̇ассанабхуумияаа нигкзбасса бан̃н̃аабанад̇о нигкзбабан̃н̃ад̇д̇и наама. ‘‘т̇инамид̣̇д̇хаабхибхуу бхигкуу’’д̇и самуд̣̇аяасса анавасзсаббахаанасса бан̃н̃аабанад̇о анавасзсаббахаанабан̃н̃ад̇д̇и наама. ‘‘саб̣б̣аа д̣̇уг̇г̇ад̇ияо ж̇ахз’’д̇и бан̃н̃ад̇д̇и маг̇г̇асса арияамаг̇г̇асса бхааванааяа бан̃н̃аабанад̇о бхааванаабан̃н̃ад̇д̇и наама.
‘‘Katamā suttappadesabhūtā paññatti katamesaṃ dhammānaṃ paññattī’’ti pucchitabbattā ‘‘tasmā’’tiādi vuttaṃ. ‘‘Tasmā rakkhitacittassā’’ti paññatti satiyā padaṭṭhānassa rakkhitabbassa cittassa paññāpanato satiyā padaṭṭhānapaññatti nāma. Satiyā hi rakkhitabbaṃ cittaṃ satiyā padaṭṭhānaṃ adhiṭṭhānaṃ nāma. Tenāha aṭṭhakathāyaṃ – ‘‘adhiṭṭhahitvā rakkhantiyā satiyā rakkhiyamānaṃ cittaṃ tassā adhiṭṭhānaṃ viya hotī’’ti. ‘‘Sammāsaṅkappagocaro’’ti paññatti samathassa bhāvanāya paññāpanato samathassa bhāvanāpaññatti nāma. ‘‘Sammādiṭṭhipurekkhāro, ñatvāna udayabbaya’’nti paññatti dassanabhūmiyā nikkhepassa paññāpanato nikkhepapaññatti nāma. ‘‘Thinamiddhābhibhū bhikkhū’’ti samudayassa anavasesappahānassa paññāpanato anavasesappahānapaññatti nāma. ‘‘Sabbā duggatiyo jahe’’ti paññatti maggassa ariyamaggassa bhāvanāya paññāpanato bhāvanāpaññatti nāma.
‘‘зд̇д̇агова бан̃н̃ад̇д̇ихаарасамбаад̇о барибун̣н̣о’’д̇и вад̇д̇аб̣б̣ад̇д̇аа ‘‘нияуд̇д̇о бан̃н̃ад̇д̇ихаарасамбаад̇о’’д̇и вуд̇д̇ам̣. язна язна сам̣ван̣н̣анаависзсабхууд̇зна бан̃н̃ад̇д̇ихаарасамбаад̇зна бан̃н̃ад̇д̇иббабхзд̣̇аа нид̣̇д̇хаарид̇аа, со со сам̣ван̣н̣анаависзсабхууд̇о бан̃н̃ад̇д̇ихаарасамбаад̇о нияуд̇д̇о яат̇аарахам̣ нид̣̇д̇хаарзд̇ваа яуж̇ж̇ид̇аб̣б̣од̇и ад̇т̇о г̇ахзд̇аб̣б̣од̇и.
‘‘Ettakova paññattihārasampāto paripuṇṇo’’ti vattabbattā ‘‘niyutto paññattihārasampāto’’ti vuttaṃ. Yena yena saṃvaṇṇanāvisesabhūtena paññattihārasampātena paññattippabhedā niddhāritā, so so saṃvaṇṇanāvisesabhūto paññattihārasampāto niyutto yathārahaṃ niddhāretvā yujjitabboti attho gahetabboti.
ид̇и бан̃н̃ад̇д̇ихаарасамбаад̇з сад̇д̇иб̣алаануруубаа ражид̇аа
Iti paññattihārasampāte sattibalānurūpā racitā
вибхааванаа нидтид̇аа.
Vibhāvanā niṭṭhitā.
бан̣д̣ид̇зхи бана…бз… г̇ахзд̇аб̣б̣од̇и.
Paṇḍitehi pana…pe… gahetabboti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 11. бан̃н̃ад̇д̇ихаарасамбаад̇о • 11. Paññattihārasampāto
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 11. бан̃н̃ад̇д̇ихаарасамбаад̇аван̣н̣анаа • 11. Paññattihārasampātavaṇṇanā
