| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
11. бан̃н̃ад̇д̇ихааравибхан̇г̇аван̣н̣анаа
11. Paññattihāravibhaṅgavaṇṇanā
39. д̇ад̇т̇а гад̇амо бан̃н̃ад̇д̇ихаарод̇и бан̃н̃ад̇д̇ихааравибхан̇г̇о. д̇ад̇т̇а гаа банааяам̣ бан̃н̃ад̇д̇ийд̇и? ааха ‘‘яаа багад̇игат̇ааяа д̣̇зсанаа’’д̇и. ид̣̇ам̣ вуд̇д̇ам̣ ход̇и – яаа д̣̇зсанаахаараад̣̇аяо вияа ассаад̣̇аад̣̇ибад̣̇ад̇т̇ависзсанид̣̇д̇хааран̣ам̣ агад̇ваа бхаг̇авад̇о саабхаавигад̇хаммагат̇ааяа д̣̇зсанаа. яаа д̇ассаа бан̃н̃аабанаа, аяам̣ бан̃н̃ад̇д̇ихааро. яасмаа бана саа бхаг̇авад̇о д̇ат̇аа д̇ат̇аа взнзяяасанд̇аанз яат̇аад̇хиббзд̇амад̇т̇ам̣ нигкибад̇ийд̇и нигкзбо. д̇асса жааяам̣ хааро д̣̇угкаад̣̇исан̇каад̇з бхааг̇з багаарзхи н̃аабзд̇и, асан̇гарад̇о ваа табзд̇и, д̇асмаа ‘‘нигкзбабан̃н̃ад̇д̇ий’’д̇и вуд̇д̇о. ид̇и багад̇игат̇ааяа д̣̇зсанаад̇и сан̇кзбзна вуд̇д̇амад̇т̇ам̣ вид̇т̇аарзна вибхаж̇ид̇ум̣ ‘‘гаа жа багад̇игат̇ааяа д̣̇зсанаа’’д̇и бужчид̇ваа ‘‘жад̇д̇аари сажжааний’’д̇иаад̣̇имааха.
39.Tatthakatamo paññattihāroti paññattihāravibhaṅgo. Tattha kā panāyaṃ paññattīti? Āha ‘‘yā pakatikathāya desanā’’ti. Idaṃ vuttaṃ hoti – yā desanāhārādayo viya assādādipadatthavisesaniddhāraṇaṃ akatvā bhagavato sābhāvikadhammakathāya desanā. Yā tassā paññāpanā, ayaṃ paññattihāro. Yasmā pana sā bhagavato tathā tathā veneyyasantāne yathādhippetamatthaṃ nikkhipatīti nikkhepo. Tassa cāyaṃ hāro dukkhādisaṅkhāte bhāge pakārehi ñāpeti, asaṅkarato vā ṭhapeti, tasmā ‘‘nikkhepapaññattī’’ti vutto. Iti pakatikathāya desanāti saṅkhepena vuttamatthaṃ vitthārena vibhajituṃ ‘‘kā ca pakatikathāya desanā’’ti pucchitvā ‘‘cattāri saccānī’’tiādimāha.
д̇ад̇т̇а ид̣̇ам̣ д̣̇угканд̇и аяам̣ бан̃н̃ад̇д̇ийд̇и гагкал̣апусанаад̣̇исабхаавз руубааруубад̇хаммз ад̇ийд̇аад̣̇ивасзна анзгабхзд̣̇абхиннз абхинд̣̇ид̇ваа бийл̣анасан̇кад̇асанд̇аабавибарин̣аамадтад̇аасааман̃н̃зна яаа гужчид̇абхааваад̣̇имукзна згаж̇жхам̣ г̇ахан̣асса гааран̣абхууд̇аа бан̃н̃ад̇д̇и, гаа бана саад̇и? наамабан̃н̃ад̇д̇иниб̣анд̇ханаа д̇аж̇ж̇аабан̃н̃ад̇д̇и. ‘‘вин̃н̃ад̇д̇ивигаарасахид̇о сад̣̇д̣̇о зваа’’д̇и абарз. иминаа наязна д̇ад̇т̇а д̇ад̇т̇а бан̃н̃ад̇д̇иад̇т̇о взд̣̇ид̇аб̣б̣о. ‘‘бан̃жаннам̣ канд̇хаана’’нд̇иаад̣̇инаа д̇ассаа бан̃н̃ад̇д̇ияаа убаад̣̇аанам̣ д̣̇ассзд̇и. д̣̇асаннам̣ инд̣̇рияаананд̇и адта руубинд̣̇рияаани манинд̣̇рияам̣ взд̣̇анинд̣̇рияанд̇и звам̣ д̣̇асаннам̣. анубхаванасааман̃н̃зна хи взд̣̇анаа згаминд̣̇рияам̣ гад̇аа, д̇ат̇аа сад̣̇д̇хаад̣̇аяо жа маг̇г̇абагкияаад̇и.
Tattha idaṃ dukkhanti ayaṃ paññattīti kakkhaḷaphusanādisabhāve rūpārūpadhamme atītādivasena anekabhedabhinne abhinditvā pīḷanasaṅkhatasantāpavipariṇāmaṭṭhatāsāmaññena yā kucchitabhāvādimukhena ekajjhaṃ gahaṇassa kāraṇabhūtā paññatti, kā pana sāti? Nāmapaññattinibandhanā tajjāpaññatti. ‘‘Viññattivikārasahito saddo evā’’ti apare. Iminā nayena tattha tattha paññattiattho veditabbo. ‘‘Pañcannaṃ khandhāna’’ntiādinā tassā paññattiyā upādānaṃ dasseti. Dasannaṃ indriyānanti aṭṭha rūpindriyāni manindriyaṃ vedanindriyanti evaṃ dasannaṃ. Anubhavanasāmaññena hi vedanā ekamindriyaṃ katā, tathā saddhādayo ca maggapakkhiyāti.
габ̣ал̣ам̣ гарийяад̇ийд̇и габ̣ал̣ийгаарод̇и вад̇т̇увасзна аяам̣ нид̣̇д̣̇зсо. яааяа ож̇ааяа сад̇д̇аа яаабзнд̇и, д̇ассааязд̇ам̣ ад̇хиважанам̣. саа хи ож̇адтамагасса руубасса аахаран̣ад̇о аахааро. ад̇т̇ийд̇и маг̇г̇зна асамужчиннад̇ааяа виж̇ж̇ад̇и. рааг̇од̇и ран̃ж̇анадтзна рааг̇о. нанд̣̇анадтзна нанд̣̇ий. д̇ан̣хааяанадтзна д̇ан̣хаа. саб̣б̣аанзд̇аани лобхассзва наамаани. бад̇идтид̇ам̣ д̇ад̇т̇а вин̃н̃аан̣ам̣ вирул̣ханд̇и гаммам̣ ж̇аваабзд̇ваа бадисанд̇хиаагад̣дханасамад̇т̇ад̇ааяа бад̇идтид̇ан̃жзва вин̃н̃аан̣ам̣ вирул̣хан̃жа. яад̇т̇аад̇и д̇збхуумагаваддз бхуммам̣, саб̣б̣ад̇т̇а ваа буримабуримабад̣̇з зд̇ам̣ бхуммам̣. ад̇т̇и д̇ад̇т̇а сан̇каараанам̣ вуд̣̇д̇хийд̇и яз имасмим̣ вибаагаваддз тид̇асса ааяад̇им̣ вад̣дханахзд̇угаа сан̇каараа, д̇з санд̇хааяа вуд̇д̇ам̣ – ‘‘яад̇т̇а ад̇т̇и ааяад̇им̣ бунаб̣бхаваабхиниб̣б̣ад̇д̇ий’’д̇и яасмим̣ таанз ааяад̇им̣ бунаб̣бхаваабхиниб̣б̣ад̇д̇и ад̇т̇и. ад̇т̇и д̇ад̇т̇а ааяад̇им̣ ж̇аад̇иж̇араамаран̣анд̇и яад̇т̇а бадисанд̇хиг̇г̇ахан̣ам̣, д̇ад̇т̇а канд̇хаанам̣ абхиниб̣б̣ад̇д̇илагкан̣аа ж̇аад̇и, барибаагалагкан̣аа ж̇араа, бхзд̣̇аналагкан̣ам̣ маран̣ан̃жа ад̇т̇и. аяам̣ бабхаавабан̃н̃ад̇д̇и д̣̇угкасса жа самуд̣̇аяасса жаад̇и аяам̣ яат̇аавуд̇д̇аа д̣̇зсанаа д̣̇угкасажжасса самуд̣̇аяасажжасса жа самудтаанабан̃н̃ад̇д̇и, вибаагаваддасса сан̇каараанан̃жа д̇ан̣хаабажжаяанид̣̇д̣̇зсад̇од̇и ад̇хиббааяо.
Kabaḷaṃ karīyatīti kabaḷīkāroti vatthuvasena ayaṃ niddeso. Yāya ojāya sattā yāpenti, tassāyetaṃ adhivacanaṃ. Sā hi ojaṭṭhamakassa rūpassa āharaṇato āhāro. Atthīti maggena asamucchinnatāya vijjati. Rāgoti rañjanaṭṭhena rāgo. Nandanaṭṭhena nandī. Taṇhāyanaṭṭhena taṇhā. Sabbānetāni lobhasseva nāmāni. Patiṭṭhitaṃ tattha viññāṇaṃ viruḷhanti kammaṃ javāpetvā paṭisandhiākaḍḍhanasamatthatāya patiṭṭhitañceva viññāṇaṃ viruḷhañca. Yatthāti tebhūmakavaṭṭe bhummaṃ, sabbattha vā purimapurimapade etaṃ bhummaṃ. Atthi tattha saṅkhārānaṃ vuddhīti ye imasmiṃ vipākavaṭṭe ṭhitassa āyatiṃ vaḍḍhanahetukā saṅkhārā, te sandhāya vuttaṃ – ‘‘yattha atthi āyatiṃ punabbhavābhinibbattī’’ti yasmiṃ ṭhāne āyatiṃ punabbhavābhinibbatti atthi. Atthi tattha āyatiṃjātijarāmaraṇanti yattha paṭisandhiggahaṇaṃ, tattha khandhānaṃ abhinibbattilakkhaṇā jāti, paripākalakkhaṇā jarā, bhedanalakkhaṇaṃ maraṇañca atthi. Ayaṃ pabhāvapaññatti dukkhassa ca samudayassa cāti ayaṃ yathāvuttā desanā dukkhasaccassa samudayasaccassa ca samuṭṭhānapaññatti, vipākavaṭṭassa saṅkhārānañca taṇhāpaccayaniddesatoti adhippāyo.
над̇т̇и рааг̇од̇и аг̇г̇амаг̇г̇абхааванааяа самужчиннад̇д̇аа над̇т̇и жз рааг̇о. аббад̇идтид̇ам̣ д̇ад̇т̇а вин̃н̃аан̣ам̣ авирул̣ханд̇и гаммам̣ ж̇аваабзд̇ваа бадисанд̇хиаагад̣дханасамад̇т̇ад̇ааяаабхаавзна аббад̇идтид̇ан̃жзва авирул̣хан̃жаад̇и вуд̇д̇абадибагканаязна ад̇т̇о взд̣̇ид̇аб̣б̣о.
Natthi rāgoti aggamaggabhāvanāya samucchinnattā natthi ce rāgo. Appatiṭṭhitaṃ tattha viññāṇaṃ aviruḷhanti kammaṃ javāpetvā paṭisandhiākaḍḍhanasamatthatāyābhāvena appatiṭṭhitañceva aviruḷhañcāti vuttapaṭipakkhanayena attho veditabbo.
‘‘аяам̣ барин̃н̃аабан̃н̃ад̇д̇ий’’д̇иаад̣̇инаа згаабхисамаяавасзнзва маг̇г̇асаммаад̣̇идти жад̇уусу арияасажжзсу бавад̇д̇ад̇ийд̇и д̣̇ассзд̇и. аяам̣ бхааванаабан̃н̃ад̇д̇ийд̇и аяам̣ д̣̇ваараарамман̣зхи чад̣̇ваараббавад̇д̇анад̇хаммаанам̣ анижжаанубассанаа маг̇г̇асса бхааванаабан̃н̃ад̇д̇и. нирод̇хабан̃н̃ад̇д̇и нирод̇хассаад̇и род̇хасан̇каад̇ааяа д̇ан̣хааяа маг̇г̇зна анавасзсанирод̇хабан̃н̃ад̇д̇и. уббаад̣̇абан̃н̃ад̇д̇ийд̇и уббаннасса бан̃н̃аабанаа. огаасабан̃н̃ад̇д̇ийд̇и таанасса бан̃н̃аабанаа. аахаданаабан̃н̃ад̇д̇ийд̇и нийхаран̣абан̃н̃ад̇д̇и. аасаадигаананд̇и г̇уннам̣ ван̣зсу нийламагкигаахи табид̇аан̣д̣агаа аасаадигаа наама. зд̇т̇а яасса уббаннаа, д̇асса сад̇д̇асса анаяаб̣яасанахзд̇уд̇ааяа аасаадигаа вияаад̇и аасаадигаа, гилзсаа, д̇зсам̣ аасаадигаанам̣. абхинигхаад̇абан̃н̃ад̇д̇ийд̇и самуг̇гхаад̇абан̃н̃ад̇д̇и.
‘‘Ayaṃ pariññāpaññattī’’tiādinā ekābhisamayavaseneva maggasammādiṭṭhi catūsu ariyasaccesu pavattatīti dasseti. Ayaṃ bhāvanāpaññattīti ayaṃ dvārārammaṇehi chadvārappavattanadhammānaṃ aniccānupassanā maggassa bhāvanāpaññatti. Nirodhapaññatti nirodhassāti rodhasaṅkhātāya taṇhāya maggena anavasesanirodhapaññatti. Uppādapaññattīti uppannassa paññāpanā. Okāsapaññattīti ṭhānassa paññāpanā. Āhaṭanāpaññattīti nīharaṇapaññatti. Āsāṭikānanti gunnaṃ vaṇesu nīlamakkhikāhi ṭhapitaaṇḍakā āsāṭikā nāma. Ettha yassa uppannā, tassa sattassa anayabyasanahetutāya āsāṭikā viyāti āsāṭikā, kilesā, tesaṃ āsāṭikānaṃ. Abhinighātapaññattīti samugghātapaññatti.
41. звам̣ ваддавиваддамукзна саммасанаубаад̣̇аанагканд̇хамукзнзва сажжзсу бан̃н̃ад̇д̇ивибхааг̇ам̣ д̣̇ассзд̇ваа ид̣̇аани д̇збариваддавасзна д̣̇ассзд̇ум̣ ‘‘ид̣̇ам̣ ‘д̣̇угка’нд̇и мз, бхигкавз’’д̇иаад̣̇и аарад̣̇д̇хам̣. д̇ад̇т̇а д̣̇ассанадтзна жагку. яат̇аасабхаавад̇о ж̇аананадтзна н̃аан̣ам̣. бадивиж̇жханадтзна бан̃н̃аа. вид̣̇ид̇агаран̣адтзна виж̇ж̇аа. обхаасанадтзна аалого. саб̣б̣ам̣ бан̃н̃аавзважанамзва. аяам̣ взважанабан̃н̃ад̇д̇и. сажчигирияаабан̃н̃ад̇д̇ийд̇и бажжагкагаран̣абан̃н̃ад̇д̇и.
41. Evaṃ vaṭṭavivaṭṭamukhena sammasanaupādānakkhandhamukheneva saccesu paññattivibhāgaṃ dassetvā idāni teparivaṭṭavasena dassetuṃ ‘‘idaṃ ‘dukkha’nti me, bhikkhave’’tiādi āraddhaṃ. Tattha dassanaṭṭhena cakkhu. Yathāsabhāvato jānanaṭṭhena ñāṇaṃ. Paṭivijjhanaṭṭhena paññā. Viditakaraṇaṭṭhena vijjā. Obhāsanaṭṭhena āloko. Sabbaṃ paññāvevacanameva. Ayaṃ vevacanapaññatti. Sacchikiriyāpaññattīti paccakkhakaraṇapaññatti.
д̇уламад̇улан̃жаад̇и г̇аат̇ааяа бажураж̇анаанам̣ бажжагкабхаавад̇о д̇улид̇ам̣ барижчиннанд̇и д̇улам̣, гаамааважарам̣. на д̇уланд̇и ад̇улам̣, д̇улам̣ ваа сад̣̇исамасса ан̃н̃ам̣ логияагаммам̣ над̇т̇ийд̇и ад̇улам̣, махаг̇г̇ад̇агаммам̣. гаамааважараруубааважарагаммам̣ ваа д̇улам̣, аруубааважарам̣ ад̇улам̣, аббавибаагам̣ ваа д̇улам̣. б̣ахувибаагам̣ ад̇улам̣. самбхавад̇и зд̇знаад̇и самбхавам̣, самбхавахзд̇убхууд̇ам̣. бхавасан̇каарам̣ бунаб̣бхавасан̇каран̣агам̣. авассаж̇ийд̇и виссаж̇ж̇зси. мунийд̇и б̣уд̣̇д̇хамуни. аж̇жхад̇д̇арад̇од̇и нияагаж̇жхад̇д̇арад̇о . самаахид̇од̇и убажаараббанаасамаад̇хивасзна самаахид̇о. абхинд̣̇и гаважамиваад̇и гаважам̣ вияа бхинд̣̇и. ад̇д̇асамбхаванд̇и ад̇д̇ани сан̃ж̇аад̇ам̣ гилзсам̣. ид̣̇ам̣ вуд̇д̇ам̣ ход̇и – савибаагадтзна самбхавам̣ бхаваабхисан̇каран̣адтзна бхавасан̇кааранд̇и жа лад̣̇д̇ханаамам̣ д̇улаад̇уласан̇каад̇ам̣ логияагамман̃жа оссаж̇и, сан̇г̇аамасийсз махааяод̇хо гаважам̣ вияа ад̇д̇асамбхавам̣ гилзсан̃жа аж̇жхад̇д̇арад̇о самаахид̇о худ̇ваа абхинд̣̇ийд̇и.
Tulamatulañcāti gāthāya pacurajanānaṃ paccakkhabhāvato tulitaṃ paricchinnanti tulaṃ, kāmāvacaraṃ. Na tulanti atulaṃ, tulaṃ vā sadisamassa aññaṃ lokiyakammaṃ natthīti atulaṃ, mahaggatakammaṃ. Kāmāvacararūpāvacarakammaṃ vā tulaṃ, arūpāvacaraṃ atulaṃ, appavipākaṃ vā tulaṃ. Bahuvipākaṃ atulaṃ. Sambhavati etenāti sambhavaṃ, sambhavahetubhūtaṃ. Bhavasaṅkhāraṃ punabbhavasaṅkharaṇakaṃ. Avassajīti vissajjesi. Munīti buddhamuni. Ajjhattaratoti niyakajjhattarato . Samāhitoti upacārappanāsamādhivasena samāhito. Abhindi kavacamivāti kavacaṃ viya bhindi. Attasambhavanti attani sañjātaṃ kilesaṃ. Idaṃ vuttaṃ hoti – savipākaṭṭhena sambhavaṃ bhavābhisaṅkharaṇaṭṭhena bhavasaṅkhāranti ca laddhanāmaṃ tulātulasaṅkhātaṃ lokiyakammañca ossaji, saṅgāmasīse mahāyodho kavacaṃ viya attasambhavaṃ kilesañca ajjhattarato samāhito hutvā abhindīti.
ат̇а ваа д̇уланд̇и д̇улаяанд̇о д̇ийрзнд̇о. ад̇улан̃жа самбхаванд̇и ниб̣б̣аанан̃жзва самбхаван̃жа. бхавасан̇кааранд̇и бхаваг̇аамигаммам̣. авассаж̇и мунийд̇и ‘‘бан̃жагканд̇хаа анижжаа, д̇зсам̣ нирод̇хо ниб̣б̣аанам̣ нижжа’’нд̇иаад̣̇инаа (бади. ма. 3.38 ад̇т̇ад̇о самаанам̣) наязна д̇улаяанд̇о б̣уд̣̇д̇хамуни бхавз аад̣̇ийнавам̣ ниб̣б̣аанз аанисам̣сан̃жа д̣̇исваа д̇ам̣ канд̇хаанам̣ муулабхууд̇ам̣ бхавасан̇каарам̣ гаммагкаяагарзна арияамаг̇г̇зна авассаж̇и. гат̇ам̣? аж̇жхад̇д̇арад̇о. со хи вибассанаавасзна аж̇жхад̇д̇арад̇о самат̇авасзна самаахид̇о гаважамива ад̇д̇абхаавам̣ барияонанд̇хид̇ваа тид̇ам̣ ад̇д̇ани самбхавад̇д̇аа ‘‘ад̇д̇асамбхава’’нд̇и лад̣̇д̇ханаамам̣ саб̣б̣ам̣ гилзсаж̇аад̇ам̣ абхинд̣̇и, гилзсаабхаавз гаммам̣ аббадисанд̇хигад̇д̇аа авассадтам̣ наама ход̇и, гилзсаабхаавзна гаммам̣ ж̇ахийд̇и ад̇т̇о (д̣̇ий. ни. адта. 2.169; уд̣̇аа. адта. 51).
Atha vā tulanti tulayanto tīrento. Atulañca sambhavanti nibbānañceva sambhavañca. Bhavasaṅkhāranti bhavagāmikammaṃ. Avassaji munīti ‘‘pañcakkhandhā aniccā, tesaṃ nirodho nibbānaṃ nicca’’ntiādinā (paṭi. ma. 3.38 atthato samānaṃ) nayena tulayanto buddhamuni bhave ādīnavaṃ nibbāne ānisaṃsañca disvā taṃ khandhānaṃ mūlabhūtaṃ bhavasaṅkhāraṃ kammakkhayakarena ariyamaggena avassaji. Kathaṃ? Ajjhattarato. So hi vipassanāvasena ajjhattarato samathavasena samāhito kavacamiva attabhāvaṃ pariyonandhitvā ṭhitaṃ attani sambhavattā ‘‘attasambhava’’nti laddhanāmaṃ sabbaṃ kilesajātaṃ abhindi, kilesābhāve kammaṃ appaṭisandhikattā avassaṭṭhaṃ nāma hoti, kilesābhāvena kammaṃ jahīti attho (dī. ni. aṭṭha. 2.169; udā. aṭṭha. 51).
сан̇кад̇аасан̇кад̇ад̇хаад̇увинимуд̇д̇асса абхин̃н̃зяяасса абхаавад̇о вуд̇д̇ам̣ ‘‘д̇ула…бз… д̇хаммаана’’нд̇и. д̇зна д̇хаммабадисамбхид̣̇аа вуд̇д̇аа ход̇ийд̇и ааха – ‘‘нигкзбабан̃н̃ад̇д̇и д̇хаммабадисамбхид̣̇ааяаа’’д̇и. бхавасан̇каарз самуд̣̇аяабагкияам̣ санд̇хааяааха ‘‘барижжааг̇абан̃н̃ад̇д̇ий’’д̇и. д̣̇угкасажжабагкияавасзна ‘‘барин̃н̃аабан̃н̃ад̇д̇ий’’д̇и. самаад̇хаанависидтасса аж̇жхад̇д̇арад̇абхаавасса васзна ‘‘бхааванаабан̃н̃ад̇д̇и гааяаг̇ад̇ааяа сад̇ияаа’’д̇и вуд̇д̇ам̣. аж̇жхад̇д̇арад̇ад̇аависидтасса бана самаад̇хаанасса васзна ‘‘тид̇ибан̃н̃ад̇д̇и жид̇д̇згаг̇г̇ад̇ааяаа’’д̇и вуд̇д̇анд̇и д̣̇адтаб̣б̣ам̣. абхиниб̣б̣ид̣̇аабан̃н̃ад̇д̇и жид̇д̇ассаад̇и ааяусан̇каароссаж̇ж̇анавасзна жид̇д̇асса абхинийхаран̣абан̃н̃ад̇д̇и. убаад̣̇аанабан̃н̃ад̇д̇ийд̇и г̇ахан̣абан̃н̃ад̇д̇и. саб̣б̣ан̃н̃уд̇ааяаад̇и саммаасамб̣уд̣̇д̇хабхаавасса. зд̇зна асаммаасамб̣уд̣̇д̇хасса ааяусан̇каароссаж̇ж̇анам̣ над̇т̇ийд̇и д̣̇ассзд̇и. гилзсаабхаавзна бхаг̇аваа гаммам̣ ж̇ахад̇ийд̇и д̣̇ассзнд̇о ‘‘бад̣̇ааланаабан̃н̃ад̇д̇и авиж̇ж̇ан̣д̣агосаана’’нд̇и ааха.
Saṅkhatāsaṅkhatadhātuvinimuttassa abhiññeyyassa abhāvato vuttaṃ ‘‘tula…pe… dhammāna’’nti. Tena dhammapaṭisambhidā vuttā hotīti āha – ‘‘nikkhepapaññatti dhammapaṭisambhidāyā’’ti. Bhavasaṅkhāre samudayapakkhiyaṃ sandhāyāha ‘‘pariccāgapaññattī’’ti. Dukkhasaccapakkhiyavasena ‘‘pariññāpaññattī’’ti. Samādhānavisiṭṭhassa ajjhattaratabhāvassa vasena ‘‘bhāvanāpaññatti kāyagatāya satiyā’’ti vuttaṃ. Ajjhattaratatāvisiṭṭhassa pana samādhānassa vasena ‘‘ṭhitipaññatti cittekaggatāyā’’ti vuttanti daṭṭhabbaṃ. Abhinibbidāpaññatti cittassāti āyusaṅkhārossajjanavasena cittassa abhinīharaṇapaññatti. Upādānapaññattīti gahaṇapaññatti. Sabbaññutāyāti sammāsambuddhabhāvassa. Etena asammāsambuddhassa āyusaṅkhārossajjanaṃ natthīti dasseti. Kilesābhāvena bhagavā kammaṃ jahatīti dassento ‘‘padālanāpaññatti avijjaṇḍakosāna’’nti āha.
яо д̣̇угкамад̣̇д̣̇агки яад̇онид̣̇аананд̇и яо аарад̣̇д̇хавибассаго саб̣б̣ам̣ д̇збхуумагам̣ д̣̇угкам̣ ад̣̇агки басси, д̇ан̃жа яад̇онид̣̇аанам̣ яам̣ хзд̇угам̣, д̇амбисса гааран̣абхаавзна д̇ан̣хам̣ басси. гаамзсу со ж̇анд̇у гат̇ам̣ намзяяаад̇и со звам̣ бадибанно бурисо савад̇т̇угаамзсу гилзсагаамзсу язна багаарзна намзяяа абхинамзяяа, со багааро над̇т̇и. гасмаа? гаамаа хи логз сан̇г̇од̇и н̃ад̇ваа. яасмаа имасмим̣ логз гаамасад̣̇исам̣ б̣анд̇ханам̣ над̇т̇и. вуд̇д̇ан̃жзд̇ам̣ бхаг̇авад̇аа ‘‘на д̇ам̣ д̣̇ал̣хам̣ б̣анд̇ханамааху д̇хийраа’’д̇иаад̣̇и (д̇ха. ба. 345; сам̣. ни. 1.121; нзд̇д̇и. 106; бздаго 15), д̇асмаа сан̇каарз аасаж̇ж̇анадтзна сан̇г̇од̇и вид̣̇ид̇ваа. д̇зсам̣ сад̇иймаа винаяааяа сигкзд̇и гааяаг̇ад̇аасад̇ияог̇зна сад̇имаа д̇зсам̣ гаамаанам̣ вуубасамааяа д̇ийсуби сигкаасу аббамад̇д̇о сигкзяяаад̇и ад̇т̇о.
Yo dukkhamaddakkhi yatonidānanti yo āraddhavipassako sabbaṃ tebhūmakaṃ dukkhaṃ adakkhi passi, tañca yatonidānaṃ yaṃ hetukaṃ, tampissa kāraṇabhāvena taṇhaṃ passi. Kāmesu so jantu kathaṃnameyyāti so evaṃ paṭipanno puriso savatthukāmesu kilesakāmesu yena pakārena nameyya abhinameyya, so pakāro natthi. Kasmā? Kāmā hi loke saṅgoti ñatvā. Yasmā imasmiṃ loke kāmasadisaṃ bandhanaṃ natthi. Vuttañcetaṃ bhagavatā ‘‘na taṃ daḷhaṃ bandhanamāhu dhīrā’’tiādi (dha. pa. 345; saṃ. ni. 1.121; netti. 106; peṭako 15), tasmā saṅkhāre āsajjanaṭṭhena saṅgoti viditvā. Tesaṃ satīmā vinayāya sikkheti kāyagatāsatiyogena satimā tesaṃ kāmānaṃ vūpasamāya tīsupi sikkhāsu appamatto sikkheyyāti attho.
взважанабан̃н̃ад̇д̇ийд̇и канд̇хаад̣̇ийнам̣ взважанабан̃н̃ад̇д̇и. ад̣̇агкийд̇и бана бад̣̇зна самб̣анд̇хад̇д̇аа вуд̇д̇ам̣ – ‘‘д̣̇угкасса барин̃н̃аабан̃н̃ад̇д̇и жаа’’д̇и. бажжад̇т̇игад̇о д̣̇ассанабан̃н̃ад̇д̇ийд̇и анад̇т̇аж̇ананад̇о бажжад̇т̇игад̇о д̣̇ассанабан̃н̃ад̇д̇и. баавагагаббаад̇и ж̇алид̇ааг̇г̇игканд̇хасад̣̇исаа. бабаад̇аураг̇обамаад̇и бабаад̇уубамааураг̇обамаа жа.
Vevacanapaññattīti khandhādīnaṃ vevacanapaññatti. Adakkhīti pana padena sambandhattā vuttaṃ – ‘‘dukkhassa pariññāpaññatti cā’’ti. Paccatthikato dassanapaññattīti anatthajananato paccatthikato dassanapaññatti. Pāvakakappāti jalitaaggikkhandhasadisā. Papātauragopamāti papātūpamāuragopamā ca.
мохасамб̣анд̇хано логод̇и аяам̣ лого авиж̇ж̇аахзд̇угзхи сам̣яож̇анзхи б̣анд̇хо. бхаб̣б̣аруубова д̣̇иссад̇ийд̇и вибаннаж̇жхаасаяоби мааяааяа саатзяязна жа бадижчаад̣̇ид̇асабхааво бхаб̣б̣аж̇аад̇игам̣ вияа ад̇д̇аанам̣ д̣̇ассзд̇и. убад̇хиб̣анд̇хано б̣аало, д̇амасаа бариваарид̇од̇и д̇асса бана б̣ааласса д̇ат̇аа д̣̇ассанз саммохад̇амасаа бариваарид̇ад̇д̇аа гаамаг̇ун̣зсу анаад̣̇ийнавад̣̇ассид̇ааяа гилзсаабхисан̇каарзхи б̣анд̇хад̇д̇аа. д̇ат̇аа бхууд̇о жааяам̣ б̣аало бан̣д̣ид̇аанам̣ ассирий вияа кааяад̇и алагкиго зва худ̇ваа убадтаад̇и. д̇аяид̣̇ам̣ саб̣б̣ам̣ б̣ааласса сад̇о рааг̇аад̣̇игин̃жанад̇о. бан̣д̣ид̇асса бана бан̃н̃аажагкунаа бассад̇о над̇т̇и гин̃жананд̇и аяам̣ сан̇кзбад̇т̇о. мохасийсзна вибаллаасаа г̇ахид̇аад̇и ааха – ‘‘д̣̇зсанаабан̃н̃ад̇д̇и вибаллаасаана’’нд̇и. вибарийд̇абан̃н̃ад̇д̇ийд̇и вибарийд̇аагаарзна убадтахамаанасса бан̃н̃аабанаа.
Mohasambandhano lokoti ayaṃ loko avijjāhetukehi saṃyojanehi bandho. Bhabbarūpova dissatīti vipannajjhāsayopi māyāya sāṭheyyena ca paṭicchāditasabhāvo bhabbajātikaṃ viya attānaṃ dasseti. Upadhibandhano bālo, tamasā parivāritoti tassa pana bālassa tathā dassane sammohatamasā parivāritattā kāmaguṇesu anādīnavadassitāya kilesābhisaṅkhārehi bandhattā. Tathā bhūto cāyaṃ bālo paṇḍitānaṃ assirī viya khāyati alakkhiko eva hutvā upaṭṭhāti. Tayidaṃ sabbaṃ bālassa sato rāgādikiñcanato. Paṇḍitassa pana paññācakkhunā passato natthi kiñcananti ayaṃ saṅkhepattho. Mohasīsena vipallāsā gahitāti āha – ‘‘desanāpaññatti vipallāsāna’’nti. Viparītapaññattīti viparītākārena upaṭṭhahamānassa paññāpanā.
ад̇т̇и ниб̣б̣аананд̇и саман̣аб̣раахман̣аанам̣ ваажаавад̇т̇умад̇д̇амзва. над̇т̇и ниб̣б̣аананд̇и барамад̇т̇ад̇о алаб̣бхамаанасабхаавад̇д̇аад̇и виббадибаннаанам̣ мижчааваад̣̇ам̣ бхан̃ж̇ид̇ум̣ бхаг̇авад̇аа вуд̇д̇ам̣ – ‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇а’’нд̇и. д̇ад̇т̇а хзд̇ум̣ д̣̇ассзд̇ум̣ ‘‘но жзд̇ам̣, бхигкавз’’д̇иаад̣̇и вуд̇д̇ам̣. д̇ассад̇т̇о – бхигкавз, яад̣̇и асан̇кад̇аа д̇хаад̇у на абхависса, на ид̇ха саб̣б̣асса сан̇кад̇асса ниссаран̣ам̣ сияаа. ниб̣б̣аанан̃хи аарамман̣ам̣ гад̇ваа бавад̇д̇амаанаа саммаад̣̇идтиаад̣̇аяо маг̇г̇ад̇хаммаа анавасзсагилзсз самужчинд̣̇анд̇и, д̇ад̇о д̇ивид̇хассаби ваддасса аббавад̇д̇ийд̇и.
Atthi nibbānanti samaṇabrāhmaṇānaṃ vācāvatthumattameva. Natthi nibbānanti paramatthato alabbhamānasabhāvattāti vippaṭipannānaṃ micchāvādaṃ bhañjituṃ bhagavatā vuttaṃ – ‘‘atthi, bhikkhave, ajātaṃ abhūtaṃ akataṃ asaṅkhata’’nti. Tattha hetuṃ dassetuṃ ‘‘no cetaṃ, bhikkhave’’tiādi vuttaṃ. Tassattho – bhikkhave, yadi asaṅkhatā dhātu na abhavissa, na idha sabbassa saṅkhatassa nissaraṇaṃ siyā. Nibbānañhi ārammaṇaṃ katvā pavattamānā sammādiṭṭhiādayo maggadhammā anavasesakilese samucchindanti, tato tividhassapi vaṭṭassa appavattīti.
д̇ад̇т̇ааяамад̇хиббааяо – яат̇аа барин̃н̃зяяад̇ааяа сауд̇д̇араанам̣ гаамаанам̣ руубаанан̃жа бадибагкабхууд̇ам̣ д̇аб̣б̣ид̇хурасабхаавам̣ ниссаран̣ам̣ бан̃н̃ааяад̇и, звам̣ д̇ам̣сабхааваанам̣ сан̇кабхад̇хаммаанам̣ бадибагкабхууд̇зна д̇аб̣б̣ид̇хурад̇аасабхаавзна ниссаран̣зна бхавид̇аб̣б̣ам̣, яан̃жа д̇ам̣ ниссаран̣ам̣. саа асан̇кад̇аа д̇хаад̇у. гин̃жа бхияяо? сан̇кад̇ад̇хаммаарамман̣ам̣ вибассанаан̃аан̣ам̣. аби жа ануломан̃аан̣ам̣ гилзсз на самужчзд̣̇авасзна баж̇ахид̇ум̣ саггод̇и. саммуд̇исажжаарамман̣амби батамаж̇жхаанаад̣̇ийсу н̃аан̣ам̣ вигкамбханамад̇д̇амзва гарод̇и, гилзсаанам̣ на самужчзд̣̇ам̣, самужчзд̣̇аббахаанагаран̃жа арияамаг̇г̇ан̃аан̣ам̣, д̇асса сан̇кад̇ад̇хаммасаммуд̇исажжавибарийд̇зна аарамман̣зна бхавид̇аб̣б̣ам̣, саа асан̇кад̇аа д̇хаад̇у. д̇ат̇аа ниб̣б̣аана-сад̣̇д̣̇о гад̇т̇ажи висаяз авибарийд̇ад̇т̇о взд̣̇ид̇аб̣б̣о, убажааравуд̇д̇исаб̣бхаавад̇о, яат̇аа д̇ам̣ ‘‘сийхасад̣̇д̣̇о’’д̇и.
Tatthāyamadhippāyo – yathā pariññeyyatāya sauttarānaṃ kāmānaṃ rūpānañca paṭipakkhabhūtaṃ tabbidhurasabhāvaṃ nissaraṇaṃ paññāyati, evaṃ taṃsabhāvānaṃ saṅkhabhadhammānaṃ paṭipakkhabhūtena tabbidhuratāsabhāvena nissaraṇena bhavitabbaṃ, yañca taṃ nissaraṇaṃ. Sā asaṅkhatā dhātu. Kiñca bhiyyo? Saṅkhatadhammārammaṇaṃ vipassanāñāṇaṃ. Api ca anulomañāṇaṃ kilese na samucchedavasena pajahituṃ sakkoti. Sammutisaccārammaṇampi paṭhamajjhānādīsu ñāṇaṃ vikkhambhanamattameva karoti, kilesānaṃ na samucchedaṃ, samucchedappahānakarañca ariyamaggañāṇaṃ, tassa saṅkhatadhammasammutisaccaviparītena ārammaṇena bhavitabbaṃ, sā asaṅkhatā dhātu. Tathā nibbāna-saddo katthaci visaye aviparītattho veditabbo, upacāravuttisabbhāvato, yathā taṃ ‘‘sīhasaddo’’ti.
ат̇а ваа ‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇а’’нд̇и (уд̣̇аа. 73) важанам̣ авибарийд̇ад̇т̇ам̣, бхаг̇авад̇аа бхаасид̇ад̇д̇аа. яан̃хи бхаг̇авад̇аа бхаасид̇ам̣, д̇ам̣ авибарийд̇ад̇т̇ам̣. яат̇аа д̇ам̣ ‘‘саб̣б̣з сан̇каараа анижжаа, саб̣б̣з сан̇каараа д̣̇угкаа, саб̣б̣з д̇хаммаа анад̇д̇аа’’д̇и (ма. ни. 1.353, 356; гат̇аа. 753; жуул̣ани. аж̇ид̇амаан̣авабужчаанид̣̇д̣̇зса 4; бади. ма. 1.31; нзд̇д̇и. 5; д̇ха. ба. 277-279), звамби яуд̇д̇ивасзна асан̇кад̇ааяа д̇хаад̇уяаа барамад̇т̇ад̇о саб̣бхааво взд̣̇ид̇аб̣б̣о. гим̣ ваа зд̇ааяа яуд̇д̇ижинд̇ааяа? яасмаа бхаг̇авад̇аа ‘‘ад̇т̇и, бхигкавз, аж̇аад̇ам̣ абхууд̇ам̣ агад̇ам̣ асан̇кад̇анд̇и (уд̣̇аа. 73), аббажжаяаа д̇хаммаа асан̇кад̇аа д̇хаммаад̇и (д̇ха. са. д̣̇угамаад̇игаа 7-8) жа, асан̇кад̇ан̃жа во, бхигкавз, д̇хаммам̣ д̣̇зсзссаами асан̇кад̇аг̇ааминин̃жа бадибад̣̇а’’нд̇иаад̣̇инаа (сам̣. ни. 4.366-367, 377) жа анзгзхи суд̇д̇абад̣̇зхи ниб̣б̣аанад̇хаад̇уяаа барамад̇т̇ад̇о саб̣бхааво д̣̇зсид̇од̇и. д̇ад̇т̇а убанаяанабан̃н̃ад̇д̇ийд̇и бадибагкад̇о хзд̇уубанаяанасса бан̃н̃аабанаа. ж̇од̇анаабан̃н̃ад̇д̇ийд̇и бадин̃н̃аад̇асса ад̇т̇асса сид̣̇д̇хияаа багаасанаабан̃н̃ад̇д̇и. сзсам̣ саб̣б̣ам̣ сувин̃н̃зяяамзва.
Atha vā ‘‘atthi, bhikkhave, ajātaṃ abhūtaṃ akataṃ asaṅkhata’’nti (udā. 73) vacanaṃ aviparītatthaṃ, bhagavatā bhāsitattā. Yañhi bhagavatā bhāsitaṃ, taṃ aviparītatthaṃ. Yathā taṃ ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti (ma. ni. 1.353, 356; kathā. 753; cūḷani. ajitamāṇavapucchāniddesa 4; paṭi. ma. 1.31; netti. 5; dha. pa. 277-279), evampi yuttivasena asaṅkhatāya dhātuyā paramatthato sabbhāvo veditabbo. Kiṃ vā etāya yutticintāya? Yasmā bhagavatā ‘‘atthi, bhikkhave, ajātaṃ abhūtaṃ akataṃ asaṅkhatanti (udā. 73), appaccayā dhammā asaṅkhatā dhammāti (dha. sa. dukamātikā 7-8) ca, asaṅkhatañca vo, bhikkhave, dhammaṃ desessāmi asaṅkhatagāminiñca paṭipada’’ntiādinā (saṃ. ni. 4.366-367, 377) ca anekehi suttapadehi nibbānadhātuyā paramatthato sabbhāvo desitoti. Tattha upanayanapaññattīti paṭipakkhato hetuupanayanassa paññāpanā. Jotanāpaññattīti paṭiññātassa atthassa siddhiyā pakāsanāpaññatti. Sesaṃ sabbaṃ suviññeyyameva.
бан̃н̃ад̇д̇ихааравибхан̇г̇аван̣н̣анаа нидтид̇аа.
Paññattihāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 11. бан̃н̃ад̇д̇ихааравибхан̇г̇о • 11. Paññattihāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 11. бан̃н̃ад̇д̇ихааравибхан̇г̇аван̣н̣анаа • 11. Paññattihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 11. бан̃н̃ад̇д̇ихааравибхан̇г̇авибхааванаа • 11. Paññattihāravibhaṅgavibhāvanā
