| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. பஞ்ஞத்திஸுத்தவண்ணனா
5. Paññattisuttavaṇṇanā
15. பஞ்சமே அக்³க³பஞ்ஞத்தியோதி உத்தமபஞ்ஞத்தியோ. அத்தபா⁴வீனந்தி அத்தபா⁴வவந்தானங். யதி³த³ங் ராஹு அஸுரிந்தோ³தி யோ ஏஸ ராஹு அஸுரிந்தோ³ அயங் அக்³கோ³தி. எத்த² ராஹு கிர அஸுரிந்தோ³ சத்தாரி யோஜனஸஹஸ்ஸானி அட்ட² ச யோஜனஸதானி உச்சோ, பா³ஹந்தரமஸ்ஸ த்³வாத³ஸயோஜனஸதானி, ஹத்த²தலபாத³தலானங் புது²லதா தீணி யோஜனஸதானி. அங்கு³லிபப்³பா³னி பண்ணாஸ யோஜனானி, ப⁴முகந்தரங் பண்ணாஸயோஜனங், நலாடங் தியோஜனஸதங், ஸீஸங் நவயோஜனஸதங். காமபோ⁴கீ³னங் யதி³த³ங் ராஜா மந்தா⁴தாதி யோ ஏஸ ராஜா மந்தா⁴தா நாம, அயங் தி³ப்³பே³பி மானுஸகேபி காமே பரிபு⁴ஞ்ஜனகானங் ஸத்தானங் அக்³கோ³ நாம. ஏஸ ஹி அஸங்கெ²ய்யாயுகேஸு மனுஸ்ஸேஸு நிப்³ப³த்தித்வா இச்சி²திச்சி²தக்க²ணே ஹிரஞ்ஞவஸ்ஸங் வஸ்ஸாபெந்தோ மானுஸகே காமே தீ³க⁴ரத்தங் பரிபு⁴ஞ்ஜி. தே³வலோகே பன யாவ ச²த்திங்ஸாய இந்தா³னங் ஆயுப்பமாணங், தாவ பணீதே காமே பரிபு⁴ஞ்ஜீதி காமபோ⁴கீ³னங் அக்³கோ³ நாம ஜாதோ. ஆதி⁴பதெய்யானந்தி அதி⁴பதிட்டா²னங் ஜெட்ட²கட்டா²னங் கரொந்தானங். ததா²க³தோ அக்³க³மக்கா²யதீதி லோகியலோகுத்தரேஹி கு³ணேஹி ததா²க³தோ அக்³கோ³ ஸெட்டோ² உத்தமோ அக்கா²யதி.
15. Pañcame aggapaññattiyoti uttamapaññattiyo. Attabhāvīnanti attabhāvavantānaṃ. Yadidaṃ rāhu asurindoti yo esa rāhu asurindo ayaṃ aggoti. Ettha rāhu kira asurindo cattāri yojanasahassāni aṭṭha ca yojanasatāni ucco, bāhantaramassa dvādasayojanasatāni, hatthatalapādatalānaṃ puthulatā tīṇi yojanasatāni. Aṅgulipabbāni paṇṇāsa yojanāni, bhamukantaraṃ paṇṇāsayojanaṃ, nalāṭaṃ tiyojanasataṃ, sīsaṃ navayojanasataṃ. Kāmabhogīnaṃ yadidaṃ rājā mandhātāti yo esa rājā mandhātā nāma, ayaṃ dibbepi mānusakepi kāme paribhuñjanakānaṃ sattānaṃ aggo nāma. Esa hi asaṅkheyyāyukesu manussesu nibbattitvā icchiticchitakkhaṇe hiraññavassaṃ vassāpento mānusake kāme dīgharattaṃ paribhuñji. Devaloke pana yāva chattiṃsāya indānaṃ āyuppamāṇaṃ, tāva paṇīte kāme paribhuñjīti kāmabhogīnaṃ aggo nāma jāto. Ādhipateyyānanti adhipatiṭṭhānaṃ jeṭṭhakaṭṭhānaṃ karontānaṃ. Tathāgato aggamakkhāyatīti lokiyalokuttarehi guṇehi tathāgato aggo seṭṭho uttamo akkhāyati.
இத்³தி⁴யா யஸஸா ஜலந்தி தி³ப்³ப³ஸம்பத்திஸமித்³தி⁴யா ச பரிவாரஸங்கா²தேன யஸஸா ச ஜலந்தானங். உத்³த⁴ங் திரியங் அபாசீனந்தி உபரி ச மஜ்ஜே² ச ஹெட்டா² ச. யாவதா ஜக³தோ க³தீதி யத்தகா லோகனிப்ப²த்தி.
Iddhiyā yasasā jalanti dibbasampattisamiddhiyā ca parivārasaṅkhātena yasasā ca jalantānaṃ. Uddhaṃ tiriyaṃ apācīnanti upari ca majjhe ca heṭṭhā ca. Yāvatā jagato gatīti yattakā lokanipphatti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. பஞ்ஞத்திஸுத்தங் • 5. Paññattisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. பஞ்ஞத்திஸுத்தவண்ணனா • 5. Paññattisuttavaṇṇanā
