| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. бан̃н̃ад̇д̇исуд̇д̇аван̣н̣анаа
5. Paññattisuttavaṇṇanā
15. бан̃жамз ад̇д̇абхааво зд̇зсам̣ ад̇т̇ийд̇и ад̇д̇абхаавино, д̇зсам̣ ад̇д̇абхаавийнам̣. д̇знааха ‘‘ад̇д̇абхаававанд̇аана’’нд̇и. яаава чад̇д̇им̣сааяа инд̣̇аанам̣ ааяуббамаан̣ам̣, д̇аава бан̣ийд̇з гаамз барибхун̃ж̇ийд̇и манд̇хаад̇урааж̇аа гира згад̣̇ивасам̣ ад̇д̇ано барин̣ааяагарад̇анам̣ бужчи – ‘‘ад̇т̇и ну ко мануссалогад̇о раман̣ийяад̇арам̣ таана’’нд̇и. гасмаа д̣̇зва звам̣ бхан̣аси, гим̣ на бассаси жанд̣̇имасуурияаанам̣ аанубхаавам̣, нану зд̇зсам̣ таанам̣ ид̇о раман̣ийяад̇аранд̇и? рааж̇аа жаггарад̇анам̣ бурагкад̇ваа д̇ад̇т̇а аг̇амааси.
15. Pañcame attabhāvo etesaṃ atthīti attabhāvino, tesaṃ attabhāvīnaṃ. Tenāha ‘‘attabhāvavantāna’’nti. Yāva chattiṃsāya indānaṃ āyuppamāṇaṃ, tāva paṇīte kāme paribhuñjīti mandhāturājā kira ekadivasaṃ attano pariṇāyakaratanaṃ pucchi – ‘‘atthi nu kho manussalokato ramaṇīyataraṃ ṭhāna’’nti. Kasmā deva evaṃ bhaṇasi, kiṃ na passasi candimasūriyānaṃ ānubhāvaṃ, nanu etesaṃ ṭhānaṃ ito ramaṇīyataranti? Rājā cakkaratanaṃ purakkhatvā tattha agamāsi.
жад̇д̇ааро махаарааж̇аано ‘‘манд̇хаад̇умахаарааж̇аа ааг̇ад̇о’’д̇и суд̇ваа ‘‘д̇аавамахид̣̇д̇хиго махаарааж̇аа на саггаа яуд̣̇д̇хзна бадиб̣аахид̇у’’нд̇и сагараж̇ж̇ам̣ нияяаад̇зсум̣. со д̇ам̣ г̇ахзд̇ваа буна бужчи – ‘‘ад̇т̇и ну ко ид̇о раман̣ийяад̇арам̣ таана’’нд̇и. ат̇асса д̇аавад̇им̣сабхаванам̣ гат̇аяим̣су. ‘‘д̇аавад̇им̣сабхаванам̣, д̣̇зва, раман̣ийяам̣, д̇ад̇т̇а саггасса д̣̇зваран̃н̃о имз жад̇д̇ааро махаарааж̇аано баарижааригаа д̣̇овааригабхуумияам̣ д̇идтанд̇и. сагго д̣̇зварааж̇аа махид̣̇д̇хиго махаанубхааво. д̇ассимаани убабхог̇адтаанаани – яож̇анасахассуб̣б̣зд̇хо взж̇аяанд̇абаасаад̣̇о, бан̃жаяож̇анасад̇уб̣б̣зд̇хаа суд̇хаммад̣̇звасабхаа, д̣̇ияад̣дхаяож̇анасад̇иго взж̇аяанд̇арат̇о, д̇ат̇аа зрааван̣о хад̇т̇ий, д̣̇иб̣б̣аругкасахассаббадиман̣д̣ид̇ам̣ нанд̣̇анаванам̣, жид̇д̇алад̇ааванам̣, паарусагаванам̣, яож̇анасад̇уб̣б̣зд̇хо баарижчад̇д̇аго говил̣ааро, д̇асса хздтаа садтияож̇анааяаамаа бан̃н̃аасаяож̇анавид̇т̇аараа бан̃жад̣̇асаяож̇ануб̣б̣зд̇хаа ж̇аяасуманабубпаван̣н̣аа бан̣д̣угамб̣аласилаа, яассаа муд̣̇уд̇ааяа саггасса нисийд̣̇ад̇о убад̣дхагааяо ануббависад̇ий’’д̇и.
Cattāro mahārājāno ‘‘mandhātumahārājā āgato’’ti sutvā ‘‘tāvamahiddhiko mahārājā na sakkā yuddhena paṭibāhitu’’nti sakarajjaṃ niyyātesuṃ. So taṃ gahetvā puna pucchi – ‘‘atthi nu kho ito ramaṇīyataraṃ ṭhāna’’nti. Athassa tāvatiṃsabhavanaṃ kathayiṃsu. ‘‘Tāvatiṃsabhavanaṃ, deva, ramaṇīyaṃ, tattha sakkassa devarañño ime cattāro mahārājāno pāricārikā dovārikabhūmiyaṃ tiṭṭhanti. Sakko devarājā mahiddhiko mahānubhāvo. Tassimāni upabhogaṭṭhānāni – yojanasahassubbedho vejayantapāsādo, pañcayojanasatubbedhā sudhammadevasabhā, diyaḍḍhayojanasatiko vejayantaratho, tathā erāvaṇo hatthī, dibbarukkhasahassappaṭimaṇḍitaṃ nandanavanaṃ, cittalatāvanaṃ, phārusakavanaṃ, yojanasatubbedho pāricchattako koviḷāro, tassa heṭṭhā saṭṭhiyojanāyāmā paññāsayojanavitthārā pañcadasayojanubbedhā jayasumanapupphavaṇṇā paṇḍukambalasilā, yassā mudutāya sakkassa nisīdato upaḍḍhakāyo anuppavisatī’’ti.
д̇ам̣ суд̇ваа рааж̇аа д̇ад̇т̇а г̇анд̇угаамо жаггарад̇анам̣ аб̣бхуггири. д̇ам̣ аагаасз удтахи сад̣̇д̇хим̣ жад̇уран̇г̇инияаа сзнааяа. ат̇а д̣̇виннам̣ д̣̇звалогаанам̣ взмаж̇жхад̇о жаггарад̇анам̣ од̇арид̇ваа бат̇авияаа аасаннз таанз адтааси сад̣̇д̇хим̣ барин̣ааяагарад̇анаббамукааяа жад̇уран̇г̇инияаа сзнааяа. рааж̇аа згагова ад̇д̇ано аанубхаавзна д̇аавад̇им̣сабхаванам̣ аг̇амааси. сагго ‘‘манд̇хаад̇аа ааг̇ад̇о’’д̇и суд̇ваа д̇асса бажжуг̇г̇аманам̣ гад̇ваа ‘‘свааг̇ад̇ам̣, махаарааж̇а, сагам̣, д̇з махаарааж̇а, анусааса махаарааж̇аа’’д̇и вад̇ваа сад̣̇д̇хим̣ наадагзхи раж̇ж̇ам̣ д̣̇вз бхааг̇з гад̇ваа згам̣ бхааг̇амад̣̇ааси. ран̃н̃о д̇аавад̇им̣сабхаванз бад̇идтид̇амад̇д̇ассзва мануссаг̇анд̇хасарийраниссанд̣̇аад̣̇имануссабхааво виг̇ажчи, д̣̇звалогз бавад̇д̇ивибаагад̣̇ааяино абарабарияааяавзд̣̇анийяасса гаммасса гад̇огаасад̇д̇аа саб̣б̣ад̣̇аа сол̣асавассуд̣̇д̣̇зсигад̇аамаалаамилааяанаад̣̇ид̣̇звабхааво баад̇урахоси. д̇асса саггзна сад̣̇д̇хим̣ бан̣д̣угамб̣аласилааяа нисиннасса агкинимисанамад̇д̇зна наанад̇д̇ам̣ бан̃н̃ааяад̇и. д̇ам̣ асаллагкзнд̇аа д̣̇зваа саггасса жа д̇асса жа наанад̇д̇з муяханд̇и. со д̇ад̇т̇а д̣̇иб̣б̣асамбад̇д̇им̣ анубхавамаано д̇ад̣̇аа мануссаанам̣ асан̇кязяяааяугад̇ааяа яаава чад̇д̇им̣са саггаа убабаж̇ж̇ид̇ваа жуд̇аа, д̇аава саггараж̇ж̇ам̣ гаарзд̇ваа ‘‘гим̣ мз иминаа убад̣дхараж̇ж̇знаа’’д̇и ад̇ид̇д̇о гаамзхи д̇ад̇о жавид̇ваа ад̇д̇ано уяяаанз бад̇ид̇о мануссалогз уд̇угагкал̣ад̇ааяа ваад̇аад̇абзна пусид̇аг̇ад̇д̇о гааламагааси. д̇зна вуд̇д̇ам̣ ‘‘д̣̇звалогз бана яаава чад̇д̇им̣сааяа инд̣̇аанам̣ ааяуббамаан̣ам̣, д̇аава бан̣ийд̇з гаамз барибхун̃ж̇ий’’д̇и.
Taṃ sutvā rājā tattha gantukāmo cakkaratanaṃ abbhukkiri. Taṃ ākāse uṭṭhahi saddhiṃ caturaṅginiyā senāya. Atha dvinnaṃ devalokānaṃ vemajjhato cakkaratanaṃ otaritvā pathaviyā āsanne ṭhāne aṭṭhāsi saddhiṃ pariṇāyakaratanappamukhāya caturaṅginiyā senāya. Rājā ekakova attano ānubhāvena tāvatiṃsabhavanaṃ agamāsi. Sakko ‘‘mandhātā āgato’’ti sutvā tassa paccuggamanaṃ katvā ‘‘svāgataṃ, mahārāja, sakaṃ, te mahārāja, anusāsa mahārājā’’ti vatvā saddhiṃ nāṭakehi rajjaṃ dve bhāge katvā ekaṃ bhāgamadāsi. Rañño tāvatiṃsabhavane patiṭṭhitamattasseva manussagandhasarīranissandādimanussabhāvo vigacchi, devaloke pavattivipākadāyino aparapariyāyavedanīyassa kammassa katokāsattā sabbadā soḷasavassuddesikatāmālāmilāyanādidevabhāvo pāturahosi. Tassa sakkena saddhiṃ paṇḍukambalasilāya nisinnassa akkhinimisanamattena nānattaṃ paññāyati. Taṃ asallakkhentā devā sakkassa ca tassa ca nānatte muyhanti. So tattha dibbasampattiṃ anubhavamāno tadā manussānaṃ asaṅkhyeyyāyukatāya yāva chattiṃsa sakkā upapajjitvā cutā, tāva sakkarajjaṃ kāretvā ‘‘kiṃ me iminā upaḍḍharajjenā’’ti atitto kāmehi tato cavitvā attano uyyāne patito manussaloke utukakkhaḷatāya vātātapena phusitagatto kālamakāsi. Tena vuttaṃ ‘‘devaloke pana yāva chattiṃsāya indānaṃ āyuppamāṇaṃ, tāva paṇīte kāme paribhuñjī’’ti.
бан̃н̃ад̇д̇исуд̇д̇аван̣н̣анаа нидтид̇аа.
Paññattisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. бан̃н̃ад̇д̇исуд̇д̇ам̣ • 5. Paññattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. бан̃н̃ад̇д̇исуд̇д̇аван̣н̣анаа • 5. Paññattisuttavaṇṇanā
