| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਪਞ੍ਞਤ੍ਤਿਸੁਤ੍ਤવਣ੍ਣਨਾ
5. Paññattisuttavaṇṇanā
੧੫. ਪਞ੍ਚਮੇ ਅਗ੍ਗਪਞ੍ਞਤ੍ਤਿਯੋਤਿ ਉਤ੍ਤਮਪਞ੍ਞਤ੍ਤਿਯੋ। ਅਤ੍ਤਭਾવੀਨਨ੍ਤਿ ਅਤ੍ਤਭਾવવਨ੍ਤਾਨਂ। ਯਦਿਦਂ ਰਾਹੁ ਅਸੁਰਿਨ੍ਦੋਤਿ ਯੋ ਏਸ ਰਾਹੁ ਅਸੁਰਿਨ੍ਦੋ ਅਯਂ ਅਗ੍ਗੋਤਿ। ਏਤ੍ਥ ਰਾਹੁ ਕਿਰ ਅਸੁਰਿਨ੍ਦੋ ਚਤ੍ਤਾਰਿ ਯੋਜਨਸਹਸ੍ਸਾਨਿ ਅਟ੍ਠ ਚ ਯੋਜਨਸਤਾਨਿ ਉਚ੍ਚੋ, ਬਾਹਨ੍ਤਰਮਸ੍ਸ ਦ੍વਾਦਸਯੋਜਨਸਤਾਨਿ, ਹਤ੍ਥਤਲਪਾਦਤਲਾਨਂ ਪੁਥੁਲਤਾ ਤੀਣਿ ਯੋਜਨਸਤਾਨਿ। ਅਙ੍ਗੁਲਿਪਬ੍ਬਾਨਿ ਪਣ੍ਣਾਸ ਯੋਜਨਾਨਿ, ਭਮੁਕਨ੍ਤਰਂ ਪਣ੍ਣਾਸਯੋਜਨਂ, ਨਲਾਟਂ ਤਿਯੋਜਨਸਤਂ, ਸੀਸਂ ਨવਯੋਜਨਸਤਂ। ਕਾਮਭੋਗੀਨਂ ਯਦਿਦਂ ਰਾਜਾ ਮਨ੍ਧਾਤਾਤਿ ਯੋ ਏਸ ਰਾਜਾ ਮਨ੍ਧਾਤਾ ਨਾਮ, ਅਯਂ ਦਿਬ੍ਬੇਪਿ ਮਾਨੁਸਕੇਪਿ ਕਾਮੇ ਪਰਿਭੁਞ੍ਜਨਕਾਨਂ ਸਤ੍ਤਾਨਂ ਅਗ੍ਗੋ ਨਾਮ। ਏਸ ਹਿ ਅਸਙ੍ਖੇਯ੍ਯਾਯੁਕੇਸੁ ਮਨੁਸ੍ਸੇਸੁ ਨਿਬ੍ਬਤ੍ਤਿਤ੍વਾ ਇਚ੍ਛਿਤਿਚ੍ਛਿਤਕ੍ਖਣੇ ਹਿਰਞ੍ਞવਸ੍ਸਂ વਸ੍ਸਾਪੇਨ੍ਤੋ ਮਾਨੁਸਕੇ ਕਾਮੇ ਦੀਘਰਤ੍ਤਂ ਪਰਿਭੁਞ੍ਜਿ। ਦੇવਲੋਕੇ ਪਨ ਯਾવ ਛਤ੍ਤਿਂਸਾਯ ਇਨ੍ਦਾਨਂ ਆਯੁਪ੍ਪਮਾਣਂ, ਤਾવ ਪਣੀਤੇ ਕਾਮੇ ਪਰਿਭੁਞ੍ਜੀਤਿ ਕਾਮਭੋਗੀਨਂ ਅਗ੍ਗੋ ਨਾਮ ਜਾਤੋ। ਆਧਿਪਤੇਯ੍ਯਾਨਨ੍ਤਿ ਅਧਿਪਤਿਟ੍ਠਾਨਂ ਜੇਟ੍ਠਕਟ੍ਠਾਨਂ ਕਰੋਨ੍ਤਾਨਂ। ਤਥਾਗਤੋ ਅਗ੍ਗਮਕ੍ਖਾਯਤੀਤਿ ਲੋਕਿਯਲੋਕੁਤ੍ਤਰੇਹਿ ਗੁਣੇਹਿ ਤਥਾਗਤੋ ਅਗ੍ਗੋ ਸੇਟ੍ਠੋ ਉਤ੍ਤਮੋ ਅਕ੍ਖਾਯਤਿ।
15. Pañcame aggapaññattiyoti uttamapaññattiyo. Attabhāvīnanti attabhāvavantānaṃ. Yadidaṃ rāhu asurindoti yo esa rāhu asurindo ayaṃ aggoti. Ettha rāhu kira asurindo cattāri yojanasahassāni aṭṭha ca yojanasatāni ucco, bāhantaramassa dvādasayojanasatāni, hatthatalapādatalānaṃ puthulatā tīṇi yojanasatāni. Aṅgulipabbāni paṇṇāsa yojanāni, bhamukantaraṃ paṇṇāsayojanaṃ, nalāṭaṃ tiyojanasataṃ, sīsaṃ navayojanasataṃ. Kāmabhogīnaṃ yadidaṃ rājā mandhātāti yo esa rājā mandhātā nāma, ayaṃ dibbepi mānusakepi kāme paribhuñjanakānaṃ sattānaṃ aggo nāma. Esa hi asaṅkheyyāyukesu manussesu nibbattitvā icchiticchitakkhaṇe hiraññavassaṃ vassāpento mānusake kāme dīgharattaṃ paribhuñji. Devaloke pana yāva chattiṃsāya indānaṃ āyuppamāṇaṃ, tāva paṇīte kāme paribhuñjīti kāmabhogīnaṃ aggo nāma jāto. Ādhipateyyānanti adhipatiṭṭhānaṃ jeṭṭhakaṭṭhānaṃ karontānaṃ. Tathāgato aggamakkhāyatīti lokiyalokuttarehi guṇehi tathāgato aggo seṭṭho uttamo akkhāyati.
ਇਦ੍ਧਿਯਾ ਯਸਸਾ ਜਲਨ੍ਤਿ ਦਿਬ੍ਬਸਮ੍ਪਤ੍ਤਿਸਮਿਦ੍ਧਿਯਾ ਚ ਪਰਿવਾਰਸਙ੍ਖਾਤੇਨ ਯਸਸਾ ਚ ਜਲਨ੍ਤਾਨਂ। ਉਦ੍ਧਂ ਤਿਰਿਯਂ ਅਪਾਚੀਨਨ੍ਤਿ ਉਪਰਿ ਚ ਮਜ੍ਝੇ ਚ ਹੇਟ੍ਠਾ ਚ। ਯਾવਤਾ ਜਗਤੋ ਗਤੀਤਿ ਯਤ੍ਤਕਾ ਲੋਕਨਿਪ੍ਫਤ੍ਤਿ।
Iddhiyā yasasā jalanti dibbasampattisamiddhiyā ca parivārasaṅkhātena yasasā ca jalantānaṃ. Uddhaṃ tiriyaṃ apācīnanti upari ca majjhe ca heṭṭhā ca. Yāvatā jagato gatīti yattakā lokanipphatti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਪਞ੍ਞਤ੍ਤਿਸੁਤ੍ਤਂ • 5. Paññattisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਪਞ੍ਞਤ੍ਤਿਸੁਤ੍ਤવਣ੍ਣਨਾ • 5. Paññattisuttavaṇṇanā
