| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
винаяабидагз
Vinayapiṭake
бариваара-адтагат̇аа
Parivāra-aṭṭhakathā
сол̣асамахаавааро
Soḷasamahāvāro
бан̃н̃ад̇д̇иваараван̣н̣анаа
Paññattivāravaṇṇanā
висуд̣̇д̇хабариваарасса , бариваарод̇и саасанз;
Visuddhaparivārassa , parivāroti sāsane;
д̇хаммагканд̇хасарийрасса, канд̇хагаанам̣ ананд̇араа.
Dhammakkhandhasarīrassa, khandhakānaṃ anantarā.
сан̇г̇ахам̣ яо самаарул̣хо, д̇асса буб̣б̣ааг̇ад̇ам̣ наяам̣;
Saṅgahaṃ yo samāruḷho, tassa pubbāgataṃ nayaṃ;
хид̇ваа д̣̇аани гариссаами, ануд̇д̇аанад̇т̇аван̣н̣анам̣.
Hitvā dāni karissāmi, anuttānatthavaṇṇanaṃ.
1. д̇ад̇т̇а яам̣ д̇зна бхаг̇авад̇аа…бз… бан̃н̃ад̇д̇анд̇и аад̣̇инаяаббавад̇д̇ааяа д̇аава бужчааяа аяам̣ сан̇кзбад̇т̇о – яо со бхаг̇аваа саасанасса жирадтид̇игад̇т̇ам̣ д̇хаммасзнаабад̇инаа сад̣̇д̇хаммаг̇аараваб̣ахумаанавзг̇асамуссид̇ам̣ ан̃ж̇алим̣ сирасмим̣ бад̇идтаабзд̇ваа яаажид̇о д̣̇аса ад̇т̇авасз бадижжа винаяабан̃н̃ад̇д̇им̣ бан̃н̃абзси, д̇зна бхаг̇авад̇аа д̇асса д̇асса сигкаабад̣̇асса бан̃н̃ад̇д̇игаалам̣ ж̇аанад̇аа, д̇ассаа д̇ассаа сигкаабад̣̇абан̃н̃ад̇д̇ияаа д̣̇аса ад̇т̇авасз бассад̇аа; абижа буб̣б̣зниваасаад̣̇ийхи ж̇аанад̇аа, д̣̇иб̣б̣зна жагкунаа бассад̇аа, д̇ийхи виж̇ж̇аахи чахи ваа бана абхин̃н̃аахи ж̇аанад̇аа, саб̣б̣ад̇т̇а аббадихад̇зна саманд̇ажагкунаа бассад̇аа, саб̣б̣ад̇хаммаж̇аананасамад̇т̇ааяа бан̃н̃ааяа ж̇аанад̇аа, саб̣б̣асад̇д̇аанам̣ жагкувисаяаад̇ийд̇аани д̇ирогуддаад̣̇иг̇ад̇аани жааби руубаани ад̇ивисуд̣̇д̇хзна мам̣сажагкунаа жа бассад̇аа, ад̇д̇ахид̇асаад̇хигааяа самаад̇хибад̣̇адтаанааяа бадивзд̇хабан̃н̃ааяа ж̇аанад̇аа, барахид̇асаад̇хигааяа гарун̣аабад̣̇адтаанааяа д̣̇зсанаабан̃н̃ааяа бассад̇аа, арахад̇аа саммаасамб̣уд̣̇д̇хзна ‘‘яам̣ батамам̣ баарааж̇игам̣ бан̃н̃ад̇д̇ам̣, д̇ам̣ гад̇т̇а бан̃н̃ад̇д̇ам̣, гам̣ аараб̣бха бан̃н̃ад̇д̇ам̣, гисмим̣ вад̇т̇усмим̣ бан̃н̃ад̇д̇ам̣, ад̇т̇и д̇ад̇т̇а бан̃н̃ад̇д̇и…бз… гзнаабхад̇а’’нд̇и.
1. Tattha yaṃ tena bhagavatā…pe… paññattanti ādinayappavattāya tāva pucchāya ayaṃ saṅkhepattho – yo so bhagavā sāsanassa ciraṭṭhitikatthaṃ dhammasenāpatinā saddhammagāravabahumānavegasamussitaṃ añjaliṃ sirasmiṃ patiṭṭhāpetvā yācito dasa atthavase paṭicca vinayapaññattiṃ paññapesi, tena bhagavatā tassa tassa sikkhāpadassa paññattikālaṃ jānatā, tassā tassā sikkhāpadapaññattiyā dasa atthavase passatā; apica pubbenivāsādīhi jānatā, dibbena cakkhunā passatā, tīhi vijjāhi chahi vā pana abhiññāhi jānatā, sabbattha appaṭihatena samantacakkhunā passatā, sabbadhammajānanasamatthāya paññāya jānatā, sabbasattānaṃ cakkhuvisayātītāni tirokuṭṭādigatāni cāpi rūpāni ativisuddhena maṃsacakkhunā ca passatā, attahitasādhikāya samādhipadaṭṭhānāya paṭivedhapaññāya jānatā, parahitasādhikāya karuṇāpadaṭṭhānāya desanāpaññāya passatā, arahatā sammāsambuddhena ‘‘yaṃ paṭhamaṃ pārājikaṃ paññattaṃ, taṃ kattha paññattaṃ, kaṃ ārabbha paññattaṃ, kismiṃ vatthusmiṃ paññattaṃ, atthi tattha paññatti…pe… kenābhata’’nti.
2. бужчаависсаж̇ж̇анз бана ‘‘яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна батамам̣ баарааж̇ига’’нд̇и ид̣̇ам̣ гзвалам̣ бужчааяа ааг̇ад̇асса аад̣̇ибад̣̇асса бажжуд̣̇д̇харан̣амад̇д̇амзва, ‘‘гад̇т̇а бан̃н̃ад̇д̇анд̇и взсаалияаа бан̃н̃ад̇д̇ам̣; гам̣ аараб̣бхаад̇и суд̣̇иннам̣ галанд̣̇абуд̇д̇ам̣ аараб̣бхаа’’д̇и звамаад̣̇инаа бана наязна бунаби зд̇т̇а згзгам̣ бад̣̇ам̣ бужчид̇ваава виссаж̇ж̇ид̇ам̣. згаа бан̃н̃ад̇д̇ийд̇и ‘‘яо бана бхигку мзт̇унам̣ д̇хаммам̣ бадисзвзяяа баарааж̇иго ход̇и асам̣ваасо’’д̇и аяам̣ згаа бан̃н̃ад̇д̇и. д̣̇вз анубан̃н̃ад̇д̇ияод̇и ‘‘анд̇амасо д̇иражчаанаг̇ад̇ааяабий’’д̇и жа, ‘‘сигкам̣ абажжагкааяаа’’д̇и жа маггадиваж̇ж̇ибуд̇д̇агавад̇т̇уунам̣ васзна вуд̇д̇аа – имаа д̣̇вз анубан̃н̃ад̇д̇ияо. зд̇д̇аавад̇аа ‘‘ад̇т̇и д̇ад̇т̇а бан̃н̃ад̇д̇и анубан̃н̃ад̇д̇и ануббаннабан̃н̃ад̇д̇ий’’д̇и имиссаа бужчааяа д̣̇вз годтаасаа виссаж̇ж̇ид̇аа хонд̇и. д̇ад̇ияам̣ виссаж̇ж̇зд̇ум̣ бана ‘‘ануббаннабан̃н̃ад̇д̇и д̇асмим̣ над̇т̇ий’’д̇и вуд̇д̇ам̣. аяан̃хи ануббаннабан̃н̃ад̇д̇и наама ануббаннз д̣̇осз бан̃н̃ад̇д̇аа; саа адтаг̇аруд̇хаммавасзна бхигкунийнам̣язва ааг̇ад̇аа, ан̃н̃ад̇ра над̇т̇и. д̇асмаа вуд̇д̇ам̣ ‘‘ануббаннабан̃н̃ад̇д̇и д̇асмим̣ над̇т̇ий’’д̇и. саб̣б̣ад̇т̇абан̃н̃ад̇д̇ийд̇и маж̇жхимад̣̇зсз жзва бажжанд̇имаж̇анабад̣̇зсу жа саб̣б̣ад̇т̇абан̃н̃ад̇д̇и. винаяад̇харабан̃жамзна г̇ан̣зна ‘‘убасамбад̣̇аа, г̇ун̣ан̇г̇ун̣уубааханаа, д̇хуванахаанам̣, жаммад̇т̇аран̣а’’нд̇и имаани хи жад̇д̇аари сигкаабад̣̇аани маж̇жхимад̣̇зсзязва бан̃н̃ад̇д̇и. зд̇т̇зва зд̇зхи аабад̇д̇и ход̇и, на бажжанд̇имаж̇анабад̣̇зсу. сзсаани саб̣б̣аанзва саб̣б̣ад̇т̇абан̃н̃ад̇д̇и наама.
2. Pucchāvissajjane pana ‘‘yaṃ tena bhagavatā jānatā passatā arahatā sammāsambuddhena paṭhamaṃ pārājika’’nti idaṃ kevalaṃ pucchāya āgatassa ādipadassa paccuddharaṇamattameva, ‘‘kattha paññattanti vesāliyā paññattaṃ; kaṃ ārabbhāti sudinnaṃ kalandaputtaṃ ārabbhā’’ti evamādinā pana nayena punapi ettha ekekaṃ padaṃ pucchitvāva vissajjitaṃ. Ekā paññattīti ‘‘yo pana bhikkhu methunaṃ dhammaṃ paṭiseveyya pārājiko hoti asaṃvāso’’ti ayaṃ ekā paññatti. Dve anupaññattiyoti ‘‘antamaso tiracchānagatāyapī’’ti ca, ‘‘sikkhaṃ apaccakkhāyā’’ti ca makkaṭivajjiputtakavatthūnaṃ vasena vuttā – imā dve anupaññattiyo. Ettāvatā ‘‘atthi tattha paññatti anupaññatti anuppannapaññattī’’ti imissā pucchāya dve koṭṭhāsā vissajjitā honti. Tatiyaṃ vissajjetuṃ pana ‘‘anuppannapaññatti tasmiṃ natthī’’ti vuttaṃ. Ayañhi anuppannapaññatti nāma anuppanne dose paññattā; sā aṭṭhagarudhammavasena bhikkhunīnaṃyeva āgatā, aññatra natthi. Tasmā vuttaṃ ‘‘anuppannapaññatti tasmiṃ natthī’’ti. Sabbatthapaññattīti majjhimadese ceva paccantimajanapadesu ca sabbatthapaññatti. Vinayadharapañcamena gaṇena ‘‘upasampadā, guṇaṅguṇūpāhanā, dhuvanahānaṃ, cammattharaṇa’’nti imāni hi cattāri sikkhāpadāni majjhimadeseyeva paññatti. Ettheva etehi āpatti hoti, na paccantimajanapadesu. Sesāni sabbāneva sabbatthapaññatti nāma.
саад̇хааран̣абан̃н̃ад̇д̇ийд̇и бхигкуунан̃жзва бхигкунийнан̃жа саад̇хааран̣абан̃н̃ад̇д̇и; суд̣̇д̇хабхигкуунамзва хи суд̣̇д̇хабхигкунийнам̣ ваа бан̃н̃ад̇д̇ам̣ сигкаабад̣̇ам̣ асаад̇хааран̣абан̃н̃ад̇д̇и наама ход̇и. ид̣̇ам̣ бана бхигкум̣ аараб̣бха уббаннз вад̇т̇усмим̣ ‘‘яаа бана бхигкуний чанд̣̇асо мзт̇унам̣ д̇хаммам̣ бадисзвзяяа, анд̇амасо д̇иражчаанаг̇ад̇знаби баарааж̇игаа ход̇и асам̣ваасаа’’д̇и бхигкунийнамби бан̃н̃ад̇д̇ам̣, винийд̇агат̇аамад̇д̇амзва хи д̇аасам̣ над̇т̇и, сигкаабад̣̇ам̣ бана ад̇т̇и, д̇зна вуд̇д̇ам̣ ‘‘саад̇хааран̣абан̃н̃ад̇д̇ий’’д̇и. убхад̇обан̃н̃ад̇д̇ияамби зсзва наяо. б̣яан̃ж̇анамад̇д̇амзва хи зд̇т̇а наанам̣, бхигкуунам̣ бхигкунийнамби саад̇хааран̣ад̇д̇аа саад̇хааран̣абан̃н̃ад̇д̇и, убхиннамби бан̃н̃ад̇д̇ад̇д̇аа убхад̇обан̃н̃ад̇д̇ийд̇и. ад̇т̇з бана бхзд̣̇о над̇т̇и.
Sādhāraṇapaññattīti bhikkhūnañceva bhikkhunīnañca sādhāraṇapaññatti; suddhabhikkhūnameva hi suddhabhikkhunīnaṃ vā paññattaṃ sikkhāpadaṃ asādhāraṇapaññatti nāma hoti. Idaṃ pana bhikkhuṃ ārabbha uppanne vatthusmiṃ ‘‘yā pana bhikkhunī chandaso methunaṃ dhammaṃ paṭiseveyya, antamaso tiracchānagatenapi pārājikā hoti asaṃvāsā’’ti bhikkhunīnampi paññattaṃ, vinītakathāmattameva hi tāsaṃ natthi, sikkhāpadaṃ pana atthi, tena vuttaṃ ‘‘sādhāraṇapaññattī’’ti. Ubhatopaññattiyampi eseva nayo. Byañjanamattameva hi ettha nānaṃ, bhikkhūnaṃ bhikkhunīnampi sādhāraṇattā sādhāraṇapaññatti, ubhinnampi paññattattā ubhatopaññattīti. Atthe pana bhedo natthi.
нид̣̇ааног̇ад̇ханд̇и ‘‘яасса сияаа аабад̇д̇и со аавигарзяяаа’’д̇и зд̇т̇а саб̣б̣аабад̇д̇ийнам̣ анубавидтад̇д̇аа нид̣̇ааног̇ад̇хам̣; нид̣̇аанз анубавидтанд̇и ад̇т̇о. д̣̇уд̇иязна уд̣̇д̣̇зсзнаад̇и нид̣̇ааног̇ад̇хам̣ нид̣̇аанабарияаабаннамби самаанам̣ ‘‘д̇ад̇римз жад̇д̇ааро баарааж̇игаа д̇хаммаа’’д̇иаад̣̇инаа д̣̇уд̇иязнзва уд̣̇д̣̇зсзна уд̣̇д̣̇зсам̣ ааг̇ажчад̇и. жад̇уннам̣ вибад̇д̇ийнанд̇и сийлавибад̇д̇иаад̣̇ийнам̣. батамаа хи д̣̇вз аабад̇д̇игканд̇хаа сийлавибад̇д̇и наама, авасзсаа бан̃жа аажааравибад̇д̇и наама. мижчаад̣̇идти жа анд̇аг̇г̇аахигад̣̇идти жа д̣̇идтивибад̇д̇и наама, ааж̇ийвахзд̇у бан̃н̃ад̇д̇аани ча сигкаабад̣̇аани ааж̇ийвавибад̇д̇и наама. ид̇и имаасам̣ жад̇уннам̣ вибад̇д̇ийнам̣ ид̣̇ам̣ баарааж̇игам̣ сийлавибад̇д̇и наама ход̇и.
Nidānogadhanti ‘‘yassa siyā āpatti so āvikareyyā’’ti ettha sabbāpattīnaṃ anupaviṭṭhattā nidānogadhaṃ; nidāne anupaviṭṭhanti attho. Dutiyena uddesenāti nidānogadhaṃ nidānapariyāpannampi samānaṃ ‘‘tatrime cattāro pārājikā dhammā’’tiādinā dutiyeneva uddesena uddesaṃ āgacchati. Catunnaṃ vipattīnanti sīlavipattiādīnaṃ. Paṭhamā hi dve āpattikkhandhā sīlavipatti nāma, avasesā pañca ācāravipatti nāma. Micchādiṭṭhi ca antaggāhikadiṭṭhi ca diṭṭhivipatti nāma, ājīvahetu paññattāni cha sikkhāpadāni ājīvavipatti nāma. Iti imāsaṃ catunnaṃ vipattīnaṃ idaṃ pārājikaṃ sīlavipatti nāma hoti.
згзна самудтаанзнаад̇и д̣̇ван̇г̇игзна згзна самудтаанзна. зд̇т̇а хи жид̇д̇ам̣ ан̇г̇ам̣ ход̇и, гааязна бана аабад̇д̇им̣ аабаж̇ж̇ад̇и. д̇зна вуд̇д̇ам̣ ‘‘гааяад̇о жа жид̇д̇ад̇о жа самудтаад̇ий’’д̇и. д̣̇вийхи самат̇зхи саммад̇ийд̇и ‘‘аабанносий’’д̇и саммукаа бужчияамаано ‘‘аама аабанномхий’’д̇и бадиж̇аанаад̇и, д̇аавад̣̇зва бхан̣д̣анагалахавиг̇г̇ахаа вуубасанд̇аа хонд̇и, саггаа жа ход̇и д̇ам̣ буг̇г̇алам̣ абанзд̇ваа убосат̇о ваа бавааран̣аа ваа гаад̇ум̣. ид̇и саммукаавинаязна жа бадин̃н̃аад̇агаран̣зна жаад̇и д̣̇вийхи самат̇зхи саммад̇и, на жа д̇аббажжаяаа гожи убад̣̇д̣̇аво ход̇и. яам̣ бана убари бан̃н̃ад̇д̇иваг̇г̇з ‘‘на гад̇амзна самат̇зна саммад̇ий’’д̇и вуд̇д̇ам̣, д̇ам̣ самат̇ам̣ од̇аарзд̇ваа анаабад̇д̇и гаад̇ум̣ на саггаад̇и имамад̇т̇ам̣ санд̇хааяа вуд̇д̇ам̣.
Ekena samuṭṭhānenāti dvaṅgikena ekena samuṭṭhānena. Ettha hi cittaṃ aṅgaṃ hoti, kāyena pana āpattiṃ āpajjati. Tena vuttaṃ ‘‘kāyato ca cittato ca samuṭṭhātī’’ti. Dvīhi samathehi sammatīti ‘‘āpannosī’’ti sammukhā pucchiyamāno ‘‘āma āpannomhī’’ti paṭijānāti, tāvadeva bhaṇḍanakalahaviggahā vūpasantā honti, sakkā ca hoti taṃ puggalaṃ apanetvā uposatho vā pavāraṇā vā kātuṃ. Iti sammukhāvinayena ca paṭiññātakaraṇena cāti dvīhi samathehi sammati, na ca tappaccayā koci upaddavo hoti. Yaṃ pana upari paññattivagge ‘‘na katamena samathena sammatī’’ti vuttaṃ, taṃ samathaṃ otāretvā anāpatti kātuṃ na sakkāti imamatthaṃ sandhāya vuttaṃ.
бан̃н̃ад̇д̇и винаяод̇и ‘‘яо бана бхигкуу’’д̇иаад̣̇инаа наязна вуд̇д̇амаад̇игаа бан̃н̃ад̇д̇и винаяод̇и ад̇т̇о. вибхад̇д̇ийд̇и бад̣̇абхааж̇анам̣ вужжад̇и; вибхад̇д̇ийд̇и хи вибхан̇г̇ассзвзд̇ам̣ наамам̣. асам̣варод̇и вийд̇иггамо. сам̣варод̇и авийд̇иггамо. язсам̣ вад̇д̇ад̇ийд̇и язсам̣ винаяабидаган̃жа адтагат̇аа жа саб̣б̣аа баг̇ун̣аад̇и ад̇т̇о. д̇з д̇хаарзнд̇ийд̇и д̇з зд̇ам̣ батамабаарааж̇игам̣ баал̣ид̇о жа ад̇т̇ад̇о жа д̇хаарзнд̇и; на хи саггаа саб̣б̣ам̣ винаяабидагам̣ аж̇аананд̇зна зд̇асса ад̇т̇о ж̇аанид̇унд̇и. гзнаабхад̇анд̇и ид̣̇ам̣ батамабаарааж̇игам̣ баал̣ивасзна жа ад̇т̇авасзна жа яаава аж̇ж̇ад̇анагаалам̣ гзна аанийд̇анд̇и. барамбараабхад̇анд̇и барамбарааяа аанийд̇ам̣.
Paññatti vinayoti ‘‘yo pana bhikkhū’’tiādinā nayena vuttamātikā paññatti vinayoti attho. Vibhattīti padabhājanaṃ vuccati; vibhattīti hi vibhaṅgassevetaṃ nāmaṃ. Asaṃvaroti vītikkamo. Saṃvaroti avītikkamo. Yesaṃ vattatīti yesaṃ vinayapiṭakañca aṭṭhakathā ca sabbā paguṇāti attho. Te dhārentīti te etaṃ paṭhamapārājikaṃ pāḷito ca atthato ca dhārenti; na hi sakkā sabbaṃ vinayapiṭakaṃ ajānantena etassa attho jānitunti. Kenābhatanti idaṃ paṭhamapārājikaṃ pāḷivasena ca atthavasena ca yāva ajjatanakālaṃ kena ānītanti. Paramparābhatanti paramparāya ānītaṃ.
3. ид̣̇аани яааяа барамбарааяа аанийд̇ам̣, д̇ам̣ д̣̇ассзд̇ум̣ ‘‘убаали д̣̇аасаго жзваа’’д̇иаад̣̇инаа наязна бораан̣агзхи махаат̇зрзхи г̇аат̇ааяо табид̇аа . д̇ад̇т̇а яам̣ вад̇д̇аб̣б̣ам̣, д̇ам̣ нид̣̇аанаван̣н̣анааяамзва вуд̇д̇ам̣. иминаа наязна д̣̇уд̇ияабаарааж̇игаад̣̇ибужчаависсаж̇ж̇анзсуби винижчаяо взд̣̇ид̇аб̣б̣од̇и.
3. Idāni yāya paramparāya ānītaṃ, taṃ dassetuṃ ‘‘upāli dāsako cevā’’tiādinā nayena porāṇakehi mahātherehi gāthāyo ṭhapitā . Tattha yaṃ vattabbaṃ, taṃ nidānavaṇṇanāyameva vuttaṃ. Iminā nayena dutiyapārājikādipucchāvissajjanesupi vinicchayo veditabboti.
махаавибхан̇г̇з бан̃н̃ад̇д̇иваараван̣н̣анаа нидтид̇аа.
Mahāvibhaṅge paññattivāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. баарааж̇игаган̣д̣ам̣ • 1. Pārājikakaṇḍaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гад̇аабад̇д̇иваараад̣̇иван̣н̣анаа • Katāpattivārādivaṇṇanā
