| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
бариваара-дийгаа
Parivāra-ṭīkā
сол̣асамахаавааро
Soḷasamahāvāro
бан̃н̃ад̇д̇иваараван̣н̣анаа
Paññattivāravaṇṇanā
висуд̣̇д̇хабариваарассаад̇и саб̣б̣асо барисуд̣̇д̇хакийн̣аасавабариваарасса. д̇хаммагканд̇хасарийрассаад̇и сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанасан̇каад̇ад̇хаммагканд̇хасарийрасса саасанзд̇и самб̣анд̇хо. д̇ассаад̇и ‘‘баривааро’’д̇и яо сан̇г̇ахам̣ аарул̣хо, д̇асса. буб̣б̣ааг̇ад̇ам̣ наяанд̇и буб̣б̣з ааг̇ад̇ам̣ винижчаяам̣.
Visuddhaparivārassāti sabbaso parisuddhakhīṇāsavaparivārassa. Dhammakkhandhasarīrassāti sīlasamādhipaññāvimuttivimuttiñāṇadassanasaṅkhātadhammakkhandhasarīrassa sāsaneti sambandho. Tassāti ‘‘parivāro’’ti yo saṅgahaṃ āruḷho, tassa. Pubbāgataṃ nayanti pubbe āgataṃ vinicchayaṃ.
1. багад̇ад̇т̇абадинид̣̇д̣̇зсо д̇а-сад̣̇д̣̇од̇и д̇асса ‘‘бхаг̇авад̇аа’’д̇иаад̣̇ийхи бад̣̇зхи самаанаад̇хигаран̣абхаавзна вуд̇д̇ад̇т̇асса яааяа винаяабан̃н̃ад̇д̇ияаа бхаг̇аваа багад̇о ад̇хигад̇о субаагадо жа, д̇ам̣ винаяабан̃н̃ад̇д̇им̣ сад̣̇д̇хим̣ яаажанааяа ад̇т̇абхаавзна д̣̇ассзнд̇о ‘‘яо со…бз… винаяабан̃н̃ад̇д̇им̣ бан̃н̃абзсий’’д̇и ааха. д̇ад̇т̇а винаяабан̃н̃ад̇д̇инд̇и винаяабхууд̇ам̣ бан̃н̃ад̇д̇им̣.
1. Pakatatthapaṭiniddeso ta-saddoti tassa ‘‘bhagavatā’’tiādīhi padehi samānādhikaraṇabhāvena vuttatthassa yāya vinayapaññattiyā bhagavā pakato adhikato supākaṭo ca, taṃ vinayapaññattiṃ saddhiṃ yācanāya atthabhāvena dassento ‘‘yo so…pe… vinayapaññattiṃ paññapesī’’ti āha. Tattha vinayapaññattinti vinayabhūtaṃ paññattiṃ.
‘‘ж̇аанад̇аа бассад̇аа’’д̇и имзсам̣ бад̣̇аанам̣ винаяасса ад̇хигад̇ад̇д̇аа д̇ад̇т̇а вуд̇д̇анаязна д̇аава ад̇т̇ам̣ яож̇зд̇ваа ид̣̇аани суд̇д̇анд̇анаязна д̣̇ассзнд̇о сад̇иби н̃аан̣ад̣̇ассана-сад̣̇д̣̇аанам̣ бан̃н̃аавзважанабхаавз д̇зна д̇зна висзсзна д̇зсам̣ висаяависзсабавад̇д̇ид̣̇ассанад̇т̇ам̣ виж̇ж̇ад̇д̇аяавасзна абхин̃н̃аанааваран̣ан̃аан̣авасзна саб̣б̣ан̃н̃уд̇ан̃н̃аан̣амам̣сажагкувасзна бадивзд̇хад̣̇зсанаан̃аан̣авасзна жа ад̇т̇ам̣ яож̇зд̇ваа д̣̇ассзнд̇о ‘‘абижаа’’д̇иаад̣̇имааха. д̇ад̇т̇а буб̣б̣зниваасаад̣̇ийхийд̇и буб̣б̣зниваасаасавагкаяан̃аан̣зхи. бадивзд̇хабан̃н̃ааяаад̇и арияамаг̇г̇абан̃н̃ааяа. д̣̇зсанаабан̃н̃ааяа бассад̇аад̇и д̣̇зсзд̇аб̣б̣ад̇хаммаанам̣ д̣̇зсзд̇аб̣б̣аббагаарам̣ б̣од̇ханзяяабуг̇г̇алаанан̃жа аасаяаанусаяажарид̇аад̇химуд̇д̇иаад̣̇ибхзд̣̇ам̣ д̇хаммам̣ д̣̇зсанаабан̃н̃ааяа яаат̇аавад̇о бассад̇аа. арахад̇аад̇и арийнам̣, араанан̃жа хад̇ад̇д̇аа, бажжаяаад̣̇ийнан̃жа арахад̇д̇аа арахад̇аа. саммаасамб̣уд̣̇д̇хзнаад̇и саммаа сааман̃жа сажжаанам̣ б̣уд̣̇д̇хад̇д̇аа саммаасамб̣уд̣̇д̇хзна. ат̇а ваа анд̇арааяигад̇хаммз ж̇аанад̇аа, нияяаанигад̇хаммз бассад̇аа, гилзсаарийнам̣ хад̇ад̇д̇аа арахад̇аа, саммаа саамам̣ саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хзнаад̇и звам̣ жад̇увзсаараж̇ж̇авасзнабзд̇т̇а яож̇анаа взд̣̇ид̇аб̣б̣аа.
‘‘Jānatā passatā’’ti imesaṃ padānaṃ vinayassa adhikatattā tattha vuttanayena tāva atthaṃ yojetvā idāni suttantanayena dassento satipi ñāṇadassana-saddānaṃ paññāvevacanabhāve tena tena visesena tesaṃ visayavisesapavattidassanatthaṃ vijjattayavasena abhiññānāvaraṇañāṇavasena sabbaññutaññāṇamaṃsacakkhuvasena paṭivedhadesanāñāṇavasena ca atthaṃ yojetvā dassento ‘‘apicā’’tiādimāha. Tattha pubbenivāsādīhīti pubbenivāsāsavakkhayañāṇehi. Paṭivedhapaññāyāti ariyamaggapaññāya. Desanāpaññāya passatāti desetabbadhammānaṃ desetabbappakāraṃ bodhaneyyapuggalānañca āsayānusayacaritādhimuttiādibhedaṃ dhammaṃ desanāpaññāya yāthāvato passatā. Arahatāti arīnaṃ, arānañca hatattā, paccayādīnañca arahattā arahatā. Sammāsambuddhenāti sammā sāmañca saccānaṃ buddhattā sammāsambuddhena. Atha vā antarāyikadhamme jānatā, niyyānikadhamme passatā, kilesārīnaṃ hatattā arahatā, sammā sāmaṃ sabbadhammānaṃ buddhattā sammāsambuddhenāti evaṃ catuvesārajjavasenapettha yojanā veditabbā.
абижа таанаадтаанаад̣̇ивибхааг̇ам̣ ж̇аанад̇аа, яат̇аагаммуубаг̇з сад̇д̇з бассад̇аа, саваасанааасаваанам̣ чиннад̇д̇аа арахад̇аа, абхин̃н̃зяяаад̣̇ибхзд̣̇з д̇хаммз абхин̃н̃зяяаад̣̇ид̇о авибарийд̇ааваб̣од̇хад̇о саммаасамб̣уд̣̇д̇хзна. ат̇а ваа д̇ийсу гаалзсу аббадихад̇ан̃аан̣ад̇ааяа ж̇аанад̇аа, гааяагаммаад̣̇ивасзна д̇ин̣н̣амби гаммаанам̣ н̃аан̣аанубаривад̇д̇ид̇о саммаа гаарид̇ааяа бассад̇аа, д̣̇аваад̣̇ийнам̣ абхаавасаад̇хигааяа бахаанасамбад̣̇ааяа арахад̇аа, чанд̣̇аад̣̇ийнам̣ ахаанихзд̇убхууд̇ааяа агкаяабадибхаанасаад̇хигааяа саб̣б̣ан̃н̃уд̇ааяа саммаасамб̣уд̣̇д̇хзнаад̇и звам̣ д̣̇асаб̣алаадтаарасаавзн̣игаб̣уд̣̇д̇хад̇хаммавасзнаби яож̇анаа гаад̇аб̣б̣аа.
Apica ṭhānāṭṭhānādivibhāgaṃ jānatā, yathākammūpage satte passatā, savāsanaāsavānaṃ chinnattā arahatā, abhiññeyyādibhede dhamme abhiññeyyādito aviparītāvabodhato sammāsambuddhena. Atha vā tīsu kālesu appaṭihatañāṇatāya jānatā, kāyakammādivasena tiṇṇampi kammānaṃ ñāṇānuparivattito sammā kāritāya passatā, davādīnaṃ abhāvasādhikāya pahānasampadāya arahatā, chandādīnaṃ ahānihetubhūtāya akkhayapaṭibhānasādhikāya sabbaññutāya sammāsambuddhenāti evaṃ dasabalaaṭṭhārasāveṇikabuddhadhammavasenapi yojanā kātabbā.
2. бужчаависсаж̇ж̇анзд̇и бужчааяа виссаж̇ж̇анз. зд̇т̇аад̇и зд̇асмим̣ бужчаависсаж̇ж̇анз. маж̇жхимад̣̇зсзязва бан̃н̃ад̇д̇ийд̇и д̇асмим̣язва д̣̇зсз яат̇аавуд̇д̇авад̇т̇увийд̇иггамз аабад̇д̇исамбхавад̇о. винийд̇агат̇аад̇и винийд̇авад̇т̇угат̇аа, аяамзва ваа баато.
2.Pucchāvissajjaneti pucchāya vissajjane. Etthāti etasmiṃ pucchāvissajjane. Majjhimadeseyeva paññattīti tasmiṃyeva dese yathāvuttavatthuvītikkame āpattisambhavato. Vinītakathāti vinītavatthukathā, ayameva vā pāṭho.
гааязна бана аабад̇д̇им̣ аабаж̇ж̇ад̇ийд̇и буб̣б̣абхааг̇з сзванажид̇д̇ам̣ ан̇г̇ам̣ гад̇ваа гааяад̣̇ваарасан̇каад̇авин̃н̃ад̇д̇им̣ ж̇анаяид̇ваа бавад̇д̇ажид̇д̇уббаад̣̇асан̇каад̇ам̣ аабад̇д̇им̣ аабаж̇ж̇ад̇и. гин̃жааби хи жид̇д̇зна самудтаабид̇аа вин̃н̃ад̇д̇и, д̇ат̇ааби жид̇д̇зна ад̇хиббзд̇асса ад̇т̇асса гааяавин̃н̃ад̇д̇ияаа саад̇хид̇ад̇д̇аа ‘‘гааяад̣̇ваарзна аабад̇д̇им̣ аабаж̇ж̇ад̇ий’’д̇и вужжад̇и. имамад̇т̇ам̣ санд̇хааяаад̇и аабаннааяа аабад̇д̇ияаа анаабад̇д̇ибхааваабаад̣̇анасса асаггун̣зяяад̇аасан̇каад̇амад̇т̇ам̣ санд̇хааяа, на бхан̣д̣анаад̣̇ивуубасамам̣.
Kāyena pana āpattiṃ āpajjatīti pubbabhāge sevanacittaṃ aṅgaṃ katvā kāyadvārasaṅkhātaviññattiṃ janayitvā pavattacittuppādasaṅkhātaṃ āpattiṃ āpajjati. Kiñcāpi hi cittena samuṭṭhāpitā viññatti, tathāpi cittena adhippetassa atthassa kāyaviññattiyā sādhitattā ‘‘kāyadvārena āpattiṃ āpajjatī’’ti vuccati. Imamatthaṃ sandhāyāti āpannāya āpattiyā anāpattibhāvāpādanassa asakkuṇeyyatāsaṅkhātamatthaṃ sandhāya, na bhaṇḍanādivūpasamaṃ.
3. бораан̣агзхи махаат̇зрзхийд̇и сийхал̣ад̣̇ийбаваасийхи махаат̇зрзхи. табид̇аад̇и бод̇т̇агасан̇г̇ахаароханагаалз табид̇аа. жад̇уд̇т̇асан̇г̇ийд̇исад̣̇исаа хи бод̇т̇агаарохасан̇г̇ийд̇и. убхад̇овибхан̇г̇з д̣̇вад̇д̇им̣са ваараа сувин̃н̃зяяаава.
3.Porāṇakehi mahātherehīti sīhaḷadīpavāsīhi mahātherehi. Ṭhapitāti potthakasaṅgahārohanakāle ṭhapitā. Catutthasaṅgītisadisā hi potthakārohasaṅgīti. Ubhatovibhaṅge dvattiṃsa vārā suviññeyyāva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. баарааж̇игаган̣д̣ам̣ • 1. Pārājikakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гад̇аабад̇д̇иваараад̣̇иван̣н̣анаа • Katāpattivārādivaṇṇanā
