| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
бариваараван̣н̣анаа
Parivāravaṇṇanā
махааваг̇г̇о
Mahāvaggo
бан̃н̃ад̇д̇иваараван̣н̣анаа
Paññattivāravaṇṇanā
1. висуд̣̇д̇хабариваарасса сийлагканд̇хаад̣̇ид̇хаммагканд̇хасарийрасса бхаг̇авад̇о винаяабарияад̇д̇исаасанз канд̇хагаанам̣ ананд̇арам̣ бариваарод̇и яо винаяо сан̇г̇ахам̣ самаарул̣хо, д̇асса д̣̇аани ануд̇д̇аанад̇т̇аван̣н̣анам̣ гариссаамийд̇и яож̇анаа.
1. Visuddhaparivārassa sīlakkhandhādidhammakkhandhasarīrassa bhagavato vinayapariyattisāsane khandhakānaṃ anantaraṃ parivāroti yo vinayo saṅgahaṃ samāruḷho, tassa dāni anuttānatthavaṇṇanaṃ karissāmīti yojanā.
саманд̇ажагкунаад̇и саб̣б̣ан̃н̃уд̇ан̃н̃аан̣зна. ад̇ивисуд̣̇д̇хзна мам̣сажагкунаад̇и рад̇д̇инд̣̇ивам̣ саманд̇аа яож̇анаббамаан̣з ад̇исукумааниби руубаани бассанад̇о ад̇ивияа барисуд̣̇д̇хзна басаад̣̇ажагкунаа. ‘‘ад̇т̇и д̇ад̇т̇а бан̃н̃ад̇д̇ий’’д̇иаад̣̇ийсу ад̇т̇и ну ко д̇ад̇т̇а бан̃н̃ад̇д̇ийд̇иаад̣̇инаа ад̇т̇о г̇ахзд̇аб̣б̣од̇и ааха ‘‘д̇ад̇т̇а бан̃н̃ад̇д̇и…бз… гзнаабхад̇анд̇и бужчаа’’д̇и.
Samantacakkhunāti sabbaññutaññāṇena. Ativisuddhena maṃsacakkhunāti rattindivaṃ samantā yojanappamāṇe atisukhumānipi rūpāni passanato ativiya parisuddhena pasādacakkhunā. ‘‘Atthi tattha paññattī’’tiādīsu atthi nu kho tattha paññattītiādinā attho gahetabboti āha ‘‘tattha paññatti…pe… kenābhatanti pucchā’’ti.
2. бужчаависсаж̇ж̇анзд̇и бужчааяа виссаж̇ж̇анз. винийд̇агат̇аад̇и винийд̇авад̇т̇угат̇аа, аяамзва ваа баато.
2.Pucchāvissajjaneti pucchāya vissajjane. Vinītakathāti vinītavatthukathā, ayameva vā pāṭho.
д̣̇ван̇г̇игзна згзна самудтаанзнаад̇и ан̇г̇ад̣̇ваяасамуд̣̇ааяабхууд̇зна згзна. ан̇г̇ад̣̇ваяавимуд̇д̇асса самудтаанасса абхаавзби д̇зсу згзнан̇г̇зна винаа аяам̣ аабад̇д̇и на ход̇ийд̇и д̣̇ассанад̇т̇амзва ‘‘згзна самудтаанзнаа’’д̇и вуд̇д̇ам̣. ид̣̇аани д̇зсу д̣̇вийсу ан̇г̇зсу бад̇хаанан̇г̇ам̣ д̣̇ассзд̇умааха ‘‘зд̇т̇а хи жид̇д̇ам̣ ан̇г̇ам̣ ход̇ий’’д̇иаад̣̇и. яасмаа бана маг̇г̇знамаг̇г̇аббадибад̇д̇исан̇каад̇ааяа гааяавин̃н̃ад̇д̇ияаа сзванажид̇д̇знзва самбхавз сад̇и аяам̣ д̇ам̣ ан̇г̇ад̣̇ваяам̣ убаад̣̇ааяа бхаг̇авад̇аа бан̃н̃ад̇д̇аа аабад̇д̇исаммуд̇и ход̇и, наасад̇и. д̇асмаа д̇ам̣ жид̇д̇ам̣ гааяавин̃н̃ад̇д̇исан̇каад̇асса гааяасса ан̇г̇ам̣ гааран̣ам̣ ход̇и, на аабад̇д̇ияаа. д̇асса бана д̇ам̣самудтид̇агааяо зва ан̇г̇ам̣ аб̣яавахид̇агааран̣ам̣, жид̇д̇ам̣ бана гааран̣агааран̣анд̇и ад̇хиббааяо. звам̣ убариби саб̣б̣ад̇т̇а жид̇д̇ан̇г̇аяуд̇д̇асамудтаанзсу ад̇хиббааяо взд̣̇ид̇аб̣б̣о. ‘‘згзна самудтаанзна самудтаад̇ий’’д̇иаад̣̇ибариваараважанзнзва аабад̇д̇ияаа агусалаад̣̇ибарамад̇т̇асабхаавад̇аа баал̣иадтагат̇аасу барияааяад̇ова вуд̇д̇аа, саммуд̇исабхааваа зва аабад̇д̇ийд̇и сиж̇жхад̇и самудтаанасамудтид̇аанам̣ бхзд̣̇асид̣̇д̇хид̇од̇и г̇ахзд̇аб̣б̣ам̣. имамад̇т̇ам̣ санд̇хааяаад̇и аабаннааяа баарааж̇игаабад̇д̇ияаа гзхижиби самат̇зхи анаабад̇д̇ибхааваабаад̣̇анасса асаггун̣зяяад̇д̇асан̇каад̇амад̇т̇ам̣ санд̇хааяа.
Dvaṅgikena ekena samuṭṭhānenāti aṅgadvayasamudāyabhūtena ekena. Aṅgadvayavimuttassa samuṭṭhānassa abhāvepi tesu ekenaṅgena vinā ayaṃ āpatti na hotīti dassanatthameva ‘‘ekena samuṭṭhānenā’’ti vuttaṃ. Idāni tesu dvīsu aṅgesu padhānaṅgaṃ dassetumāha ‘‘ettha hi cittaṃ aṅgaṃ hotī’’tiādi. Yasmā pana maggenamaggappaṭipattisaṅkhātāya kāyaviññattiyā sevanacitteneva sambhave sati ayaṃ taṃ aṅgadvayaṃ upādāya bhagavatā paññattā āpattisammuti hoti, nāsati. Tasmā taṃ cittaṃ kāyaviññattisaṅkhātassa kāyassa aṅgaṃ kāraṇaṃ hoti, na āpattiyā. Tassa pana taṃsamuṭṭhitakāyo eva aṅgaṃ abyavahitakāraṇaṃ, cittaṃ pana kāraṇakāraṇanti adhippāyo. Evaṃ uparipi sabbattha cittaṅgayuttasamuṭṭhānesu adhippāyo veditabbo. ‘‘Ekena samuṭṭhānena samuṭṭhātī’’tiādiparivāravacaneneva āpattiyā akusalādiparamatthasabhāvatā pāḷiaṭṭhakathāsu pariyāyatova vuttā, sammutisabhāvā eva āpattīti sijjhati samuṭṭhānasamuṭṭhitānaṃ bhedasiddhitoti gahetabbaṃ. Imamatthaṃ sandhāyāti āpannāya pārājikāpattiyā kehicipi samathehi anāpattibhāvāpādanassa asakkuṇeyyattasaṅkhātamatthaṃ sandhāya.
3. бораан̣агзхи махаат̇зрзхийд̇и сан̇г̇ийд̇ид̇д̇аяад̇о бажчаа бод̇т̇агасан̇г̇ийд̇игаарагзхи чал̣абхин̃н̃аабаасамбхид̣̇аад̣̇иг̇ун̣асамуж̇ж̇алзхи махаат̇зрзхи. жад̇уд̇т̇асан̇г̇ийд̇исад̣̇исаа хи бод̇т̇агаарохасан̇г̇ийд̇и.
3.Porāṇakehi mahātherehīti saṅgītittayato pacchā potthakasaṅgītikārakehi chaḷabhiññāpaasambhidādiguṇasamujjalehi mahātherehi. Catutthasaṅgītisadisā hi potthakārohasaṅgīti.
188. махаавибхан̇г̇зд̇и бхигкувибхан̇г̇з. сол̣аса ваараа д̣̇ассид̇аад̇и язхи ваарзхи аад̣̇ибхууд̇зхи убалагкид̇ад̇д̇аа аяам̣ сагалоби баривааро сол̣асабариваарод̇и вохарийяад̇и, д̇з санд̇хааяа вад̣̇ад̇и.
188.Mahāvibhaṅgeti bhikkhuvibhaṅge. Soḷasa vārā dassitāti yehi vārehi ādibhūtehi upalakkhitattā ayaṃ sakalopi parivāro soḷasaparivāroti voharīyati, te sandhāya vadati.
бан̃н̃ад̇д̇иваараван̣н̣анаа нидтид̇аа.
Paññattivāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
1. баарааж̇игаган̣д̣ам̣ • 1. Pārājikakaṇḍaṃ
1. баарааж̇игаган̣д̣ам̣ • 1. Pārājikakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā
бан̃н̃ад̇д̇иваараван̣н̣анаа • Paññattivāravaṇṇanā
гад̇аабад̇д̇иваараад̣̇иван̣н̣анаа • Katāpattivārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃н̃ад̇д̇иваараван̣н̣анаа • Paññattivāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гад̇аабад̇д̇иваараад̣̇иван̣н̣анаа • Katāpattivārādivaṇṇanā
