| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. පඤ්‌ඤවන්‌තසුත්‌තං
5. Paññavantasuttaṃ
226. ‘‘‘පඤ්‌ඤවා අනෙළමූගො, පඤ්‌ඤවා අනෙළමූගො’ති, භන්‌තෙ, වුච්‌චති. කිත්‌තාවතා නු ඛො, භන්‌තෙ, ‘පඤ්‌ඤවා අනෙළමූගො’ති වුච්‌චතී’’ති? ‘‘සත්‌තන්‌නං ඛො, භික්‌ඛු, බොජ්‌ඣඞ්‌ගානං භාවිතත්‌තා බහුලීකතත්‌තා ‘පඤ්‌ඤවා අනෙළමූගො’ති වුච්‌චති. කතමෙසං සත්‌තන්‌නං? සතිසම්‌බොජ්‌ඣඞ්‌ගස්‌ස…පෙ.… උපෙක්‌ඛාසම්‌බොජ්‌ඣඞ්‌ගස්‌ස – ඉමෙසං ඛො, භික්‌ඛු, සත්‌තන්‌නං බොජ්‌ඣඞ්‌ගානං භාවිතත්‌තා බහුලීකතත්‌තා ‘පඤ්‌ඤවා අනෙළමූගො’ති වුච්‌චතී’’ති. පඤ්‌චමං.
226. ‘‘‘Paññavā aneḷamūgo, paññavā aneḷamūgo’ti, bhante, vuccati. Kittāvatā nu kho, bhante, ‘paññavā aneḷamūgo’ti vuccatī’’ti? ‘‘Sattannaṃ kho, bhikkhu, bojjhaṅgānaṃ bhāvitattā bahulīkatattā ‘paññavā aneḷamūgo’ti vuccati. Katamesaṃ sattannaṃ? Satisambojjhaṅgassa…pe… upekkhāsambojjhaṅgassa – imesaṃ kho, bhikkhu, sattannaṃ bojjhaṅgānaṃ bhāvitattā bahulīkatattā ‘paññavā aneḷamūgo’ti vuccatī’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4-10. දුප්‌පඤ්‌ඤසුත්‌තාදිවණ්‌ණනා • 4-10. Duppaññasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4-10. දුප්‌පඤ්‌ඤසුත්‌තාදිවණ්‌ණනා • 4-10. Duppaññasuttādivaṇṇanā
