| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๖. มกฺกฎกวโคฺค
6. Makkaṭakavaggo
๑. ปนฺถมกฺกฎกงฺคปโญฺห
1. Panthamakkaṭakaṅgapañho
๑. ‘‘ภเนฺต นาคเสน, ‘ปนฺถมกฺกฎกสฺส เอกํ องฺคํ คเหตพฺพ’นฺติ ยํ วเทสิ, กตมํ ตํ เอกํ องฺคํ คเหตพฺพ’’นฺติ? ‘‘ยถา, มหาราช, ปนฺถมกฺกฎโก ปเนฺถ มกฺกฎชาลวิตานํ กตฺวา ยทิ ตตฺถ ชาลเก ลคฺคติ กิมิ วา มกฺขิกา วา ปฎโงฺค วา, ตํ คเหตฺวา ภกฺขยติ, เอวเมว โข, มหาราช, โยคินา โยคาวจเรน ฉสุ ทฺวาเรสุ สติปฎฺฐานชาลวิตานํ กตฺวา ยทิ ตตฺถ กิเลสมกฺขิกา พชฺฌนฺติ, ตเตฺถว ฆาเตตพฺพาฯ อิทํ, มหาราช, ปนฺถมกฺกฎกสฺส เอกํ องฺคํ คเหตพฺพํฯ ภาสิตเมฺปตํ, มหาราช, เถเรน อนุรุเทฺธน –
1. ‘‘Bhante nāgasena, ‘panthamakkaṭakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, panthamakkaṭako panthe makkaṭajālavitānaṃ katvā yadi tattha jālake laggati kimi vā makkhikā vā paṭaṅgo vā, taṃ gahetvā bhakkhayati, evameva kho, mahārāja, yoginā yogāvacarena chasu dvāresu satipaṭṭhānajālavitānaṃ katvā yadi tattha kilesamakkhikā bajjhanti, tattheva ghātetabbā. Idaṃ, mahārāja, panthamakkaṭakassa ekaṃ aṅgaṃ gahetabbaṃ. Bhāsitampetaṃ, mahārāja, therena anuruddhena –
‘‘‘จิตฺตํ นิยเม ฉสุ ทฺวาเรสุ, สติปฎฺฐานวรุตฺตเม;
‘‘‘Cittaṃ niyame chasu dvāresu, satipaṭṭhānavaruttame;
กิเลสา ตตฺถ ลคฺคา เจ, หนฺตพฺพา เต วิปสฺสินา’’’ติฯ
Kilesā tattha laggā ce, hantabbā te vipassinā’’’ti.
ปนฺถมกฺกฎกงฺคปโญฺห ปฐโมฯ
Panthamakkaṭakaṅgapañho paṭhamo.
