| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਮਕ੍ਕਟਕવਗ੍ਗੋ
6. Makkaṭakavaggo
੧. ਪਨ੍ਥਮਕ੍ਕਟਕਙ੍ਗਪਞ੍ਹੋ
1. Panthamakkaṭakaṅgapañho
੧. ‘‘ਭਨ੍ਤੇ ਨਾਗਸੇਨ, ‘ਪਨ੍ਥਮਕ੍ਕਟਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਪਨ੍ਥਮਕ੍ਕਟਕੋ ਪਨ੍ਥੇ ਮਕ੍ਕਟਜਾਲવਿਤਾਨਂ ਕਤ੍વਾ ਯਦਿ ਤਤ੍ਥ ਜਾਲਕੇ ਲਗ੍ਗਤਿ ਕਿਮਿ વਾ ਮਕ੍ਖਿਕਾ વਾ ਪਟਙ੍ਗੋ વਾ, ਤਂ ਗਹੇਤ੍વਾ ਭਕ੍ਖਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਛਸੁ ਦ੍વਾਰੇਸੁ ਸਤਿਪਟ੍ਠਾਨਜਾਲવਿਤਾਨਂ ਕਤ੍વਾ ਯਦਿ ਤਤ੍ਥ ਕਿਲੇਸਮਕ੍ਖਿਕਾ ਬਜ੍ਝਨ੍ਤਿ, ਤਤ੍ਥੇવ ਘਾਤੇਤਬ੍ਬਾ। ਇਦਂ, ਮਹਾਰਾਜ, ਪਨ੍ਥਮਕ੍ਕਟਕਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਅਨੁਰੁਦ੍ਧੇਨ –
1. ‘‘Bhante nāgasena, ‘panthamakkaṭakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, panthamakkaṭako panthe makkaṭajālavitānaṃ katvā yadi tattha jālake laggati kimi vā makkhikā vā paṭaṅgo vā, taṃ gahetvā bhakkhayati, evameva kho, mahārāja, yoginā yogāvacarena chasu dvāresu satipaṭṭhānajālavitānaṃ katvā yadi tattha kilesamakkhikā bajjhanti, tattheva ghātetabbā. Idaṃ, mahārāja, panthamakkaṭakassa ekaṃ aṅgaṃ gahetabbaṃ. Bhāsitampetaṃ, mahārāja, therena anuruddhena –
‘‘‘ਚਿਤ੍ਤਂ ਨਿਯਮੇ ਛਸੁ ਦ੍વਾਰੇਸੁ, ਸਤਿਪਟ੍ਠਾਨવਰੁਤ੍ਤਮੇ।
‘‘‘Cittaṃ niyame chasu dvāresu, satipaṭṭhānavaruttame;
ਕਿਲੇਸਾ ਤਤ੍ਥ ਲਗ੍ਗਾ ਚੇ, ਹਨ੍ਤਬ੍ਬਾ ਤੇ વਿਪਸ੍ਸਿਨਾ’’’ਤਿ॥
Kilesā tattha laggā ce, hantabbā te vipassinā’’’ti.
ਪਨ੍ਥਮਕ੍ਕਟਕਙ੍ਗਪਞ੍ਹੋ ਪਠਮੋ।
Panthamakkaṭakaṅgapañho paṭhamo.
