| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. баабабун̃н̃аанам̣ аббаанаббабхаавабан̃хо
7. Pāpapuññānaṃ appānappabhāvapañho
7. рааж̇аа ааха ‘‘бханд̇з нааг̇асзна, гад̇арам̣ ну ко б̣ахуд̇арам̣ бун̃н̃ам̣ ваа абун̃н̃ам̣ ваа’’д̇и? ‘‘бун̃н̃ам̣ ко, махаарааж̇а , б̣ахуд̇арам̣, абун̃н̃ам̣ т̇ога’’нд̇и. ‘‘гзна гааран̣знаа’’д̇и? ‘‘абун̃н̃ам̣ ко, махаарааж̇а, гаронд̇о виббадисаарий ход̇и ‘баабагаммам̣ маяаа гад̇а’нд̇и, д̇зна баабам̣ на вад̣дхад̇и. бун̃н̃ам̣ ко, махаарааж̇а, гаронд̇о авиббадисаарий ход̇и, авиббадисаарино баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и, самаахид̇о яат̇аабхууд̇ам̣ баж̇аанаад̇и, д̇зна гааран̣зна бун̃н̃ам̣ вад̣дхад̇и. бурисо ко, махаарааж̇а, чиннахад̇т̇абаад̣̇о бхаг̇авад̇о згам̣ уббалахад̇т̇ам̣ д̣̇ад̇ваа зганавуд̇игаббаани винибаад̇ам̣ на г̇ажчиссад̇и. иминааби, махаарааж̇а, гааран̣зна бхан̣аами ‘бун̃н̃ам̣ б̣ахуд̇арам̣, абун̃н̃ам̣ т̇ога’’’нд̇и.
7. Rājā āha ‘‘bhante nāgasena, kataraṃ nu kho bahutaraṃ puññaṃ vā apuññaṃ vā’’ti? ‘‘Puññaṃ kho, mahārāja , bahutaraṃ, apuññaṃ thoka’’nti. ‘‘Kena kāraṇenā’’ti? ‘‘Apuññaṃ kho, mahārāja, karonto vippaṭisārī hoti ‘pāpakammaṃ mayā kata’nti, tena pāpaṃ na vaḍḍhati. Puññaṃ kho, mahārāja, karonto avippaṭisārī hoti, avippaṭisārino pāmojjaṃ jāyati, pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati, samāhito yathābhūtaṃ pajānāti, tena kāraṇena puññaṃ vaḍḍhati. Puriso kho, mahārāja, chinnahatthapādo bhagavato ekaṃ uppalahatthaṃ datvā ekanavutikappāni vinipātaṃ na gacchissati. Imināpi, mahārāja, kāraṇena bhaṇāmi ‘puññaṃ bahutaraṃ, apuññaṃ thoka’’’nti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
баабабун̃н̃аанам̣ аббаанаббабхаавабан̃хо сад̇д̇амо.
Pāpapuññānaṃ appānappabhāvapañho sattamo.
