| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. баабасааман̣зрийсуд̇д̇ам̣
11. Pāpasāmaṇerīsuttaṃ
222. ‘‘ид̇хаахам̣, аавусо, г̇иж̇жхагуудаа баб̣б̣ад̇аа ороханд̇о ад̣̇д̣̇асам̣ сааман̣зрим̣ взхаасам̣ г̇ажчанд̇им̣. д̇ассаа сан̇гхаадиби аад̣̇ид̇д̇аа самбаж̇ж̇алид̇аа саж̇од̇ибхууд̇аа, бад̇д̇оби аад̣̇ид̇д̇о самбаж̇ж̇алид̇о саж̇од̇ибхууд̇о, гааяаб̣анд̇ханамби аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣, гааяоби аад̣̇ид̇д̇о самбаж̇ж̇алид̇о саж̇од̇ибхууд̇о. саа суд̣̇ам̣ аддассарам̣ гарод̇и. д̇асса маяхам̣, аавусо, зд̇ад̣̇ахоси – ‘ажчарияам̣ вад̇а, бхо, аб̣бхуд̇ам̣ вад̇а, бхо! зваруубоби наама сад̇д̇о бхависсад̇и! зваруубоби наама яагко бхависсад̇и! зваруубоби наама ад̇д̇абхаавабадилаабхо бхависсад̇ий’’’д̇и!!
222. ‘‘Idhāhaṃ, āvuso, gijjhakūṭā pabbatā orohanto addasaṃ sāmaṇeriṃ vehāsaṃ gacchantiṃ. Tassā saṅghāṭipi ādittā sampajjalitā sajotibhūtā, pattopi āditto sampajjalito sajotibhūto, kāyabandhanampi ādittaṃ sampajjalitaṃ sajotibhūtaṃ, kāyopi āditto sampajjalito sajotibhūto. Sā sudaṃ aṭṭassaraṃ karoti. Tassa mayhaṃ, āvuso, etadahosi – ‘acchariyaṃ vata, bho, abbhutaṃ vata, bho! Evarūpopi nāma satto bhavissati! Evarūpopi nāma yakkho bhavissati! Evarūpopi nāma attabhāvapaṭilābho bhavissatī’’’ti!!
ат̇а ко бхаг̇аваа бхигкуу ааманд̇зси – ‘‘жагкубхууд̇аа вад̇а, бхигкавз, саавагаа вихаранд̇и; н̃аан̣абхууд̇аа вад̇а, бхигкавз, саавагаа вихаранд̇и, яад̇ра хи наама сааваго зваруубам̣ н̃ассад̇и ваа д̣̇агкад̇и ваа сагким̣ ваа гариссад̇и. буб̣б̣зва мз саа, бхигкавз, сааман̣зрий д̣̇идтаа ахоси. аби жаахам̣ на б̣яаагаасим̣. ахан̃жзд̇ам̣ б̣яаагарзяяам̣, барз жа мз на сад̣̇д̣̇ахзяяум̣. яз мз на сад̣̇д̣̇ахзяяум̣, д̇зсам̣ д̇ам̣ асса д̣̇ийгхарад̇д̇ам̣ ахид̇ааяа д̣̇угкааяа. зсаа, бхигкавз, сааман̣зрий гассабасса саммаасамб̣уд̣̇д̇хасса бааважанз баабасааман̣зрий ахоси. саа д̇асса гаммасса вибаагзна б̣ахууни вассаани б̣ахууни вассасад̇аани б̣ахууни вассасахассаани б̣ахууни вассасад̇асахассаани нираяз бажжид̇ваа д̇ассзва гаммасса вибаагаавасзсзна зваруубам̣ ад̇д̇абхаавабадилаабхам̣ бадисам̣взд̣̇аяад̇ий’’д̇и. згаад̣̇асамам̣.
Atha kho bhagavā bhikkhū āmantesi – ‘‘cakkhubhūtā vata, bhikkhave, sāvakā viharanti; ñāṇabhūtā vata, bhikkhave, sāvakā viharanti, yatra hi nāma sāvako evarūpaṃ ñassati vā dakkhati vā sakkhiṃ vā karissati. Pubbeva me sā, bhikkhave, sāmaṇerī diṭṭhā ahosi. Api cāhaṃ na byākāsiṃ. Ahañcetaṃ byākareyyaṃ, pare ca me na saddaheyyuṃ. Ye me na saddaheyyuṃ, tesaṃ taṃ assa dīgharattaṃ ahitāya dukkhāya. Esā, bhikkhave, sāmaṇerī kassapassa sammāsambuddhassa pāvacane pāpasāmaṇerī ahosi. Sā tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccitvā tasseva kammassa vipākāvasesena evarūpaṃ attabhāvapaṭilābhaṃ paṭisaṃvedayatī’’ti. Ekādasamaṃ.
д̣̇уд̇ияо ваг̇г̇о.
Dutiyo vaggo.
д̇ассуд̣̇д̣̇аанам̣ –
Tassuddānaṃ –
гуубз нимуг̇г̇о хи со баарад̣̇аариго;
Kūpe nimuggo hi so pāradāriko;
г̇уут̇акаад̣̇и аху д̣̇удтаб̣раахман̣о.
Gūthakhādi ahu duṭṭhabrāhmaṇo.
нижчавид̇т̇и ад̇ижаариний аху;
Nicchavitthi aticārinī ahu;
ман̇г̇улид̇т̇и аху игкан̣ид̇т̇игаа.
Maṅgulitthi ahu ikkhaṇitthikā.
огилини сабад̇д̇ан̇г̇аарогири;
Okilini sapattaṅgārokiri;
сийсажчинно аху жорагхаад̇аго.
Sīsacchinno ahu coraghātako.
бхигку бхигкуний сигкамаанаа;
Bhikkhu bhikkhunī sikkhamānā;
сааман̣зро ат̇а сааман̣зригаа.
Sāmaṇero atha sāmaṇerikā.
гассабасса винаяасмим̣ баб̣б̣аж̇ж̇ам̣;
Kassapassa vinayasmiṃ pabbajjaṃ;
баабагаммам̣ гарим̣су д̇аавад̣̇зд̇и.
Pāpakammaṃ kariṃsu tāvadeti.
лагкан̣асам̣яуд̇д̇ам̣ самад̇д̇ам̣.
Lakkhaṇasaṃyuttaṃ samattaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7-11. баабабхигкусуд̇д̇аад̣̇иван̣н̣анаа • 7-11. Pāpabhikkhusuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7-11. баабабхигкусуд̇д̇аад̣̇иван̣н̣анаа • 7-11. Pāpabhikkhusuttādivaṇṇanā
