| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. бабаад̇асуд̇д̇ам̣
2. Papātasuttaṃ
1112. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко бхаг̇аваа бхигкуу ааманд̇зси – ‘‘ааяаама, бхигкавз, язна бадибхаанагуудо д̇знубасан̇гамиссаама д̣̇иваавихаарааяаа’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. ат̇а ко бхаг̇аваа самб̣ахулзхи бхигкуухи сад̣̇д̇хим̣ язна бадибхаанагуудо д̇знубасан̇гами. ад̣̇д̣̇асаа ко ан̃н̃ад̇аро бхигку бадибхаанагуудз маханд̇ам̣ бабаад̇ам̣. д̣̇исваана бхаг̇аванд̇ам̣ зд̇ад̣̇авожа – ‘‘махаа вад̇ааяам̣, бханд̇з, бабаад̇о субхаяаанаго, бханд̇з, бабаад̇о. ад̇т̇и ну ко, бханд̇з, имамхаа бабаад̇аа ан̃н̃о бабаад̇о маханд̇ад̇аро жа бхаяаанагад̇аро жаа’’д̇и? ‘‘ад̇т̇и ко, бхигку, имамхаа бабаад̇аа ан̃н̃о бабаад̇о маханд̇ад̇аро жа бхаяаанагад̇аро жаа’’д̇и.
1112. Ekaṃ samayaṃ bhagavā rājagahe viharati gijjhakūṭe pabbate. Atha kho bhagavā bhikkhū āmantesi – ‘‘āyāma, bhikkhave, yena paṭibhānakūṭo tenupasaṅkamissāma divāvihārāyā’’ti. ‘‘Evaṃ, bhante’’ti kho te bhikkhū bhagavato paccassosuṃ. Atha kho bhagavā sambahulehi bhikkhūhi saddhiṃ yena paṭibhānakūṭo tenupasaṅkami. Addasā kho aññataro bhikkhu paṭibhānakūṭe mahantaṃ papātaṃ. Disvāna bhagavantaṃ etadavoca – ‘‘mahā vatāyaṃ, bhante, papāto subhayānako, bhante, papāto. Atthi nu kho, bhante, imamhā papātā añño papāto mahantataro ca bhayānakataro cā’’ti? ‘‘Atthi kho, bhikkhu, imamhā papātā añño papāto mahantataro ca bhayānakataro cā’’ti.
‘‘гад̇амо бана, бханд̇з, имамхаа бабаад̇аа ан̃н̃о бабаад̇о маханд̇ад̇аро жа бхаяаанагад̇аро жаа’’д̇и? ‘‘яз хи гзжи, бхигкавз, саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аананд̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ наббаж̇аананд̇и, ‘аяам̣ д̣̇угканирод̇хо’д̇и яат̇аабхууд̇ам̣ наббаж̇аананд̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аананд̇и, д̇з ж̇аад̇исам̣вад̇д̇анигзсу сан̇каарзсу абхираманд̇и, ж̇араасам̣вад̇д̇анигзсу сан̇каарзсу абхираманд̇и , маран̣асам̣вад̇д̇анигзсу сан̇каарзсу абхираманд̇и, согабарид̣̇звад̣̇угкад̣̇оманассубааяаасасам̣вад̇д̇анигзсу сан̇каарзсу абхираманд̇и. д̇з ж̇аад̇исам̣вад̇д̇анигзсу сан̇каарзсу абхирад̇аа ж̇араасам̣вад̇д̇анигзсу сан̇каарзсу абхирад̇аа маран̣асам̣вад̇д̇анигзсу сан̇каарзсу абхирад̇аа согабарид̣̇звад̣̇угкад̣̇оманассубааяаасасам̣вад̇д̇анигзсу сан̇каарзсу абхирад̇аа ж̇аад̇исам̣вад̇д̇анигзби сан̇каарз абхисан̇каронд̇и, ж̇араасам̣вад̇д̇анигзби сан̇каарз абхисан̇каронд̇и, маран̣асам̣вад̇д̇анигзби сан̇каарз абхисан̇каронд̇и, согабарид̣̇звад̣̇угкад̣̇оманассубааяаасасам̣вад̇д̇анигзби сан̇каарз абхисан̇каронд̇и. д̇з ж̇аад̇исам̣вад̇д̇анигзби сан̇каарз абхисан̇карид̇ваа ж̇араасам̣вад̇д̇анигзби сан̇каарз абхисан̇карид̇ваа маран̣асам̣вад̇д̇анигзби сан̇каарз абхисан̇карид̇ваа согабарид̣̇звад̣̇угкад̣̇оманассубааяаасасам̣вад̇д̇анигзби сан̇каарз абхисан̇карид̇ваа ж̇аад̇ибабаад̇амби бабад̇анд̇и, ж̇араабабаад̇амби бабад̇анд̇и, маран̣абабаад̇амби бабад̇анд̇и, согабарид̣̇звад̣̇угкад̣̇оманассубааяаасабабаад̇амби бабад̇анд̇и. д̇з на баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘на баримужжанд̇и д̣̇угкасмаа’д̇и вад̣̇аами’’.
‘‘Katamo pana, bhante, imamhā papātā añño papāto mahantataro ca bhayānakataro cā’’ti? ‘‘Ye hi keci, bhikkhave, samaṇā vā brāhmaṇā vā ‘idaṃ dukkha’nti yathābhūtaṃ nappajānanti, ‘ayaṃ dukkhasamudayo’ti yathābhūtaṃ nappajānanti, ‘ayaṃ dukkhanirodho’ti yathābhūtaṃ nappajānanti, ‘ayaṃ dukkhanirodhagāminī paṭipadā’ti yathābhūtaṃ nappajānanti, te jātisaṃvattanikesu saṅkhāresu abhiramanti, jarāsaṃvattanikesu saṅkhāresu abhiramanti , maraṇasaṃvattanikesu saṅkhāresu abhiramanti, sokaparidevadukkhadomanassupāyāsasaṃvattanikesu saṅkhāresu abhiramanti. Te jātisaṃvattanikesu saṅkhāresu abhiratā jarāsaṃvattanikesu saṅkhāresu abhiratā maraṇasaṃvattanikesu saṅkhāresu abhiratā sokaparidevadukkhadomanassupāyāsasaṃvattanikesu saṅkhāresu abhiratā jātisaṃvattanikepi saṅkhāre abhisaṅkharonti, jarāsaṃvattanikepi saṅkhāre abhisaṅkharonti, maraṇasaṃvattanikepi saṅkhāre abhisaṅkharonti, sokaparidevadukkhadomanassupāyāsasaṃvattanikepi saṅkhāre abhisaṅkharonti. Te jātisaṃvattanikepi saṅkhāre abhisaṅkharitvā jarāsaṃvattanikepi saṅkhāre abhisaṅkharitvā maraṇasaṃvattanikepi saṅkhāre abhisaṅkharitvā sokaparidevadukkhadomanassupāyāsasaṃvattanikepi saṅkhāre abhisaṅkharitvā jātipapātampi papatanti, jarāpapātampi papatanti, maraṇapapātampi papatanti, sokaparidevadukkhadomanassupāyāsapapātampi papatanti. Te na parimuccanti jātiyā jarāya maraṇena sokehi paridevehi dukkhehi domanassehi upāyāsehi. ‘Na parimuccanti dukkhasmā’ti vadāmi’’.
‘‘яз жа ко гзжи, бхигкавз, саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ баж̇аананд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аананд̇и, д̇з ж̇аад̇исам̣вад̇д̇анигзсу сан̇каарзсу наабхираманд̇и, ж̇араасам̣вад̇д̇анигзсу сан̇каарзсу наабхираманд̇и, маран̣асам̣вад̇д̇анигзсу сан̇каарзсу наабхираманд̇и, согабарид̣̇звад̣̇угкад̣̇оманассубааяаасасам̣вад̇д̇анигзсу сан̇каарзсу наабхираманд̇и. д̇з ж̇аад̇исам̣вад̇д̇анигзсу сан̇каарзсу анабхирад̇аа, ж̇араасам̣вад̇д̇анигзсу сан̇каарзсу анабхирад̇аа, маран̣асам̣вад̇д̇анигзсу сан̇каарзсу анабхирад̇аа, согабарид̣̇звад̣̇угкад̣̇оманассубааяаасасам̣вад̇д̇анигзсу сан̇каарзсу анабхирад̇аа, ж̇аад̇исам̣вад̇д̇анигзби сан̇каарз наабхисан̇каронд̇и, ж̇араасам̣вад̇д̇анигзби сан̇каарз наабхисан̇каронд̇и, маран̣асам̣вад̇д̇анигзби сан̇каарз наабхисан̇каронд̇и, согабарид̣̇звад̣̇угкад̣̇оманассубааяаасасам̣вад̇д̇анигзби сан̇каарз наабхисан̇каронд̇и. д̇з ж̇аад̇исам̣вад̇д̇анигзби сан̇каарз анабхисан̇карид̇ваа, ж̇араасам̣вад̇д̇анигзби сан̇каарз анабхисан̇карид̇ваа, маран̣асам̣вад̇д̇анигзби сан̇каарз анабхисан̇карид̇ваа, согабарид̣̇звад̣̇угкад̣̇оманассубааяаасасам̣вад̇д̇анигзби сан̇каарз анабхисан̇карид̇ваа, ж̇аад̇ибабаад̇амби наббабад̇анд̇и, ж̇араабабаад̇амби наббабад̇анд̇и, маран̣абабаад̇амби наббабад̇анд̇и, согабарид̣̇звад̣̇угкад̣̇оманассубааяаасабабаад̇амби наббабад̇анд̇и. д̇з баримужжанд̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘баримужжанд̇и д̣̇угкасмаа’д̇и вад̣̇аами’’.
‘‘Ye ca kho keci, bhikkhave, samaṇā vā brāhmaṇā vā ‘idaṃ dukkha’nti yathābhūtaṃ pajānanti…pe… ‘ayaṃ dukkhanirodhagāminī paṭipadā’ti yathābhūtaṃ pajānanti, te jātisaṃvattanikesu saṅkhāresu nābhiramanti, jarāsaṃvattanikesu saṅkhāresu nābhiramanti, maraṇasaṃvattanikesu saṅkhāresu nābhiramanti, sokaparidevadukkhadomanassupāyāsasaṃvattanikesu saṅkhāresu nābhiramanti. Te jātisaṃvattanikesu saṅkhāresu anabhiratā, jarāsaṃvattanikesu saṅkhāresu anabhiratā, maraṇasaṃvattanikesu saṅkhāresu anabhiratā, sokaparidevadukkhadomanassupāyāsasaṃvattanikesu saṅkhāresu anabhiratā, jātisaṃvattanikepi saṅkhāre nābhisaṅkharonti, jarāsaṃvattanikepi saṅkhāre nābhisaṅkharonti, maraṇasaṃvattanikepi saṅkhāre nābhisaṅkharonti, sokaparidevadukkhadomanassupāyāsasaṃvattanikepi saṅkhāre nābhisaṅkharonti. Te jātisaṃvattanikepi saṅkhāre anabhisaṅkharitvā, jarāsaṃvattanikepi saṅkhāre anabhisaṅkharitvā, maraṇasaṃvattanikepi saṅkhāre anabhisaṅkharitvā, sokaparidevadukkhadomanassupāyāsasaṃvattanikepi saṅkhāre anabhisaṅkharitvā, jātipapātampi nappapatanti, jarāpapātampi nappapatanti, maraṇapapātampi nappapatanti, sokaparidevadukkhadomanassupāyāsapapātampi nappapatanti. Te parimuccanti jātiyā jarāya maraṇena sokehi paridevehi dukkhehi domanassehi upāyāsehi. ‘Parimuccanti dukkhasmā’ti vadāmi’’.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. д̣̇уд̇ияам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-3. бабаад̇асуд̇д̇аад̣̇иван̣н̣анаа • 2-3. Papātasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-3. бабаад̇асуд̇д̇аад̣̇иван̣н̣анаа • 2-3. Papātasuttādivaṇṇanā
