| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
२. पपतितसुत्तं
2. Papatitasuttaṃ
२. ‘‘चतूहि, भिक्खवे, धम्मेहि असमन्नागतो ‘इमस्मा धम्मविनया पपतितो’ति वुच्चति। कतमेहि चतूहि? अरियेन, भिक्खवे, सीलेन असमन्नागतो ‘इमस्मा धम्मविनया पपतितो’ति वुच्चति। अरियेन, भिक्खवे, समाधिना असमन्नागतो ‘इमस्मा धम्मविनया पपतितो’ति वुच्चति। अरियाय, भिक्खवे, पञ्ञाय असमन्नागतो ‘इमस्मा धम्मविनया पपतितो’ति वुच्चति। अरियाय, भिक्खवे, विमुत्तिया असमन्नागतो ‘इमस्मा धम्मविनया पपतितो’ति वुच्चति। इमेहि खो, भिक्खवे, चतूहि धम्मेहि असमन्नागतो ‘इमस्मा धम्मविनया पपतितो’ति वुच्चति।
2. ‘‘Catūhi, bhikkhave, dhammehi asamannāgato ‘imasmā dhammavinayā papatito’ti vuccati. Katamehi catūhi? Ariyena, bhikkhave, sīlena asamannāgato ‘imasmā dhammavinayā papatito’ti vuccati. Ariyena, bhikkhave, samādhinā asamannāgato ‘imasmā dhammavinayā papatito’ti vuccati. Ariyāya, bhikkhave, paññāya asamannāgato ‘imasmā dhammavinayā papatito’ti vuccati. Ariyāya, bhikkhave, vimuttiyā asamannāgato ‘imasmā dhammavinayā papatito’ti vuccati. Imehi kho, bhikkhave, catūhi dhammehi asamannāgato ‘imasmā dhammavinayā papatito’ti vuccati.
‘‘चतूहि , भिक्खवे, धम्मेहि समन्नागतो ‘इमस्मा धम्मविनया अपपतितो’ति 1 वुच्चति। कतमेहि चतूहि? अरियेन, भिक्खवे, सीलेन समन्नागतो ‘इमस्मा धम्मविनया अपपतितो’ति वुच्चति। अरियेन, भिक्खवे, समाधिना समन्नागतो ‘इमस्मा धम्मविनया अपपतितो’ति वुच्चति। अरियाय, भिक्खवे, पञ्ञाय समन्नागतो ‘इमस्मा धम्मविनया अपपतितो’ति वुच्चति। अरियाय, भिक्खवे, विमुत्तिया समन्नागतो ‘इमस्मा धम्मविनया अपपतितो’ति वुच्चति। इमेहि खो, भिक्खवे, चतूहि धम्मेहि समन्नागतो ‘इमस्मा धम्मविनया अपपतितो’ति वुच्चती’’ति।
‘‘Catūhi , bhikkhave, dhammehi samannāgato ‘imasmā dhammavinayā apapatito’ti 2 vuccati. Katamehi catūhi? Ariyena, bhikkhave, sīlena samannāgato ‘imasmā dhammavinayā apapatito’ti vuccati. Ariyena, bhikkhave, samādhinā samannāgato ‘imasmā dhammavinayā apapatito’ti vuccati. Ariyāya, bhikkhave, paññāya samannāgato ‘imasmā dhammavinayā apapatito’ti vuccati. Ariyāya, bhikkhave, vimuttiyā samannāgato ‘imasmā dhammavinayā apapatito’ti vuccati. Imehi kho, bhikkhave, catūhi dhammehi samannāgato ‘imasmā dhammavinayā apapatito’ti vuccatī’’ti.
‘‘चुता पतन्ति पतिता, गिद्धा च पुनरागता।
‘‘Cutā patanti patitā, giddhā ca punarāgatā;
कतं किच्चं रतं रम्मं, सुखेनान्वागतं सुख’’न्त्न्त्ति॥ दुतियं।
Kataṃ kiccaṃ rataṃ rammaṃ, sukhenānvāgataṃ sukha’’ntntti. dutiyaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / २. पपतितसुत्तवण्णना • 2. Papatitasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-२. अनुबुद्धसुत्तादिवण्णना • 1-2. Anubuddhasuttādivaṇṇanā
