| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. པཔཏིཏསུཏྟཾ
2. Papatitasuttaṃ
༢. ‘‘ཙཏཱུཧི, བྷིཀྑཝེ, དྷམྨེཧི ཨསམནྣཱགཏོ ‘ཨིམསྨཱ དྷམྨཝིནཡཱ པཔཏིཏོ’ཏི ཝུཙྩཏི། ཀཏམེཧི ཙཏཱུཧི? ཨརིཡེན, བྷིཀྑཝེ, སཱིལེན ཨསམནྣཱགཏོ ‘ཨིམསྨཱ དྷམྨཝིནཡཱ པཔཏིཏོ’ཏི ཝུཙྩཏི། ཨརིཡེན, བྷིཀྑཝེ, སམཱདྷིནཱ ཨསམནྣཱགཏོ ‘ཨིམསྨཱ དྷམྨཝིནཡཱ པཔཏིཏོ’ཏི ཝུཙྩཏི། ཨརིཡཱཡ, བྷིཀྑཝེ, པཉྙཱཡ ཨསམནྣཱགཏོ ‘ཨིམསྨཱ དྷམྨཝིནཡཱ པཔཏིཏོ’ཏི ཝུཙྩཏི། ཨརིཡཱཡ, བྷིཀྑཝེ, ཝིམུཏྟིཡཱ ཨསམནྣཱགཏོ ‘ཨིམསྨཱ དྷམྨཝིནཡཱ པཔཏིཏོ’ཏི ཝུཙྩཏི། ཨིམེཧི ཁོ, བྷིཀྑཝེ, ཙཏཱུཧི དྷམྨེཧི ཨསམནྣཱགཏོ ‘ཨིམསྨཱ དྷམྨཝིནཡཱ པཔཏིཏོ’ཏི ཝུཙྩཏི།
2. ‘‘Catūhi, bhikkhave, dhammehi asamannāgato ‘imasmā dhammavinayā papatito’ti vuccati. Katamehi catūhi? Ariyena, bhikkhave, sīlena asamannāgato ‘imasmā dhammavinayā papatito’ti vuccati. Ariyena, bhikkhave, samādhinā asamannāgato ‘imasmā dhammavinayā papatito’ti vuccati. Ariyāya, bhikkhave, paññāya asamannāgato ‘imasmā dhammavinayā papatito’ti vuccati. Ariyāya, bhikkhave, vimuttiyā asamannāgato ‘imasmā dhammavinayā papatito’ti vuccati. Imehi kho, bhikkhave, catūhi dhammehi asamannāgato ‘imasmā dhammavinayā papatito’ti vuccati.
‘‘ཙཏཱུཧི , བྷིཀྑཝེ, དྷམྨེཧི སམནྣཱགཏོ ‘ཨིམསྨཱ དྷམྨཝིནཡཱ ཨཔཔཏིཏོ’ཏི 1 ཝུཙྩཏི། ཀཏམེཧི ཙཏཱུཧི? ཨརིཡེན, བྷིཀྑཝེ, སཱིལེན སམནྣཱགཏོ ‘ཨིམསྨཱ དྷམྨཝིནཡཱ ཨཔཔཏིཏོ’ཏི ཝུཙྩཏི། ཨརིཡེན, བྷིཀྑཝེ, སམཱདྷིནཱ སམནྣཱགཏོ ‘ཨིམསྨཱ དྷམྨཝིནཡཱ ཨཔཔཏིཏོ’ཏི ཝུཙྩཏི། ཨརིཡཱཡ, བྷིཀྑཝེ, པཉྙཱཡ སམནྣཱགཏོ ‘ཨིམསྨཱ དྷམྨཝིནཡཱ ཨཔཔཏིཏོ’ཏི ཝུཙྩཏི། ཨརིཡཱཡ, བྷིཀྑཝེ, ཝིམུཏྟིཡཱ སམནྣཱགཏོ ‘ཨིམསྨཱ དྷམྨཝིནཡཱ ཨཔཔཏིཏོ’ཏི ཝུཙྩཏི། ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ ‘ཨིམསྨཱ དྷམྨཝིནཡཱ ཨཔཔཏིཏོ’ཏི ཝུཙྩཏཱི’’ཏི།
‘‘Catūhi , bhikkhave, dhammehi samannāgato ‘imasmā dhammavinayā apapatito’ti 2 vuccati. Katamehi catūhi? Ariyena, bhikkhave, sīlena samannāgato ‘imasmā dhammavinayā apapatito’ti vuccati. Ariyena, bhikkhave, samādhinā samannāgato ‘imasmā dhammavinayā apapatito’ti vuccati. Ariyāya, bhikkhave, paññāya samannāgato ‘imasmā dhammavinayā apapatito’ti vuccati. Ariyāya, bhikkhave, vimuttiyā samannāgato ‘imasmā dhammavinayā apapatito’ti vuccati. Imehi kho, bhikkhave, catūhi dhammehi samannāgato ‘imasmā dhammavinayā apapatito’ti vuccatī’’ti.
‘‘ཙུཏཱ པཏནྟི པཏིཏཱ, གིདྡྷཱ ཙ པུནརཱགཏཱ།
‘‘Cutā patanti patitā, giddhā ca punarāgatā;
ཀཏཾ ཀིཙྩཾ རཏཾ རམྨཾ, སུཁེནཱནྭཱགཏཾ སུཁ’’ནྟྣྟྟི༎ དུཏིཡཾ།
Kataṃ kiccaṃ rataṃ rammaṃ, sukhenānvāgataṃ sukha’’ntntti. dutiyaṃ;
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. པཔཏིཏསུཏྟཝཎྞནཱ • 2. Papatitasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༢. ཨནུབུདྡྷསུཏྟཱདིཝཎྞནཱ • 1-2. Anubuddhasuttādivaṇṇanā
