| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൨. പപതിതസുത്തം
2. Papatitasuttaṃ
൨. ‘‘ചതൂഹി, ഭിക്ഖവേ, ധമ്മേഹി അസമന്നാഗതോ ‘ഇമസ്മാ ധമ്മവിനയാ പപതിതോ’തി വുച്ചതി. കതമേഹി ചതൂഹി? അരിയേന, ഭിക്ഖവേ, സീലേന അസമന്നാഗതോ ‘ഇമസ്മാ ധമ്മവിനയാ പപതിതോ’തി വുച്ചതി. അരിയേന, ഭിക്ഖവേ, സമാധിനാ അസമന്നാഗതോ ‘ഇമസ്മാ ധമ്മവിനയാ പപതിതോ’തി വുച്ചതി. അരിയായ, ഭിക്ഖവേ, പഞ്ഞായ അസമന്നാഗതോ ‘ഇമസ്മാ ധമ്മവിനയാ പപതിതോ’തി വുച്ചതി. അരിയായ, ഭിക്ഖവേ, വിമുത്തിയാ അസമന്നാഗതോ ‘ഇമസ്മാ ധമ്മവിനയാ പപതിതോ’തി വുച്ചതി. ഇമേഹി ഖോ, ഭിക്ഖവേ, ചതൂഹി ധമ്മേഹി അസമന്നാഗതോ ‘ഇമസ്മാ ധമ്മവിനയാ പപതിതോ’തി വുച്ചതി.
2. ‘‘Catūhi, bhikkhave, dhammehi asamannāgato ‘imasmā dhammavinayā papatito’ti vuccati. Katamehi catūhi? Ariyena, bhikkhave, sīlena asamannāgato ‘imasmā dhammavinayā papatito’ti vuccati. Ariyena, bhikkhave, samādhinā asamannāgato ‘imasmā dhammavinayā papatito’ti vuccati. Ariyāya, bhikkhave, paññāya asamannāgato ‘imasmā dhammavinayā papatito’ti vuccati. Ariyāya, bhikkhave, vimuttiyā asamannāgato ‘imasmā dhammavinayā papatito’ti vuccati. Imehi kho, bhikkhave, catūhi dhammehi asamannāgato ‘imasmā dhammavinayā papatito’ti vuccati.
‘‘ചതൂഹി , ഭിക്ഖവേ, ധമ്മേഹി സമന്നാഗതോ ‘ഇമസ്മാ ധമ്മവിനയാ അപപതിതോ’തി 1 വുച്ചതി. കതമേഹി ചതൂഹി? അരിയേന, ഭിക്ഖവേ, സീലേന സമന്നാഗതോ ‘ഇമസ്മാ ധമ്മവിനയാ അപപതിതോ’തി വുച്ചതി. അരിയേന, ഭിക്ഖവേ, സമാധിനാ സമന്നാഗതോ ‘ഇമസ്മാ ധമ്മവിനയാ അപപതിതോ’തി വുച്ചതി. അരിയായ, ഭിക്ഖവേ, പഞ്ഞായ സമന്നാഗതോ ‘ഇമസ്മാ ധമ്മവിനയാ അപപതിതോ’തി വുച്ചതി. അരിയായ, ഭിക്ഖവേ, വിമുത്തിയാ സമന്നാഗതോ ‘ഇമസ്മാ ധമ്മവിനയാ അപപതിതോ’തി വുച്ചതി. ഇമേഹി ഖോ, ഭിക്ഖവേ, ചതൂഹി ധമ്മേഹി സമന്നാഗതോ ‘ഇമസ്മാ ധമ്മവിനയാ അപപതിതോ’തി വുച്ചതീ’’തി.
‘‘Catūhi , bhikkhave, dhammehi samannāgato ‘imasmā dhammavinayā apapatito’ti 2 vuccati. Katamehi catūhi? Ariyena, bhikkhave, sīlena samannāgato ‘imasmā dhammavinayā apapatito’ti vuccati. Ariyena, bhikkhave, samādhinā samannāgato ‘imasmā dhammavinayā apapatito’ti vuccati. Ariyāya, bhikkhave, paññāya samannāgato ‘imasmā dhammavinayā apapatito’ti vuccati. Ariyāya, bhikkhave, vimuttiyā samannāgato ‘imasmā dhammavinayā apapatito’ti vuccati. Imehi kho, bhikkhave, catūhi dhammehi samannāgato ‘imasmā dhammavinayā apapatito’ti vuccatī’’ti.
‘‘ചുതാ പതന്തി പതിതാ, ഗിദ്ധാ ച പുനരാഗതാ;
‘‘Cutā patanti patitā, giddhā ca punarāgatā;
കതം കിച്ചം രതം രമ്മം, സുഖേനാന്വാഗതം സുഖ’’ന്ത്ന്ത്തി. ദുതിയം;
Kataṃ kiccaṃ rataṃ rammaṃ, sukhenānvāgataṃ sukha’’ntntti. dutiyaṃ;
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൨. പപതിതസുത്തവണ്ണനാ • 2. Papatitasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൨. അനുബുദ്ധസുത്താദിവണ്ണനാ • 1-2. Anubuddhasuttādivaṇṇanā
